@#/ /na mo gu ru mu ni indrA ya/ 'gro rnams bsgral phyir dag bcas
tshogs gnyis kyis/ /legs bsgrubs sku gsum go 'phang mchog

@036a @#/ /brnyes shing/ /sa gsum dge legs 'od kyis khyab mdzad
pa'i/ /thub dbang smra ba'i nyi ma'i zhabs la 'dud/ /chos
dbyings ngang las ma g.yos dga' ldan du/ /dam pa kun gyi to ga
mdzes rnam

dkar gyis/ /lha bcas 'gro la phan bde'i mchog stsol ba/ /sa
bcu'i dbang phyag tshul la phyag 'tshal lo/ /ye shes gzigs pa lnga
yis bsams bzhin du/ /sprin dkar g.yo 'dra'i lag ldan rnam rol
gyis/ /

sgyu 'phrul chen mo'i lhums kyi gzhal med khang/ /kun nas mdzes
par mdzad la phyag 'tshal lo/ /lumbi'i tshal du yum gyi rtsibs
logs las/ /legs bltams tshangs dbang klu rgyal sogs kyis mchod/
/phyogs

drug gshegs nas seng ge'i sgra bsgrags shing/ /stong gsum 'od
brgyas bkang la phyag 'tshal lo/ /bzo dang sgyu rtsal rig gnas
rgya mtsho yi/ /pha rol phyin pas 'gran zla kun bcom nas/ /rgyal
ba'i ru mtshon btsun

mo'i tshogs bzhes te/ /chos bzhin rgyal srid bskyangs la phyag
'tshal lo/ /srid pa'i phun tshogs me 'obs ltar gzigs nas/ /rgyal
srid mchil ma'i thal ba bzhin bor te/ /rten mchog drung du khyim
pa'i

rtags spangs nas/ /ngur smrig rgyal mtshan bzhes la phyag 'tshal
lo/ /dka' thub tsam zhig grol lam mchog 'dzin pa/ /bzlog phyir
nai ranydza na'i chu 'gram du/ /lo drug dka' ba spyad nas slar
bzhengs te/ /byang chub

@036b shing drung gshegs la phyag 'tshal lo/ /de'i tshe chu srin
rgyal mtshan can gyi sde'i/ /dmag tshogs sprin nag nam mkha' gang
ba yang/ /gang gi byams brtse'i dri bzhon reg tsam gyis/ /ming
gi lhag mar mdzad la phyag

'tshal lo/ /sngon nas stobs bcu mnga' ba'i mchog brnyes kyang/
/mi mjed 'jig rten kun la brtser dgongs nas/ /slar yang bla med
byang chub snying po yi/ /bdud rtsi brnyes par bstan la phyag
'tshal lo/ /de nas bgrang

yas gdul bya'i tshogs rnams la/ /cho 'phrul gsum gyi rol pa sna
tshogs pas/ /chos kyi 'khor lo grangs med legs bskor te/ /smin
cing grol bar mdzad la phyag 'tshal lo/ /sku yi dngos kyi gdul
bya tshim mdzad

nas; ;zhi ba'i dbyings gzims sku gdung cha brgyad dang/ /de las
'phros pas bsam 'phel nor bu yis/ /stong gsum mdzes par mdzad la
phyag 'tshal lo/ /'di ltar bskrun pa'i dge ba'i tshogs rnams kun/
/mar

gyur nyam thag 'gro ba ma lus pa/ /shAkya'i rgyal pos 'bral med
rjes bzung ste/ /kun mkhyen 'gro ba'i rtsa lag thob phyir bsngo/
/zhes pa 'di ni gzims khang gong nas mchog gi sprul pa'i sku
grags pa rgyal mtshan gyi bkas

bskul ba la brten nas/ ston pa bla na med pa de'i zhabs phyir
bsnyegs par 'dod pa shAkya'i dge slong blo bzang chos kyi rgyal
mtshan gyis/ rgyal tshab dam pas rgyud bla mar mdzad bcu'i bsdoms
lta bu gsungs pa ji bzhin du

@037a @#/ /mgyogs par bris pa'i yi ge pa ni mdo sngags rab 'byams
pa dge slong blo bzang bstan pa dar rgyas so// //