@#// /na mo gu ru/ sku gsum ye shes lnga ldan/ /rab 'byams dkyil 
'khor kun gyi/ /khyab bdag rdo rje 'chang dbang/ /dbyer med 
blo bzang grags

pa; ;drin can rtsa ba'i bla ma/ /snying nas gsol ba 'debs so/
/thugs rje'i spyan gyis gzigs la/ /bdag dang ma rgan 'gro rnams/
/'di dang phyi ma bar do'i/ /'jigs pa kun las sgrol la/ /mchog
dang thun mong

dngos grub/ /'dod dgu char bzhin phob mdzod/ /bla ma mkhyen bla
ma mkhyen bla ma mkhyen/ /bde gshegs gzhan gyis spangs pa/
/rtsod dus 'gro ba'i 'dren mchog /mnyam med shAkya'i rgyal po/
/dbyer med blo bzang

grags pa/ /drin can rtsa ba'i bla ma/ /snying nas gsol ba 'debs
so/ /thugs rje'i spyan gyis gzigs la/ /bdag dang ma rgan 'gro
rnams/ /'di dang phyi ma bar do'i/ /'jigs pa kun las sgrol la/
/mchog dang thun

mong dngos grub/ /'dod dgu char bzhin phob mdzod/ /bla ma mkhyen
bla ma mkhyen bla ma mkhyen/ /byang phyogs rmongs pa'i mun
khrod/ /bdag cag mgon med rnams kyi/ /bslu med mgon dang skyabs
gcig /rje btsun blo

bzang grags pa/ /drin can rtsa ba'i bla ma/ /snying nas/ /thugs
rje'i/ /bdag dang/ /'di dang/ /'jigs pa/ /mchog dang/ /'dod dgu/
bla ma mkhyen bla ma mkhyen bla ma mkhyen/ phan bde'i 'byung
gnas bstan pa/ /ming tsam

@027a @#/ /lhag mar gyur tshe/ /bslab gsum lung rtogs dam chos/
/rgyas mdzad blo bzang grags pa/ /drin can rtsa ba'i bla ma/ / X
mtshan tsam thos pa yis kyang/ /mnar med dmyal ba'i me lce/
/padmo'i

tshal ltar bsil mdzad/ /kun mkhyen blo bzang grags pa/ /bka' drin
gsum ldan bla ma/ /X khyod zhabs dran pa'i mod la/ /sdug bsngal
mda' char drag po/ /phun tshogs nor bu'i char du/ /bsgyur mdzad
thams

cad mkhyen pa/ /rje btsun rtsa ba'i bla ma/ /X bdag cag yun ring
'khor ba/ /sdug bsngal rgya mtsho chen por/ /'khyams shing bying
ba'i 'byin byed/ /drin can bla ma rnams dang/ /dbyer med blo
bzang grags pa/ /X thog med

dus nas da bar/ /dug gsum nad kyis gdungs pa/ /'tsho mdzad sman
pa'i rgyal po/ /drin can rtsa ba'i bla ma/ /rje btsun blo bzang
grags pa/ /X blang dor gnas la rmongs pa/ /mi shes mun pa'i smag
rum/ /sel

ba'i ye shes sgron me/ /drin can rtsa ba'i bla ma/ /blo bzang
rgyal ba'i dbang po/ /X sangs rgyas byang sems phal cher/ /dag
zhing gshegs pa'i skabs 'dir/ /thugs rjes rgyal ba'i mdzad pa/
/bsgrub mdzad dpal ldan

bla ma; ;blo bzang rgyal ba'i dbang po/ /X sangs rgyas kun gyi
bdag nyid/ /chos phung brgyad khri'i 'byung gnas/ /'phags tshogs
kun gyi gtso bo/ /skyabs gsum kun 'dus ngo bo/ /drin can rtsa
ba'i bla ma/ /blo bzang rgyal

@027b ba'i dbang po/ /X dmyal ba yi dwags dud 'gro/ 'jigs rung
ngan song gsum gyi/ /sgo 'gegs mtho ris lam ston/ /drin can rtsa
ba'i bla ma/ /blo bzang rgyal ba'i dbang po/ /X skye rga na
'chi'i sdug bsngal/ /rba glong 'khrugs pa'i

rgya mtsho'i/ /pha rol sgrol ba'i ded dpon/ /drin can rtsa ba'i
bla ma/ /blo bzang rgyal ba'i dbang po/ /X mchog dang thun mong
dngos grub/ /ci 'dod yid bzhin stsal ba'i/ /yi dam sangs rgyas
byang sems/ /kun 'dus thams

cad mkhyen pa/ /drin can rtsa ba'i bla ma/ /blo bzang rgyal ba'i
dbang po/ /X nag phyogs bdud rigs bar gcod/ /dus mtha'i me yis
nags bzhin/ /skad cig nyid la 'joms mdzad/ /mkha' 'gro chos
skyong kun

'dus/ /drin can rtsa ba'i bla ma/ /blo bzang rgyal ba'i dbang
po/ /X yongs 'dzin mang po'i zhal gyi/ /zab rgyas bdud rtsi
'thungs kyang/ /sangs rgyas dngos su ma bltas/ /skal chad log
lta mkhan la/ /bla mas thugs

rjes gzigs shig /rnyed dka'i dal 'byor thob kyang/ /tshe 'di'i
bya bas g.yengs nas/ /don chen yal bar shor ba'i/ /'di phyi
gnyis med bdag la/ /bla mas/ /dbugs 'byung 'gags pa tsam gyis/
/ngan song gnas

su ltung ba'i/ /ngang tshul snying nas ma dran/ /snying med smon
pa bdag la/ /bla mas/ /sdug bsngal mi 'dod bzhin du/ /sdig pa'i
las la rngams shing/ /bde 'dod dge la g.yel ba'i/ /khrel med
'gal 'du mkhan la/ /

@028a @#/ /bla mas/ /rgan gzhon bar ma'i go rims/ /nges med 'chi
ba mthong yang/ /nam 'chi nges med ma dran/ /rtag 'dzin phyi
bshol mkhan la/ /bla mas/ /rnam dag sdom gsum blangs kyang/
/dran shes

bag yod lhod pas/ /nyes ltung char bzhin 'bab pa/ /ngan 'gro'i
rgyu tshogs bdag la/ /bla mas/ /skra bregs ngur smrig bgos kyang/
/chags sdang g.yo sgyus dus 'da'/ /wa skyes seng lpags gyon
'dra'i/ /sdig can bzang

brdzu mkhan la/ /bla mas/ /dge sbyor byas par rlom yang/ /bag
med le los 'da' ba'i/ /ro nyal rnam g.yeng mkhan la/ /bla mas/
/deng nas byang chub bar du/ /khyod min skyabs gzhan med pas/
/'di phyi bar do kun tu/ /

bla mas thugs rjes gzigs shig /thabs mkhas thugs rje'i lcags
kyus/ /'bral med rjes su zungs la/ /mtho ris thar pa chen po'i/
/gzhal med khang du drongs mdzod/ /ces bla ma rgyang 'bod bla
ma'i thugs rje bskul

zhing byin rlabs 'gugs pa'i lcags kyu zhes bya ba 'di yang/ bya
khyung chos rje bstan pa rin chen sogs kyis nan cher bskul ba la
brten nas/ rje btsun bla ma dam pa rnams kyi bka' 'bangs tha
chung chos smra ba blo bzang chos

kyi rgyal mtshan gyis/ chos grwa chen po bkra shis lhun po'i
gtsug lag khang du sbyar ba'o// //