@#/ /sgra pa shes rab rin chen pa'i rtsod lan lung rigs seng ge'i
nga ro zhes bya ba bzhugs/ /

@001a @##/ /na mo gu ru manydzu g+ho ShA ya/ ci yang 'char ba'i
rten cing 'brel 'byung dang/ /ji snyed spros kun nye bar zhi
ba'i dbyings/ /dbyer med seng ge'i sgra yis legs 'doms

pa/ /zla med ston pa de la bdag cag dang/ /klu sgrub smra ba'i
nyi ma 'phags pa lha/ /dpa' bo sangs rgyas bskyangs dang zla
ba'i zhabs/ /mar me mdzad dpal rgyal ba tsong kha pa/ /sras dang

bcas pa'i zhabs la snying nas 'dud/ /sangs rgyas kun gyi ye shes
gcig bsdus nas/ /bdag blo rmongs pa'i mun pa sel mdzad pa/
/'gran bral dge ba'i bshes gnyen las lhag

bcu'i/ /zhabs pad spyi bo'i rgyan du gus bsten nas/ /lung rigs
rdo rje'i me char 'bum phrag gis/ /ma rtogs log rtog mi gtsang
ljan ljin las/ /byung ba thar pa'i srog 'phrog dug tsher

@002a @#/ /gyis/ /dkrigs pa'i nags tshal mtha' dag gzhom par bya/
/de yang/ chos rje sgra pa shes rab rin chen pas/ sku tshe'i mjug
tu ni/ rje btsun tsong kha pa chen po la mi phyed

pa'i dad pa thob 'dug kyang/ bar skabs su/ 'jig rten mthun 'jug
gya gyu'i sbyor ba dang/ ma rtogs log rtog gis kun nas bslangs
te/ rje bla ma la 'gal ba'i khur chen bco brgyad ces

rtsod yig bris 'dug pa rnams/ rigs pa'i dbang phyug gis/ ltar
snang bcas sogs bkod pa dang/ /lan ni 'brel med bzhad gad de/
zhes gsungs pa bzhin du gnas pas/ rje thams

cad mkhyen pa'i rjes 'jug lung rigs smra ba khri phrag rnams
kyis/ brnyas thabs kyis lan ma mdzad pa ltar/ lan bya bar 'os
pa'i dka' gnas su mi 'dug kyang/ 'gal ba'i khur yod

ces pa'i tshig bskam la brten nas/ rmongs pa'i skye bo mang po
log rtog dang don ma yin pa'i the tshom gyi zhags pas ngan song
gi g.yang du 'dren pa rnams la brtse ba dang/ rje thams cad

@002b mkhyen pa'i ring lugs las gzhan du gyur pa'i rgol ba rnams
kyis kyang/ 'di'i brjod don la snying por bzung ba'i cal sgrog
'ba' zhig byed par 'dug pas/ sangs rgyas gnyis pa klu sgrub yab
sras

kyi lung rigs dri ma med pa dpang du bzhag ste/ lan cung zad
gdab pa la zhugs so/ /de yang/ rtsod yig las/ gang dag dpal ldan
zla ba'i rjes 'brangs nas/ /ma dag 'khrul pa'i snang ba tshad
grub tu/ /

rigs pa du mas dpyad nas khas len pa/ /'di la 'gal ba'i khur
chen 'di ltar yod/ ces pa dang/ de'i 'grel par yang/ gzhan yang
dpal ldan zla ba'i lugs su byas nas/ kun rdzob bden

pa dpyod byed kyi tshad ma sangs rgyas kyi ji snyed pa mkhyen
pa'i ye shes la byed pa 'di/ 'gal 'du kun gyi rtsa ba yin te/
zhes 'gal ba bco brgyad tsam yod pa'i rtsa ba 'di yin zer ba
dang/ rgol ba

gzhan 'ga' zhig gis sun 'byin ltar snang smra ba'i gzhi yang/
rje thams cad mkhyen pas/ gzugs nas rnam mkhyen gyi bar ram/
bden pa gnyis kyi rnam gzhag tshad mas grub par zhal

gyis bzhes pa'i seng ge'i nga ro ma bzod pa'i ltag chod du 'dug
pas/ thog mar 'di'i lan snying por dril nas brjod par bya bas/
rigs pa smra ba gzu bor gnas pa rnams dpang du bzhugs

@003a @#/ /shig /'phags mchog klu sgrub zla ba'i rjes 'brangs
nas/ /bzhi yi bden gnyis lam mchog thabs shes zung/ /'bras bu'i
sku gnyis med ces khas len pa/ /'di la 'gal ba'i khur chen

brgya phrag 'bab/ /tshul ji lta bu zhe na/ rtsa ba shes rab las/
sangs rgyas rnams kyis chos bstan pa/ /bden pa gnyis la yang dag
brten/ /'jig rten kun rdzob bden pa dang/ /dam pa'i don gyi bden

pa'o/ /zhes sangs rgyas rnams kyis/ bden pa gnyis las brtsams
te/ gdul bya la chos bstan par gsungs pa mi 'thad par thal/ gzhi
bden pa gnyis po tshad mas ma grub pa'i phyir/ rtags

der thal/ kun rdzob bden pa tshad mas ma grub pa'i phyir/ 'khor
gsum/ gzhan yang/ rtsa she las/ gang dag bden pa de gnyis kyi/
/rnam dbye rnam par mi shes pa/ /de dag sangs rgyas bstan pa

ni/ /zab mo'i de nyid rnam mi shes/ ces bden pa gnyis kyi rnam
par shes pa de dag gis/ sangs rgyas kyi bstan pa'i snying po zab
mo'i de kho na nyid mi shes par gsungs pa de mi 'thad par thal/
bden

pa gnyis kyi rnam par dbye ba shes par byar med pa'i phyir te/
kun rdzob bden pa shes par byar med pa'i phyir te/ kun rdzob
bden pa gzhi ma grub pa'i phyir/ 'khor gsum/ gzhan yang/ de nyid
las/ tha snyad la ni

@003b ma brten par/ /dam pa'i don ni bstan mi nus/ /dam pa'i don
ni ma rtogs par/ /mya ngan 'das pa 'thob mi 'gyur/ zhes tha
snyad bden pa la ma brten par/ dam pa de kho na nyid kyi don
bstan mi nus/ dam pa'i don ma rtogs par

myang 'das 'thob mi nus pa gsungs pa mi 'thad par thal/ tha
snyad bden pa tshad mas ma grub pa'i phyir/ 'khor gsum/ mdor na
rje thams cad mkhyen pas/ tha snyad tshad grub zhal gyis bzhes
nas/ 'khor 'das kyi chos rnams

tha snyad du yod/ tha snyad du yod pas yod go chod/ don dam par
rdul tsam yang med cing/ don dam par med pas med go mi chod ces
bka' stsal pa la/ khyed cag de las log ste smra bar byed pa 'di
ni/ mgon po klu sgrub zla

ba'i zhabs dang bcas pa snying nas sun 'byin pa yin te/ mgon po
klu sgrub zhabs kyis/ 'khor 'das kyi chos thams cad yod cing/
don dam par rdul tsam yang mi dmigs pa'i sgra dbyangs bsgrags pa
la/ dngos smra ba

rnams kyis/ gal te 'di dag kun stong na/ /'byung ba med cing
'jig pa med/ /'phags pa'i bden pa bzhi po rnams/ /khyod la med
par thal bar 'gyur/ /'phags pa'i bden pa bzhi med pas/ /yongs su
shes dang

spong ba dang/ /bsgom dang mngon du bya ba dag /'thad par 'gyur
ba ma yin no/ /de dag yod pa ma yin pas/ /'bras bu bzhi yang yod
ma yin/ /'bras bu med na 'bras gnas med/ /zhugs pa dag kyang yod
ma yin/ /

@004a @#/ /gal te skyes bu gang zag brgyad/ /de dag med na dge
'dun med/ /'phags pa'i bden rnams med pa'i phyir/ /dam pa'i chos
kyang yod ma yin/ /chos dang dge 'dun yod min na/ /sangs rgyas
ji ltar

yod par 'gyur/ /de skad stong pa nyid smra na/ /dkon mchog gsum
la gnod pa ni/ /byed cing 'bras bu yod pa dang/ /chos ma yin
dang chos nyid dang/ /'jig rten pa yi tha snyad ni/ /kun la'ang
gnod pa byed pa yin/ zhes

chos thams cad la rang bzhin med na/ 'byung 'jig dang/ bden pa
bzhi dang/ chos dang chos ma yin pa sogs 'khor 'das kyi chos
thams cad med par thal/ de rnams rang bzhin gyis med pa'i phyir/
zhes thal ba 'phangs

pa la/ khyed ltar na/ mgon po klu sgrub kyis 'dod lan 'debs rigs
pa la/ 'dod lan ma btab par/ gal te 'di kun mi stong na/ /'byung
ba med cing 'jig pa med/ /'phags pa'i bden pa bzhi po rnams/
/khyod la

med par thal bar 'gyur/ zhes chos thams cad rang bzhin gyis yod
na/ 'byung 'jig dang/ bden pa bzhi dang/ chos dang chos ma yin
pa sogs 'khor 'das kyi chos thams cad med par thal ba 'phangs pa
sogs mi

'thad par thal/ yod na bden par yod dgos pas/ de rnams yod pa ma
yin pa'i phyir te/ kun rdzob bden pa yod pa ma yin pa'i phyir/
'khor gsum/ gzhan yang/ khyed cag mang po zhig /dbu ma thal
'gyur ba'i

@004b lugs la/ 'khor 'das kyi chos thams cad tshad mas ma grub
pa'i phyir/ chos rnams kyi gnas lugs gtan la 'bebs pa'i tshe/
dgag bya 'gog pa dang/ dgag bya la don dam par zhes pa lta bu'i
khyad par sbyor mi rigs

te/ dgag bya ci yang med pas na/ /nga ni ci yang mi 'gog go
/zhes dang/ gal te ngas dam bcas 'ga' yod/ /des na nga la skyon
de yod/ /nga la dam bca' med pas na/ /nga ni skyon med kho na
yin/ zhes dang/ rtsod med che

ba'i bdag nyid can/ /de dag la ni phyogs med do/ /gang rnams la
ni phyogs med pa/ /de la gzhan phyogs ga la yod/ /ces gsungs
pa'i phyir/ des na/ dgag bya la khyad par sbyor ba ni/ rang
rgyud pa'i lugs so zhes zer

ro/ /'di ni shin tu mi rigs te/ 'jug 'grel du rgyal ba'i yum
drangs pa las/ tshe dang ldan pa rab 'byor/ yang ci/ thob pa med
cing mngon par rtogs pa med dam/ rab 'byor gyis smras pa/ tshe
dang ldan pa shA ri'i bu/

thob pa yang yod/ mngon par rtogs pa yang yod mod kyi/ gnyis kyi
tshul gyis ni ma yin no/ /zhes gsungs pa 'di yang thal 'gyur bas
khas mi len par rang rgyud pa'i lugs yin par thal/ mdo 'dir dgag

bya'i khyad par gsal bar sbyor ba'i phyir/ gzhan yang/ shes rab
snying por/ phung po lnga po de dag kyang rang bzhin gyis stongs
par yang dag par rjes su blta'o/ /zhes dang/ stong nyid bdun cu
pa las kyang/ gnas

@005a @#/ /pa'am skye 'jig yod med dam/ /dman pa'am mnyam pa'am
khyad par can/ /sangs rgyas 'jig rten snyed dbang gis/ /gsungs
kyi yang dag dbang gis min/ zhes pa rnams kyang rang rgyud pa'i

lugs yin par thal lo/ /'di ltar 'dod pa ni/ dbu ma thal 'gyur
ba'i lugs la gnod pa chen po byed pa'i gtam yin pas/ mkhas pa
rnams kyis rna ba dgab par 'os pa yin no/ /yang khyed cag /chos
gang

dang gang yod pa ma yin na/ med dgos pa sogs/ dgag pa gnyis kyis
rnal ma go ba/ grub mtha' 'og ma'i lugs yin gyi/ dbu ma chen
po'i skabs su/ chos thams cad yod med gang du yang khas mi len
pas/

dbu ma pa la dam bca' dang khas len ci yang med de/ de ltar dam
bcas shing khas blangs na rtag chad du 'gyur ba'i phyir te/ yod
min med min gnyis ka min/ /gnyis ka'i bdag nyid min pa min/ zhes
sogs dang/

rtsa she las kyang/ yod ces bya ba rtag par 'dzin/ /med ces bya
ba chad par lta/ /de'i phyir yod dang med pa la/ /mkhas pas gnas
par mi bya'o/ /zhes dang/ rigs pa drug cu pa las kyang/ yod pas
rnam par

mi grol te/ /med pas srid pa 'di las min/ /dngos dang dngos med
yongs shes pas/ /bdag nyid chen po rnam par grol/ zhes gsungs
pa'i phyir/ zhes mgrin gcig tu smra ba ni/ bstod tshogs rigs
tshogs

@005b gzhan rnams lta ci smos/ rtsod bzlog gi dpe tsam yang ma
bklags pa'i skyon te/ de nyid las/ rang bzhin med pa nyid log
na/ /rang bzhin nyid du rab grub 'gyur/ zhes gsungs pa'i phyir/
des na kun rdzob bden pa tshad mas

ma grub par dam 'cha' ba'i dam bca' dang/ chos thams cad yod pa
yang ma yin/ med pa yang ma yin par dam 'cha' ba'i dam bca'
gnyis re re nas chos can/ khyod dbu ma thal 'gyur bas khas len
mi rigs par thal/

khyod dam bca' yin pa'i phyir/ 'khor gsum/ smras pa/ dbu ma chen
po'i skabs su rang gzhan gyi/ /phyogs dang dam bca' khas len mi
'dod cing/ /de dag med pa thal 'gyur lugs zer ba/ /rang la co
'dri mngon sum

bsnyon pa'i gtam/ zhes bya'o// gzhan yang/ 'phags pa klu sgrub
zhabs kyi lam nas ni/ /phyi rol gyur la zhi ba'i thabs med do/
/de dag kun rdzob de nyid bden las nyams/ /de las nyams pas thar
pa

'grub yod min/ zhes mgon po klu sgrub bzhed pa'i bden gnyis kyi
rnam par bzhag pa ji bzhin du ma nges na/ thar pa thob pa'i
thabs med par gsungs pa de mi 'thad par thal/ kun rdzob bden
pa'i rnam gzhag ji bzhin du

shes pa med pa'i phyir te/ kun rdzob bden pa gzhi ma grub pa'i
phyir/ 'khor gsum/ gzhan yang/ tha snyad bden pa thabs su gyur
pa dang/ /don dam bden pa thabs byung gyur pa ste/ zhes tha
snyad bden pa tshad mas rtogs

@006a @#/ /pa thabs dang/ don dam bden pa tshad mas rtogs pa thabs
de las byung bar bshad pa mi 'thad par thal/ tha snyad bden pa
tshad mas ma rtogs pa'i phyir/ 'khor gsum/ mdor na/ grub mtha'
smra ba

bzhi gas bden gnyis zhal gyis bzhes shing/ de yang kun rdzob
bden pa/ tha snyad bden pa/ 'jig rten kun rdzob bden pa rnams
don gcig tu 'dod pa la/ tha snyad bden pa tshad grub min pa zla
ba'i dgongs par smra ba

'di ni/ 'jug pa'i mchod brjod nas bzung/ 'bras bu'i bar log par
'chad pa 'ba' zhig yin te/ 'jug pa las/ gang phyir brtse nyid
rgyal ba'i lo tog phun tshogs 'di'i/ /sa bon dang ni spel la chu
'dra yun ring

du; ;longs spyod gnas la smin pa lta bur 'dod gyur pa/ /de'i
phyir bdag gis thog mar snying rje bstod par bgyi/ zhes snying
rje chen po sangs rgyas kyi yon tan phun sum tshogs pa bskyed pa
la/ thog mtha' bar

gsum du gal che ba dang/ khyad par 'bras bu'i skabs su sangs
rgyas kyis/ brtse ba snying rje chen po la brten nas/ gdul bya
rnams la chos ston par bshad la/ khyed ltar na/ de rnams mi
'thad pa'i phyir te/

sangs 'phags kyi thugs rgyud la brtse ba snying rje chen po med
pa'i phyir te/ de'i thugs rgyud la sems can thams cad sdug
bsngal dang bral 'dod kyi blo med pa'i phyir te/ de'i thugs
rgyud la sems can

@006b yul du byed pa'i blo med pa'i phyir/ ma grub na song/ der
thal/ de'i thugs rgyud la kun rdzob yul du byed pa'i blo med
pa'i phyir/ 'khor gsum/ gzhan yang/ sangs rgyas kyi thugs rgyud
la/ gnas dang gnas ma

yin pa mkhyen pa'i stobs dang/ las kyi rnam par smin pa mkhyen
pa'i stobs dang/ dbang po mchog dman mkhyen pa'i stobs la sogs
pa med par thal/ sangs 'phags kyi thugs rgyud la kun rdzob bden
pa mkhyen pa'i

blo med pa'i phyir/ 'khor gsum/ gzhan yang/ sangs 'phags kyi
thugs rgyud la rnam pa thams cad mkhyen pa'i ye shes med par
thal/ sangs 'phags kyi thugs rgyud la shes bya ji snyed pa
mkhyen pa'i rnam

mkhyen med pa'i phyir te/ shes bya ji snyed pa med pa'i phyir
te/ kun rdzob bden pa med pa'i phyir/ 'khor gsum/ gzhan yang/
rkyen nyid 'di pa tsam gyis kun rdzob khas len rigs par thal/ de
ltar dpal ldan zla

bas zhal gyis bzhes pa'i phyir te/ tshig gsal las/ rkyen nyid 'di
pa tsam gyis kun rdzob grub par khas len gyi/ phyogs bzhi khas
blangs pa'i sgo nas ni ma yin te/ dngos po rang bzhin dang bcas
par smra bar thal

bar 'gyur ba'i phyir dang/ zhes gsungs pa'i phyir/ 'dod na/
rkyen nyid 'di pa tsam gyis kun rdzob yod par thal lo/ /'dod na/
kun rdzob yod par thal lo/ /'dod mi nus te/ kun rdzob bden pa
gzhi ma grub pa'i

@007a @#/ /phyir; 'khor gsum/ gzhan yang/ sangs rgyas 'phags pa'i
thugs rgyud la rjes thob ye shes med par thal/ de'i thugs rgyud
la rjes thob mkhyen pa'i blo med pa'i phyir/ 'dod na/ rgyud bla
ma

las; byang chub sems dpa'i tshul 'di ni/ /rjes thob de bzhin
gshegs rnams dang/ /sems can yang dag sgrol ba la/ /'jig rten na
ni mnyam pa nyid/ ces dang/ yang/ shes rab ye shes rnam grol
rnams/ /

gsal dang 'phro dang dag phyir dang/ /tha dad med phyir 'od dang
zer/ /nyi ma'i dkyil 'khor rnams dang mtshungs/ ces pa'i 'grel pa
'phags pa thogs med kyis mdzad pa las/ de'i rjes la thob pa'i
shes bya thams

cad kyi ye shes ni/ shes bya'i dngos po ma lus pa rnam pa thams
cad la 'jug pas na/ 'od zer gyi dra ba 'phro ba dang chos
mtshungs so/ /zhes gsungs pa mi 'thad par thal lo/ /gzhan yang/
sangs rgyas kyi

sar mnyam gzhag las ma g.yos par rjes thob kyi bya ba mdzad pa
med par thal/ sangs 'phags kyi thugs rgyud la rjes thob ye shes
med pa'i phyir te/ de'i thugs rgyud la shes bya ji snyed pa
mkhyen pa'i ye shes

med pa'i phyir te/ shes bya ji snyed pa tshad mas ma grub pa'i
phyir/ ma grub na/ shes bya ji snyed pa chos can/ bden par grub
par thal/ tshad grub yin pa'i phyir/ 'khor gsum/ gzhan yang/ kun
rdzob bden pa yod par

@007b thal; de spang du mi rung ba'i phyir te/ de spangs na/
de'i rang bzhin stong pa nyid kyang spangs par 'gyur la/ de
spangs na rang bzhin de mngon sum du rtogs pa las byung ba'i
thar pa yang mi rung ba'i phyir te/ rje btsun chen po red

mda' bas/ ston pa'i springs yig las/ kun rdzob bden pa spangs pa
yis/ /stong pa 'gyur med 'grub bo zhes/ /thub chod can gyi skye
bo smra/ /de la thub pa ji ltar dgongs/ ces gsungs pa'i phyir/
khyed rje btsun red mda'

ba chen po la tshad mar byed pa'i lugs su ni snang na/ da ci zer/
yang khong na re/ 'di na ji ltar sad bzhin ji srid du/ /ma sad
de srid de la gsum po yod/ /sad par gyur na gsum char yod min
ltar/ /gti mug gnyid

sad las de de bzhin no/ /zhes gsungs pa mi 'thad par thal/ sangs
rgyas kyi ye shes la yul dbang rnam shes gsum snang ba'i phyir/
zer na ma khyab ste/ ji lta ba rtogs pa'i rnam mkhyen gyis ji
lta ba gzigs pa'i gzigs

ngor de gsum mi snang ba lung de'i don yin pa'i phyir/ yang
khyed kyis/ bzhi brgya pa'i 'grel par/ gang yang 'dis/ dbang
po'i rnam par shes pa 'di mngon sum nyid du sgro btags nas/
gzhan tshad ma nyid du rtogs

par byed pa de yang ches shin tu ma 'brel ba zhig go /mi bslu
ba'i shes pa ni 'jig rten na tshad ma nyid du mthong na/ rnam par
shes pa yang bcom ldan 'das kyis/ 'dus byas yin pa'i phyir/
brdzun pa bslu ba'i chos

@008a @#/ /can dang/ sgyu ma lta bur gsungs so/ /gang zhig brdzun
pa bslu ba'i chos can dang/ sgyu ma lta bu yin pa de ni mi bslu
ba ma yin te/ rnam pa gzhan du gnas pa'i dngos po la rnam pa
gzhan du sang

ba'i phyir ro/ /de ltar gyur pa ni tshad ma nyid du brtag par
rigs pa ma yin te/ rnam par shes pa thams cad kyang tshad ma nyid
du thal bar 'gyur ba'i phyir ro/ zhes las nyon gyis 'dus byas
shing/ bden 'dzin gyis

bslad pa'i blo tshad ma min pa dang/ kun rdzob 'jal ba'i tshad ma
mi srid par gsal por gsungs pa la/ skyogs bshad dgos pa byung
Dba'i tshe/ yul de la 'khrul na/ de la tshad ma ma yin pas khyab
pa ni/ dngos smra ba'i

lugs yin gyi /dbu ma pa ni/ mig shes gzugs la 'khrul yang/ de la
tshad ma ma yin pas khyab par mi 'dod de/ zhes dngos su bris so/
/'di ni zla ba grags pa la gnod pa chen po ste/ rnam par shes pa
thams

cad kyang tshad ma nyid du thal/ rnam pa gzhan du gnas pa'i dngos
po la rnam pa gzhan du snang ba de ltar gyur pa yang tshad ma
nyid du brtag rigs pa'i phyir/ zhes pa zla grags la 'khor gsum
dngos 'gal du song 'dug

pa'i phyir/ 'di lta bu'i 'gal 'du rags pa de ma thag pa yang mi
rig par/ rigs pa smra ba'i mchog tu rlom zhing grags pa ni/
bstan pa nyams pa'i skyon kho na'o/ zhes zer ba ni/ khyed rang
gis rje thams cad mkhyen

@008b pa'i dgongs pa ji ltar yin ma shes shing/ lung de'i phyogs
snga smra ba po dang lung de'i snga phyi sbrel nas lung don ji
bzhin ma nges par/ mkhas pa rnams khrel zhing bzhad gang du
'gyur ba'i sun 'byin ltar snang dang bcas

te; rje thams cad mkhyen pa la skur ba kham po che 'di ltar
'debs pa ni/ las ngan 'byung ba'i gdon gyis rang dbang phral
ba'i gtam mo/ /de yang khyed kyis/ tha snyad pa'i tshad ma shes
bya la mi srid pa'i shes byed du/ bzhi

brgya pa'i 'grel pa'i lung drangs pa'i mjug tu/ bden 'dzin gyis
bslad pa'i blo tshad ma min pa dang/ kun rdzob brdzun pa 'jal
ba'i tshad ma mi srid par gsal por gsungs pa la/ skyogs bshad
byas ces sogs skur

zhus chen po byas pa 'di ni/ grub mtha' ngan pa'i gdon gyis yid
bsgyur ba'i mi gtsang ba 'gyed par 'dod pa kho na yin te/ 'grel
pa 'di ni/ slob dpon legs ldan 'byed sogs rang gi mtshan nyid
'dod pa rnams kyis

dbang po'i shes pa lnga/ gzugs sgra sogs yul lnga'i rang gi
mtshan nyid la tshad mar song bar bzhed pa de gtso bor 'gog pa yin
pa de ma dgongs par/ de dag tshad ma yin pa bkag 'dug snyam du/
go ba phyin ci log

shar 'dug pa'i phyir te/ bzhi brgya pa'i 'grel pa las/ dbang
po'i rnam par shes pa lnga ni/ yul gyi rang gi mtshan nyid brjod
du med pa tsam zhig la 'jug pa'i phyir/ mngon sum gyi sgras
brjod par bya ste/ zhes gsungs

@009a @#/ /pa'i gzhung 'di bklags pa tsam yang ma byas 'dug pa'i
phyir/ smras pa/ nyi ma'i gnyen gyis mi dge'i lam bkag pas/ /dge
ba'i lam bcu spang byar gsungs snyam pa'i/ /skye bo 'di dag ya

so can gyi phyugs/ /de dag dang mtshungs mkhas rlom 'di ko mtshar/
zhes bya'o// //gzhan yang/ kun rdzob bden pa/ de 'jal ba'i tshad
ma dang bcas pa med par smra ba 'di ni/ zla ba'i zhabs dang
snying

nas zhe 'gras pa'i gtam yin te/ tshig gsal las/ khyod ni don dam
pa dang kun rdzob kyi bden pa la mi mkhas pas/ la lar 'thad pa
bcug nas rigs pa ma yin pa las/ de rnam par 'jig par byed pa

yin no/ /kho bo cag ni/ kun rdzob kyi bden pa rnam par 'jog pa
la mkhas pa'i phyir/ 'jig rten pa'i phyogs nyid la gnas te/ kun
rdzob kyi phyogs gcig gsal ba'i phyir bkod pa'i 'thad pa gzhan
'thad pa gzhan gyis

bzlog par byed cing/ 'jig rten pa'i rgan rabs ltar 'jig rten
pa'i chos lugs las nyams pa khyod kho na zlog par byed pa yin
gyi/ kun rdzob ni ma yin no/ zhes kun rdzob las nyams pa ste/
kun rdzob khas mi len

pa'i grub mtha' smra ba kho na 'gog ces gsungs pa 'dis/ khyed
kyi 'dod pa de bkod 'dug gam mi 'dug /spyan phyis la gzigs shig
/gzhan yang/ skye gnas 'jig pa sogs med par thal/ de dag 'jal

@009b byed tshad ma dang bcas pa med pa'i phyir/ rtags khas/ 'dod
na/ de dag mo gsham gyi bu dang med mtshungs su thal/ 'dod pa
de'i phyir/ 'dod na/ 'di yang dpal ldan zla ba'i gsung dang
dngos su 'gal ba yin te/ bzhi brgya

pa'i 'grel pa las/ gal te rnam par dpyad pa 'dis/ skye ba rnam
pa thams cad du bkag pa las/ 'dus byas skye ba med par bstan par
'dod na ni/ de'i tshe de sgyu ma lta bu nyidd u mi 'gyur gyi/ mo
gsham gyi bu la

sogs pa dag gis nye bar gzhal bar 'gyur ba zhig na/ rten cing
'brel par 'gyur ba med phyir thal bar 'gyur ba'i 'jigs pas/ de
dag dang bstun par mi byed kyi/ de dang mi 'gal ba sgyu ma la
sogs pa dag

dang ni byed do/ zhes gsungs pa 'di la gsung rgyu ci 'dug /gzhan
yang/ mig sogs phung khams skye mched rnams kyang 'gog rigs par
thal/ de rnams gzhi ma grub pa'i phyir/ 'dod mi nus te/ de rnams
kyi

ngo bos grub pa'i rang bzhin 'gog gi /de dag 'gog mi rigs pa'i
phyir te/ bzhi brgya pa'i 'grel pa las/ kho bo cag gi rnam par
dpyod pa ni/ rang bzhin tshol ba lhur byed pa nyid kyi phyir ro/
/kho bo cag ni 'dir dngos

po rnams rang gi ngo bos grub pa 'gog gi /mig la sogs pa byas
shing rten cing 'brel par 'byung ba'i las kyi rnam par smin pa
nyid ni mi 'gog go /de'i phyir de yod pas/ gang zhig rnam par
smin pa nyid du bsnyad pa

@010a @#/ /mig la sogs pa yod pa nyid do/ zhes gsungs pa thams
cad bden med du btang nas/ zla ba'i rjes su 'jug ces zer ba ni/
'jig rten na pha bsad nas/ de'i phung po la mchod pa dang ci'i
phyir mi

mtshungs/ des na 'phags mchog klu sgrub yab sras kyi gzhung lugs
khyed kyi 'dod pa la dngos su gnod cing khyed kyi 'dod pa dang
'gal ba dpag tu med pa yod pa/ 'dir thams cad bkod pas ga la
lang/

'on kyang khyed kyi 'gal brjod thams cad/ 'phags pa yab sras kyi
dgongs pa las phyin ci log tu gyur pa/ gzhung 'chad tshul 'di
dang 'di 'dra ba dang/ phal cher 'di las kyang 'brel chung ba
sha stag go zhes/ mkhas

pa rnams cis nges par bya ba dang/ rje thams cad mkhyen pa'i
gsung bsregs bcad brdar ba'i gser ltar/ dpyad pa gsum gyis dag
pa la/ 'khrul med kyi rgyab rten 'di ltar yod do zhes kyang/
gzur gnas btang snyoms

su bzhugs pa'i shes ldan rnams kyis rig par bya ba'i phyir cung
zad bkod pa yin no/ /gzhan yang/ bden gnyis lag mthil gyi skyu
ru ra bzhin mngon sum du rtogs pa'i tshad ma med par thal/ tha
snyad brdzun

pa 'jal ba'i tshad ma med par lung des gsal bar bshad pa'i phyir/
rtags khas/ 'dod mi nus te/ chos thams cad lag mthil gyi skyu ru
ra ltar mngon sum du rtogs pa'i tshad ma yod pa'i phyir te/ de
'dra ba'i

@010b thams cad mkhyen pa'i ye shes yod pa'i phyir/ ma khyab na/
chos thams cad chos can/ bden par grub par thal/ tshad grub yin
pa'i phyir te/ thams cad mkhyen pa'i tshad mas grub pa'i phyir/
'khor gsum/ gong du

ma grub na/ der thal/ de 'dra'i ye shes rgyud ldan gyi gang zag
yod pa'i phyir te/ thams cad mkhyen pa yod pa'i phyir/ thams cad
mkhyen pa med rang ma gsung zhig /gzhan yang/ khyed kyi rtsod
yig 'di/ 'brel med cing ma 'dra drags pas/ thams

cad mkhyen pa med par thal/ thams cad mkhyen pa thams cad mkhyen
pa ma yin pa'i phyir te/ thams cad mkhyen pas shes bya thams cad
ma mkhyen pa'i phyir/ ma grub na shes bya thams ca chos can/
bden grub tu thal/

tshad grub yin pa'i phyir te/ thams cad mkhyen pa tshad mas grub
pa'i phyir/ 'khor gsum/ smras pa/ srid gsum 'dren pa'i rjes
'gror dam bcas nas/ /'bras bu'i mthar thug shes bya ma lus pa/
/ji bzhin

gzigs pa'i sgrib bral ye shes dang/ /thams cad mkhyen pa mi 'dod
e ma mtshar/ /bar skabs kyi tshigs su bcad pa'o// //yang kho na
re/ kun rdzob bden pa gzhi ma grub ste/ kun rdzob bden pa de
nyon

mongs pa can gyi ma rig pas bzhag pa'i phyir te/ rang 'grel las/
de lta na/ re zhig srid pa'i yan lag gis yongs su bsdus pa nyon
mongs can gyi ma rig pa'i dbang gis/ kun rdzob kyi bden pa rnam
par bzhag go /zhes

@011a @#/ /gsungs pa'i phyir/ des na/ yod na don dam bden pa yin
pas khyab kyang zer ro/ /'o na/ don dam bden pa chos can/ tshad
mas dmigs par thal/ yod pa'i phyir/ 'dod na/ de chos can/ khyod
dmigs

byed kyi tshad ma yod par thal/ 'dod pa'i phyir/ 'dod na/ de
dmigs byed kyi tshad ma chos can/ don dam bden pa yin par thal/
yod pa'i phyir/ khyab pa khas/ 'dod mi nus te/ kun rdzob bden pa
yin pa'i phyir/ 'khor

gsum/ khong na re/ chos nyid la rtse gcig tu mnyam par bzhag
pa'i mnyam gzhag ye shes de la/ kun rdzob kyi snang ba je gsal
je gsal du 'gro bar thal/ sangs rgyas kyi sa na kun rdzob kyi
snang ba yod pa'i phyir/

zhe na ma khyab/ 'dod mi nus te/ chos nyid la rtse gcig tu mnyam
par bzhag pa'i sa bcu'i mnyam gzhag ye shes la/ kun rdzob kyi
snang ba med pa'i phyir ro/ /'o na/ sa bcu'i rjes thob ye shes
la/ kun rdzob kyi snang

pa je chung je chung du 'gro bar thal/ sangs rgyas kyi sa na kun
rdzob kyi snang ba med pa'i phyir/ khyab pa bsgrig /'dod na/
rgyud bla ma las/ byang chub sems dpa'i tshul 'di ni/ /rjes thob
de bzhin gshegs rnams

dang/ /sems can yang dag sgrol ba la/ /'jig rten na ni mnyam pa
nyid/ ces gsungs pa la ci zer/ yang khong na re/ lam 'bras bu
dang bcas pa rjes su mthun pa ma yin par thal/ sngags phyogs su
dkyil 'khor

@011b re re bsgom pa'i sngon du shU n+ya tA'i sngags don bsams
nas/ kun rdzob kyi snang ba dgag dgos pa gang zhig /sangs rgyas
kyi sar kun rdzob mtha' dag snang ba'i phyir/ zer na/ spyir
rtags dang po ma grub cing/ khyed rang la/

lam 'bras bu dang bcas pa rjes su mthun pa ma yin par thal/ rim
pa dang po'i skabs/ dag pa'i rten dang brten pa gtso 'khor gyi
gsal snang dang nga rgyal bsgom dgos pa gang zhig /sangs rgyas
kyi sar kun rdzob kyi

snang ba gang yang med pa'i phyir/ 'khor gsum/ khong na re/
sangs rgyas kyi thugs rgyud la stobs sogs yon tan yod par bstan
na/ de'i thugs rgyud la stobs sogs yon tan yod dgos par thal/
de'i thugs rgyud la

stobs sogs yon tan yod pa'i phyir/ 'dod na/ de'i thugs rgyud la
ye shes yod par bstan na/ de'i thugs rgyud la ye shes yod dgos
par thal/ 'dod pa'i phyir/ 'dod na/ ston pa 'dod khams su gsar
du

sangs rgyas par thal/ ston pa 'dod khams su gsar du 'tshang rgya
tshul bstan pa'i phyir/ zer na/ ma khyab ste/ sangs rgyas kyi
thugs rgyud la stobs sogs yon tan dpag tu med pa yod par 'jug pa
rang 'grel

du 'phags pa gzungs kyi dbang phyug rgyal pos zhus pa'i mdo
drangs pa las gsal bar bshad pas/ mig phyis la de legs par ltos
shig /yang khong na re/ kun rdzob tu yod na yod dgos par thal/
kun rdzob bden

@012a @#/ /pa yod pa'i phyir/ 'dod na/ 'khrul ngor yod na yod
dgos par thal/ 'dod pa'i phyir na/ ma khyab/ gal te 'dod na/
sgyu ma'i sngags rdzas kyis bslad pa'i mig shes la snang ba ltar
gyi rta glang chos can/

der thal/ de'i phyir/ yang khong na re/ kun rdzob gzhi ma grub
ste/ gzhi grub na tshad mas grub dgos/ tshad grub kyi don bslu
med/ bslu med kyi don bden grub yin pa'i phyir/ zer na/ don dam
bden pa chos can/ bden

grub tu thal/ bslu med yin pa'i phyir/ 'khor gsum/ yang khong na
re/ ma dag pa'i 'jig rten 'khrul rgyu las nyon gyi dbang gis
snang ba ma yin par thal/ de sangs rgyas kyi ye shes la snang
ba'i phyir na/ ma khyab/ 'dod na/

ma dag pa'i 'jig rten 'khrul rgyu las nyon gyis bskyed pa ma yin
par thal/ 'dod pa'i phyir/ yang na 'dir ma khyab/ 'dod mi nus
te/ las las 'jig rten sna tshogs skyes/ ces gsungs pa'i phyir/
yang/ khyed kyis

rang rgyud pas/ rang bzhin nam/ ngo bo tsam yul gyi steng na/
tha snyad du grub pas/ bden pa'i rang bzhin med pa zhes sbyor
la/ 'dir de yang mi sbyor bar/ yul steng na rang bzhin nam ngo
bo gang yang med la/ mes bsreg pa'i

bya ba byed pa lta bu ni/ blos btags rkyang pa ma yin par/ yul
steng na tha snyad tsam du bslu med tshugs thub tu yod pas/ de
gnyis phan tshun nges pa 'dren pa dgos kyi/ bya byed 'khrul ngo
tsam du 'jog na/ yid brtan mi

@012b rung ngo/ /zhes lan cig ma yin par yang dang yang du bris
pa nyid 'gal 'du'i gtso bo yin te/ dbu ma chen po la/ yul rang
ngos nas tshugs thub tu bya ba byed pa las lhag pa'i rang bzhin
dgag rgyu cung zad kyang med pa'i phyir

ro/ /tshugs thub ma smras so/ /zhes na/ rang tshugs mi thub na
tshad mas grub pa 'gal te/ tshad grub kyi don ni bslu med/ bslu
med kyi don ni tshugs thub las ma 'das pa'i phyir ro/ zhes zer ba
ni/ rje thams cad mkhyen pa'i

gsung rab ma mthong ba'am/ mthong yang ma rig pas bsgribs pa'i
bab col te/ rje thams cad mkhyen pa'i gsung rab rnams su/ nye
bar 'khor gyis zhus pa las/ sna tshogs yid dga' me tog kha bye
zhing/ /gser gyi khang

mchog 'bar ba yid 'ong ba/ /'di na de la'ang byed po 'ga' med
de/ /de dag rtog pa'i dbang gis bzhag pa yin/ /rtog pa'i dbang
gis 'jig rten rnam btags te/ zhes pa dang/ rigs pa drug cu pa
las kyang/ 'jig rten

ma rig rkyen can du/ /gang phyir rdzogs pa'i sangs rgyas gsungs/
/de yi phyir na 'jig rten 'di/ /rnam rtog yin zhes cis mi 'thad/
ces dang/ bzhi brgya par yang/ rtog pa med par 'dod chags la/
/sogs la yod

nyid yod min na/ /yang dag don dang rtog pa zhes/ /blo dang ldan
pa su zhig 'dzin/ zhes dang/ de'i 'grel par dpal ldan zla bas/
rtog pa yod pa kho nas yod pa nyid dang/ rtog pa med par yod pa
nyid med pa de dag ni/

@013a @#/ /gor ma chag par thag pa bsdogs pa la btags pa'i sbrul
ltar/ rang gi ngo bos ma grub par nges so/ zhes pa'i lung rnams
khungs su drangs nas/ chos thams cad blos btags sam/ rtog btags
su

gzhung chen mo rnams su yang yang bris shing 'doms par mdzad pa
de nyid/ ma rig pas sgribs pas ma mthong zhing ma thos pa'am/
mthong zhing thos kyang/ dgag rgyu gzhan ma rnyed par/ nang 'gal
sdeb rgyu'i g.yo dang sgyu'i zol sbyor

kho na lhur blangs pa'o/ /bslu med kyi don tshugs thub yin na/
mya ngan las 'das pa tshugs thub dpyad bzod rang dbang can du
smros shig /des na khyed kyis/ sangs rgyas rnams la ni/ chos
thams cad rnam pa thams cad

du mngon par rdzogs par byang chub pa'i phyir/ sems dang sems
las byung ba'i rgyu ba gtan log pa yin no/ zhes pa dang/ sems
'gags pas de sku yis mngon sum mdzad/ ces dang/ spyod 'jug gi
/sems

med pa la mchod byas pas/ ces sogs shlo ka gcig gi rtsod rtsod
lan la/ khyab ma grub kyi lan mdzad kyi/ sems med pa ma grub bo
zhes ma gsungs so/ zhes bris 'dug pa ltar/ sangs rgyas kyi sar
sems

sems byung gi rgyu ba gtan med par 'dod pa dang/ yang/ ro mnyam
nyid du yang dag thugs su chud par mdzad gyur na/ zhes sogs
dang/ spyod 'jug las kyang/ gang tshe dngos dang dngos med dag
/blo yi mdun na

@013b mi gnas pa/ /de'i tshe rnam pa gzhan med pas/ /dmigs pa med
par rab tu zhi/ zhes sogs kyis/ ye shes la yul snang med par
bshad la/ zhes sangs rgyas kyi ye shes yul med du 'dod par 'dug
pa ni/ mkha' reg

byad gzhon sogs/ lung de dag la bsams nas/ sangs rgyas la ye
shes med par 'dod kyang/ sangs rgyas kyi ye shes yul med du 'dod
pa ni/ de las kyang tha chad de/ bye brag smra ba rnams/ lhag
med myang 'das kyi skabs

su bems rig rgyun chad par 'dod pa dang rjes su mthun no/ /de ji
ltar zhe na/ sangs rgyas kyi ye shes chos can/ khyod yul can ma
yin par thal/ khyod kyi yul med pa'i phyir/ rtags khas blangs/
da ci zer/ gzhan yang/

sangs rgyas kyi ye shes la dbye na lnga/ bsdu na/ ji lta ji
snyed mkhyen pa'i ye shes kyi dbye ba yang med par thal/ de
rnams kyi yul so sor dbye rgyu med pa'i phyir te/ de rnams kyi
yul med pa'i phyir/ 'khor gsum/ 'di ltar

'dod pa ni/ byang chub sems 'grel las/ shes pas shes bya rtogs
pa ste/ /shes bya med par shes pa med/ /de lta na ni rig bya
dang/ /rig byed med ces cis mi 'dod/ ces shes pa dang shes bya
yod mnyam med mnyam

du gsungs pa dang/ de dang 'dra bar chos kyi rje sa paN gyis
kyang/ yul gyi mtshan nyid blos rig bya/ zhes gsungs pa rnams la
rtog dpyod ma mdzad pa 'dra/ des na 'di ltar khas len pa ni/
rang gis tshad grub dang bden

@014a @#/ /grub don gcig tu khas blangs pa'i skyon 'dzem ste/
ci'i phyir zhe na/ sangs rgyas kyi ye shes kyi yul de chos can/
sangs rgyas kyi ye shes kyis grub par thal/ de'i yul yin pa'i
phyir/ 'dod na/ tshad

mas grub par thal/ 'dod pa'i phyir/ 'dod na/ de chos can/ bden
par grub par thal/ tshad mas grub pa'i phyir/ zhes rang la de ma
thag 'khor ba'i phyir ro/ /smras pa/ grub mtha' ngan pa'i chu
ris can/ /nyes bshad chu 'dzin

'bum 'khrigs pa/ /dwangs par ma gyur de srid du/ /'gal ba'i dug
char rgyun mi 'chad/ /bar skabs kyi tshigs su bcad pa'o// //gzhan
yang/ sangs rgyas kyi sar sems sems byung med par 'dod pa ni/

ston pa'i gsung rab mtha' dag la gnod pa byed cing/ khyad par du
sangs rgyas thams cad la skur pa 'debs pa yin te/ sangs rgyas
rnams kyi thugs rgyud la yon tan gang yang med par 'dod pa'i
phyir/ de yang/ sangs

'phags chos can/ khyod kyi thugs rgyud la byams snying rje byang
chub kyi sems/ dad 'dun zhi lhag sogs ting nge 'dzin dang shes
rab khyad par can yod par thal/ khyod skyon kun zad/ yon tan kun
rdzogs kyi skyes bu

yin pa'i phyir/ 'dod na/ de chos can/ khyod la de dag med par
thal/ khyod kyi rgyud la sems dang sems byung gtan med pa'i
phyir/ 'khor gsum/ gzhan yang/ khyed kyis phyin ci log gi grub
mtha' re bzung nas/

@014b de dang 'gal ba'i lung tshad ldan rnams kyang khas mi len
par/ rang rgyud pa'i lugs yin/ dngos smra ba'i lugs yin zer nas/
sun 'byin byed par 'dug pa/ 'o na/ slob dpon dpa' bos/ 'gro ba
'di dag thams cad ni/ /

khyad med nyon mongs rnams kyis bcings/ /khyod ni 'gro ba'i nyon
mongs dag /dgrol slad yun ring thugs rjes bsdams/ ces 'gro ba
rnams nyon mongs pas dbang med du bcings pa ltar/ thub pa'i
dbang po yang thugs

rgyud thugs rje chen pos bsdams par bshad pa mi 'thad par thal/
de'i thugs rgyud la thugs rje chen po med pa'i phyir te/ de'i
thugs rgyud la sems byung med pa'i phyir/ 'khor gsum/ 'di'i lan
du ci zer/ gzhan yang

mdo las/ gti mug mun pa mun nag gis rtag tu/ /sems ni bsgribs
par gyur pa'i skye dgu dang/ /'khor ba'i btson rar chud pa rnams
gzigs na/ /drang srong dam pa de ni thugs rje skye/ zhes gsungs
pa mi 'thad

par thal/ sangs 'phags kyis/ sems can gti mug gis bsgribs pa'i
dbang gis 'khor bar chud pa rnams ma gzigs pa'i phyir te/ de dag
tha snyad bden pa yin pa'i phyir/ 'khor gsum/ khong na re/ sangs

'phags kyis de dag gzigs so zhe na/ ma gzigs par thal/ de dag
gzigs pa la brten nas/ sangs 'phags kyi thug rgyud la snying rje
chen po gsar du skye ba med pa'i phyir te/ de'i thugs rgyud la
sems sems

@015a @#/ /byung med pa'i phyir/ 'khor gsum/ 'o na sems sems
byung gi rgyu ba gtan log pa yin no/ zhes sogs kyi don ci zhe
na/ legs par bzhag tu yod de/ rnam par rtog pa'i rang bzhin gyi
sems sems

byung gi rgyu ba med pa'i don yin pa'i phyir te/ tshig gsal las/
rnam par rtog pa ni sems kyi rgyu ba yin na/ de dang bral ba'i
phyir/ de kho na nyid de ni/ rnam par rtog pa med pa yin no/
zhes dang/ 'jug par yang/ rnam rtog

mi mnga' khyod kyis srid mtha'i bar/ /skad cig de re re la spyod
sna tshogs/ /ji snyed ston pa de snyed dzambu'i gling/ /ma lus
rdul gang de snyed la grangs med/ ces gsungs shing/ de bzhin du/
sems kyi rdo rje la bstod pa

las kyang/ rnam par rtog pa spangs pa'i sems/ /rnam par rtog pa
bsgoms byas pa'i/ /'khor ba rnam rtog tsam nyid de/ /rnam rtog
med pa thar pa yin/ zhes gsungs pa'i phyir dang/ rin chen phreng
ba las kyang/ de'i phyir

de ltar mthong ba grol/ /gang gis mthong bar 'gyur zhe na/ /tha
snyad du ni sems la brjod/ ces/ de kho na nyid mthong bas grol/
gang gis mthong na/ tha snyad du sems kyis de kho na nyid mthong
bar gsungs shing/ 'phags

pa thogs med kyis kyang/ sems yid rnam shes gsum ni don gcig tu
bshad la/ de bzhin du 'phags pa grol stes kyang/ sems bskyed pa
zhes bya ba la/ sems ni rnam par shes pa ste/ rnam par rig pa'o/
zhes

@015b dang; chos dbyings bstod pa las/ rdo rgyus kyi gos mes
bsregs pas/ dri ma dag cing gos mi 'tshig pa'i dpe bzhin/ gzhi'i
sems sbyangs pas/ dri ma dag ste/ 'od gsal gyi sems su 'gyur
zhes ston pa la/ ji

ltar me yis sbyangs pa'i gos/ /sna tshogs dri mas dri ma can/ /ji
ltar me yi nang bcug na/ /dri ma 'tshig 'gyur gos min ltar/ /de
bzhin 'od gsal ba yi sems/ /'dod chags las skyes dri ma can/ /ye
shes me yis

dri ma bsregs/ /de nyid 'od gsal ma yin no/ zhes gsungs pa 'di
yang thal 'gyur ba'i lugs min zer ram/ khyed ni sangs rgyas la
ye shes med pa rab sgrub/ res dga' ye shes yod cing/ de'i yul
med par

bsgrub/ yang ye shes kyi yul du don dam bden pa 'ong la/ kun
rdzob bden pa mi 'ong bar bsgrub/ yang/ tshad mas grub na/ bden
grub yin dgos pas/ tshad ma shes bya la mi srid zer ba dang/
yang/ 'jug par/ rnam

kun mkhyen nyid ye shes ni/ /mngon sum mtshan nyid can du 'dod/
ces gsungs pa 'di gsal drags pas/ 'bros thabs ma rnyed par/ rnam
mkhyen gcig pu tshad ma yin zer ba dang/ yang/ tshad ma med par
smras

pa'i 'jug mnan te/ sangs 'phags kyi thugs rgyud la tshad ma yod
par gsungs pa yang gzhan ngor yin zhes pa dang/ yang de ltar
gsungs pa/ rnam smin la dgongs zer ba sogs/ myos byed kyi khu
ba'i gzhan dbang

@016a @#/ /du gyur pa ltar/ thugs rnal du mi gnas pa'i gtam 'dra
bas/ rtog dpyod yang dag par mdzod cig /des na/ khyed kyis/
sangs rgyas kyi ye shes yul med du bstan par 'dod pa'i lung
rnams

dang; 'jug 'grel du/ dngos po byas bcan la ma reg par/ rang
bzhin 'ba' zhig mngon sum du mdzad pas/ de nyid thugs su chud
pa'i phyir/ sangs rgyas ces brjod do/ /zhes dang/ rgyal ba ma
pham pas/ mkhyen

nas chos rnams ma gzigs phyir/ zhes gsungs pa dang/ gzhan yang
mdo rgyud du mar/ 'di 'dra'i lung mang po gsungs pa'i don ni/
sangs rgyas kyi ye shes la yul mkhyen tshul gyi sgo nas mdor
bsdus na/ ji

lta ba mkhyen pa'i ye shes dang/ ji snyed pa mkhyen pa'i ye shes
gnyis las/ ji lta ba mkhyen pa'i ye shes kyis/ ji lta ba gzhigs
pa'i gzigs ngor/ ji snyed pa'i chos ma gzigs pa dang/ de bzhin
du/ ji snyed pa

gzigs pa'i gzigs ngor yang/ ji lta ba ma gzigs pa'i don yin/ 'on
kyang/ ji lta ji snyed mkhyen pa'i rnam mkhyen re res kyang/
chos thams cad mngon sum du mkhyen pa yin te/ bsngags 'os
bsngags bstod

las; khyod 'ba' zhig gi ye shes kyis/ /shes bya mtha' dag khyab
lags kyi/ /khyod las gzhan pa thams cad kyi/ /shes bya kho na
lhag pa lags/ ces dang/ bcom ldan dus kun gtogs pa'i chos/ /rnam
kun

@016b 'byung gnas thams cad ni/ /phyag mthil skyu ru ra lta bur/
/khyod kyi thugs kyi spyod yul gyur/ ces dang/ bden gnyis rang
'grel las kyang/ mkhyen pa'i skad cig gcig gis kyang/ /shes
bya'i dkyil 'khor kun khyab

can; zhes dang/ 'dir yang/ mkhyen bzang khyod kyis skad cig gis
ni shes bya thugs su chud/ ces dang/ spyod 'jug las/ sangs rgyas
byang chub sems dpa' dag /kun tu thogs med gzigs par ldan/ zhes
gsungs

pa'i phyir/ de yang mdor bsdu na/ dpal ldan zla ba grags pas/
kun rdzob de nyid gshog yangs dkar po rgyas gyur pa/ /ngang pa'i
rgyal po de ni skye bo'i ngang pa yis/ /mdun du bdar nas dge
ba'i rlung gi shugs stobs

kyis; ;rgyal ba'i yon tan rgya mtsho'i pha rol mchog tu 'gro/
zhes/ rgyal sras sa drug pa ba de/ thabs kun rdzob bden pa bsod
nams kyi tshogs dang/ shes rab de kho na nyid rtogs pa'i ye shes
kyi tshogs gnyis kyi

gshog yangs rgyas pas/ rgyal ba'i yon tan rgya mtsho'i pha rol tu
'gro bar gsungs pa la/ khyed ni brtsi gzhag gtan mi byed par/
kun rdzob bden pa bsod nams kyi tshogs gzhi ma grub zer bas/
gshog pa phyogs

gcig med pa'i ngang pas/ rgya mtsho'i pha rol tu ji ltar 'gro ba
soms shig /gzhan yang/ sangs rgyas thugs rje chen po dang ldan
pa rnams kyis/ 'jig rten thams cad kyi gnas tshul ji bzhin du
mkhyen cing gzigs

@017a @#/ /nas mdzad pa bcu gnyis kyi tshul/ yongs su ma dag pa'i
zhing/ skabs su bab pa rnams su srid pa ji srid kyi bar du/ yang
dang yang ston pa yin par thal/ de ltar yin zhes ston pa la/
rgyud bla ma las/

thugs rje chen pos 'jig rten mkhyen/ /'jig rten kun la gzigs nas
ni/ zhes pa nas/ yongs su ma dag zhing rnams su/ /srid pa ji
srid gnas par ston/ zhes pa'i bar gsungs par lha dang bcas pa'i
'jig rten du

grags pa'i phyir/ 'dod na/ 'jig rten thams cad yod par thal/
'dod pa'i phyir/ 'dod na/ kun rdzob bden pa gzhi grub par thal/
'dod pa'i phyir/ 'khor gsum/ gzhung lugs dbang por byas na lan
smra rgyu ci 'dug

gzigs shig /gzhan yang/ kho bo cag ni/ 'bras bu'i skabs su/
mngon par rdzogs par sangs rgyas nas/ dag pa'i zhing dang/ ye
shes kyi gzhal yas khang dang/ dag pa'i lha dang lha mo'i rnam
pa can gyi 'khor dang/

zag med kyi longs spyod phun sum tshogs pa dang/ sku dang yon tan
ye shes nam mkha'i mdzod la dbang 'byor zhing/ rtag tu chos
dbyings bde ba chen po'i mnyam gzhag las ldang ba med kyang/
chos kyi 'khor lo rgyun

mi 'chad du bskor ba/ skad cig skad cig la/ sprul sku bye ba
ther 'bum cig car 'gyed pas/ gdul bya rnams smin grol la 'god
par mdzad cing/ nam mkha' ji srid gnas kyi bar du bzhugs par
'dod pa yin no/ /khyed

@017b ni de las ldog nas/ sangs rgyas kyi yon tan tshad med pa de
thams cad/ sems can gyi gzhan ngo tsam ma gtogs/ sangs rgyas kyi
rang ngo na ci yang med ces smra bar 'dug pa/ dkon mchog gsum
bla mar 'dzin pa'i rnam dpyod

dang ldan pa rnams kyis legs par dpyod cig /smras pa/ dri ma zad
pas sems kyang zad pa dang/ /'jig rten 'di dang pha rol tshad ma
yis/ /ma grub nam mkha'i padmo ltar 'dod pa/ /ci 'dra'i grub
mtha' yin pa

mkhas rnams gzigs/ /bar skabs kyi tshigs su bcad pa'o// //da ni
'gal ba bco brgyad ces bkod 'dug pa'i lan rnams mdor bsdus te/
rim pa bzhin brjod par bya'o/ /de yang thog mar khyed

kyis; 1 yul kun brdzun dang yul can bslu med 'gal/ zhes smra ba
la/ rje btsun bla ma bzhed pa ma yin pa'i/ /yul can bslu med
'dod ces smra ba yang/ /log rtog bser bus brdzun pa'i sbun phyir
te/ /'bras

'dod rang gi de nyid ston par zad/ ces bya'o/ /'di ni rje btsun
byams pas/ gang zhig yod pa mi mthong med mthong ba/ /'di 'dra'i
mun nag rnam pa 'di gang zhig /ces gsungs pa ltar du 'dug /kho
bo cag ni/

mgon po klu sgrub kyis/ /rmi lam ji bzhin sgyu ma bzhin/ /dri
za'i grong khyer ji bzhin du/ /de bzhin skye dang de bzhin gnas/
/de bzhin du ni 'jig pa gsungs/ ces gsungs pa ltar/ skye 'jig
gnas pa sogs/

@018a @#/ /yul yul can brdzun pa sgyu ma lta bur 'dod kyi/ yul
can bslu med du su zhig gis khas blangs ston cig /rje thams cad
mkhyen pa ni/ rtsa sher/ bcom ldan 'das kyis chos gang zhig
/bslu ba

de ni brdzun zhes gsungs/ /'du byed thams cad bslu ba'i chos/
/des na de dag brdzun pa yin/ zhes pa ji bzhin du bzhed pas/ yul
yul can gzhan rnams lta ci smos/ thams cad mkhyen pa'i ye shes
kyang

brdzun pa sgyu ma lta bur bzhed pa yin no/ /gzhan yang/ rje
thams cad mkhyen pas/ rten 'brel bslu ba med pa'i bden pa dang/
zhes gsungs pa la/ khyed kyis ched du skyon smra ba 'di ni/ mu
stegs pa'i tha chad

rgyang phan gyi grub mtha' gtso bor 'dzin 'dod pa ste/ dge sdig
las/ 'bras bu bde sdug 'byung ba bslu med du mi 'dod par/ de
ltar 'byung ba bslu ba dang/ dkon cog gsum sems can gyi skyabs
gnas bslu

ba med par mi 'dod par/ bslu bar 'dod pa'i phyir/ 'di ni/ khyed
kyi grub mtha' ngan pa'i mtshang gtol ba'i phyir brjod pa ma
gtogs/ rjes zlos byed pa yang ya nga bar 'dug /khyed 'di ltar
smra ba ni/ rgyal ba'i

gsung rab spyi ma mthong zhing/ legs par ma brtags par/ tshig zur
re re tsam drangs nas/ skyon brjod par 'dug pa/ de ltar na/ slob
dpon chen po dpa' bos kyang sangs rgyas kyi gsung bden grub tu
'dod par

@018b thal; des sangs rgyas kyi gsung mi bslu bar 'dod pa'i
phyir te/ bstod pa brgya lnga bcu par/ don gzigs pas ni mi bslu
ba/ /nongs mi mnga' phyir rjes su mthun/ /legs par sbyar bas go
sla ste/ /khyod kyi gsung

ni legs gsum ldan/ zhes gsungs pa'i phyir/ 'di la lan mdzad rgyu
ci yod/ rje btsun sa paN gyis kyang/ phyogs bcu'i sangs rgyas
kyi zhu phrin las/ swasti thugs rje'i spyan ldan pa/ /thams cad

mkhyen pa'i ye shes can/ /'jig rten mngon sum gzigs pa la/ /mgon
po bdag ni zhu bar 'tshal/ /gang la skyabs su mchis kyang ni/
/skyabs de dag gis bslu bar mthong/ /bslu ba med pa skyabs kyi

mchog /skyabs mchog khyod la skyabs su mchi/ zhes gsungs pa yang
ma gzigs sam/ gzugs nas rnam mkhyen bar gyi chos rnams kun/
/bden med sgyu ma lta bur bzhed pa yin/ /yul dang yul can brdzun

pa bslu med du/ /smra po de la 'gal ba'i khur khol zhig /bar
skabs kyi tshigs su bcad pa'o// //yang/ 2 yul der 'khrul dang de
la tshad ma 'gal/ zhes pa la/ so skye'i dbang shes

'khrul dang gnod med kyi/ /dbang shes gzugs sogs rnam par 'jog
pa yi/ /tshad mar gsungs la 'gal khur yod ces pa/ /'jug par gnod
pa med pa'i dbang po yis/ /bzung bzhin 'jig rten gyis

@019a @#/ /rtogs gsungs pa dang/ /tshig don gsal bar tshad ma gzhal
bya gnyis/ /phan tshun bltos nas 'jog par gsungs pa'i phyir/
/'jigs bral zla ba'i zhabs la'ang khur khol zhig /yang/ de'i
'grel

pa khyed rang gis brtsams par/ rigs pa bzang po'i khungs su byas
nas/ tshur mthong gi mig shes ma 'khrul bar grags pa 'di chos
can/ gzugs la tshad ma ma yin par thal/ gzugs la 'khrul shes yin
pa'i

phyir; rtags grub ste/ de bden 'dzin gyis bslad pas/ gzugs la
'khrul shes su gsungs shing/ dngos su khas kyang blangs pa'i
phyir te/ tshur mthong gi mig shes de/ 'khrul shes su gsungs
shing/ khas blangs pa'i

phyir; zer ba mi 'thad de/ lugs 'dir tshur mthong gi mig shes ma
'khrul ba med pa'i phyir/ yang tshur mthong gi mig shes 'khrul ba
la bsams na/ rtsa bar ma khyab bo/ /des na/ lam rim chen mor/
rnam pa gzhan du

gnas pa'i dngos po la/ rnam pa gzhan du snang ba'i phyir ro/
zhes gsungs pas/ dbang po'i shes pa la/ gzugs sgra sogs/ rang gi
mtshan nyid kyis grub par snang la/ snang ba ltar gyi rang gi
mtshan nyid tha snyad du yang

med pas na/ slob dpon 'di/ tha snyad du yang 'di dag 'khrul par
bzhed pa yin no/ zhes gsungs pa'i phyir/ de yang/ gzugs de gzugs
'dzin mig shes la gzugs su yang snang/ rang gi mtshan nyid kyis
grub par

@019b yang snang mod/ 'on kyang/ des gzugs gzugs su gzhal gyi/
gzugs rang gi mtshan nyid kyis grub par ma gzhal/ gzugs 'dzin mig
shes de/ gzugs dang gzugs kyi snang ba dang/ gzugs rang gi mtshan
nyid

kyis grub pa'i snang ba gsum char la tshad mar song yang/ gzugs
rang gi mtshan nyid kyis grub pa la tshad mar song ba ma yin no/
/des na/ so skye'i gzugs 'dzin mig shes de/ 'khrul shes yin
kyang/ gzugs la

tshad ma yin pa mi 'gal te/ lung drangs ma thag pa de'i mjug tu/
de lta na yang/ dbang po'i shes pa rnams/ tha snyad du gzugs
sgra la sogs pa'i yul rnams rnam par 'jog pa'i tshad mar mi 'thad
pa med de/ zhes

gsungs pa'i phyir ro/ /de yang/ tha mal pa'i dbang shes rnams
'khrul shes yin kyang/ 'jig rten na/ ngas gzugs mdzes po 'di
'dra mthong/ sgra snyan po thos/ dri zhim po bsnams/ ro zhim po
myong/ reg bya 'jam

rtsub 'di 'dra snang zhes grags pa rnams/ de dag gis so sor
bzang ngan ji ltar gzhal ba ltar/ bya ba byed nus yin te/ dper
na/ 'jig rten na/ 'brur mtshungs kyang/ nas 'bras gro sran sogs
la bzang ngan dang/ gser

dngul la sogs pa rin po cher mtshungs kyang/ bzang ngan gyi dbye
ba dang khyad par shin tu che bar byed pa bzhin no/ /de lta mod
kyi/ khyed ni kun rdzob 'khrul ba yin phyin chad/ dge mi dge'i
las 'bras dang/ sgyu ma dang chu zla

@020a @#/ /sogs 'khrul mnyam khyad par gtan med du 'dod pa ni/
grub mtha' la ma zhugs pa'i skye bo rmongs pa dang ldan pa rnams
la che 'don mdzad par 'dug /tha snyad kyi tshul/ 'jig rten pa
dang

sgo bstun pa 'di ni/ sangs rgyas rnams kyis kyang rnam par 'jog
par mdzad de/ 'jug 'grel du mdo drangs pa las/ 'jig rten nga
dang lhan cig rtsod kyi/ nga ni 'jig rten dang mi rtsod de/ gang
'jig rten na yod par

'dod pa de ni/ nga yang yod par 'dod do/ /gang 'jig rten na med
par 'dod pa de ni/ nga yang med par zhal gyis bzhes so/ zhes
gsungs pa'i phyir/ 'jug par yang/ gal te khyod la 'jig rten mi
gnod na/ /

'jig rten nyid bltos 'di ni dgag par gyis/ /khyod dang 'jig rten
'dir ni rtsod gyis dang/ /phyis nas stobs ldan bdag gis brten
par bya/ zhes dang/ de'i rang 'grel du/ kho bo cag ni 'jig rten
gyi kun rdzob

bzlog par bya ba'i phyir/ shin tu tshegs che bar gnas par 'gyur
gyi/ khyod kyis 'jig rten gyi kun rdzob sol zhig /gal te khyod
la 'jig rten gyis gnod par mi 'gyur na/ ngas kyang khyod la
stongs gdab par

bya'o; ;'jig rten gyis ni gnod pa yang yin te/ zhes gsungs so//
//de'i rjes su/ 3 rjes dpag yod dang sgrub ngag med pa 'gal/
zhes spyir rje btsun bla mas bkral ba'i thal 'gyur ba'i

@020b lugs la zer na/ thal 'gyur lugs la rjes dpag sgrub ngag
dag /yod med 'gal bar smra na rang nyid kyis/ /ma nges skyon yin
zla bas tshig gsal du/ /sgrub ngag yan lag lnga ldan gsungs phyir
ro/ /'on kyang/ rje btsun

bla ma'i gsung rab tu/ mtha' bzhi'i skye ba 'gog pa'i skabs su/
slob dpon sangs rgyas bskyangs kyi 'grel dag gis bstan pa'i/ myu
gu chos can/ slar yang skye ba don med par thal/ rang gi bdag
nyid du rdzogs par grub zin

pa'i phyir/ zhes pa'i 'gal brjod kyi thal 'gyur 'phangs pa la
brten nas/ de'i 'bras bu myu gu slar yang mi skye bar rtogs pa'i
rjes dpag skye ba zhig yod cing/ rjes dpag de'i rgyu/ dngos su
dam bca' bsgrub pa'i sbyor ngag

med par gsungs te/ de yang myu gu bden med du bsgrub pa la sbyar
te bstan na rtogs sla bas/ 'di ltar/ sngar gyi myu gu slar yang
mi skye bar bsgrub pa'i thal 'gyur 'phangs pa'i byed pa las/
'bras bu rjes dpag skye ba

zhig yod par thal/ myu gu chos can/ rten 'brel ma yin par thal/
bden par grub pa'i phyir/ zhes pa'i thal 'gyur 'phangs pa'i byed
pa las/ 'bras bu rjes dpag skye ba zhig yod pa'i phyir/ de ltar
yin kyang/ de

'dra'i rjes dpag skyed byed skabs kyi sgrub ngag med de/ rje
mthams cad mkhyen pas/ 'di ni thal 'gyur byas pa'i tshe/ de'i
byed pa la brten nas rjes dpag skyes pa yin gyi/ dngos su dam
bca' bsgrub pa'i sbyor ngag

@021a @#/ /med do/ zhes gsungs pa'i phyir/ khyed ni/ 'di ltar
gsungs pa la rtsod par 'dug cing/ rtsod pa'i tshul yang/ de ltar
'phangs pa la brten nas skyes pa'i rjes dpag chos can/ rang gi
rten du gyur pa'i

rtags yang dag la brten nas skyes par thal/ rjes dpag yin pa'i
phyir/ khyab ste/ tshig gsal las/ lkog tu gyur pa'i yul can rtags
bsgrub par bya ba la mi 'khrul ba las skyes pa'i shes pa ni/
rjes su dpag

pa'o; ;zhes gsungs pa'i phyir/ zer ro/ /'o na/ myu gu chos can/
rten 'brel ma yin par thal/ bden par grub pa'i phyir/ zhes pa'i
thal 'gyur thal 'gyur yang dag tu song ba yang yin/ rten 'brel
gyi rtags kyis/

myu gu bden med du bsgrub pa'i rtags yang dag 'god pa skabs su
babs pa'i phyir rgol yang dag kyang yin pa'i gzhi mthun yod par
thal/ myu gu chos can/ rten 'brel ma yin par thal/ bden par grub
pa'i phyir/ zhes

pa'i thal 'gyur 'phangs pa'i byed pa las skyes pa'i myu gu bden
med du rtogs pa'i rjes dpag de/ rang gi rten du gyur pa'i rtags
yang dag la brten nas skyes pa'i phyir te/ de 'dra'i rjes dpag
yod pa'i phyir/ khyab pa

khas blangs/ ma grub na/ thal 'gyur ba'i ming 'brel med du thal/
thal 'gyur yang dag 'phangs pa'i byed pa las rjes dpag skye ba
med pa'i phyir te/ myu gu chos can/ rten 'brel ma yin par thal/
bden par grub

@021b pa'i phyir/ zhes pa'i thal 'gyur yang dag yod pa gang zhig
/de 'phangs pa'i byed pa las skyes pa'i rjes dpag med pa'i
phyir/ 'khor gsum/ rtsa bar 'dod na/ de 'dra'i gzhi mthun par
gyur pa'i gang zag chos can/ myu gu

bden grub tu khas len gyi gang zag yin par thal/ thal 'gyur de
thal 'gyur yang dag tu song ba'i gang zag yin pa'i phyir/ 'dod
na/ de chos can/ myu gu bden grub tu khas len gyi gang zag ma
yin par thal/ myu gu bden

med du bsgrub pa'i rtags yang dag 'god pa skabs su babs pa'i
gang zag yin pa'i phyir/ 'khor gsum/ smras pa/ mkhas rlom rnam
dpyod mdzub rtses gzhal dka' ba/ /rgyal ba gnyis pa'i gsung rab
bdud

rtsi'i mtsho/ /bsgrubs pa las 'ongs legs bshad 'od dkar can/
/mkhas mang lha chen ral pa'i rgyan du 'bul/ /bar skabs kyi
tshigs su bcad pa'o// //yang; 4 mthun snang med dang chos can

tshad grub 'gal/ /zer ba la/ mthun snang med dang chos can tshad
grub gnyis/ /mi shes 'gal sems mkhas la 'gal min te/ /gzugs sogs
rang bzhin yod med rtsod pa'i tshe/ /chos can mthun snang med ces

zla bas gsungs/ /rten 'brel rtags kyis myu gu bden med du/
/sgrub pa'i tshul gsum tshad mas grub par ni/ /klu sgrub zla ba'i
zhabs kyi rjes 'brang ba/ /lung rigs smra ba'i mkhas rnams bzhed
pa yin/ /de yang/

@022a @#/ /rang gzhan gyi sde pa gnyis/ gzugs kyi steng du bdag
skye yod med rtsod pa dang/ rang rgyud pa sogs/ rang gi mtshan
nyid kyis grub pa yod par 'dod pa rnams dang dbu ma thal 'gyur
ba/ myu gu rang bzhin

yod med rtsod pa'i tshe/ chos can tsam po mthun snang ba yod par
slob dpon legs ldan 'byed bzhed pa'i phyogs snga brjod pa la/
tshig gsal las/ ci ste ji ltar sgra mi rtag ces bya ba la/ chos
dang chos can gnyis

spyi nyid bzung ba yin gyi/ khyad par ni ma yin te/ khyad par
'dzin na ni/ rjes su dpag pa dang/ rjes su dpag par bya ba'i tha
snyad med par 'gyur ro/ /'di ltar/ gal te 'byung ba chen po bzhi
las gyur pa'i sgra 'dzin na

ni; de pha rol po la ma grub bo/ /'on te/ nam mkha' yon tan
'dzin na ni/ de rang nyid sangs rgyas pa la ma grub pa yin no/
/de bzhin du/ bye brag pas sgra mi rtag par dam 'cha' ba na
yang/ byas pa'i sgra 'dzin na/ de

gzhan la ma grub bo/ /'on te mngon par gsal bar bya ba yin na
ni/ de rang la ma grub pa yin no/ /de bzhin du/ ci rigs par 'jig
pa yang gal te rgyu dang bcas pa yin na ni/ de sangs rgyas pa
rang la ma grub pa yin

la; 'on te rgyu med pa yin na ni/ de pha rol po la ma grub pa
yin no/ /de'i phyir ji ltar 'dir chos dang chos can spyi tsam
zhig 'dzin pa de bzhin du/ 'dir yang khyad par dor ba'i chos can
tsam zhig 'dzin par 'gyur ro zhe

@022b na; zhes gsungs/ de 'gog pa la/ de nyid las/ de ni de ltar
ma yin te/ 'di ltar gang gi tshe/ 'dir skye ba bkag pa bsgrub par
bya ba'i chos su 'dod pa de'i tshe/ de kho nar de'i rten chos can
phyin ci log tsam gyis/ bdag

gi dngos po rnyed pa ni nyams par gyur par 'dis rang nyid kyis
khas blangs pa nyid do/ /phyin ci log dang phyin ci ma log pa
dag ni tha dad pa yin no/ /de'i phyir gang gi tshe/ rab rib can
gyis skra shad la sogs pa ltar/ phyin ci

log gis yod pa ma yin pa/ yod pa nyid du 'dzin pa de'i tshe ni/
yod par gyur pa'i don cha tsam yang dmigs par ga la 'gyur/ gang
gi tshe/ rab rib can ma yin pas skra shad la sogs pa ltar/ phyin
ci ma log pas yang

dag pa ma yin pa sgro mi 'dogs pa de'i tshe na yang/ gang gis na/
de'i tshe kun rdzob tu 'gyur ba yod pa ma yin par gyur pa'i don
cha tsam yang dmigs par ga la yod/ de nyid kyi phyir slob dpon
gyi zhal snga nas kyis/ gal te

mngon sum la sogs pa'i/ /don gyis 'ga' zhig dmigs na ni/ /bsgrub
pa'am bzlog par bya na de/ /med phyir nga la klan ka med/ zhes
gsungs so/ /gang gi phyir/ de ltar phyin ci log dang/ phyin

ci ma log pa dag tha dad pa de'i phyir/ phyin ci ma log pa'i
gnas skabs na/ phyin ci log yod pa ma yin pa'i phyir na/ gang
zhig chos can nyid du 'gyur ba mig kun rdzob pa ga la yod/ de'i
phyir/ gzhi ma grub

@023a @#/ /pa'i phyogs kyi skyon dang/ gzhi ma grub pa'i gtan
tshigs kyi skyon bzlog pa med pa nyid pas/ 'di lan ma yin pa nyid
do/ zhes gsungs pa'i don la zhib tu gzigs la/ phyin chad dam pas
khrel ba'i

dgag pa ltar snang de 'dra'i rgyun chod cig /rang lugs chos can
tshad grub pa yod de/ de'i phyir rten 'byung rigs pa 'di yis ni/
/lta ngan dra ba mtha' dag gcod par byed/ ces pa'i skabs nas
bstan pa'i myu gu bden med

du bsgrub pa'i rtags chos don gsum ga yod pa'i phyir/ des na/
chos can mthun snang du grub ma grub rtsod pa'i chos can dang/
chos can tshad mas grub par 'dod pa'i chos can gnyis/ rgya gar
dang rgya nag bzhin du/ rgol ba

sogs la bltos te gtan mi 'dra bas/ tshig la 'khrul bar mi bya'o//
//yang; 5 phyi don tshad grub rdul phran cha bcas 'gal/ zhes pa
la/ phyi don rdul phran cha bcas 'gal zhes pa/ /myos chus rang
dbang phrogs

'dra'i gtam yin te/ /dbu ma 'jug par sems tsam 'gog pa'i skabs/
/phyi don lan gcig min par gsungs phyir dang/ /chos rnams cha
dang bcas pas khyab pa'i phyir/ /bye mdo bzhin du phyi don 'dod
mtshungs pas/ /de

nyid rtsom rgyu rdul phran cha med kyang/ /de dag bzhin du nges
par 'dod dgos na/ /bden pa gnyis kyang 'dod par mtshungs pa'i
phyir/ /bden pa gnyis kyang de ltar 'dod par gyis/ /'di dag gi
skabs su/ khyed kyis/ de kho na nyid la dpyod pa'i rigs

@023b bas/ skyes bu'i lus nas rdul gyi bar du dpyad pa na/ ci
yang mi rnyed pa'i spyod 'jug gi lung/ lus ni rkang pa byin pa
min/ /brla dang sked pa'ang lus ma yin/ /lto dang rgyab kyang
lus min te/ /brang dang dpung pa'ang lus ma yin/ zhes

pa nas/ mkha' bzhin des na rdul yang med/ ces pa'i bar dang/
'phags pa yab sras kyi/ gang la phyogs kyi cha yod pa/ /de ni ji
ltar rdul phran yin/ zhes; rdul phran cha med 'gog pa'i lung
drangs nas/ phyi don rags

pa nas rdul phran gyi bar tshad mas ma grub cing/ de med zer ba
dang/ yang; rags pa 'di cha med du sangs rgyas pa su yang mi
'dod zer ba yang 'gal te/ 'o na; rdul phran bsags pa'i rags pa
yod par thal/ de cha

bcas yin pa'i phyir te/ de cha bcas su sangs rgyas pa thams cad
'dod pa'i phyir/ 'khor gsum/ gzhan yang/ rdul phran yod par
thal/ de yod par dus kyi 'khor lo'i bsdus rgyud las gsungs pa'i
phyir te/ phra rab

brgyad rnams kyis ni phra mo 'di gcig phra mo brgyad kyis skra
yi rtse mo phra mo ste/ zhes sogs gsungs pa'i phyir/ mdor na/
khyed kyis rje bla ma la/ lo chen skyabs mchog dpal bzang dang/
rje red mda' ba yab sras dbu

ma chen por bzhugs pa la/ rtags kyi dgag bya rgya ches bas chad
pa'i mthar lhung ngo zhes sdang smras kyi dug gi tsher ma'i tshogs
chen po yi ge'i srad bu la brgyus te/ shog bu'i mkha' ngos nag
po'i dra bas khyab par byas

@024a @#/ /so zhes skur ba 'debs shing/ khyed rang gis grub mtha'
log pa bzung ba'i rgyab rten du/ lo chen yab sras spyan 'dren
par 'dug kyang/ mkhas grub thams cad mkhyen pa la/ ne ring sgrub
pa dpal gyis

dri ba zhus pa'i lan du/ rje red mda' ba dang rje bla ma yab
sras gnyis po/ tshig gi brjod tshul phran tshegs ma gtogs/ dgongs
pa mi gcig pa gtan med ces gsungs pa ltar/ don la gnas te/ rje
btsun red mda'

ba chen pos/ bla ma 'od zer rgyal mtshan gyi dri lan du/ rgyu
'bras bslu ba med pa'i yid ches dang/ /rten 'brel stong par
rtogs pa'i shes rab gnyis/ /'bral med zung du chud par nam gyur
pa/ /de'i tshe mtha' bral

dbu ma'i lam la zhugs/ /ji ltar snang zhing grags pa'i dngos 'di
la/ /rang gzhan grub mthas btags pa'i kun brtags dang/ /lhan
skyes yid kyi dngos 'dzin mun pa rnams/ /rnam dag lung rigs zer
gyis rab

gsal te/ /snang dus nyid na stong par rtogs pa dang/ /stong pa
rtogs tshe snang ba mi 'gog pa/ /zung 'jug tshul la nges pa nam
rnyed pa/ /de'i tshe rgyal ba'i dgongs pa rtogs pa yin/ zhes rje
yab sras gnyis mthar

thug gi dgongs pa gcig pas/ bka' bgros mdzad pa lta bu'i gsung
'di 'dra ba yod pa ma mthong ba'am/ mthong yang phyin chad rtog
dpyod byed pa mi 'ong snyam pa'i g.yo labs ha cang ches so/ /de
bzhin du/ tshad grub dang

@024b bslu med las gzhan pa'i bden grub med zer zhing/ de'i
dpung rgyab tu rje btsun chen po spyan 'dren pa dang/ de'i gsung
'di rdog pas brdzi ba yang mkhas pa rnams kyi ga zha'i gnas so/
/yang/ mi dge ba'i las kyi 'bras bu

sdug bsngal 'byung ba dang/ dge ba'i las kyi 'bras bu bde ba
'byung ba tshad mas ma grub cing/ ci yang med do zhes smra ba ni/
rigs pa'i dbang phyug gis/ 'di la'ang rjes su brjod pa yod/ /des
na ngan pa'i mun pas khyab/

ces gsungs pa bdag gir byas par 'dug ste/ chad lta khas blangs
nas/ ngan song gi rgyu 'bad pas bsgrubs pa'i phyir te/ mgon po
klu sgrub zhabs kyis/ med pa ba ni ngan 'gror 'gro/ zhes dang/
mdor na med par lta ba

nyid; ;las dang 'bras bu med ces pa/ /bsod nams ma yin ngan song
ba/ /de ni log par lta zhes bshad/ ces gsungs pa'i phyir dang/
rtsa ba shes rab las/ stong pa nyid la blta nyes na/ /shes rab
chung rnams phung

bar 'gyur/ /ji ltar sbrul la bzung nyes dang/ /rig sngags nyes
par bsgrubs pa bzhin/ zhes pa dang/ de'i 'grel pa tshig gsal las/
re zhig gal te thams cad stong pa ste/ /thams cad yod pa ma yin
no zhes rtog

na; de'i tshe 'di log par lta bar 'gyur te/ ji skad du/ chos 'di
log par bzung gyur na/ /mi mkhas rnams ni chung kyang 'dza'/
/'di ltar med par lta ba yis/ /mi gtsang der ni bying bar 'gyur/
zhes bshad do/ /ci ste

@025a @#/ /thams cad la skur ba 'debs par mi 'dod na/ de'i tshe ji
ltar dngos po 'di rnams dmigs su zin kyang/ stong pa nyid du
'gyur te/ de'i phyir rang bzhin med pa'i don ni stong pa nyid
kyi don ma yin no

zhes/ 'di nges par stong pa nyid spong bar 'gyur te/ de ltar
spangs nas/ chos kyis phongs par 'gyur ba'i las kyis nges par
ngan 'gror 'gro bar 'gyur ro/ /ji skad du/ rin po che'i phreng
ba las/ gzhan yang de ni

log bzung na/ /blun po mkhas pa'i nga rgyal can/ /spong bas ma
rungs bdag nyid can/ /mnar med par ni spyi'u tshugs 'gro/ zhes
bshad do/ zhes gsungs pas/ slan chad bag yod pa bsten la/ las
'bras sogs

med ces ma gsung zhig /smras pa/ dmus long lta bu'i snyigs dus
skye bo 'ga'/ /sa 'dzin mthon po'i ngos kyi nyal 'gro bzhin/
/rang gi rang gis 'gro ba 'dis chog gi /ngan 'gro'i rgyu lam
gsal bar byed ci dgos/ /

bar skabs kyi tshigs su bcad pa'o// //yang; 6 rigs drug tshad ma
rdos bcas tshad grub 'gal/ zhes pa la/ rigs drug bcud dang ri
gling rdos bcas snod/ /tshad ma tshad grub bzhed mod

yang dang yang/ /'gal zhes gzhan ngor grangs tsam 'dren pa yis/
/rmongs pa mgu byed mkhas pa'i bzhad gad gnas/ /rnam pa sna
tshogs las kyis bskyed pa yi/ /'gro rnams so so'i rgyud kyi tshad
ma dang/ /de

@025b dag yul kun thams cad mkhyen pa yis/ /ji bzhin gzigs phyir
bsam mi khyab ces gsungs/ /rgyal ba gnyis pa'i gsung rab 'gog
pa'i phyir/ /mdo rnams khyad gsod yin te lung las kyang/ /dgra
bo blo gros ldan pa mchog

yin gyi/ /mdza' bshes blo gros bral ba de lta min/ /blo gros
chung ngus sbrang bu bsad snyam nas/ /rdo bas pha yi klad pa
bcom la ltos/ ces pa'i lung don bdag tu bzung byas nas/ /mdo don
ma rtogs log pa bshad phyir

ro;; ;;yang; 7 skra shad med dang klung rnag yod pa 'gal/ zhes
pa la/ skra shad med dang klung rnag yod 'gal zhes/ /chu bo
ganggA'i steng du rnag dang khrag /yod par 'dod pa de la smra
bar gyis/ /rigs

pa'i dbang phyug zla ba grags pa yis/ /chu 'bab klung la yi
dwags rnag blo zhes/ /las dbang yul dang yul can tshogs dgos
pa'i/ /gsung 'di khyed kyi kha la smra bcad rgya/ /mdo las sems
can las kyi rnam smin dang/ /

sngags dang sman nus rnal 'byor ting 'dzin mthu/ /bde gshegs
rnam 'phrul bsam gyis mi khyab par/ /gsungs phyir gzugs can
gzugs kyis mi bsgrib dang/ /'gal la ma 'khrul tshad ma 'phen pa
sogs/ /

dmus long 'dom gyis lha lam 'jal bar zad/ /de yang mdo las/ sems
can rnams kyi las kyi rnam par smin pa bsam gyis mi khyab/
sngags dang sman gyi nus pa bsam gyis mi khyab/ rnal 'byor pa'i
ting nge 'dzin

@026a @#/ /gyi mthu bsam gyis mi khyab/ de bzhin gshegs pa'i byin
rlabs dang sprul pa bsam gyis mi khyab/ ces gsungs pa'i bsam
gyis mi khyab pa bzhi po de yang/ dang po ni/ yi dwags 'ga' zhig
gis

ganggA'i 'gram du slebs pa na/ chu bo ganggA mi snang bar 'og
gzhi'i gram pa snang ba dang/ gnyis pa/ mi 'tshig pa'i sngags kyi
nus pas/ lcags gong dmar 'bar ba la reg kyang tsha reg mi 'byung
ba dang/ sman kha cig

lus la bcangs pa dang/ reg pa tsam gyis/ mkha' la 'gro nus shing
nad las grol ba dang/ ting nge 'dzin gyi nus pas/ kun tu bzang
po'i mchod pa'i sprin dngos su spros nas/ rgyal ba rnams mchod
cing/ gzhan

yang; phug pa 'dom gang gru bzhi pa'i nang du/ 'khor los bsgyur
ba'i rgyal po'i dpung chung du ma song zhing/ phug pa che ru ma
song bar 'jug nus pa dang/ ston pa mchog gi sprul sku'i thugs
rjes/ khyim pa gos dkar

po can la/ tshur shog gsungs pa tsam gyis dge slong dngos su
'gyur ba dang/ khyad par du/ rdul gcig yul la mkha' gtugs 'jig
rten dang/ /'jig rten mtha' yas phyogs khyab rdul ston mod/
/rdul rags

mi 'gyur 'jig rten phra mi 'gyur/ /rnam rtog mi mnga' khyod kyis
srid mtha'i bar/ /skad cig de re re la spyod sna tshogs/ /ji
snyed ston pa de snyed dzambu'i gling/ /ma lus rdul gang de
snyed la grangs med/ ces gsungs

@026b pa rnams la/ blo gros dman pa khron pa'i rus sbal gyi rnam
thar skyong ba 'ga' zhig gis/ 'gal ba la ma 'khrul ba'i tshad ma
yod par thal/ zer ba dang/ gzugs can gyi gos gzugs can gzhan
gyis mi sgrib par

thal; zhes 'phen par 'dug pa ni/ rgyal bas bsam gyis mi khyab
pa'i gnas su gsungs pa'i nam mkha' la/ dmus long 'dom gyis 'jal
ba'i dka' thub byed par zad do/ /rje thams cad mkhyen pa chen
pos ni/ lcags

gong dmar 'bar ba la mi 'tshig pa'i rig sngags dang ldan mi ldan
gnyis kyis reg bya 'jal tshul gyi dbang du mdzad nas/ TIka chen
du/ lus shes tshad ma gnyis gcig gis grub pa'i reg bya/ cig shos
kyis grub pa ni min pas/

gnyis ka tshad mar khas blangs kyang/ tshad ma gcig gis grub pa
cig shos kyis 'gog pa min no/ /zhes gsungs pas/ chu dwangs shing
bsil ba'i mdun du/ las can gyi lha mi yi dwags gsum slebs pa'i
tshe/

mig shes tshad ma gsum gyi sa ji ltar gzhal ba yang rtogs par
'gyur ro// //yang/ 8 rdzas grub med dang dngos po yod pa 'gal/
zhes pa la/ rdzas grub med dang dngos yod 'gal zhes

pa'ang/ /bden dngos med dang dngos po yod pa la/ /'gal ba kun
mkhyen gyis kyang gzigs mi 'gyur/ /khyod nyid rdzas grub 'dod na
dbu ma pa'i/ /dri tsam mi bro dngos po mi 'dod na/ /dngos po
stong pa nyid kyi stong

@027a @#/ /gzhi yi/ /chos can mi 'dod dam pas khrel ba'i gnas/
/stong gzhi chos can ma grub stong pa nyid/ /stong nyid rab
dbyer 'dod na mo gsham bu'i/ /stong nyid stong nyid rab dbyer
'dod par gyis// //

yang; 9 gzhan skye med dang sa myug rdzas gzhan 'gal/ zhes pa
yang/ lugs 'dir gzhan skye med par grags shing grub/ /rang bzhin
gyis grub sa bon myu gu gnyis/ /bskyed bya skyed byed gzhan
skye'i don

du gsungs/ /sa myug tha dad bskyed bya skyed byed du/ /legs par
'dod kyi de la gzhan skye zhes/ /smra ba de yang sa bon myu gu
sogs/ /tshad ma'i gzhal byar mi 'dod ngan rtags yin// //yang/ 10

bden brdzun yod dang yang log med pa 'gal/ zhes pa yang/ 'phags
mchog klu yis rigs pa drug cu par/ /mya ngan 'das pa bden pa
gcig pu dang/ /rtsa sher 'du byed thams cad bslu ba'i chos/ /de
dag brdzun

zhes gsungs la bla ma rjes/ /skyogs bshad ma mdzad sgra zin zhal
gyis bzhes/ /yang log dbye ba rang rgyud kho na yi/ /grub mtha'
yin pas 'gal bar ji ltar 'gyur/ /'on kyang dpal ldan zla bas kun
rdzob la/ /

'jig rten shes ngo la bltos yang log bzhed/ /gnod pa yod med
dbang po drug zung gi /yul dang yul can dbye ba rtogs par gyis/
/'on kyang khyed ni gnod pa yod med kyi/ /yul dang yul can khyad
par mi 'dod

@027b pas; ;zla ba'i zhabs la rgol ba kho nar zad/ de yang/ mdo
las mya ngan las 'das pa bden pa gcig pur gsungs pa ltar/ rigs
pa drug cu pa las kyang/ mya ngan 'das pa bden gcig pu/ /rgyal
ba rnams kyis gang gsungs

pa; ;de'i tshe lhag ma log min zhes/ /mkhas pa su zhig rtog par
byed/ ces mya ngan las 'das pa bden pa dang/ yang rtsa sher/
bcom ldan 'das kyis chos gang zhig /bslu ba de ni brdzun zhes
gsungs/ /'du byed

thams cad bslu ba'i chos/ /des na de dag brdzun pa yin/ zhes
brdzun pa'i rnam gzhag gsungs pas/ khyed cag kun rdzob bden pa
gzhi ma grub par 'dod pa rnams ma gtogs/ grub mtha' smra ba su
yang bden pa dang

brdzun pa'i rnam dbye mi 'dod pa med do/ /kun rdzob la yang dag
pa dang/ log pa'i dbye ba ni/ thal rang gnyis kyi nang nas/ rang
rgyud pa kho na'i lugs yin te/ bden gnyis las/ snang du 'dra
yang don byed dag /nus pa'i

phyir dang mi nus phyir/ /yang dag yang dag ma yin pas/ /kun
rdzob kyi ni dbye ba byas/ ces 'byung ba ltar yin pas/ de gnyis
'gal zhes smra ba la rgyu mtshan ci yod soms shig /dpal ldan zla
ba'i lugs la ni/ rje thams

cad mkhyen pas/ TIka chen du/ kun rdzob la yul yul can gnyis
las/ thog mar 'jig rten pa'i shes pa la bltos nas/ yul can la
yang dag pa dang log pa gnyis su ston pa ni/ shes bya la bden pa
gnyis su phye bar ma

@028a @#/ /zad; brdzun pa mthong ba'i yul can la yang/ yang dag
pa dang log pa gnyis su 'dod de/ zhes kun rdzob la/ 'jig rten
pa'i shes ngo la bltos te/ yang log gi dbye ba bzhed la/ de ni
zla ba'i dgongs pa

mthar thug pa yin te/ gnod pa med pa'i dbang po drug rnams kyis/
/bzung ba gang zhig 'jig rten gyis rtogs te/ /'jig rten nyid las
bden yin lhag ma ni/ /'jig rten nyid las log par rnam par bzhag
/ces/

gnod med kyi dbang po drug yul dang bcas pa/ 'jig rten shes ngo
la bltos te bden pa dang/ de las ldog pa'i dbang po drug yul
dang bcas pa/ 'jig rten shes ngo la bltos te/ log par bzhag pa'i
phyir/ de 'dra ba'i

log pa'i mtshan gzhi 'dzin pa la/ mi shes gnyid kyis rab bskyod
mu stegs can/ /rnams kyis bdag nyid ji bzhin btags pa dang/
/sgyu ma smig rgyu sogs la btags pa gang/ /de dag 'jig rten las
kyang yod min

nyid; ces gsungs so// 'di lta bu'i lung gsal bar snang yang/
khyod kyis/ tha snyad yin phyin/ 'khrul pa la bzang ngan gyi
khyad par gtan med du 'dod pa 'di/ 'jug pa dang dngos 'gal du
rtogs par gyis shig / //

yang; 11 yan lag la dpyad bum pa mi rnyed dang/ /skad cig la
dpyad zhig pa rnyed pa 'gal/ zhes zer ba la/ cha shas dbye na
cha can mi rnyed pas/ /skad cig la dpyad zhig pa rnyed ces pa/
/rje btsun gsung

@028b rab gang na 'dug pa smros/ /chos kun gdod nas rang bzhin
dag pa'i phyir/ /las zhig 'gyur ba'i rgyun las 'bras bu 'byung/
/dngos dang dngos med 'dus byas yin zhes dang/ /las 'gags yun
ring lon las 'bras

'byung bar/ /gsungs phyir khyed kyang zhig pa dngos 'dod mod/
/skad cig mi 'dod mi 'jig 'bras 'dod pas/ /rtag las 'bras bu
'byung bar 'dod par gyis/ /rigs pa'i dbang phyug chos kyi grags
pa yis/ /gang gi rang

bzhin mi 'jig chos de la/ /mkhas rnams rtag ces brjod par gsungs
phyir ro/ /de yang mdo las/ lus can rnams kyi las rnams ni/
/kalpa brgyar yang chud mi za/ /tshogs shing dus la bab pa na/
/'bras bu nyid

du smin par 'gyur/ zhes dang/ las bsags nas kalpa brgya stong
lon kyang/ de'i 'bras bu 'byung bar gsungs pa la/ zhig 'jig gcig
tu 'dod pa'i phyi rol pa dag na re/ de lta bu'i las de/ rang
'bras 'byin pa'i

bar du yod na/ rtag par 'gyur la/ las bsags ma thag pa'i skad
cig gnyis par zhig na/ las des rang 'bras bskyed mi nus te/ de
skad cig gnyis par zhig cing/ zhig pa dngos med yin pa'i phyir/
zhes rtsod pa

yin te/ rtsa sher/ gal te smin pa'i dus bar du/ /gnas na las de
rtag par 'gyur/ /gal te 'gags na 'gags gyur pa/ /ji ltar 'bras
bu bskyed par 'gyur/ zhes gsungs pa'i phyir/ 'di'i lan la/ rang
sde

@029a @#/ /'og ma rnams na re/ de skad cig gnyis par zhig kyang/
'bras bu mi bskyed pa'i skyon med de/ las de 'jig par phyogs
pa'i tshe/ las kyi nus pa 'jog pa'i rten yod pa'i phyir zer/ nus
pa 'jog

pa'i rten la mi mthun pa mang yang/ yi ge mang bas 'jigs nas ma
bkod do/ /rang lugs kyi lan ni/ de 'dra'i las/ bskal mang lon
kyang/ 'bras bu nges par 'byung ste/ de rang bzhin gyis mi 'gag
cing/ rang bzhin

gyis ma 'gags pa'i las las 'bras bu 'byung ba'i phyir te/ kun
gzhi'i rnam shes dang/ thob pa dang/ dpang rgya dang 'dra ba'i
chud mi za ba sogs/ las kyi bag chags bsgo ba'i gzhir khas mi
len par/

sems sam rnam par shes pa'i phung po sogs la brten nas btags
pa'i ming rkyang gi nga tsam zhig /las kyi bag chags 'jog pa'i
gzhir 'dod pa'i phyir te/ las zhig pa'i bag chags rim bzhin zhig
pa

las 'bras bu 'byung ba'i phyir te/ 'jug pa'i TIka chen las/
gang phyir rang bzhin gyis de mi 'gag pa/ de'i phyir/ zhes pa'i
rgyu mtshan nyid kyis/ las zhig pa'i zhig pa las/ phyis kyi 'bras
bu 'byung ba 'grub

pas; ces pa dang/ skad cig dang po dus gnyis par zhig pa ni/
dngos su dgag bya bcad nas rtogs dgos pas/ dgag pa ni yin la/
med dgag ni ma yin pas/ ma yin dgag ste/ zhig rgyu de bcad pa
tsam min

@029b gyi; de bcad pa'i dngos po zhig 'phangs pa'i phyir ro/
zhes gsungs pa'i phyir/ des na/ khyed dbu ma chen po par ni khas
len par 'dug /rtsa sher/ dngos dang dngos med 'dus byas yin/
zhes pa dang/ 'jug par/ la lar

las 'gags yun ring lon las kyang/ /'bras bu yang dag 'byung bar
rig par gyis/ ces dang/ tshig gsal las/ zhig pa dngos por bsgrub
pa'i lung rigs gnyis gsungs pa'i/ lung ni/ sa bcu pa'i mdo las/

skye ba'i rkyen gyis rga shi/ zhes sogs drangs shing/ rigs pa
ni/ de nyid las/ 'jig pa rgyu med du khas blangs nas/ 'dus byas
skad cig mar smra ba ltar na/ rgyu med pas 'jig pa med pa'i
phyir/ dngos po skad cig gis

'jig pa dang bral ba rnams/ 'dus byas su ji ltar 'grub/ de'i
phyir de thams cad ni mi 'jig par 'gyur ro/ zhes gsal bar gsungs
pa ltar/ zhig pa 'dus byas su ni 'dod las che/ de 'dod na/ rje
btsun bla mas/ las zhig

pa'i rgyun skad cig skad cig gis 'gyur ba'i rjes su 'bras bu
smin par gsungs pa la/ skad cig la dpyad pas zhig pa rnyed ces/
skur zhus chen po byas 'dug pa/ khyed/ zhig pa'i rgyun mi 'jig
par 'dod par 'dug pa ni/ rigs

pa'i dbang phyug gis/ gang gi rang bzhin 'jig med pa/ /de la
mkhas rnams rtag ces brjod/ /des na ngo tsha'i lta ba 'di/
/spongs la de ni rtag par smros/ ces gsungs pa bdag gir byas par
gda' bas/ slan chad

@030a @#/ /'phags pa yab sras kyi rjes su 'jug pa yin zhes ma
smra zhig / //yang/ 12 rang rgyud smra bas rang bzhin smras pa
dang/ /rang bzhin med blo de ngor grub pa 'gal/ zhes pa la/
khyed rang gis

kyang; 'di ni tshig ma khengs pa tsam yin te/ 'on kyang/ rang
tshig lhag chad nor 'khrul dang bral lo snyam pa'i nga rgyal
gzhom pa'i phyir ro/ zhes zer ba ni/ TIka chen las/ gal te
gzugs dang tshor ba la sogs pa'i rang

gi mtshan nyid de/ rang gi ngo bo nyid kyis grub pa'i rang bzhin/
rgyu dang rkyen la brten nas skye bar 'gyur na ni/ rnal 'byor
pas chos rnams rang bzhin gyis grub pas stongs par mngon sum du
rtogs pa'i tshe/ dngos po'i rang

bzhin de la skur pa btab pa'i tshul gyis stong pa nyid rtogs par
'gyur te/ zhes gsungs pa la smra bar 'dug kyang/ 'di'i rang
bzhin gyis ces pa/ bden pa'i rang bzhin gyis/ ces pa yin pas/ de
lta bu la ngan tshig smra ba ni/

smra bar 'dod la smra rgyus phongs pa yin mod/ de lta na/ smra
ba zla med ston pa mchog de'i bka' la yang de 'dra ba mang du
'byung bas/ ha cang thal bar 'gyur ro/ /yang khyed kyis/ rang
rgyud pa mi 'dod pa'i nyan rang la chos kyi bdag med

rtogs pa dang/ thal 'gyur ba mi 'dod pa'i dbu tshad seng ge mjing
bsnol gyi snyan ming yang dang du blangs pa 'dis ni/ legs pa
bsdus par byas pas/ 'gal ba mang po 'dus pa yin zhes zer ba/
rang rgyud pas

@030b thal 'gyur ba bzhed pa ltar gyi chos kyi bdag med rtogs
pa'i nyan rang mi bzhed kyang/ chos kyi bdag med rtogs pa'i nyan
rang ci rigs pa bzhed pa'i rang rgyud pa med na/ rje btsun byams
mgon gyis/ gzung don rtog pa

spong phyir dang/ /'dzin pa mi spong phyir dang ni/ /rten gyis
bse ru lta bu'i lam/ /yang dag bsdus par shes par bya/ zhes
gsungs pa zhal 'chal e yin/ dbu ma'i skabs su yang/ dbu ma pa
rang gi rigs pa/ tshad ma'i

rigs pa dang seng ge mjing bsnol lta bur bzhed pa ni/ rgya bod
kyi mkhas grub tshad ldan phal cher gyis/ rigs pa'i dbang phyug
rnam gnyis kyi bzhed pa bzhin/ rigs pa yang dag gis drangs nas/
gzhi lam 'bras bu

la sogs pa'i rnam gzhag 'jog cing zhal gyis bzhes pa'i rnam thar
yin te/ lha las phul byung gi bstod par/ bdag ni sangs rgyas
phyogs mi 'dzin/ /ser skya sogs la mi sdang yang/ /gang zhig
rigs par ldan pa'i

tshig /de nyid ston par yongs su 'dzin/ zhes dang/ rje btsun sa
paN gyis kyang/ des na sangs rgyas bstan pa mchog /nges don tshad
ma yin par bzung/ /yang na dngos po stobs zhugs kyi/ /rigs pas
grub pa tshad mar

bzung; zhes gsungs pa'i phyir/ 'di rnams thugs la dgongs nas
sdang smras mi mdzad par zhu// //yang/ 13 nyon mongs can min ma
rig yod pa dang/ /shes par gyur pa'i shes sgrib med pa

@031a @#/ /'gal/ zhes pa la/ shes pa gcig gis bden gnyis cig car
du/ /mngon sum gzigs pa'i sgrib byed phra ba la/ /ma rig ces
btags shes pa dngos min pas/ /de la 'gal ba cha tsam yod

ma yin// //yang; 14 gzhung gzhan nas bshad kun gzhi rang rig
sogs/ /'gog na de dag rang lugs mi 'dod dang/ /sde bdun nas
gsungs tshad ma mi 'dod kyang/ /rang lugs tshad ma'i

rnam gzhag shes pa 'gal/ zhes pa la/ kun gzhi rang rig mi 'dod
tshad ma yi/ /rnam gzhag byed pa 'gal bar smra ba ni/ /rgyal ba
gnyis pa 'gog pa'i zol gyis ni/ /dpal ldan zla ba snying nas sun

'byin pa/ /lus med bdag pos byin gyis brlabs pa dang/ /'jug pa'i
rtsa ba 'grel pa tshig gsal gyi/ /dpe klog tsam yang ma byas 'dra
ba'i gtam/ /de yang/ khyed rang dpal ldan zla ba'i rjes su
'brang

bar khas blangs nas/ byang chub sems 'grel las/ ji ltar khab len
dang nye bas/ /lcags ni myur du yongs su 'khor/ /de la sems ni
yod min te/ /sems dang ldan bzhin snang bar 'gyur/ /de bzhin

kun gzhi'i rnam shes ni/ /bden min bden pa bzhin du ni/ /gang
tshe 'gro 'ong g.yo bar 'gyur/ /de'i tshe srid pa 'dzin par byed/
ces yid kyi rnam shes la kun gzhi'i sgras btags pa dang/ 'jug pa
rang 'grel

@031b las; dngos po thams cad kyi rang bzhin rjes su zhugs pa'i
phyir/ stong pa nyid kho na la kun gzhi'i rnam par shes pa'i
sgras bstan par bya'o/ /zhes stong nyid la kun gzhi'i sgras
btags pa sogs mthong ste/ dbu ma chen po'i

skabs 'dir/ tshogs drug las tha dad pa'i kun gzhi dang rang rig
'dod pa 'dra ba zhig 'dug pa/ 'di ni ches mi rigs te/ 'jug par/
kun gzhi yod cing gang zag nyid yod la/ /phung po 'di dag 'ba'
zhig nyid yod ces/ /

bstan pa 'di ni de ltar ches zab don/ /rig par mi 'gyur gang yin
de la'o/ zhes dang/ gang phyir gang gis yul myong gyur de las/
/dran pa 'di gzhan nga la yod min pa/ /de'i phyir nga yis mthong
snyam dran 'gyur te/ /'di

yang 'jig rten tha snyad tshul lugs yin/ /de'i phyir rang rig yod
pa ma yin na/ /khyod kyi gzhan dbang gang gis 'dzin par 'gyur/
/byed po las dang bya ba gcig min pas/ /de nyid kyis de 'dzin
par rigs ma yin/ zhes

dang; spyod 'jug las/ gang tshe dngos dang dngos med dag /blo yi
mdun na mi gnas pa/ /de'i tshe rnam pa gzhan med pas/ /dmigs pa
med pa rab tu zhi/ zhes dang/ sems med pa la mchod byas pas/ /ji
ltar 'bras bu

ldan par 'gyur/ zhes sogs dang/ gzhan yang rtsa ba shes rab dang
bzhi brgya pa sogs su yang rigs pa'i rnam grangs mtha' yas pa'i
sgo nas/ kun gzhi dang rang rig yod pa bkag pa'i phyir/ yang/
tshad ma sde bdun

@032a @#/ /nas; gsar du mi bslu ba'i rig pa tshad ma'i mtshan nyid
du bshad pa lta bur mi 'dod par mthun yang khyed skabs 'dir/
tshad grub yin na/ bden grub dang bslu med du grub pa yin dgos/
tshad grub

las gzhan pa'i bden grub med/ tshad ma shes bya la mi srid de/
ting nge 'dzin rgyal po las/ mig dang rna ba sna yang tshad ma
min/ /lce dang lus dang yid kyang tshad ma yin/ /gal te dbang po
'di dag tshad yin na/ /'phags

pa'i lam gyis su la ci zhig bya/ zhes pa dang/ 'jug pa las
kyang/ gal te 'jig rten tshad ma yin na ni/ /'jig rten de nyid
mthong bas 'phags gzhan gyis/ /ci dgos 'phags pa'i lam gyis ci
zhig bya/ /blun

po tshad mar rigs pa'ang ma yin no/ /rnam kun 'jig rten tshad min
de yi phyir/ /de nyid skabs su 'jig rten gnod pa med/ /'jig rten
don ni 'jig rten grags nyid kyis/ /gal te sel na 'jig rten gyis

gnod 'gyur/ zhes sogs tshad ma med pa'i shes byed yin no zer na/
lung de ngag gi don la bsam blo tsam yang ma btang ba'i skyon
yin te/ de dag gi don ni/ so so'i skye bo'i dbang shes rnams/ de
kho na nyid la tshad ma

ma yin te/ gal te de rnams de kho na nyid la tshad ma yin na/ so
skyes de kho na nyid mngon sum du rtogs par 'gyur la/ de lta na/
dka' ba du mas 'phags pa'i lam bsgrub pa don med du 'gyur ba'i
phyir/ zhes pa'i

@032b don du/ rnam dbye cung zad shes pas kyang nges sla ba yin
no/ /de ltar byas pa la khong na re/ drangs ma thag pa'i lung de
dag min pa/ bzhi brgya pa las kyang mig sogs tshad ma yin pa
spyir bkag pa yin te/ bzhi brgya pa'i 'grel

pa las/ gang yang 'dis/ dbang po'i rnam par shes pa 'di mngon
sum nyid du sgro btags nas/ gzhan tshad ma nyid du rtogs par byed
pa de yang ches shin tu ma 'brel ba zhig go /mi bslu ba'i shes
pa ni 'jig rten na tshad

ma nyid du mthong na/ rnam par shes pa yang bcom ldan 'das kyis/
'dus byas yin pa'i phyir brdzun pa bslu ba'i chos can dang/ sgyu
ma lta bur gsungs so/ /gang zhig brdzun pa bslu ba'i chos can
dang/ sgyu ma lta bu yin

pa de ni mi bslu ba ma yin te/ rnam pa gzhan du gnas pa'i dngos
po la/ rnam pa gzhan du snang ba'i phyir ro/ /de ltar gyur pa ni
tshad ma nyid du brtag par rigs pa ma yin te/ rnam par shes pa
thams cad kyang tshad ma nyid

du thal bar 'gyur ba'i phyir ro/ zhes gsungs pa'i phyir/ zer ba
ni/ shin tu mi 'thad de/ 'di ni chos rnams rang bzhin gyis grub
par 'dod pa'i rang sde thams cad/ mi bslu ba'i shes pa tshad ma'i
mtshan nyid kyi zur du smra

zhing khyad par mig shes sogs/ mngon sum ma 'khrul ba'i tshad mar
'dod pa'i rtog ge pa'i lugs bkag pa yin pa'i phyir/ de yang
dngos smra ba rnams/ gzugs sgra sogs yod na/ rang gi mtshan nyid
kyis yod dgos  

@033a @#/ /la; de dag rang gi ngo bos ma grub na/ de dag yod par
'jog mi shes pa'i rgyu mtshan gyis/ de rnams la tshad mar song na/
de dag gi rang gi mtshan nyid la tshad mar 'gro dgos par 'dod pa
yin te/ rje thams

cad mkhyen pas/ des na 'dir de dag tshad ma yin pa bkag pa ni/ de
rnams yul lnga'i rang gi mtshan nyid la tshad mar 'dod pa 'gog pa
yin la/ 'gog tshul ni/ bcom ldan 'das kyis/ rnam shes rnams
brdzun pa bslu

bar gsungs pa des 'gogs so/ /de yang/ bslu bar gsungs pas mi
bslu ba bkag nas tshad ma yin pa 'gog ste/ mi bslu ba ni tshad
ma'i mtshan nyid yin pa'i phyir ro/ /'o na/ bslu lugs gang yin
snyam na/ rnam pa gzhan

du gnas pa'i dngos po la/ rnam pa gzhan du snang ba/ zhes gsungs
pa 'di yin te/ zhes gsungs pa'i phyir/ yang khyed kyis rje thams
cad mkhyen pas TIka chen du/ gzhal bya grub pa tsam gyis tshad
ma grub par shugs kyis

bstan to/ zhes gsungs pa 'gog cing/ tshad ma med par 'dod pa ni/
rgyal ba'i gsung rab spyi dang/ khyad par 'phags pa yab sras
ched du 'gog pa yin te/ 'phags pas/ gal te rang las tshad ma
grub/ /gzhal bya rnams la ma

bltos par/ /khyod kyi tshad ma grub 'gyur 'dir/ /gzhan la mi
bltos rab grub 'gyur/ zhes; rang rig yod tshe/ tshad ma dang gzhal
bya phan tshun bltos grub tu mi 'gyur ba'i skyon brjod mdzad pa
dang/ tshig gsal las/ de'i

@033b phyir de ltar tshad ma bzhi las 'jig rten gyi don rtogs par
rnam par 'jog pa yin no/ zhes dang/ de dag kyang phan tshun bltos
pas 'grub par 'gyur te/ tshad ma dag yod na gzhal bya'i don dag
tu 'gyur la/ gzhal bya'i don dag

yod na tshad ma dag tu 'gyur gyi/ tshad ma dang gzhal bya gnyis
ngo bo nyid kyis grub pa ni yod pa ma yin no/ zhes dang/ tshad
ma'i grangs 'jug pa gzhal bya'i gzhan gyi dbang yin pa'i phyir
dang/ gzhal bya'i rnam pa'i rjes su

byed pa tsam gyis/ rang gi ngo bo yod par rnyed pa'i tshad ma dag
gi rang gi ngo bo rnam par 'jog pa'i phyir/ zhes gzhal bya'i
dbang gis tshad ma dang/ tshad ma'i dbang gis gzhal bya 'jog par
gsungs pa 'gog pa'i phyir te/ tshad

ma gzhi ma grub pa'i phyir/ 'khor gsum/ de ltar byas pa la khong
na re/ de 'dra'i tshad ma 'jig rten gyi dbang gis yin gyi/ de las
gzhan pa'i tshad ma'i rigs gzhi ma grub bo/ /zhe na; 'o na ri
bong gi rwa dang rus sbal gyi spu

gnyis kyang phan tshun bltos nas 'jog rigs par thal/ de gnyis
dang tshad ma dang gzhal bya gnyis med mtshungs gang zhig /tshad ma
dang gzhal bya gnyis phan tshun bltos nas 'grub par 'gyur ba'i
phyir/ gzhan yang/ tshad

ma yod par thal/ thams cad mkhyen pa'i ye shes yod pa'i phyir
te/ rnam kun mkhyen nyid ye shes ni/ /mngon sum mtshan nyid can
du 'dod/ /gzhan ni nyi tshe ba nyid kyis/ /mngon sum zhes byar mi
'dod do/ /zhes rnam kun

@034a @#/ /mkhyen pa'i ye shes ni/ shes bya thams cad mngon sum
du rtogs pa'i ye shes nyid du 'dod pa yin gyi/ de las gzhan pa'i
shes pa rnams ni/ yul nyi tshe ba tsam 'jal ba ma gtogs/ chos

thams cad mngon sum du mkhyen pa nyid du mi 'dod do/ zhugs
gsungs pa yin pa'i phyir/ gzhan yang/ sangs rgyas kyi ye shes la
dbye na/ ye shes lngar med par thal/ chos dbyings ye shes/ me
long ye shes/ mnyam

nyid ye shes/ sor rtog ye shes/ bya sgrub ye shes lnga'i khyad
par dbye rgyu med pa'i phyir te/ ye shes lnga po'i yul med pa'i
phyir te/ sangs rgyas kyi ye shes la yul med cing/ yul gzhal bar
'dod pa gzhan ngo tsam

yin pa'i phyir/ 'khor gsum/ gzhan yang/ sangs rgyas 'phags pa'i
ye shes kyi yul yod par thal/ de'i ye shes kyis gzigs pa yod
pa'i phyir te/ de'i ye shes kyis/ 'das pa dang/ da ltar ba dang/
ma 'ongs pa'i

dus gsum ga gzigs pa'i phyir te/ mgon po klu sgrub kyis/ rim
lnga las/ 'das pa dang ni ma 'ongs dang/ /da ltar byung ba'i
srid gsum ni/ /'od gsal ba ni rnam dag pas/ /skad cig de la ma
lus mthong/ zhes

gsungs pa'i phyir/ /smras pa/ rnam dag lung rigs phyag rgyas
bzhag pa yi/ /'gyur med ri rab lta bur brtan pa'i gsung/ /nyam
chung byis pa'i stobs kyis bskyod rtsom pa/ /sbrang bu'i gshog
pas nyi 'od bsgrib 'dod

@034b bzhin/ /bar skabs kyi tshigs su bcad pa'o// //yang; 15 mi
rtag sogs rtogs rnal 'byor mngon sum dang/ /de yis sbyor lam
rtogs par mi sleb 'gal/ zhes pa la/ mngon pa gnyis bshad mi rtag
sogs

rtogs dang/ /gang zag rang rkya thub pa'i rdzas yod kyis/ /stong
par rtogs pa'i rnal 'byor mngon sum gyi/ /ting 'dzin thob pa'i
rang rgyud pa dang ni/ /dngos por smra ba'i rnal 'byor ba yang
mang/ /de tsam goms kyang sbyor lam mi

'thob ste/ /'jug pa rang 'grel bcas dang spyod 'jug las/ /nyon
mongs spangs pas grol na de ma thag /ces sogs gsungs rnams gzigs
shig nges par 'gyur// //yang; 16 gzhan sems

shes pa yid mngon yin pa dang/ /bden bzhi shes pa rnal 'byor
mngon sum 'gal/ zhes pa la/ seng ge dkar mo gangs sul 'grim pa
dang/ /rgya stag khra bo nags nang rgyu ba 'gal/ /zer dang
mtshungs so 'on kyang gzhan

gyi sems/ /shes pa'i mngon shes dag la yid mngon dang/ /lha mig
rnal 'byor mngon sum mang yod de/ /spyan lnga mngon shes 'doms
pa'i rgyan du gsal/ de yang/ gzhan sems shes pa rdzas spyi de/
yid mngon

yin zhes pa/ rje thams cad mkhyen pa'i gsung rab gang na yod/
khyed kyis ston par mdzod cig /bden bzhi shes pa ni/ tshig 'khri
ma byas na/ rnal 'byor mngon sum bsgrub pa'i rigs pas/ bden bzhi
shes pa goms pa

@035a @#/ /mthar phyin pa rnal 'byor mngon sum du 'grub pa mkhas
pa rnams la yongs su grags shing/ gzhan sems shes pa'i mngon
shes la rnam pa sna tshogs yod pas/ gzhan sems shes pa yid mngon

du 'dod pa dang/ bden bzhi shes pa rnal 'byor mngon sum du 'dod
pa gnyis 'gal lo zhes smra ba ni/ phyogs snga ma nges par/ de
gnyis gcig tu 'dod pa'i 'brel med kyi rtsod pa'o// //yang; 17
kun

mkhyen ye shes chos kun 'jal ba dang/ /shes bya phyed la tshad ma
min pa 'gal/ /zhes pa rang gi mgo bo 'breg pa yi/ /ral gri rno
ngar ldan pa byed pa dang/ /khyad par med de rgyu mtshan ci'i
phyir na/ /kun mkhyen ye

shes chos kun 'jal ba dang/ /shes bya kun la tshad ma min pa
'gal/ /'khor gsum padma'i ngang tshul gsung 'dra'i mangs/ /hwa
shang lta bu'i rgol ngan snying la bsnun// //yang; 18 rdzas yod
bdag smra

gnas ma bur nges dang/ /rnam shes bdag smra'i dbu sems yod pa
'gal/ zhes pa la/ phung po dang ni gcig dang tha dad dang/ /rtag
dang mi rtag gang du'ang brjod med pa'i/ /rdzas yod bdag smra
gnas ma bur nges dang/ /rnam

shes bdag smra'i dbu sems 'gal zer ba/ /gser sogs 'khor los
dbang bsgyur bu stong dang/ /rin chen bdun ldan mi dbang 'khor
bsgyur du/ /nges dang rgyal phran yod pa 'gal brjod bzhin/ /de
yang 'jug par/ kha

@035b cig de nyid gzhan nyid rtag mi rtag /la sogs brjod med
gang zag rdzas yod 'dod/ ces gsungs pa ltar/ gnas ma bu pa phung
po dang gcig tha dad dang rtag mi rtag gang du yang brjod du med
pa'i gang zag rdzas yod 'dod cing/

de 'dra'i bdag rdzas yod 'dod pa/ rang sde'i nang na gzhan med
pas/ de ltar smra ba'i rang sde gnas ma bu par don gyis nges par
gsungs pa dang/ rnam shes bdag smra'i dbu sems yod par bzhed pa
la 'gal ba ci zhig yod/

brjod du med pa'i gang zag rdzas yod smra ba'i dbu sems 'dod na
'gal ba yin/ 'di lta bu'i don nges bzhin du/ brdzun gyis skur ba
btab pa yin na/ chos kyi rgyal bos chad pas bcad pa'i 'os su
'dug pas/ rab byung

phal ba'i bya ba yang ma yin la/ gal te ma nges par rtsod pa yin
tshe/ rang gi de nyid ston pa yin te/ rtog ge 'bar ba las/ 'di
ltar/ kho bo cag kyang tha snyad du rnam par shes pa la bdag gi
sgra dngos su 'dogs te/ 'di ltar/

rnam par shes pa ni/ yang srid pa len pa'i phyir bdag yin no/
zhes slob dpon legs ldan 'byed kyis gsungs shing/ sems tsam pa
kha cig kyang/ rnam shes kyi rgyun bdag tu 'dod pa yin pa'i
phyir/ smras pa/ dri bral

ston pa'i mdzes sku dge ba la/ /rab rib can gyis dri mas sbags
mthong nas/ /gyo dum mi gtsang bshang gci'i chus bkang ste/
/'khru bar rtsom pa bas kyang kye ma mtshar// //rtsod yig de'i
mjug tu/ de ltar 'ga

@036a @#/ /ba'i khur chen yod pa'i rgyu/ /rnam dpyad med par 'jig
rten nyid las ces/ /yang yang smras kyang rtog ger goms pa'i
mthus/ /'thad pa bcug nas dpyad cing bsgrubs pas so/ zhes zer ba
la/ 'di ltar/ gzhan

la rigs pas dpyad ces skyon smra zhing/ /rang nyid dbu ma'i lam
bzang tshol ba la/ /cung zad dpyad dang legs par dpyad zer ba/
/dran pa mi gnas smyon pa'i tshig min nam/ /ltar snang 'gal brjod
nyes pa'i lcags kyu yis/ /

'gal ba'i khur chen brgya phrag 'gugs pa'i rgyu/ /dge sdig las
'bras skyabs gnas dkon mchog gsum/ /med ces chad pa'i lta ngan
bzung bas so/ /ston dang bstan pa rnam dag rigs pa yis/ /'thad
pa bcug nas

legs par bsgrubs pa 'di/ /nyi ma'i gnyen dang de yi rjes 'brang
ba'i/ /mkhas grub dam pa rnams kyi mdzad pa yin/ zhes bya'o//
//de ltar rje btsun bla ma'i gsung rab la/ /ltar snang 'gal ba
bco brgyad

'phangs byas te/ /re res 'gal khur bco brgyad sde nyo ba/ /khyed
dang mtshungs pa'i tshong dpon gzhan yod min/ zhes pa ni bsdu ba'i
tshigs su bcad pa'o// //da ni don snying por dril na/ khyed kyi
rtsod yig gi

thog mtha' bar gsum du/ rje thams cad mkhyen pa tsong kha pa
chen pos/ 'phags pa yab sras kyi dgongs pa ltar/ gzugs nas rnam
mkhyen gyi bar gyi chos thams cad/ don dam par rang gi ngo bos
grub pa rdul tsam yang

@036b med cing/ kun rdzob tu sgyu ma rmi lam chu zla lta bur
rnam pa thams cad mkhyen pa'i ye shes kyis gzigs shing/ gzigs pa
ltar yod par zhal gyis bzhes pa la rtsod par 'dug pa 'di ni/
'phags pa yab sras snying nas sun

phyung ste/ thar pa dang thams cad mkhyen pa'i lam gyi srog rtsa
gcod pa/ klu sgrub yab sras kyi gzhung lugs la legs par ma
sbyangs pa'i gtam yin te/ mgon po klu sgrub yab sras kyis ni/
zab mo'i de kho na nyid gtan

la 'bebs pa la/ thog mar bden gnyis ji bzhin nges par byas te/
lam thabs shes gnyis la bslabs pas/ mthar stong nyid mngon sum
du rtogs pa'i mnyam gzhag gi ngor/ spros pa thams cad zhi bar
'gyur

bar gsungs pa'i phyir te/ rigs pa drug cu pa las/ de nyid 'tshol
la thog mar ni/ /thams cad yod ces brjod par bya/ /don rnams
rtogs shing chags med la/ /phyis ni rnam par dben pa'o/ zhes
gsungs pa'i phyir

dang; de bzhin du/ dus dang/ rgyu dang/ 'bras bu dang/ tshogs pa
thams cad yod par ston pa la/ thal 'gyur ba'i shing rta'i srol
'byed slob dpon sangs rgyas bskyangs kyis kyang/ smras pa/ gal
te dus kyang med/ rgyu dang

'bras bu dang tshogs pa yang med na/ gzhan ci zhig yod/ de lta
bas na/ de ni med pa par smra ba nyid yin no/ /bshad pa/ ma yin
te/ ji ltar khyod dus la sogs pa dag ngo bo nyid las yod par
yongs su rtog par byed pa de

@037a @#/ /ltar mi 'thad par zad kyi/ de dag brten nas gdags par
ni 'grub bo/ zhes gsungs la/ de dang mthun par dpal ldan zla bas
kyang/ bzhi brgya pa'i 'grel pa las/ kun nas nyon mongs pa dang
rnam par

byang bas byas pa'i ngo bo rten cing 'brel par 'byung ba de yod
la/ zhes kun byang gi rgyu 'bras thams cad yod par gsungs shing/
de bzhin du tshig gsal las kyang/ 'jig rten pa'i don dam pa khas
ma blangs par/ don

dam pa bstan par mi nus la/ ma bsten na yang rtogs par mi nus
shing/ don dam pa ma rtogs par yang mya ngan las 'das pa'i grong
khyer du phyin par mi nus so/ /zhes bstan pa'i phyir/ tha snyad
la ni ma brten par/ /dam pa'i

don ni bstan mi nus/ /dam pa'i don ni ma rtogs par/ /mya ngan
'das pa 'thob mi 'gyur/ zhes gsungs te/ de'i phyir mya ngan las
'das pa 'thob pa'i thabs yin pa'i phyir/ chu 'dod pas snod ltar/
thog mar gdon mi

za dang/ kun rdzob ji ltar gnas pa khas blang bar bya'o/ /zhes
gsungs pa'i phyir/ 'di rnams la zhib mor gzigs la/ phyin chad
rje btsun bla ma'i legs bshad la chos kyi lam nas drangs pa'i
yid ches kyi dad pa mdzad du

gsol// //gzhan yang kun gyis shin tu rtogs sla ba'i/ /gnas
la'ang bla rdol 'dra ba 'di lta na/ /phra zab don la mun par
'dom 'jal ba/ /smos ci 'tshal zhes zhar byung gtam 'di gleng/
/yang rtsod yig

@037b mdzad pos/ rig gnas kun shes ces pa rtsa 'grel du yang/
rje thams cad mkhyen pa rang nyid kyi rtogs brjod du/ byang
phyogs 'di na tshad ma'i gzhung lugs la/ /sbyangs dang ma sbyangs
du ma mgrin gcig tu/ /mdo dang sde bdun

kun la byang chub tu/ /bgrod pa'i nyams len rim pa yod min zer/
/'jam pa'i dbyangs kyis phyogs kyi glang po la/ /dngos su 'di
rtsoms 'di ni ma 'ongs dus/ /'gro ba kun gyi mig tu 'gyur ro
zhes/ /gsung gi gnang ba stsal

ba'ang tshad mar byed/ /de ni mi rigs smra ba'i phul byung du/
/mthong nas lhag par tshul der dpyad pa na/ /tshad ma kun las btus
pa'i mchod brjod don/ /tshad ma grub par lugs 'byung lugs bzlog
gis/ /rnam grol don

du gnyer la bcom ldan 'das/ /tshad mar bsgrubs shing de las de yi
ni/ /bstan pa kho na thar 'dod 'jug ngogs su/ /nges pa gting nas
rnyed pas theg gnyis kyi/ /lam gyi gnad kun 'dril bar rigs lam
nas/ /legs

par thon pas lhag par dga' ba rnyed/ ces bka' stsal pa la/ skyon
'dzin pa'i lugs su byas nas/ nang pa'i rig gnas bzhi pa ston
pa'i gzhung/ /sde bdun mdo dang bcas las gzhan med phyir/ /'di
dag nang rig yin par

'dod rnams 'khrul/ zhes sde bdun mdo dang bcas pas byang chub tu
bgrod pa'i lam gyi rim pa bstan par 'dod pa rnams 'khrul ba yin
te/ sde bdun mdo dang bcas pas de ltar bgrod pa'i lam ma bstan
pa'i phyir te/ sde

@038a @#/ /bdun mdo dang bcas pa nang pa sangs rgyas pa'i rig
gnas bzhi pa ston pa'i gzhung yin pa'i phyir/ zer na 'gal khyab
yin te/ sde bdun mdo dang bcas pa 'di rnams theg pa gsum gyi lam
'bras bu dang

bcas pa rigs lam nas drangs te ston pa'i gtan tshigs rig pa'i
gzhung gang zhig /nang pa sangs rgyas pa'i thun mong ma yin pa'i
rig gnas bzhi pa ston pa'i gzhung dang/ rig gnas lnga pa ston
pa'i gzhung mi 'gal

ba'i phyir/ yang; phyi rol pa dang thun mong ba'i rig gzhung yin
pa'i phyir/ zer na ni ma grub ste/ sde bdun mdo dang bcas pas
phyi rol pa rnams 'dod pa'i gtan tshigs tshad ma 'bras bu dang
bcas pa phal cher dgag

bya'i gtso bor byas nas 'gog cing/ rang lugs de las log nas/
phyi rol pa dang thun mong ma yin pa'i tshad ma gtan tshigs sogs
kyi rnam gzhag mtha' chod par rigs lam nas drangs te ston pa'i
phyir/ de skad du

yang; rje thams cad mkhyen pas/ thub pa'i gsung las rnam pa
gzhan nyid du/ /dngos po'i de nyid bstan par 'dod pa yi/ /ser
skya rkang mig sogs kyis bstan pa'i lam/ /chu shing bzhin te
tshig tsam snying po ru/ /legs

par mthong zhing bde bar gshegs pa'i lugs/ /don bzang tshig 'bru
bzang zhing ma 'dres rdzogs/ /thog mtha' bar du dge ba ro gcig
par/ /yid ches gting nas rnyed pa'i thabs kyi mchog /rigs tshul
brgya phrag

@038b du ma'i ro ldan pas/ /blo chen ldan rnams dga' ba rgyas
byed pa/ /rnam 'grel mdzad pa'i thun mong min pa'i lugs/ ces
gsungs pa ltar ro/ /phyi nang thun mong ba ni ka lA pa slob
phan dang bcas pa dang/ snyan ngag me long

la sogs pa'i gzhung rnams yin no/ /gzhan yang/ nang pa'i rig
gnas bzhi pa ston pa'i gzhung/ /sde bdun mdo dang bcas las gzhan
med phyir/ zhes pa ni rtags ma grub ste/ ston pa bla na med pa
des/ mdo sde dang 'dul

ba rnams su/ 'bras rang ma dmigs pa'i gtan tshigs dang/ mngon
lkog 'jal ba'i tshad ma sogs gtan tshigs rig pa'i rnam gzhag mang
du gsungs shing/ de'i rjes su dgra bcom pa chos skyob dang/
paNDi ta me waM ga

dang; de rjes mkhas mchog dbyig gnyen gyis kyang tshad ma'i bstan
bcos rtsod sgrub mdzad par grags shing/ don la'ang grub pa'i
phyir dang/ khyed rang gis kyang rtsa bar/ gtan tshigs rig pa
rgyal bas gsungs pa ni/ /mig gi

rnam par shes pas sngon po tsam/ /shes kyi sngon po'i zhes ma
yin zhes/ /gsungs pas mngon sum rtog bral dbang mngon bstan/
/gzugs la gsal snang shes pa gnyis yin te/ /mig dang yid ngo
zhes pas yid mngon

bstan/ /'dis ni chos la gsal snang yod pa tsam/ /yid mngon yin
par smra ba rnams kyang bkag /dmigs myong so sor bshad pas rang
rig dang/ /bdag med gsal snang gsungs pa rnal 'byor te/ /mngon
sum bzhi

@039a @#/ /ga ston pas gsal bar gsungs/ /gang zhig 'dus byas yin
pa de mi rtag /du ba las ni mer shes dper mdzad pas/ /rang bzhin
'bras bu'i gtan tshigs de bzhin du/ /tshad mas ma dmigs pa

de med ces dang/ /gang zag tsam gyis gang zag tshod mi bzung/
/zhes pas ma dmigs pa gnyis gsal bar bstan/ /de bzhin dgra bcom
chos skyob me waM ga /kun mkhyen gnyis pas rtsod sgrub snga dus
mdzad/ ces bris 'dug

pa; rang tshig dngos su 'di ltar 'gal ba yang mi gzigs pa thugs
rnal du mi gnas pa ni min grang/ de'i rjes su rtsod yig las/
gsung rab spyi yi dgongs 'grel yin pa'i phyir/ /zer na sgra mdo
kun kyang der 'gyur te/ /

gsung rab kun gyi tshig gi dgongs 'grel phyir/ zhes tshig dag byed
tsam la dgongs 'grel zer ba ni/ rnam par ma brtags pa'i ltag
chod de/ de lta na yum rgyas 'bring bsdus gsum gsar bzhengs byas
nas zhus dag byed

pa po rnams kyang yum gsum gyi tshig gi dgongs 'grel mkhan por
khas len par 'dug pas/ 'di las ya mtshan pa ci zhig yod/ tshad
ma'i bstan bcos rnams kyang chos can/ gsung rab rnams kyi dgongs
'grel yin

par thal/ gsung rab rnams kyi don gyi cha dag byed yin pa'i
phyir/ 'khor gsum/ de'i rjes su/ bstan dang ston la yid ches
rnyed thabs dang/ /bdag med ston dang de mkhyen ye shes ni/
/dngos stobs tshad mas 'grub sogs

@039b tshad ma mdo'i/ /mchod brjod don tsam rgyas par bshad pa
ste/ /de ltar byas na yan lag brgyad pa dag /tsandra pa dang rin
chen 'byung gnas sogs/ /nang rig nyid du thal ba bzlog pa med/
ces ston pa lam gang la brten nas tshad ma'i

skyes bu mthar thug tu 'khrungs pa rgyu mtshan dang bcas pa dang/
de la brten nas ston pa'i bstan pa thar 'dod rnams kyi 'jug
ngogs bslu ba med par dngos stobs tshad mas grub tshul ston pa la/
tshad ma mdo'i mchod brjod

dang; de'i don rnam 'grel sogs kyis rgyas par bshad mod/ de
rnams kyis de dag rgyas par bshad kyang/ de rnams kyis byang
chub tu bgrod pa'i lam ma bstan te/ de ltar bstan na/ sman dpyad
yan lag brgyad pa/ ka tsa na/ sdeb sbyor

rin chen 'byung gnas sogs nang rig tu thal ba bzlog tu med pa'i
phyir/ zhes sun 'byin pa ni/ gser phyes gser 'od 'byin na/ lcags
phyes kyang gser 'od 'byin pa bzlog tu med/ ces brjod pa dang
mtshungs pas/

mkhas pa rnams kyi bzhad gad kyi gnas so/ /rtsa ba de'i rang
'grel du yang/ /rtogs brjod kyi gzhung de la rgyu mtshan mtshungs
rgyu'i skyon brjod rigs pa bzang po dpe med pa'i lugs su byas
te/ byang phyogs 'di na sgra yi gzhung

lugs la/ /sbyangs dang ma sbyangs du ma mgrin gcig tu/ /ka lA
tsandra sogs na byang chub tu/ /bgrod pa'i go skabs rim pa yod
min zer/ /spyan ras gzigs kyis tsandra gau mi la/ /dngos su 'di
rtsoms 'di ni ma 'ongs

@040a @#/ /dus; ;'gro ba kun gyi mig tu 'gyur ro zhes/ /gsung gi
gnang ba stsal ba'ang tshad mar byed/ /de ni mi rigs smra ba'i
phul byung du/ /'gyur ba'i phyir/ zhes 'don pa bsgyur nas sun
'byin brjod pa 'di ni/ phyogs

snga'i nam ma langs pa lta ci smos/ rje thams cad mkhyen pas/
mdo dang sde bdun kun la byang chub tu/ /bgrod pa'i nyams len
rim pa yod min zer/ /'jam pa'i dbyangs kyis phyogs kyi glang po
la/ /dngos su 'di rtsoms 'di ni

ma 'ongs dus/ ces sogs bka' stsal ba'i rjod byed kyi tshig kyang
dag por ma nges shing/ brjod bya rje btsun 'jam dbyangs kyis
phyogs glang la kun btus rtsoms shig par dngos su bskul ba rgya
bod kyi mkhas pa la grags

shing grub pa dang/ spyan ras gzigs kyis tsandra gau mi la/ rang
gis brtsams zin pa'i sgra'i glegs bam khron par bskyur ba 'don
par bskul ba tsam yin gyi/ sgra'i bstan bcos de rtsom par dngos
su bskul ba'i gtam

mkhas rmongs su la yang ma grags pa'i rnam dbye shes pa'i skya
rengs tsam yang ma shar bar/ dgag pa'i nyi ma shar ba yin te/
khyed kyi thugs la/ mchog dman du mas/ sde bdun mdo dang bcas
pa'i brjod byar byang chub kyi

lam yod pa min zer ba mi 'thad par thal/ 'jam pa'i dbyangs kyis
slob dpon phyogs kyi glang po la/ khyod kyi bstan bcos 'di/ phyi
ma'i dus na 'gro ba kun gyi mig gcig tu 'gyur ro zhes gsung gi
gnang ba stsal

@040b ba'ang tshad mar byed pa'i phyir/ zhes par go 'dug pa'i
phyir/ de ltar go ba de ni rje thams cad mkhyen pa'i bzhed pa ma
yin te/ rje'i dgongs pa ni/ byang phyogs 'dir tshad ma'i gzhung
lugs la sbyangs pa dang ma sbyangs pa du mas/ sde

bdun mdo dang bcas pas byang chub tu bgrod pa'i nyams len gyi
rim pa ma bstan zer bzhin du/ 'jam pa'i dbyangs kyis phyogs kyi
glang po la/ khyod kyi bstan bcos 'di ma 'ongs pa na 'gro ba kun
gyi mig tu 'gyur ro zhes

gsung gi gnang ba stsal ba'ang tshad mar byed pa 'di ni mi rigs
pa smra ba'i mthar thug par mthong nas/ sde bdun mdo dang bcas
pa'i lung don gyi tshul la rigs pas legs par dpyad pa na/ tshad ma
kun las btus kyi mchod

brjod kyi don/ dpal ldan chos kyi grags pas bstan bcos tshad ma
rnam 'grel du/ lugs 'byung lugs bzlog gnyis kyi sgo nas/ ston pa
sangs rgyas bcom ldan 'das tshad ma'i skyes bu bla na med par
bsgrubs shing/

de'i rgyu mtshan gyis/ ston pa'i bstan pa yang thar 'dod rnams
kyi 'jug ngogs mthar thug tu nges pa gting nas rnyed pa la brten
nas/ theg pa che chung gnyis ka'i lam gyi rim pa'i gnad kun dri
ma med pa'i rigs lam nas

thon par rnam dpyod kyis mthong bas lhag par dga' ba skyes/ ces
pa 'di nyid yin pa'i phyir/ des na khyed kyis/ tshad ma grub par
lugs 'byung lugs bzlog gis/ ces sogs la ci yang mi smra ba'i
brtul zhugs blangs

@041a @#/ /nas; byang phyogs 'di na sgra yi gzhung lugs la/ zhes
sogs g.yo sgyu 'ba' zhig gis skyon brjod bkod de/ ka tsa na sogs
dang/ sde bdun mdo dang bcas pa mgo mtshungs su smra ba'i ca
co ches cher

bsgrags 'dug kyang/ thar pa dang thams cad mkhyen par bgrod pa'i
lam gsal bar ka tsa na gyi gzhung ci 'dra zhig gis bstan smros
shig /tshul 'di dag ni/ rnam dpyod yangs pa'i mkhas pa rnams
kyis/ sde bdun mdo

dang bcas pa dang/ ka tsa na sogs kyi gzhung tsam bklags pas
kyang ji bzhin du nges par 'gyur ba'i phyir/ mngon sum la bsnyon
pa kho na'o/ /des na khyed kyis rje'i gsung la 'don pa bsgyur
ba'i sun 'byin byas pa 'di/

phyogs snga gtan ma longs pa yin mod/ phyogs snga longs pa'i
dbang du byas na yang/ rtags su bkod pa gnyis 'dra ba ma yin te/
slob dpon phyogs kyi glang po la/ rje btsun 'jam dbyangs kyis/
bu; ma byed ma byed

theg pa dman dang phrad pa las ni blo gros ngan skye ste/ /khyod
kyi bstan bcos 'di la mu stegs tshogs kyis gnod mi nus par shes
bya ste/ /khyod kyis sa ma thob kyi bar du dge ba'i bshes su nga
'gyur gyi/ /phyi ma'i dus na

'gro ba kun gyi mig gcig tu ni 'di 'gyur ro/ zhes 'gro ba kun
gyi blang dor gyi gnas ji bzhin du blta ba'i mig gcig pu lta bur
gsungs pa dang/ slob dpon tsa ndra gau mi la 'phags pa spyan ras
gzigs kyis/ khyod

@041b kyis lhag bsam gyis byas pas/ gzhan la phan par 'gyur bas
thon cig /ces gsungs pa'i don legs par dpyad na yang shes par
'gyur bas/ bu ston thams cad mkhyen pa'i chos 'byung du gnyis
ka'i lo rgyus 'byung

bas; der gzigs shig dang nges pa rnyed par 'gyur ro/ /da ni/
khyed kyi log par rtog pa chen po de gzhom pa'i slad du/ rje'i
bzhed pa bzhin/ tshad ma kun las btus kyi mchod brjod kyi don
bshad pa'i sgo nas/ tshad ma

grub par/ bstan pa dang ston pa skyon med du rigs pa yang dag
gis bsgrubs shing/ theg pa gnyis kyi lam gyi gnad yongs su
rdzogs pa bstan tshul cung zad brjod na/ tshad ma mdor/ tshad mar
gyur pa 'gro la phan bzhed pa/ /ston pa

bde gshegs skyob la phyag 'tshal te/ zhes gsungs pa'i tshad ma
zhes pa'i don 'chad pa la/ tshad ma bslu med can shes pa/ zhes pa
nas/ de ldan bcom ldan tshad ma nyid/ ces pa'i bar dang/ gyur pa
zhes pa'i don 'chad pa

la; ma skyes pa ni bzlog don du/ zhes pa nas/ tshur shog bya rgod
sten par gyis/ ces pa'i bar dang/ 'gro la phan bzhed pa/ zhes
pa'i don 'chad pa la/ sgrub byed thugs rje goms las de/ zhes pa
nas/ chags bral

chags dang yid log bzhin/ zhes pa'i bar dang/ ston pa zhes pa'i
don 'chad pa la/ brtse ldan sdug bsngal gzhom pa'i phyir/ zhes
pa nas/ gnyis po 'di ni rgyu ru bshad/ ces pa'i bar dang/ bde
gshegs ces pa'i

@042a @#/ /don 'chad pa la/ rgyu spangs yon tan gsum bde gshegs/
ces pa nas/ de shes pa yang grub pa yin/ zhes pa'i bar dang/
skyob pa'i don 'chad pa la/ skyob pa nyid gzigs lam gsung ba/ /

'bras med phyir na brdzun mi gsung/ /thugs brtse ldan phyir
rtsom kun kyang/ /gzhan gyi don du sbyor phyir ro/ /zhes gsungs/
rgyu mtshan de dag gis ston pa tshad ma'i skyes bur grub pa'i don/
de'i phyir tshad yin zhes

pas bstan to/ /rtsa 'grel de dag gis ji ltar bstan tshul gyi don
mdor bsdus tsam zhig brjod na/ dang pos ji ltar bsten tshul yod
de/ 'dra yul tshad ma'i mtshan nyid sogs dang/ tshad ma rang gi
gzhal bya la mi bslu

ba ltar/ ston pa sangs rgyas kyang rang gi gdul bya mngon mtho
nges legs la bkod nas/ bde ba bsgrub cing sdug bsngal sel bar
mdzad pa la bslu ba med par bstan pa'i phyir/ gyur pa rgyas
bshad kyis bstan tshul yang

yod de/ ma skyes pa rtag pa rang byung gi kun mkhyen 'dod pa'i
log rtog bkag nas/ thams cad mkhyen pa'i tshad ma'i skyes bu yin
na/ bsam sbyor phun sum tshogs pa la brten nas 'khrungs pa zhig
dgos par bstan

pa'i phyir/ 'gro la phan bzhed pa rgyas bshad kyis bstan tshul
yang yod de/ rgyu 'bras bdun gyi sgo nas sems bskyed spyod pa
dang bcas pa'i nyams len gyis thams cad mkhyen pa'i sar bgrod
tshul bstan pa'i phyir/

@042b ston pa rgyas bshad kyis bstan tshul yang yod de/ sbyor ba
phun tshogs phyin drug nyams su blangs nas/ tshogs gnyis rgya chen
po bsags te/ sgrib gnyis bag chags dang bcas pa bcom tshul bstan
pa'i phyir/ bde

gshegs rgyas bshad kyis bstan tshul yang yod de/ bshad ma thag
pa'i don rnams bskal chen du mar nyams su blangs pa la brten
nas/ khyad chos gsum ldan gyi spangs pa phun tshogs bde bar
gshegs pa thob

tshul bstan pa'i phyir/ skyob pa rgyas bshad kyis bstan tshul yang
yod de/ bden bzhi'i blang dor ji bzhin du gzigs pa mthar phyin
pa'i sgo nas/ gzhan la ston pa'i rtags kyis/ bdag cag gi ston pa
gdul bya'i skyabs

gnas mthar thug tu bstan pa'i phyir/ don bsdu na/ bdag cag gi
ston pa shAkya'i rgyal po chos can/ grol ba don gnyer rnams kyi
skyabs gnas bslu ba med pa'i tshad ma'i skyes bu mthar thug yin
te/ bsam sbyor phun tshogs

la brten nas/ rang don spangs rtogs mthar phyin pa brnyes shing/
gzhan don phrin las phun tshogs kyi sgo nas/ sems can thams cad
'khor ba'i sdug bsngal ma lus pa las skyob par nus pa'i skyes bu
yin pa'i phyir/

zhes don bsdus te ston pa la/ de'i phyir tshad yin/ zhes gsungs
pa'i phyir/ de ltar lugs 'byung gi sgo nas ston pa lam gang la
brten nas tshad ma'i skyes bu mthar thug tu 'khrungs tshul bstan
nas/ 'o na/ de ltar 'khrungs

@043a @#/ /pa'i gtan tshigs ji lta bu zhe na/ de ston pa ni/ yang
na skyob/ bden pa bzhi ni ston mdzad pa'o/ zhes pa nas/ gang
phyir des na tshad ma nyid/ ces pa'i bar gyi gzhung rnams kyis
lugs bzlog gi sgo nas

rgyas par bshad/ de ltar lugs 'byung lugs bzlog gnyis kyi sgo
nas ston pa tshad ma'i skyes bur bsgrubs shing bstod pa'i dgos pa
'chad pa la/ de lta'i dngos ston bstod pa ni/ /de yi bstan pa
nyid las ni/ /tshad

ma'i de nyid grub don du/ zhes sogs kyis rgyas par bstan te/ 'di
dag gi don gzhung mang bas 'jigs pas ma spros so/ /yang khyed
kyis/ bstan dang ston la yid ches rnyed thabs dang/ /bdag med
ston dang de mkhyen

ye shes ni/ /dngos stobs tshad mas 'grub sogs tshad ma mdo'i/
/mchod brjod don tsam/ zhes mchod brjod du de ltar bstan kyang/
tshad ma mdo nang rig gi gzhung du mi 'gyur te/ de lta na/ sdeb
sbyor rin chen 'byung

gnas su/ nang gi mtshan mo shes bral gyi/ /nang gi thub pa nyi ma
ni/ /snang ba mchog gi bdag nyid can/ /rgyal ba nyi ma la phyag
'tshal/ zhes thub dbang la mchod brjod mdzad pas/ de yang nang
rig tu 'gyur ba'i phyir/

zer ba ni rigs pa ma yin te/ tshad ma mdo'i mchod brjod 'di/ tshad
ma mdo'i lus rnam gzhag yin pa'i tshul yang ma nges par 'dug pa'i
phyir dang/ rtsom par dam bca'/ tshad mar bsgrub phyir rang gi
gzhung kun las//

@043b btus te sna tshogs 'thor rnams 'dir gcig bya/ zhes; ston pa
sangs rgyas tshad ma'i skyes bu mthar thug dang/ de'i bstan pa
grol ba don gnyer rnams kyi 'jug bya mthar thug bslu ba med par
bsgrub pa'i phyir du/ slob dpon

rang nyid kyis mdzad pa'i tshad ma'i bstan bcos thor bu ba rnams
kyi don phyogs gcig tu bsdus nas/ kun las btus pa rtsom zhes
gsungs pa'i don la legs par ma brtags pa'i gtam du 'dug pa'i
phyir/ snying por

dril na/ khyed rang gis/ 'khor ba kun la nges 'byung bsam pa
dang/ /bdag pas gzhan gces theg chen byang chub sems/ /bden
bzhi'i de nyid la sogs bdag med gnyis/ /phra rags bstan bya'i
gtso bor gang mdzad pa//

de ni nang rig nyid du legs par grub/ ces brjod bya gang bstan
pas nang rig tu 'gyur tshul smras 'dug pa 'di ga ji lta ba'i lan
brjod na/ nges 'byung bsgom tshul ni/ rnam 'grel du/ sdug bsngal
'khor ba can phung po/

zhes sogs dang/ 'du byed sdug bsngal la dgongs nas/ /sdug bsngal
bsgom par gsungs pa yin/ zhes dang/ stong nyid lta bas grol bar
'gyur/ /bsgom pa lhag ma de don yin/ /de'i phyir mi rtag las
sdug bsngal//

sdug bsngal las ni bdag med gsungs/ ces sogs dang/ byang chub
kyi sems bskyed tshul sogs ni/ sgrub byed thugs rje goms las de/
zhes sogs dang/ brtse ldan sdug bsngal gzhom pa'i phyir/ /thabs
rnams

@044a @#/ /la ni mngon sbyor mdzad/ ces sogs kyis rgyas par dngos
su bstan/ bden bzhi ni/ blang dang dor bya'i de nyid ni/ thabs
dang bcas pa rig mdzad pa/ zhes dang/ bden pa bzhi ni ston mdzad

pa'o; ;zhes sogs kyis rgyas par bstan/ chos kyi bdag med ni/
le'u gsum par/ ji lta ji ltar don bsams pa/ /de lta de ltar rnam
bral zhes/ /mkhas pa rnams kyis gang gsungs pa/ /de ni dngos

stobs 'ongs pa yin/ zhes dang/ de'i phyir gnyis stong gang yin
pa/ /de ni de yi'ang de nyid yin/ zhes sogs kyis rgyas par
bstan/ gang zag gi bdag med dang/ de'i dgag bya/ de 'gog tshul
rnams ni/

nyes kun de yi rtsa ba can/ /de yang 'jig tshogs lta ba yin/ /rig
pa'i mi mthun phyogs phyir dang/ zhes sogs dang/ gang zhig bdag
mthong de la ni/ /nga zhes rtag tu zhen par 'gyur/ zhes dang/
bdag yod

na ni gzhan du shes/ /bdag gzhan cha las 'dzin dang sdang/ zhes
sogs kyis rgyas par dngos su bstan/ khyad par/ grub mtha' gong
ma'i skabs su yang/ nges don dang sbyar te bshad du rung ba/
sems kyi rang

bzhin 'od gsal te/ /dri ma rnams ni glo bur ba/ zhes sogs gsungs
shing/ khyed rang gis kyang nang rig ngos 'dzin drangs ma thag
pa de ltar bshad 'dug pas/ da; lan ji ltar bya ba dgongs shig
/ces pa yang zhar byung du'o// //

@044b smras pa/ zla med ston pa bu ram shing pa yis/ /sna tshogs
gdul bya'i bsam pa ji bzhin du/ /chos phung brgyad khri bzhi
stong stsal ba'i mchog /dus gsum rgyal yum shes rab pha rol
phyin/ /de yi snying po rtog ge'i yul min

pa; ;yod med rtag chad mtha' bral zab mo'i lam/ /'grel par lung
bstan ji bzhin 'grel mdzad pa/ /sangs rgyas gnyis pa 'phags
mchog klu sgrub yin/ /de nyid dgongs zab phra zhing rtogs dka'
ba'i/ /'dab ma'i rkyas

bcings kunda kha 'byed cing/ /rgol ngan mun pa'i smag rum kun
'joms pa/ /stong gsum mdzes rgyan zla ba'i zhabs las ci/ /shel
ltar dkar ba'i bsil ris yongs bskor yang/ rab rmongs mun pas
khyab pa'i byang

phyogs 'dir/ /'jigs med zla ba'i bzhed gzhung 'di yin zhes/
/rjen par ston mdzad rgyal ba gnyis pa'i rje/ /gzhung lugs 'bum
phrag ral pa'i khur gyis mdzes/ /phas rgol 'joms pa'i rigs pa'i
mche sder

'bar/ /bslab gsum rim gnyis lus stobs rab rgyas shing/ /legs
bshad gad rgyangs sa gsum 'gengs mthong nas/ /dpal min bskyed
pa'i mi gtsang khung bur 'jug /grub mtha' ngan pa'i ljan ljin
lhag mas 'tsho//

wa skyes rmongs pa'i 'khor nang rtag chad kyi/ /skad ngan sgrog
pas mang por ltas ngan gtong/ /de'i tshe lung rigs mtshon char
gyis/ /'di lta'i log rtog stug po'i nags/ /rtsad nas 'byin nus
mkhas mang yang/ /brnyas thabs

@045a @#/ /dbang gis btang snyoms bzhag /bdag kyang de dag rjes
'gro yang/ /skul byed dri bzhon mang po yis/ /rnam dpyod a
mra'i tshal bskyod pas/ /rtsod lan 'bras bu'i gru char phab/
/khyad par legs nyes

'byed pa'i rnam dpyod kyi/ /mig bral skye bo'i tshogs dang chags
sdang gis/ /yid myos ri bong cal gyi rjes 'gro ba'i/ /skye bo
kun la phan phyir 'di brtsams so/ /'dis mtshon dus gsum bsags
pa'i dge ba'i

tshogs/ /zla shel 'o ma'i mtsho ltar dkar ba de/ /'gro kun chags
sdang sgrib gnyis 'ching ba las/ /rnam grol rgyal ba'i go 'phang
thob phyir bsngo/ /bdag kyang deng nas skye ba thams cad du/ /ma
rnams sgrol phyir sras bcas

rgyal ba yi/ /mdzad pa smon lam rgya mtsho bsgrub pa la/ /kun
bzang 'jam pa'i dbyangs dang mtshungs par shog / //ces sgra pa
shes rab rin chen pa'i rtsod lan lung rigs seng ge'i nga ro zhes
bya ba

'di yang/ chos grwa chen po'i slob dpon rnam pa sogs/ bstan pa'i
rtsa lag sde snod 'dzin pa 'chad nyan gyi go sar bzhugs pa mang
po dang/ khyad par mdo sngags rab 'byams skad gnyis smra ba/
ngam ring mkhan chen tshe

brtan rgyal mtshan gyis yang yang bskul ba la brten nas/
shAkya'i dge slong rigs pa smra ba blo bzang chos kyi rgyal
mtshan gyis/ chos grwa chen po bkra shis lhun po'i gtsug lag
khang du g.yar khral du 'tshal ba'i yi ge

@045b pa ni; bslab gsum sde snod 'dzin pa'i dka' bcu pa snying
stobs rgya mtsho dang/ slad nas mtshams rnams su lung rigs 'ga'
zhig 'jug pa sogs/ yongs su rdzogs pa'i yi ge pa ni/ rnam dpyod
phun sum tshogs pa'i

shAkya'i dge tshul rje drung blo bzang dbang rgyal lo// //'di la
brten nas kyang/ bstan pa rin po che dar zhing rgyas la yun ring
du gnas par gyur cig /hi ta su kha shtsA ka ra budd+ha de sha
bistA ra b+ha ga/ //

oM ye d+harmA he tu pra b+ha wA he tunte ShAnta thA ga to hya
wa data/ te ShA nytsa yo ni ro d+ha e waM bA dI mahA shra ma
NaH swAhA// e ka pr-itstsha/ mangga laM// @#/ oM swasti/ phan
bde'i 'byung gnas rgyal

bstan yongs 'du'i ljon/ /rab rgyas 'gro kun thar mchog 'bras
bzang la/ /spyod phyir bkra shis lhun grub chos grwa cher/ /chos
sbyin 'dzad med dal 'gro'i rgyun 'di spel/ /sarba dza ga taM//
//