@#/ /na mo gu ru manydzu g+ho ShA ya/ dus gsum bde gshegs kun 
gyi sku gsung thugs/ /ye shes nam mkha'i

@028b mdzod la dbang bsgyur ba/ /srid pa gsum na dpe zla ma
mchis pa'i/ /bslu med skyabs kyi dam pa bla ma rje/ /gsol ba
'debs so dam chos bsgrub pa'i gegs/ /rkyen ngan bar chad zhi bar
byin gyis rlobs/ /rgud pa'i 'byung gnas

rang nyid gces 'dzin 'di'i/ /khong skran rtsad nas thon par byin
gyis rlobs/ /byams dang snying rje byang chub sems 'byongs
shing/ /bdag med gnas lugs rtogs par byin gyis rlobs/ /deng nas
ji srid byang chub snying po'i

bar; ;khyod min re sa'i skyabs gzhan ma mchis pas/ /'di dang bar
do phyi ma'i skabs kun tu/ /mgon skyabs dpung gnyen mdzod cig
bla ma rje/ /gsol ba 'debs so/ /zhes sogs tshig rkang drug po 'di
rim bzhin sbyar

ro; ;las ngan dbang gis snyigs ma'i dus 'dir skyes/ /nad sogs mi
'dod sdug bsngal char ltar babs/ /mgon med nyam thag 'gro ba
bdag cag la/ /'bral med thugs rjes gzigs shig bla ma rje/ /gsol
ba

'debs so sogs 'gro/ sdug bsngal mi 'dod de yi rgyu la dga'/ /bde
'dod dge ba'i las la dgra ltar blta/ /mig can g.yang la mchongs
'dra'i smyon pa bdag /ngan 'gro'i 'jigs las sgrol zhig bla ma
rje/ /gsol ba

'debs sogs 'gre/ skye rga na 'chi rgud pa'i rlabs 'khrug cing/
/las dang nyon mongs chu srin mang pos gtses/ /sdug bsngal rgya
mtshor bying ba'i 'gro ba rnams/ /srid pa'i mtsho las sgrol zhig
bla ma rje/ /gsol ba

@029a @#/ /'debs sogs 'gre/ /'das pa'i sangs rgyas mang pos
spangs gyur cing/ /da lta'i sangs rgyas rnams kyis ma thul ba/
/bdag dang bdag 'dra'i snyigs dus 'gro ba la/ /'bral med thugs
rjes gzigs

la byin gyis rlobs/ /kim pa'i 'bras bu mngar ba'i dug sdong
ltar/ /mnog chung nyes pa kun gyi gzhir gyur pa/ /'khor ba'i
phun tshogs bde 'byor ci 'dra la'ang/ /zhen log nges 'byung skye
bar X/ /ngoms med zag

bcas bde ba phra mo yis/ /yun ring bzod dka'i sdug bsngal sgrub
byed pa/ /bde bas sdug bsngal nyo ba'i brje tshong mkhan/ /bdag
'dzin don mthun 'joms par X/ /rkyen ngan sna tshogs 'khrigs pa'i
chu 'dzin

las; ;nyin bzhin sdug bsngal drag po'i char bab kyang/ /rang gi
sngon byas las ngan rnam smin du/ /shes nas bdag gir byed par X/
/nad gdon chom rkun dgra yis gtses pa yang/ /mgar ba rang gi ral

gris bsad pa ltar/ /rang nyid gces par 'dzin pa'i phung rgan la/
/le lan 'das nas spong bar X/ /bdag nyid gces par 'dzin pa'i
gdon chen 'di/ /nyes tshogs ma lus 'byung ba'i gzhir mthong nas/
/lung dang

rigs pa'i mtshon rnon brgya phrag gis/ /bdag 'dzin srog rtsa gcod
par X/ /snying gi sbubs su bsod nams ma yin pa'i/ /rdzas ngan
bsags nas mi dang mi min gyi/ /gnod byed ma lus yang yang spyan
'dren pa'i/

@029b bdag 'dzin 'gong po 'joms par X/ /bdag med bdag tu rmongs
pa'i 'du byed kyis/ /ming gzugs myu gu sdug bsngal 'bras bu can/
/grangs med bsgrub pa'i 'do med bso nam mkhan/ /phung byed dgra
'di 'joms

par X/ /lus srog 'jig pa'i mtshon char stong bab kyang/ /sdig
spong dge ba bsgrub pa'i grogs mchog tu/ /mthong nas rnam gsum
bzod pa'i go bgos nas/ /gnod lan phan pa bsgrub par X/ /mdor na
mi 'dod

sdug bsngal ci byung yang/ /rang nyams dpags te snying rjes yid
bskyod de/ /mar gyur 'gro ba'i sdig dang sdug bsngal kun/ /zhum
med dang du len par X/ /gal te las kyis dmyal bar skyes na yang/
/skyes ma

thag tu dmyal ba'i sdug bsngal rnams/ /ma lus bdag gi lus la
smin gyur nas/ /de dag bde dges gang bar X/ /kun kyang bdag la
mi dga' yongs gshe na/ /sngon chad sdug gshis ngan pas gzhan dag
la/ /

gnod pa'i 'bras bu de phyir deng nas bzung/ /khro gtum gshis
ngan spong bar X/ /phyin chad rkyen ngan bar chad ci byung yang/
/las ngan bu lon 'jal dang ltas ngan rnams/ /g.yang du len pa'i
dge ba'i bshes gnyen du/ /

shes nas yid bde bsgom par byin gyis X/ /dus ngan sdug bsngal
chu gnyer 'dra ba 'di/ /yid 'byung dregs sel 'gro la brtse ba
dang/ /rlabs chen dge tshogs 'grub pa'i bskul ma ru/ /mthong bas
dang du len par X/ /ma

@030a @#/ /rig dug chus spags pa'i rnam shes la/ /ji ltar snang
zhing zhen pa'i dngos po rnams/ /nam mkha'i padmo ji bzhin
mthong ba yi/ /bdag med gnas lugs rtogs par X/ /'khor 'das bzang

ngan snang ba ci shar yang/ /rtog pas btags pa tsam zhig ma
gtogs par/ /gzhan du grub pa cung zad med pa yi/ /rang bzhin ji
bzhin shes par X/ /shin tu rtogs dka'i chos kun de bzhin nyid/
/rgyal ba'i  

dgongs pa ji bzhin legs rtogs nas/ /zhi lhag zung du 'brel ba'i
rnal 'byor gyis/ /sgrib gnyis g.yul las rgyal bar byin gyis
rlobs/ ces pa 'di yang/ 'di nang gi chos brgyad spangs te/ rtse
gcig tu

bsgrub pa snying por byed pa dka' bcu 'dzin pa brtson 'grus
rgyal mtshan gyis bla ma la thugs rje bskul zhing gsol ba 'debs
pa/ mjug tu bdag 'dzin la dgrar bltas nas sdug bsngal dang du
len pa/ rgyun gyi

nyams len du 'os pa'i 'khyer bde zhig ces kyang dgos ces yang
yang bskul ba la brten nas/ dge slong blo bzang chos kyi rgyal
mtshan gyis bkra shis lhun po'i gzims khang du bris pa'o// //