@#/ /na mo gu ru manydzu g+ho ShA ya/ rdo rje can
zhabs rje btsun bla ma yi/ /zhabs sen 'od chags spyi bo'i gzhir
bkod de/ /gcam bu'i mgrin skyes mA la spel ba la/ /blo yi dbyig

ldan rnams kyis bzod pa'i rigs/ /rnam dkar stobs kyis dal 'byor
rten ldan zhing/ /gzhon nu nyid nas tshangs spyod brtul zhugs
'dzin/ /phan bde'i 'byung gnas dge ba'i bshes gnyen du/ /mthong
nas

gus pas bsten pa khyod phyag 'tshal/ /mdo rgyud gzhung lugs
sbrang rtsi'i rgyal mtshan gyis/ /blo gros dpyid kyi dpal mo
mdzes byas te/ /skal bzang thar 'dod bung ba'i tshogs rnams la/
/legs bshad dga'

ston 'gyed pa khyod phyag 'tshal/ /tshe 'di'i phun tshogs chu bur
ltar mthong nas/ /nges 'byung byang sems yang dag lta ba dang/
/dpal ldan rim gnyis zab mo'i rnal 'byor gyis/ /zung 'jug bsgrub
la brtson pa

khyod phyag 'tshal/ /'dis mtshon dge bas tshe rabs thams cad du/
/bshes gnyen dam pas 'bral med rjes bzung ste/ /'jig rten 'jig
rten 'das pa'i legs tshogs kun/ /yid la smon pa ji bzhin 'grub

@017b par shog /rang gis rang la bstod pa 'di/ /brgya byin yin
yang mdzes ma yin/ /'on kyang lha mi'i dbang phyug gi /bka'
stsal lci ba'i phyir 'di smras/ /rdo rje slob dpon slob ma yis/
/bstod sogs 'bad pa don yod

par/ /rgyal bas gsungs pa'i bden pa des/ /mi dbang bzhed dgongs
rtser son shog /ces chos 'khor rgyal gyi gnas mchog tu blo bzang
chos kyi rgyal mtshan gyis smras pa'o// //