@#/ /na mo gu ru manydzu g+ho ShA ya/ blo bzang

rgyal ba kun gyi thugs rje ni/ /gcig tu bsdus pa yon tan rgya
mtsho'i dpal/ /lhun grub 'phrin las bzang po'i mdzad pa can/ /rje
btsun bla ma'i zhabs la gsol ba 'debs/ /bgrang yas bskal pa'i
sngon nas sangs rgyas

kyang; ;'od dpag med mgon la sogs dus gsum gyi/ /rgyal sras thu
bo sa bcu'i dbang phyug tshul/ /'jig rten gsum gyi mgon la/ /de
nyid thugs rje'i 'od gzis gangs can gyi/ /gdung ba'i mun sel dge
legs

@032a @#/ /padmo'i tshal/ /rgyas mdzad nyin mor byed pa srong
btsan zhes/ /chos kyi rgyal por gyur la/ /dpal ldan mar me mdzad
pa'i thugs kyi sras/ /phan bde'i 'byung gnas bka' gdams shing
rta'i

srol; ;legs par 'byed mdzad ston pa rin po che/ /rgyal ba'i
'byung gnas zhabs la/ /dbang phyug brgyad ldan rgyal ba tsong
kha pa'i/ /bstan pa'i sgron me dge 'dun kun gyi gtso/ /mkhas
shing grub pa'i dpal gyur

thams cad mkhyen/ /phan bde'i nyin mor byed la/ /dge tshogs kun
la 'dun pa'i rnam dpyod kyis/ /rab 'byams mdo rgyud gzhung lugs
rgya mtsho la/ /'dod dgur spyod pa'i ded dpon bla na med/ /mkhyen
rab dbang

phyug zhabs la/ /bdag nyid chen po gzhan gyis gdul dka' ba/ /ma
rungs mtha' 'khob skye bo mtha' dag la/ /bsod nams ye shes rgya
mtsho mthar phyin pa'i/ /rgyal ba'i mdzad pa bsgrub la/ /mkhyen
pa'i chu gter

gting mtha' mi mngon zhing/ /mthu stobs yon tan rin chen tshogs
kyis gang/ /'phrin las rlabs phreng 'khrigs pa'i rgya mtsho che/
/'gro ba'i 'dren pa mchog la/ /kun mkhyen blo bzang bstan pa'i
rgya mtsho cher/ /

mtshams sprin la 'gran ngur smrig gsar pa yi/ /sbrang rtsi'i
rgyal mtshan 'dzin pa pad dkar can/ /sprul pas 'gro ba 'dren la/
/mkhyen brtse'i bdag nyid rje btsun spyan ras gzigs/ /dpal ldan
mkhas btsun

@032b bzang po'i zlos gar gyis/ /rnam rol mchog gi sprul sku yid
bzhin nor/ /blo bzang bstan pa'i dpal du zhabs brtan shog /de
ltar bstod pa'i dge bas 'gro ba kun/ /mtshan nyid ldan pa'i dam
pas rjes bzung ste/ /mdo

rgyud tshig don kun rtogs thabs shes kyi/ /nyams len mthar phyin
thams cad mkhyen gyur cig /ces thams cad mkhyen pa blo bzang
rgya mtsho'i dpal gyi zhal snga nas la skyes pa'i rabs kyi sgo
nas gsol ba 'debs pa'i

rim pa 'di yang/ bstan pa'i rtsa lag dam pa gling smad chos kyi
rje dkon mchog chos 'phel gyis bskul ba la brten nas/ btsun pa
blo bzang chos kyi rgyal mtshan gyis dga' ldan pho brang du sbyar
ba'o// //