@#/ /stobs bzhi'i bshags bsdams bya tshul bzhugs//

@001a @##/ /na mo gu ru manydzu g+ho ShA ya/ sdig pa bshags par
'dod pas/ sdig ltung gi gnyen po zla med pa/ stobs bzhi'i snying
po nyams su len tshul ni/ gnas byi dor

byas te/ sku gsung thugs kyi rten bkram/ mchod pa rgyas par
bshams/ rang nyid stan bde ba la 'dug ste/ skyabs 'gro sems
skyed kha tsam tshig tsam ma yin pa/ rgyud dang 'dres nges

ci mang byas la/ phyogs dus kun khyab skyabs gsum bka' sdod
bcas/ zhes sogs kyis spyan drangs/ bla ma dkon mchog gsum mdun
gyi nam mkha' gang bar bzhugs par

bsams pa la/ ji snyed su dag phyogs bcu'i 'jig rten na/ zhes pa
nas/ thams cad rdzogs pa'i byang chub phyir bsngo'o/ zhes bdun
rnam dag dmigs pa dang bcas pas phul/ de

@002a @#/ /nas nyes can kha drag po la rten 'cha' ba ltar/ rang
gzhan sems can thams cad kyis/ thog med nas bsags pa'i sdig
ltung dang/ de dag gi 'bras bu ngan song gsum dang/

'khor ba'i 'jigs pas nyen nas/ skyabs bslu ba med pa/ mdun gyi
nam mkha'i bla ma dkon mchog gsum la glo snying brang gsum gtad
nas/ gtso bo rgyal ba 'gro ba'i mgon/ zhes sogs

lan gsum brjod pa ni/ sgrub pa pos bsam shes na/ stobs gzhan
rnams kyang tshang zhing/ khyad par 'di yan/ rten gyi stobs gtso
che ba yin no/ /'dren pa mnyam med shAkya'i rgyal po dang/ /rdo
rje

snying pos rab tu 'joms pa sogs/ /sangs rgyas so lnga bde gshegs
dpa' bo bdun/ /snyigs ma'i mgon po de bzhin gshegs pa brgyad/
/bskal bzang 'dren pa thub pa'i nyi ma stong/ /mar me

mdzad dang thub dbang byams mgon sogs/ /dus gsum rgyal ba sras
bcas thams cad la/ /phyag 'tshal mchod cing snying nas skyabs su
mchi/ /bdag cag ngan song srid pa'i 'jigs las skyobs//

@002b zhes de ltar bsam pa thag pa nas brjod pa ni/ gnyen po kun
tu spyod pa'i stobs so/ /phyogs dus kun tu bzhugs pa'i rgyal
rnams dang/ /thugs rje che ldan rgyal sras dpa' bo rnams/ /brtse
ba'i thugs kyis bdag

la dgongs su gsol/ /bdag gis thog med dus nas da lta'i bar/ /dug
gsum dbang gis mtshams med nye pa lnga/ /mi dge bcu dang mchog
gsum dkor phrogs sogs/ /'jigs rung ngan song gsum dang mi

khom pa'i/ /gnas su skye 'gyur mi dge sdig pa'i las/ /bcas dang
rang bzhin kha na ma tho ba/ /bgyis dang bgyid stsal rjes su yi
rang ba/ /gnong zhing 'gyod pas 'chab cing mi snyed par/ /'jigs
shing skrag pas mgon po rnams

kyi drung/ /sgo gsum gus pas thal mo sbyar byas te/ /bsam pa
thag pas yang dang yang du bshags/ /brtse ba'i thugs kyis nongs
par gzung du gsol/ zhes brjod cing sems pa ni/ rnam par sun
'byin pa'i stobs

so; ;phongs pa'i gnyen mchog bslu med skyabs kyi phul/ /dus gsum
bde gshegs sras dang bcas rnams la/ /mchog tu gus pas thal sbyar
gsol ba ni/ /ngan song ngan 'gro mi khom brgyad rnams su/ /mi
'dod

sdug bsngal sna tshogs 'byung ba'i sgo/ /lus ngag yid kyi sdig
ltung mi dge'i las/ /deng nas phyin chad shin tu phra ba yang/
/mi bgyid srog dang bsdos te yang dag sdom/ zhes brjod cing don
sems pa ni/ nyes pa

@003a @#/ /las slar ldog pa'i stobs bsgrub pa'i nyams len no/
/mjug tu bsngo ba smon lam gyis rgyas gang ba/ /bzod par gsol
te/ rten yod tshe brtan bzhugs dang/ med na gshegs su

gsol/ gzhan yang/ rdo rje sems dpa'i bsgom bzlas dang/ sangs
rgyas so lnga la brten pa'i ltung bshags gnyis ka la yang stobs
bzhi tshang bas/ sdig bshags phul du byung ba yin pas nyams len

'tshal/ phan bde'i 'od stong sgrib byed cing/ /mi bzad sdug
bsngal gnam lcags kyi/ /mda' char stong 'bebs sdig ltung gi
/sprin stug nag po dkrigs pa yang/ /stobs bzhi'i bshags bsdams
man ngag

gi ;'thor byed drag pos cig car 'joms/ /de'i phyir mngon mtho
legs bris mi'i/ /baiDUrya yi them skas la/ /'dzegs te skye rga
na 'chi sogs/ /gdung ba'i ming yang mi 'byung zhing/ /'gro la
yid bzhin nor bu

ltar; ;mchog stsol thams cad mkhyen grong du/ /bgrod par 'dod
rnams 'di long zhig /ces pa 'di yang/ ri khrod dga' ldan mkhan
chen pas/ stobs bzhi'i bshags bsdams byed tshul mdor bsdus rgyun
du kha

ton byas chog pa zhig cis kyang dgos zhes nan gyis bskul ba la
brten nas/ rgyal khams kyi btsun pa blo bzang chos kyi rgyal
mtshan gyis/ bkra shis lhun po'i gzims khang gi yang thog nyi 'od
'khyil bar

@003b 'phral du bris pa'o// oM ye d+ha rmA he tu pra b+ha wA he
tu nte ShAnta thA ga to hya ba da ta/ te ShAnytsa yo ni rod+ha
e waM bA dI mahA shra ma NaH swA hA// bkra shis// // ! oM
swa sti/ phan bde'i 'byung gnas rgyal bstan

yongs 'du'i ljon/ /rab rgyas 'gro kun thar mchog 'bras bzang la/
/spyod phyir bkra shis lhun grub chos grwa cher/ /chos sbyin
'dzad med dal 'gro'i rgyun 'di spel/ /sarba dza ga taM// //