@#/ /bkra shis lhun po'i phyi'i mchod rten dang ra bsgreng du
mchod rten bzhengs pa'i dkar chag bzhugs/ /

@001a @##/ /na mo gu ru manydzu g+ho ShA ya/ dus gsum bde bar
gshegs pa thams cad kyi/ /skyon bral chos kyi sku yi bdag nyid
mchog /stobs sogs yon tan ma lus 'byung ba'i gnas/ /

ji snyed mchod rten rnams la phyag 'tshal nas/ /mdo rgyud dam pa
rnams kyis cher bsngags pa'i/ /rtog bral yon tan rgya mtshos yid
drangs te/ /rang gzhan don du rgyal ba'i mchod rten che/ /mngon
par

bsgrubs pa'i dkar chag mdo tsam brjod/ /lhar bcas 'gro ba kun
gyi phan bde'i gzhi/ /rgyal ba'i bstan pa nyid la rag las shing/
/de yang de nyid tshul bzhin 'dzin pa yi/ /rnam dag dge 'dun sde
la

rag las par/ /gsungs phyir zhing rnams rgya mtsho'i dge 'dun
rnams/ /mthun cing 'khor lo gsum la brtson pa'i phyir/ /sngon
tshe 'phags yul dbus kyi ma ga d+har/ /mchog zung bzang pos bsdums

@002a @#/ /che dbyen bzlums kyi/ /mchod rten bsod nams bzhin du
bskrun pa ltar/ /bod yul kha ba can ljongs rdo rje'i gdan/ /po
ta la mtshungs spyan ras gzigs dbang gnas/ /mar me mdzad kyis

lung bstan chos grwa che/ /bkra shis lhun po dpal gyi sde chen
po/ /phyogs las rnam par rgyal ba'i gling 'dir ni/ /dge legs ma
lus gzugs su bgyis 'dra ba'i/ /bde gshegs mchod rten legs par

bsgrubs pa gang/ /phur bu'i lo yi nag zla'i dkar tshes kyi/
/'phrod sbyor dge mtshan ldan pa bco lnga'i nyin/ /dpal ldan mi
bskyod rdo rje'i dkyil 'khor la/ /brten nas sa yi cho ga tshul
bzhin bgyis/ /dri med

gzungs 'grel 'dul ba lung sogs las/ /bshad pa mkhas pas bkral
ba'i phyag len ltar/ /dam pa'i lugs 'dzin dkon mchog lhun grub
ces/ /pir thogs dbang po'i bkod pa'i nyi 'od kyis/ /

gsal bar byas tshe mdzes shing lhun chags la/ /byin rlabs gzi
'bar phan bde'i 'bras stsol ba'i/ /srid dang zhi ba'i gdung sel
chos sku'i rten/ /sngon med 'dod pa 'jo ba'i dpag bsam 'khrungs/ /

@002b sde snod gsum sgrog bslab pa gsum ldan pa/ /bgrang yas
'dun ldan rgya mtsho'i tshogs rnams kyis/ /bya ba las kyi 'khor
lo'i mchog 'di zhes/ /lhag bsam dag pas las la brtson par mdzad/
/'og

tu klu yi bum gter gdengs can gyi/ /dbang po'i snod bcud 'byor
pas byur bur gtams/ /gnod sbyin pho mo dgu yi 'khor lo yang/
/tshad mar gyur pa'i phyag len ji bzhin du/ /'bru dang dar tshon
rin chen

du ma sogs/ /bkra shis rdzas kyis yongs su gang bar byas/ /myur
mdzad bar gcod kun sel dkar nag gi /bum bzang phrin las bzhi yi
'byung gnas yod/ /rin po che dang sman 'dam las grub cing/ /

thams cad mkhyen pa gong ma rnams gsum sogs/ /mkhas grub mang
po'i gdung thal bgrang yas dang/ /gnas chen mang po'i sa sna las
grub cing/ /dri med gzungs kyi ring bsrel snying po can/ /bu
ston thams

cad mkhyen pa'i phyag par gyi/ /mchod rten brgya ldan sAtstsha
khri phrag gcig /gzhan yang bde gshegs chos sku'i ring bsrel
mchog /dri bzang gis sbags gzungs chen rnam pa lnga/ /ci rigs
khong bzhugs sAtstsha 'bum

phrag gsum/ /shAkya'i rgyal po'i gzungs kyi snying po can/
/chig stong sman bla'i gzungs bzhugs lnga brgya dang/ /byams pas
dam bcas gzungs bzhugs brgya phrag gcig /de bzhin mi 'khrugs
rigs gsum

@003a @#/ /mgon po dang/ /gsang bde 'jigs gsum kyai rdor dus
'khor dang/ /kun rig bka' gdams lha bzhi la sogs pa'i/ /gzungs
can sAtstsha mang po snying por bzhugs/ /dzam la sgrol ma

rnam rgyal 'jam dbyangs dang/ /byams mgon mi 'khrugs rgyal po
tshe dpag med/ /dpal ldan 'dus pa rje btsun bla ma'i sku/ /re
re'ang khri phrag re yi tshad du mchis/ /bkra shis do kha mar
grags chos kyi rje/ /byams

pa gling pa'i phyag bzo las byung ba/ /rje btsun bla ma'i sku
'dra byin rlabs can/ /de bzhin phag gru'i sku 'bag byi sa ma/
/jo bo lha gcig smr-i ti dznyA na dang/ /zhang ston g.yu brag
pa yi phyag tsha dang/ /'phags 'od gdung

tsha khro phu thog thub gsum/ /paN chen rdza sku phyag nas mar
grags dang/ /bya btang sems dpa' chen po'i dbu lo phubs/ /bzhugs
pa'i de nyid 'dra sku phyag nas ma/ /gzhan yang paNDi ta dang
grub thob kyi/ /

sku 'dra byin rlabs che ba mang du bzhugs/ /kha che paN chen
shAkya shrI yis/ /'chad nyan mang mdzad brgyad stong kyai rdor
rgyud/ /rgya dpe ya mtshan rmad du byung ba yod/ /gser gyi brgyad
stong glegs bam zung gcig

dang/ /bde dgyes dus gsang gshed skor spyod rgyud kyis/ /mtshon
pa mdo rgyud rim pa mang po dang/ /byams chos rigs tshogs gsal ba
rnam gnyis sogs/ /rtsod bral rgya gzhung shin tu mang po dang/
/bod du

@003b 'gyur ro 'tshal gyi gzungs 'bum gsum/ /khyad par chos kyi
rgyal po tsong kha pa/ /yab sras rnams kyi gsung rab phal cher
bzhugs/ /shAkya'i rgyal po'i tshems kyi dum bu dang/ /rgyal ba'i
yungs 'bru'i 'phel gdung rnam

pa gsum/ /dpal ldan a ti sha yi gdung nag dang/ /mkhas grub
khyung po rin chen brtson 'grus kyi/ /sku mchin dbu klad las
'khrungs ring bsrel re/ /snyigs dus rgyal ba gnyis pa tsong kha
pa'i/ /dbu lo na bza' tshems kyi dum

bu dang/ /bu ston rgyal tshab dam pa mkhas grub rje/ /dge 'dun
grub dang sgra pa sher rin pa'i/ /sku sbyar sku chos tshal bu de
bzhin du/ /'jam dbyangs gtsang pa bdun brgyud ces grags pa'i/
/dbu skra na bza'i dum bu ci rigs mchis/ /nor

bzang rgya mtsho dge 'dun rgya mtsho yi/ /gdung dang dbu skyes
bsod nams rgya mtsho yi/ /gdung mang dbu skra las 'khrungs ring
bsrel yod/ /de bzhin rgyal ba blo bzang don grub kyi/ /dbu skyes
sku mtshal phyag phreng na bza' dang/ /rje btsun

bla ma budd+ha dznyA na yi/ /gdung dang phyag phreng ring bsrel
mang bar bzhugs/ /mchog sprul yon tan rgya mtsho'i dbu skra dang/
/khyad par chos grwa chen po 'di nyid kyi/ /mkhan slob yongs
grags sngon byon mang po yi/ /gdung dang dbu skra du ma legs

par bzhugs/ /mdor na 'dir ni yi ges 'jigs pa'i phyir/ /brjod par
ma spobs phan bde'i char 'bebs pa'i/ /dam pa mang po'i dad rten
gzungs sogs dang/ /rten 'brel dam rdzas bsam gyis mi khyab pa/
/mkhas pa'i phyag len

@004a @#/ /ji bzhin legs bzhugs te/ /dpal ldan rdo rje 'jigs byed
bcu gsum ma'i/ /dkyil 'khor zhal phye spyan dbye rgyas par
bgyis/ /bzo rig pa rnams yon gyis mnyes byas shing/ /rig grol
gnyis ldan

'dus pa'i tshogs rnams la'ang/ /mang 'gyed rab ston bzang po
mngon bsgrubs nas/ /bkra shis dge ba'i me tog char du phab/
/de'i tshe sum rtsen 'chi med tshogs kyis kyang/ /'ja' 'od gur
phub me tog char pa sogs/ /

ngo mtshar lhas kyis lha yi lam bkang ste/ /mi rnams yid la spro
dga' ci yang spel/ /de las 'ongs pa'i dge ba'i tshogs rnams
kyang/ /bslu med dkon mchog gsum po dpang gsol te/ /bstan dang
'gro ba'i phan bde kho

na'i phyir/ /bden tshig smon lam shis pa'i sgra dbyangs bsgrags/
/zhes rigs par smra ba blo bzang chos kyi rgyal mtshan gyis sug
bris su byas pa'o// // @#/ /swasti/ chos sku bde ba chen po'i lha

lam du/ /rgya chen gzugs sku'i chu 'dzin 'bum dkrigs te/ /drug
cu'i dbyangs sgrog phan bde'i char 'bebs pa'i/ /zla med ston pa
de la bdag cag dad/ /gang tshe shAkya'i rgyal po yis/ /bla med
byang chub mchog brnyes tshe/ /bsod nams

zhing du legs 'khrungs pa'i/ /mchod rten dam pa'i dkar chag bri/
/bka' dang bstan bcos du mar lung bstan pa/ /rgyal ba'i gnas
mchog dpal gyi ra bsgreng du/ /dge slong blo bzang chos kyi
rgyal mtshan gyis/ /dang bas

@004b bsgrubs pa'i mchod rten sog shing la/ /de nyid brten
sngags rgyud sde bzhi po yi/ /yi dam chos skyong mang po'i
gzungs kyis gtams/ /slog shing 'og tu dpa' bo gcig grub kyi/
/rgyud nas gsungs pa'i gnod sbyin 'khor lo dang/ /'bru

sna rin chen du mas yongs gang ba'i/ /klu yi bum gter seng
khri'i 'og tu mchis/ /bum smad nang du ye shes mgon po yi/ /bum
pa legs bsgrubs mtshan nyid ldan par bzhugs/ /chos sku'i ring
bsrel gzungs chen sde lnga dang/ /de

bzhin gshegs pa'i yig brgya thub dbang gi /gzungs ring la sogs
chos sku'i ring bsrel ni/ /snying por chud pa'i sAtstsha stong
phrag bzhi/ /thub chen mtshan sngags ldan pa'i mchod rten brgya/
/dbus na byams mgon li ma khru gang

pa; ;gzi 'od stong 'bar dga' ldan gnas bzhin bzhugs/ /de bzhin
bka' gdams gong ma'i thugs dam rten/ /bdag cag ston pa mgon po
'od dpag med/ /bcu gcig zhal dang rgyal yum sgrol ma sogs/ /byin

brlabs can gyi gser sku bcu phrag lhag /rtsa rdo hri rdo yin
nges gdung rten gcig /khro phu'i thog thub sku brnyan skyon med
gcig /bde bar gshegs pa'i 'phel gdung 'khrul med gsum/ /dpal
ldan a ti sha yi gdung nag

dang; ;'brom ston phyag dar mar gad gyur pa dang/ /dam pa sangs
rgyas zhabs chags tshal bu dang/ /rgyal ba gnyis pa blo bzang
grags pa'i dpal/ /yab sras mang po'i dbu lo phyag sen dang/
/thams cad mkhyen pa snga phyi'i byin rlabs

@005a @#/ /mang; ;rgyal ba blo bzang don grub mkhas grub che/
/rje btsun sangs rgyas ye shes ring bsrel 'ga'/ /sangs rgyas
tshems kyi dum bu la sogs dang/ /rgya bod lo paN mang po'i byin
brlabs rten/ /mkhas pa'i phyag len

bzhin du legs par bzhugs/ /shis brjod mnga' gsol me tog char du
phab/ /de las 'ongs pa'i dge tshogs dal 'gro'i rgyun/ /dus gsum
rnam dkar dza hu'i bu mo dang/ /lhan cig gegs med myur du kun
mkhyen pa'i/ /ye shes rgya

mtsho'i dbyings su 'jug gyur cig /deng 'dir blo bzang rgyal ba'i
dbang po yi/ /bstan pa'i nyin byed gzi 'od stong 'bar zhing/
/skye dgu'i pad tshal mtha' dag phan bde yi/ /'dab stong ze'u
'brus mdzes pa brtan gyur cig /don 'di'i phyir

du mthun rkyen gang bsgrubs pa/ /de dag ma lus mngon mtho'i them
skas la/ /brten nas sku gsum gzhal med nyams dga' bar/ /mthong
ba'i chos la thogs med 'jug gyur cig /sa phyogs 'di yang kun tu
bkra shis shog /khyad

par ra bsgreng gtsug lag khang chen po/ /chos dang 'byor pa'i
phun tshogs dga' ston gyi/ /phan bde'i dpal la rol pa'i bkra shis
shog /ces ra bsgreng du mchod rten btab pa'i dkar chag 'di yang/
btsun pa blo bzang chos kyi rgyal mtshan

gyis smras pa'o// //@#/ swasti; phan bde'i 'byung gnas rgyal
bstan yongs 'du'i ljon/ /rab rgyas 'gro kun thar mchog 'bras
bzang la/ /spyod phyir bkra shis lhun grub chos grwa cher/ /chos
sbyin 'dzad med dal 'gro'i rgyun 'di spel/ /sarba dza ga taM//