@#/ /swasti; rab 'byams skyob pa nyid gzigs ye shes sku'i/ /rang
gzugs bdag cag dang ba'i zla shel gyi/ /gsal byang rnam par bkra
ba'i rgyan gyur pa/ /'char nub spangs pa'i snang ba brtan par
shog /gzhon

nu nyid nas rig gnas mtha' dag dang/ /mdo rgyud kun mkhyen lha
rdzas kyis slubs pa/ /bltams ma thag pa'i don kun grub pa yi/
/rjes 'gro gangs ri'i mgon po zhabs brtan shog /'chi med mchog
stsol rigs

can kun gyi gtso/ /'dzam gling mkhas grub bye ba'i bde 'byung gi
/spyi bor zhabs sen gsar pa'i zla tshes kyis/ /mdzes pa'i phun
tshogs 'gyur ba med par shog /gang gis kun rmongs rlung thub gsar
ldan

@033a @#/ /bcas/ /zhu mdzad shes bya'i rin chen 'byung ba'i gnas/
/rnam dpyod hub gcig gis 'dren drang srong che/ /bgrang yas
bskal pa'i bar du zhabs brtan shog /rig gnas sde snod kun shes
gser

gyi mngal/ /dbyangs can bzhad pa'i ngag gi dbang phyug mchog
/blo bzang lung rtogs nor bus yongs gang ba'i/ /phun tshogs rgya
mtsho g.yo med brtan par shog /dge la 'dun pa mkhas dang grub
pa'i dpal/ /bsod nams ye

shes rgya mtsho chen po'i 'jing/ /sku gsum gdengs ka nor bu'i 'od
'bar ba/ /'gro la 'dod dgu'i mchog stsol brtan par shog /puNDa
rI ka 'dzin pa'i thugs rje yi/ /zho 'thung rus pa'i rang bzhin
las 'khrungs shing/ /

me tog mda' can ri 'joms dpal yon can/ /'gyur med rdo rje'i rang
bzhin brtan par shog /ces 'phags pa 'jig rten dbang phyug thams
cad mkhyen pa sprul pa'i sku'i brtan bzhugs 'di yang/ rgyal
khams pa blo

bzang chos kyi rgyal mtshan gyis/ cho 'phrul chen po'i dus chen
la 'phral du bgyis pa'i yi ge pa ni dge tshul blo bzang dar rgyas
so// //