@#/ /swasti/ snyan pa'i grags pas sa steng kun khyab cing/ /phan

bde'i 'byung gnas rgyal ba gnyis pa yi/ /bstan pa'i rgyal mtshan
'dzin pa'i dpal gyur pa/ /rje btsun bla ma'i zhabs la gsol ba
'debs/ /stobs bcu mnga' ba 'gro ba'i bla ma yi/ /zhabs sen nor
bu'i 'od chags

mdun sa cher/ /lhag bsam rnam dag gis bskrun bden tshig gi /me
tog char du phab la/ /lha bcas 'gro ba kun gyi rjer gyur cing/
/lung rtogs dam pa'i chos rnams kun gyi mdzod/ /bla med byang
chub bsgrub pa'i

dpa' bo che/ /chos kyi byang chub zhabs la/ /rnam dag smon pas
shAkya'i bstan pa la/ /de nyid gnyis pa lta bu'i dpal ldan pa/
/rgya bod skal bzang skye bo mtha' dag gi /'dren mchog dam pa'i
zhabs la/ /'od

@034b gsal chos sku bde ba chen po'i dbyings/ /sku gsum dkyil
'khor yongs su rdzogs gyur cing/ /rnam dkar mdzad pa'i 'od zer
'bum 'phro bas/ /phan bde'i pad tshal 'byed la/ /phan bde'i
'byung gnas bstan pa rin po

che; ;bshad dang bsgrub pas 'dzin cing spel ba la/ /mkhas dang
grub pa'i dbus na zla bral ba/ /bu ston chos rje'i zhabs la/
/sngon nas legs par sbyangs pa'i rnam dpyod kyis/ /zab lam kun
la dga' ba'i blo gros

rgyas; ;rtse gcig bsgrubs pas go 'phang mchog brnyes pa/ /grub
pa'i dbang phyug zhabs la/ /bsod nams phun tshogs yangs pa'i
skyed tshal du/ /lung rtogs 'dab brgya bzhad pa'i padmo'i tshal/
/snyan grags phrin

las bzang po'i dri bsung gis/ /'gro ba'i gdung ba sel la/ /bsod
nams ye shes dbang gi rgyal po ni/ /lha bcas 'gro ba'i gtsug gi
rgyan gyur cing/ /rnam dkar mdzad pa'i 'od brgyas 'gro kun gyi/
/rmongs pa'i mun pa

sel la/ /bsod nams dge tshogs yangs pa'i gzhal med khang/ /legs
lam bslab gsum nor bus yongs gang zhing/ /dpal ldan 'phrin las
bzang po'i dpal mnga' ba/ /skye dgu'i 'dren pa mchog la/ /rgyal
ba gnyis pa

blo bzang grags pa yi/ /mdo sngags bstan pa'i rgyal mtshan 'dzin
pa la/ /sa gsum 'gran zla bral ba'i chos kyi rje/ /yongs 'dzin
dam pa'i zhabs la/ /grags pa'i gzhir gyur phan bde 'byung ba'i
gnas/ /thub bstan

@035a @#/ /rgyal mtshan 'dzin pa kun gyi gtso/ /mtha' yas gdul
bya'i dpal du zhabs brtan zhing/ /phun tshogs 'phrin las phyogs
bcur rgyas par shog /'di ltar bstod pa'i dge bas 'gro ba kun/ /

bshes gnyen dam pa'i mgon dang mi 'bral zhing/ /theg mchog lam
gyi rim pa mthar phyin nas/ /sku gsum go 'phang myur du thob par
shog /ces mchog gi sprul pa'i sku grags pa rgyal mtshan la skyes
pa'i rabs kyi sgo nas

gsol ba 'debs pa'i rim pa 'di yang dge slong legs pa rgyal mtshan
sogs/ de nyid kyi zhabs 'bring pa mang pos nan gyis bskul ba la
brten nas/ btsun pa blo bzang chos kyi rgyal mtshan gyis chos
grwa chen po bkra shis lhun

po'i gtsug lag khang du sbyar ba'o// //