@#/ /na mo gu ru manydzu g+ho ShA ya/ rab 'byams rgyal ba kun gyi 
ye shes mchog /ngag gi dbang po 'jam dbyangs gzhon nu gang/ 
/chos kyi dbang phyug ngur smrig

'dzin pa'i gtsor/ /sprul nas 'gro ba 'dren la gsol ba 'debs/
/blo bzang bstan la de nyid gnyis pa'i rje/ /lung rtogs chos kyi
rgyal mtshan 'dzin pa'i dpal/ /deng 'dir ngag dbang chos kyi
dbang phyug ces/ /

bstan pa'i dpal du gyur la/ /tshe rabs mang por bsod nams ye shes
kyi/ /tshogs gnyis rgya mtsho bsrubs pa las thon pa'i/ /yon tan
cha shas rdzogs pa'i 'od dkar can/ /smra ba'i zla ba mchog la/
/thub dbang

@035b mdo dang rgyud sde'i gsung rab don/ /'dzam gling rgyan
drug mchog gnyis bzhed pa'i gzhung/ /blo bzang rgyal ba gnyis
pa'i dgongs don bzhin/ /gzigs shing legs par 'doms la/ /mdo
sngags rgya mtsho'i 'jing

la gnas bcas shing/ /bslab gsum rim gnyis gdengs kas mchog tu
mdzes/ /rnam grol nor bu'i gling la mnga' bsgyur ba'i/ /zla med
dge ba'i bshes la/ /de ltar bstod pa'i rnam dkar dge ba'i mthus/
/tshe

rabs kun tu dam pas rjes bzung nas/ /nges 'byung byang sems yang
dag lta ba dang/ /rim gnyis lam gyi rtogs pa mthar phyin shog
/mchog gsum bla ma yi dam byin rlabs dang/ /mthu ldan chos
skyong bsrung ma'i

'phrin las kyis/ /kun mkhyen ngag dbang chos kyi dbang phyug
zhabs/ /sku tshe brtan zhing 'phrin las rgyas gyur cig /ngag
dbang 'gro ba'i bla ma chos kyi rje/ /bstan dang 'gro ba'i dpal
du zhabs brtan zhing/ /phun tshogs

'phrin las 'od zer stong 'bar bas/ /phan bde'i pad tshal phyogs
bcur rgyas par shog /ces pa 'di yang de nyid kyi slob ma dge
ba'i bshes gnyen du mas bskul ba la brten nas/ btsun pa blo
bzang chos kyi rgyal mtshan

kyis chos grwa chen po bkra shis lhun por sbyar ba'o// //