@#/ /na mo gu ru mu ni indrA ya/ bsod nams ye shes rtsa ba 
rab brtan zhing/ /thugs rje'i grib bsil 'gro ba'i gdung ba sel/ 
/mtshan dpe'i me tog

sku gsum 'bras bus brjid/ /thub dbang dpag bsam ljon pa'i zhabs
la 'dud/ /bde gshegs klu rigs sgron ma'i bstan pa la/ /dam bcas
ji bzhin thub dbang chos kyi rje'i/ /rgyal tshab dam pa ston pa'i
mdzad

pa kun/ /'od srungs chen po'i zhabs la phyag 'tshal lo/ /rlabs
chen tshogs gnyis smon lam mthu grub pas/ /rgyal ba'i chos phung
brgyad khri bzhi stong dag /skad cig tsam gyis 'dzin cing sdud
mdzad pa'i/ /chos

@024b mdzod kun dga' bo la phyag 'tshal lo/ /thub pa'i bstan pa
bsam 'phel dbang gi rgyal/ /longs spyod bshad sgrub rgyal mtshan
rtser mchod de/ /phun tshogs 'dod dgu'i char gyis tshim mdzad
pa'i/ /sha na'i gos can

zhabs la phyag 'tshal lo/ /mtshan dpe mi mngon rdzogs pa'i sangs
rgyas ces/ /lung bstan ji bzhin dgra bcom bye ba brgyas/ /phyogs
kun 'gengs mdzad mi bzad bdud kyi dgra/ /'phags mchog nyer sbas
zhabs

la phyag 'tshal lo/ /sangs rgyas bstan pa'i sgron me legs bzung
nas/ /sdug kun mun sel dge legs 'od stong 'gyed/ /d+hi d+hi ka
dang kA la legs mthong ste/ /dgra bcom chen po gsum la phyag
'tshal lo/ /zhes

bstan pa'i gtang rabs bdun gyi bstod pa 'di yang rab 'byams smra
ba blo bzang bstan pa dar rgyas kyis bskul ba la brten nas/ dge
slong rgyal khams pa blo bzang chos kyi rgyal mtshan gyis sbyar
ba'o// //