@#/ /na mo gu ru tsakra samba rA ya/ dus gsum rgyal ba kun gyi
chos kyi

sku; ;dge legs sngo bsangs lang tsho bkra ba'i dbyings/ /sna
tshogs sgyu 'phrul dra ba'i dbang po'i gzhu/ /kun khyab skyabs
kyi dam par gsol ba 'debs/ /gang gi drin gyis bde ba mchog gi
gnas/ /skad cig nyid la stsol

@025b mdzad dbang gi rgyal/ /rtsa ba'i bla ma bcom ldan he ru
ka/ dbyer med 'khor lo'i mgon la gsol ba 'debs/ /rnam 'dren ye
shes mthar thug bde ba mchog /mngon sum ma gyur bdag cag gdul
bya dang/ /'tsham par gur

gum gzhon nu'i 'jo sgeg gis/ /rnam rol rigs brgya'i gtso la gsol
ba 'debs/ /blo bzang dpa' bo mkha' 'gro'i 'od stong gi /'byung
gnas lung rtogs chos kyi snang byed bdag /rgyal ba'i dge mtshan
mchog stsol

skye dgu'i gnyen/ /bcom ldan thugs rje'i gter la gsol ba 'debs/
/de ltar bstod pas tshe rabs kun tu bdag /rje btsun bla ma bcom
ldan yab yum gyis/ /'bral med rjes bzung mchog dang thun mong gi
/dngos grub ma

lus deng 'dir myur du stsol/ zhes pa 'di yang rab 'byams pa bsod
nams chos skyong gis rtsa ba'i bla ma dang bcom ldan 'das 'khor
lo sdom pa dbyer med du gsol ba 'debs tshul shloka lnga pa zhig
dgos ces gsol ba

nan gyis btab pa la brten nas/ sde snod 'dzin pa blo bzang chos
kyi rgyal mtshan gyis sbyar ba'o// //