@#/ /na mo gu ru manydzu g+ho ShA ya/ dbyings spros bral bde ba 
chen po'i ngang/ /sku cir yang ston pa'i

zlos gar mkhan/ /pha 'gro ba'i mgon po thams cad mkhyen/ /mi
bdag snying padmo'i ze'u 'brur bzhugs/ /rje sangs rgyas kun gyi
ngo bo nyid/ /chos brgyad khri bzhi stong 'byung ba'i gnas/
/tshogs 'phags mchog

'dus pa kun gyi gtso/ /skyabs bslu med bdag gi dge ba'i bshes/
/bka' mdo rgyud gdams ngag ma lus pa/ /don rgyal ba'i dgongs pa
ji bzhin du/ /dus da lta ma sbas lhug par 'doms/ /nga'i gsum
ldan bla ma 'gran

zla med/ /zhing phyogs bcu'i rgyal bas spangs pa yi/ /ches
snyigs ma'i 'gro ba 'dul ba'i phyir/ /rgyud khrims ldan mkhan
po'i skur ston pa/ /bod gangs can ston pa gnyis pa'i rje/ /mgon
khyod kyi phung khams skye mched

kun/ /lha zhi khro rab 'byams 'dus pa'i bdag /don de'i phyir sku
gsum mi bzad pa'i/ /rgyan 'khor lo'i dbang phyug yid bzhin nor/
/sngar 'das pa'i sangs rgyas grangs med kyis/ /'dul ma nus dmu
rgod bdag cag la/

nor bsam 'phel dbang gi rgyal po ltar/ /mchog thun mong dngos
grub ma lus stsol/ /dus ngan pas thub pa'i nyi ma de'i/ /sku
mngon sum mthong ba'i skal med ngor/ /khyed tha mal dge ba'i
bshes gnyen tshul/ /'di bsams

@022a @#/ /na rgyal ba kun las lhag /tshe 'di phyi'i legs tshogs ma
lus pa/ /khyod mnyes par byas pa'i rjes 'gro zhes/ /yongs mdo
rgyud dam pas bsngags pa'i phyir/ /srog lan brgyar dor kyang
khyod la brten

chos ji snyed gsungs pa'i yi ge yi/ /grangs de snyed bskal pa'i
bar dag tu/ /bdag lus srog longs spyod kun phul yang/ /rje khyod
kyi drin lan mi 'khor gsungs/ /chos tshigs bcad re re'i don gyi
phyir/ /me 'bar ba'i

'obs su mchongs pa dang/ /lcags gzer rnon stong gis phug pa
sogs/ /sngon thub pas dka' spyad ji ltar mdzad/ /yang deng sang
'bad rtsol cher med par/ /chos mdo rgyud zab rgyas mang po zhig
/pha khyod kyi bka' drin

che las thob/ /drin 'khor thabs ma mchis thams cad mkhyen/ /rgyu
des na byang chub snying po'i bar/ /bdag sgo gsum longs spyod
dge tshogs bcas/ /rje khyod mnyes bsgrub phyir 'bul lags na/
/thugs brtse bas

dgyes bzhin bzhes su gsol/ /sngon bskal pa dpag tu med pa nas/
/pha khyod kyi thugs rjes yang yang bskyangs/ /nga slar yang
byang chub snying po'i bar/ /skyabs gzhan na med do bla ma rje/
/dus gnas skabs ci 'drar

gyur kyang rung/ /sprang bdag gi skyid sdug legs nyes kun/ /rje
bla ma khyed rang mkhyen lags pas/ /thugs brtse ba'i lcags kyus
bzung du gsol/ /rje bla ma'i mdzad pa cir snang yang/ /blo log
rtog cung zad mi skye

@022b bar; ;lam zab mo bla ma'i rnal 'byor gyis/ /dus gtan gyi
'dun ma grub gyur cig /ces rang rang gi rtsa ba'i bla ma'i bka'
drin dran pa'i sgo nas gsol ba 'debs tshul go gsal ba zhig dgos
ces/ ri khrod 'dzin pa'i

dge slong dka' bcu pa shes rab seng ges bskul ba la brten nas/
bla ma dam pa rnams kyi slob bu'i tha shal blo bzang chos kyi
rgyal mtshan gyis chos grwa chen po bkra shis lhun po'i gzims
khang du smras pa'o// /