@#/ /bkra shis lhun po'i rin po che'i mchod rten mthong bas don
dang ldan cing thos pas rnam par grol ba'i dkar chag bzhugs/ /

@001a @##/ /na mo gu ru shAkya mu na ye/ grangs med gsum du tshogs
gnyis brgya phrag gis/ /legs bsgrubs 'bras bzang mtshan dpe'i me
tog bkra/ skye dgu'i

gdung sel mdzad pa'i grib bsil can/ /thub dbang dpag bsam ljon
pas dge legs stsol/ /lus can phan bde'i 'bras bu smin pa'i
zhing/ /bstan pa rin chen de yang

dkon mchog gi /sku gsung thugs kyi rten la rag las shing/ /khyad
par ring bsrel rnam bzhi ci rigs pa'i/ /snying po can gyi bde
gshegs mchod rten dang/ /rgyal ba'i sku

brnyan bskrun cing de dag la/ /mchod gang dge legs 'byung gnas
mdo las kyang/ /thub pa'i mchod rten byed dam byed bcug pa/ /mya
ngan 'joms dang lus kun

@002a @#/ /grims pa dang/ /rin chen mdzod mang 'jig rten gtsor
'gyur zhing/ /mi de dgra yi tshogs las rgyal bar 'gyur/ /bcom
ldan 'das kyis mchod rten rnams dang ni/ /

sku gzugs rnams la rdul phran ci yod pa/ /de 'dra'i grangs de
snyed kyi rgyal srid dang/ /lha yul sa steng mi yis nges par
thob/ /gzugs dang gzugs med khams kyi ting 'dzin ni/ /phun

sum tshogs pa'i sa mchog kun myong nas/ /tha mar skye dang rga ba
la sogs pa'i/ /sdug bsngal dang bral sangs rgyas go 'phang
'thob/ /ces gsungs de bzhin 'dul ba lung las kyang/ /

mkhas pa gang zhig rab tu sems dang bas/ /sangs rgyas mchod rten
dag la gom 'dor na/ /dzambu chu bo'i gser gyi srang tshad ni/
/stong phrag brgya yang de dang mnyam pa min/ /zhes dang

mchod rten bskor ba'i phan yon sogs/ /mdo rgyud rgya mtshor
bsngags pas yid drangs te/ /zad byed nags kyi dpa' bo'i dus dge
bar/ /skye dgu'i bsod nams chu gter dbus

@002b 'khrungs pa/ /bkra shis bang rim mtho ldan lhun po'i
dbus/ /mthong bas don ldan thos pas rnam grol ba'i/ /bde gshegs
mchod rten 'dzam gling mdzes pa'i rgyan/ /sna tshogs rin chen las
grub

bzhugs khang ni/ /bla bre dang bcas 'gran bzhin lhan cig
bsgrubs/ /skyed byed dngul srang brgya phrag tshes kyi grangs/
/seng khri'i 'byed sogs zangs khal ma 'dres chos/ /sgo rgyan la
sogs mgur zho'i sa

le sbram/ /bcu phrag rgyu skar 'khor lo'i grangs ldan la/
/pir thags dbang po dkon mchog lhun grub kyi/ /rnam dpyod 'dab
brgya'i gnyen gyi 'od stong gis/ /sgo rgyan gser gyi padma rgyas
byas par/ /gru

dkar gru dmar la sogs g.yu rnying gi /mdzes pa'i me tog phang
phung ze'u 'brur rgod/ /mtha' skor spel legs mu tig phreng ba
ni/ /zla ba'i do shal tshar du dag ra ba bzhin/ /nang rim dkar
'tsher mu

tig mA la'i dbus/ /g.yu yi ljon shing 'khyog ldan gsal ba ni/
/bsgyings legs dbang sngon 'ja' tshon dag la 'gran/ /sgo nang
dngul srang brgya phrag las grub pa/ /'dren byed dga' ston ma
lus

spungs pa lta'i/ /rgyal ba'i mdzes sku byin rlabs gzi 'bar ba/
/indra'i phug gi thub dbang mngon sum bzhin/ /tsandan dkar po
'ba' zhig srog shing la/ /de nyid brten sngags bdun brgya rig

@003a @#/ /chen gyi/ /gzungs sngags sum brgya rgya snag dag gis
bris/ /lha rdzas gser mdog ngos la ston pa yi/ /sku brnyan rgyab
ngos de nyid gzungs bkod pa/ /mda' yis lhag pa'i brgya phrag
phyed

dang gnyis/ /jo bo lha gcig dge bshes sne'u zur pa/ /rje btsun
sa paN rgyal ba tsong kha pa/ /dge 'dun rgya mtsho de dag rang
rang gi /phyag zhabs 'khor lo'i mtshan ldan phyag nas ma/ /sangs
rgyas zhabs

rjes dang bcas legs dkris shing/ /rtsa bar chos kyi rgyal po
tsong kha pa'i/ /phyag 'khar yin nges cig car yongs bsdams te/
/rmang dge nas bzung tog gi bar du son/ /bla ngos sangs rgyas
nas bzung bshad

sgrub kyi/ /brgyud pa so so'i rtsa ba'i bla ma'i bar/ /mtshan
spel phyag 'tshal skyabs 'gro byin rlob pa'i/ /spel tshig saM skr-i
ta yi skad bsgyur ba/ /'bru gsum dbus su chud pa brgya lhag
tsam/ /gsang bde 'jigs

dus kyai rdor rnams kyi gzungs/ /stong phrag re re gzhan yang
rgyud sde bzhi'i/ /yi dam mang po'i gzungs sngags brgya phrag
brgal/ /khyad par rdor sems yig brgya brgya phrag lnga/ /gangs
khrod 'gyur ro cog gi

gzungs 'bum gcig /dpang lo chen po'i phyi nang gzungs 'bum
gnyis/ /gsang bde 'jigs byed kyai rdor rtsa rgyud 'ga'/ /mtshan
brjod dus 'khor bsdus rgyud sbyong rgyud dang/ /sman bla'i mdo
dang sdud pa la

@003b sogs pa/ /mdo rgyud sna tshogs de dag dgongs 'grel gyi/
/rgya gzhung mang zhing rtsod dus thams cad mkhyen/ /bu ston
gsung rab 'gangs che phal cher bzhugs/ /khyad par rgyal ba gnyis
pa tsong kha pa'i/ /phyag 'grel gsar gyi

sgron gsal khyad 'phags dang/ /mdo sngags lam rim gnyis kyis
mtshon pa yi/ /rje btsun bla ma'i gsung rab phal che ba/ /theg pa
rgyud sde'i rim pa bzhin du bzhugs/ /bum stod ngos su rdzogs
pa'i sangs rgyas kyi/ /ring

bsrel tshems kyi dum bu glang po'i gdung/ /jo bo'i gdung nag
bzhugs gdan po to ba'i/ /thugs tshal sha po sgang pa'i gdung rus
dang/ /sa paN zhun thigs las grub bcu gcig zhal/ /'phags pa'i
sku sbyar de yi phyag phreng

gcig /kham lung pa dang dpal ldan phag gru dang/ /blo bzang
rgyal ba gnyis pa'i dbu skyes dang/ /chos rje rnam gsum sku
sbyar yongs rdzogs dang/ /rgyal ba gnyis pa'i phyag mtshan rdor
dril zung/ /rje btsun bla ma mkhas

grub rje gnyis kyi/ /tshems las 'khrungs pa'i bung dkar rnam pa
gnyis/ /rgyal tshab sku sbyar dum bu mkhas grub rje'i/ /sman
phreng 'khrul med rdog po lnga bcu lnga/ /'jam dpal rgya mtsho
paN chen dge 'dun grub/ /rnam

gnyis gdung dang grub thob dzA bi ra/ /nor bzang rgya mtsho dge
'dun rgya mtsho'i dpal/ /blo bzang don grub bsod nams rgya mtsho
dang/ /sangs rgyas ye shes rnams kyi dbu lo 'ga'/ /thams cad
mkhyen pa bsod nams rgya

@004a @#/ /mtsho dang/ /mkhas grub chen po sangs rgyas ye shes
kyi/ /dbu paN de nyid phyag dril bcas pa mchis/ /bum dbus nA
ro'i phyag bzo thugs dam rten/ /rdo nag bde mchog phyag mang
'khyud gang

dang/ /tsandan dmar po'i thub sku mda' tshad ma/ /byang chub
shing las rang byon bal mo bza'i/ /thugs dam sgrol ma byin rlabs
'bar ba bzhugs/ /gro ston khro bu thams cad mkhyen pa mchims/
/kun mkhyen 'phags

'od bu ston rin po che'i/ /gdung thal las 'ongs thub dbang par
sku lnga/ /ma pham mtsho rde'u sgrol ma rang byon dang/ /ri bo
rtse lnga'i khrus 'dam 'jam dbyangs sku/ /rgya nag po Ta lar
grags tsandan gyi/ /'phags

pa'i sku dang de yi zhabs rjes rdo/ /dI paM ka ra'i 'bral spang
mi g.yo ba/ /byin rlabs can mtshon li ma rnam pa gsum/ /g.yu
brag phyag tsha sgra pa sher rin pa'i/ /gdung tsha rje btsun mid
la rang byon dang/ /

'dus pa'i sku gsum 'jigs byed yongs rdzogs kyi/ /par sku gcig
lhag bcu phrag drug dang ldan/ /mnga' bdag mai tri'i bde skyong
nA ro dang/ /mar rngog la sogs grub thob mang po yi/ /gsol

snod dad rten mdzad dang 'khrul med kyi/ /mtshan ldan dbu thod
dam rdzas gang bar bzhugs/ /dam pa rgya gar zhabs rten ya gcig
dang/ /chos rgyal khri srong lde'u btsan zhabs ngar dang/ /chos
sku'i ring

@004b bsrel gzungs chen sde lnga po/ /snying por chud pa'i sA
tstsha sum brgya dang/ /gya dgus lhag pa'i khri phrag tshang bar
bzhugs/ /bang rim nor lha mos skyong gtsang ris kyi/ /mgon po'i
gzungs dang mdo rgyud rnam mang

las/ /byung ba'i bkra shis tshogs kyis gang bar byas/ /khri steng
rmang dge'i mtshams kyi srog shing 'og /gnod sbyin yab yum bco
brgyad 'khor lo la/ /bzhed tshul mi mthun khe nyen che ba'i
phyir/ /zhib brtag

tshad ldan mkhas pa'i lugs bzhin bzhugs/ /khri mthang gdengs can
grong khyer de steng du/ /bar chad kun sel yid bzhin nor bu yi/
/ka la sha bzang so so'i sku dang gzungs/ /las bzhi'i spel tshig
sbyar ba'i gad bu

dang/ /rang rang rten rdzas rin chen 'bru sna sogs/ /rten 'brel
dam rdzas rgya mtshos gang ba bkod/ /de dang 'dab chags tshogs kyi
bdag po yi/ /dbang gi 'khor lo man ngag bzhin gnas pa'i/ /steng
du chos kyi rgyal po tsong kha

pa'i/ /gsol lhung zhal dkar ring bsrel gyis mdzes pa/ /bcud kyis
byur bur gang dbus dzamb+ha la/ /kha che sgom pa'i thugs dam li
ma yod/ /dbang ldan thams cad mkhyen pa dge 'dun grub/ /gang
de'i phyag bris dpal

ldan lha mo dang/ /byang chub shing mgon gur gyi mgon po dang/
/byang phyogs glang ru lung bstan grags pa yi/ /rdo ngos mgon po
chos rgyal lha mo dang/ /gnod sbyin sku bris 'phrin las gnyer du
gtad/ /phyag drug

@005a @#/ /mgon po'i be'u bum lugs gsum dang/ /bya rog mtshan can
be'u bum rnam pa gnyis/ /gur zhal gnyis kyi re re rnam sras kyi/
/be'u bum yongs rdzogs chos skyong gzhan gyi yang/ /khungs

btsun yag sna mang pos legs par gang/ /bar bar rgyab gzungs bkra
ba'i dzamb+ha la/ /sum brgya lnga bcu nga lnga bzhugs pa ni/
/byang phyogs gnod sbyin rol pa'i dga' 'tshal bzhin/ /mdor na
'dzam gling

gnas chen phal che ba'i/ /sa sna rdo sna 'bru sna rin chen
dang/ /dar tshon dri bzang sman sna la sogs pa/ /phun tshogs 'dod
dgu 'byung ba'i gnas su bsgrubs/ /de dang mtshungs par dngul
srang rig byed ni/ /brgya phrag

las 'ongs ston pa'i sku brnyan dang/ /dngul srang brgyad cu las
grub maNDal gcig /dngul srang re drug las grub mchod skong
gnyis/ /legs bsgrubs zad byed khrums zla'i bco lnga nas/ /de
nyid mgo can bcu

gsum bcu bzhi la/ /rab 'byams smra ba'i sde dang lhan cig tu/
/dpal ldan mi bskyod rdo rje'i dkyil 'khor du/ /rgyud sde'i don
bzhin rab tu gnas pa mdzad/ /stong phrag brgal ba'i 'dus pa rgya
mtsho'i tshogs/ /rab

ston mang 'gyed bzang pos mngon mchod de/ /bkra shis dge mtshan
me tog char du phab/ /gser zho brgya phrag du ma dang bcas pas/
/bzo rig pa rnams mnyes shing tshim par bgyis/ /de las byung ba'i
rnam

@005b dkar phung po yang/ /lan dang rnam par smin la mi re bar/
/nyam thag mar gyur 'gro ba thams cad la/ /gnas skabs mthar thug
phan bde'i rgyu ru bsngos// ! //yang smras pa/ de ltar rnam mang
rin chen las

grub pa'i/ /'jig rten kun gyi 'dren byed dga' ston kun/ /lhun
por bgyis 'dra sa steng mdzes pa'i rgyan/ /bde gshegs byang chub
mchod rten bskrun pa la/ /rgyu dngos sgo gsum ci rigs mthun pa'i
rkyen/ /sgrub byed ma

lus tshe rabs thams cad du/ /phun tshogs mngon mtho dam pa'i mgon
bzung ste/ /thams cad gzigs pa'i go 'phang myur thob shog /bdag
kyang 'dis mtshon rnam dkar phung po'i mthus/ /rtag tu thub pa'i
brtul zhugs

bzang mnos zhing/ /phyi nang bdud bzhi'i g.yul las rnam rgyal
te/ /nyam thag 'gro kun 'dren pa'i mchog gyur cig /de skad smra
po chos kyi rgyal mtshan te/ /blo ldan dga' dang mos pa spel
phyir dang/ /snying nas rgyal

ba'i mchod rten bsgrub 'dod pa/ /de dag rnams la'ang phan phyir
'di brtsams so/ /zhes rigs par smra ba blo bzang chos kyi rgyal
mtshan gyis sbyar ba'o// // @#/ /swasti/ mchod rten mthong bas
rnam

grol yid bzhin gyi/ /nor mchog bzhugs pa'i gtsug lag khang dang
'di'i/ /shing rtsi logs bris bla bre mchod rdzas rnams/ /ma lus
dge slong chos kyi rgyal mtshan gyis/ /bsgrubs pa'i dge bas tshul
'dir sgo

@006a @#/ /gsum gyis/ /mthun pa bsgrubs pa'i lus can mtha' dag
gis/ /mtshon pa'i mkha' mnyam 'gro ba ma lus pa/ /myur du thams
cad mkhyen grong 'jug gyur cig /'di nang mchod rdzas phra mo
tshun chad kyang/ /'dod khams dbang phyug ma la gnyer du gtad//
// ! oM swasti/ phan bde'i 'byung gnas rgyal bstan yongs 'du'i
ljon/ /rab rgyas 'gro kun thar mchog 'bras bzang la/ /

spyod phyir bkra shis lhun grub chos grwa cher/ /chos sbyin
'dzad med dal 'gro'i rgyun 'di spel/ /sarba dza ga taM// //