@033b @#/ /na mo gu ru manydzu g+ho ShA ya/ 'dren pa mnyam med
shAkya'i rgyal po yi/ /thugs rje'i zer gyis phye ba'i padmo'i
mtshan/ /gang de'i drin gyis bzang po'i lam brnyes shing/ /dang
por thugs dam bcas la gsol ba

'debs/ /klu sgrub sras kyi thu bo 'phags pa lha'i/ /phrin las
tshul bzhin bsgrub pa'i mdzad pa can/ /phan bde'i 'byung gnas
byang chub thugs mnga' ba/ /mtha' yas skye rgu'i gnyen la/ /'gro
ba'i mun sel mar me mdzad

dpal gyis/ /'phags yul dam chos 'khor lo bskor ba'i sras/ /rin
chen sa yi snying po lta bu yi/ /yongs dag mdzad pa can la/
/rgyal ba'i bstan pa rin chen rgya mtsho las/ /rnam dpyod blo
gros yangs pa'i ded dpon

gyis; ;legs bshad yid bzhin nor bu'i tshogs blangs te/ /phun
tshogs 'dod dgu stsol la/ /phul du byung ba'i blo gros spyan
stong gis/ /ji snyed chos rnams kun gyi rang bzhin rnams/ /rgyal
ba'i dgongs pa ji bzhin

legs gzigs pa'i/ /mtshan mchog don dang ldan la/ /rab 'byams
sangs rgyas kun gyi ye shes ni/ /ngur smrig 'dzin pa'i gar gyis
rnam rol pa/ /snyigs dus 'gro ba'i 'dren pa bla na med/ /bslu
med skyabs kyi dam

par; ;blo bzang rgyal ba gnyis pa'i lung rtogs kyi/ /bstan 'dzin
kun gyi dbus na mngon mtho zhing/ /rnam dkar 'phrin las bzang
po'i 'od stong gis/ /gdul bya'i blo mun sel la/ /deng nas skye
zhing skye ba thams cad du/

@034a @#/ /bshes gnyen dam pas 'bral med rjes bzung ste/ /skyes
bu gsum gyi nyams len mthar phyin nas/ /thams cad gzigs pa'i go
'phang myur thob shog /ces sprul pa'i sku blo bzang bstan 'dzin
rgya

mtsho'i skyes pa'i rabs dang mthun par gsol ba 'debs pa'i tshigs
su bcad pa 'di ni/ de nyid kyi thugs sras er ge chos rje sogs
kyis nan cher bskul ba la brten nas/ shAkya'i dge slong blo
bzang chos kyi rgyal

mtshan gyis dam pa 'ga'i gsung las thos pa bzhin du sbyar ba'i yi
ge pa ni se chen rab 'byams pa blo bzang chos 'phel lo// //