@#/ /na mo gu ru mu ni indrA ya/ rgya chen tshogs gnyis mthar 
son phyi nang gi /

bdud bzhi kun bcom che dgu bran du mdzad/ /thams cad mkhyen pa
lha yi lhar gyur pa/ /shAkya'i gtso bo de la phyag 'tshal lo/
/mgon khyod 'od ma'i tshal du bzhugs pa'i tshe/ /phrag dog dbang
gis ston pa drug po

yi; ;'dod pas sa skyong tshogs bskul cho 'phrul gyis/ /tshar gcod
rjes 'dzin gsol la phyag 'tshal lo/ /bkra shis 'khor los mtshan
pa'i zhabs skyes zung/ /yul ljongs mang por bkod nas 'phrin las

kyi; ;dge mtshan rgya cher spel phyir lha mi'i tshogs/ /grangs med
bsdu bar mdzad la phyag 'tshal lo/ /nam zhig mnyan du yod par
rgyal po'i gcung/ /dum bur bcad pa bden tshig gis bsos shing/
/cho 'phrul 'dun

khang ye shes mes sbyangs nas/ /rdzu 'phrul du mas gshegs la
phyag 'tshal lo/ /dpyid ra'i dkar tshes dang por gsal rgyal gyis/
/mngon mchod tshems shing sa la btsugs ma thag /'dod 'jo'i dpag
bsam ljon

pas lha dang mi/ /kun dgas tshim par mdzad la phyag 'tshal lo/
/phyi nyin u tra ya na'i mchod yul du/ /bzhugs pa'i g.yas
g.yon rin chen sa 'dzin zung/ /zas mchog rtswa 'jam bdud rtsis
'tsho ba yis/ /yongs gang

@037b mdzad pa bstan la phyag 'tshal lo/ /tshes gsum shunytsa da
la'i bshos gsol nas/ /zhal bsil bor ba yan lag brgyad ldan mtsho/
/'od zer bzhad ldan padmo'i dra ba yis/ /mdzes pa'i phun tshogs
sprul la phyag

'tshal lo/ /bzhi par indra war ma'i gdugs tshod gsol/ /rdzing
bu'i ngos rer yur chen brgyad brgyad thon/ /slar yang bskor nas
nang du 'bab pa'i sgras/ /theg gsum dam chos bstan la phyag
'tshal lo/ /tshes mda'

tshangs byin gyis mchod 'dzum zhal las/ /byung ba'i gser mdog 'od
kyis stong gsum bkang/ /ngan song rgyud sbyangs 'gro kun bsam
gtan gyi/ /bde bas tshim par mdzad la phyag 'tshal lo/ /dkar tshes
dga' ba

gnyis par litstsha byi'i/ /zhal zas gsol nas 'khor mang phan tshun
sems/ /shes shing rang gzhan dkar nag las mthong bas/ /yid ches
dad par mdzad la phyag 'tshal lo/ /bzang po gnyis par shAkya'i
tshogs

rnams kyi/ /bsod nams zhing bzhugs 'khor rnams re re yang/ /rin
chen bdun ldan 'khor los bsgyur rgyal gyi/ /phun tshogs mchog tu
sprul la phyag 'tshal lo/ /tshes brgyad dbang pos gus mtshod seng
khri

las; ;srin po lnga thon rdo rje 'dzin bcas pas/ /ston pa drug
bcom dgu khri srid las bsgral/ /mtha' yas cho 'phrul bstan la
phyag 'tshal lo/ /de yi nang par rab byung gis bskrun pa'i/
/mchod tshogs bzhes

@038a @#/ /nas srid zhi'i dge legs kun/
/gzugs can lta bu'i sku yis tshangs gnas kyi/ /bar du khyab par
mdzad la phyag 'tshal lo/ /phyogs tshes 'jig rten skyong bas zhal
zas sbyar/ /rgyal ba'i

mdzes sku gser 'od stong 'bar ba'i/ /chu 'dzin srid rtse'i bar
du khyab mdzad nas/ /phan bde'i gru char phab la phyag 'tshal lo/
/dga' ba gsum par mgon med zas sbyin gyi/ /bsod nams mgron gyur
seng ge'i

khrir bzhugs bzhin/ /sku yi snang ba mi mngon tshangs dbyangs
kyi/ /gsung gis dam chos bstan la phyag 'tshal lo/ /de yi sang
nyin khyim bdag tse tas mchod/ /byams pa'i ting 'dzin la bzhugs
gser 'od kyis/ /

stong gsum yongs bkang 'gro kun pha ma ltar/ /byams pas khyab
par mdzad la phyag 'tshal lo/ /bcu gsum shuntsi sa bsnyen bkur
bde gshegs kyi/ /lte ba nas thon 'od 'dom bdun zung gi/ sne mor
rgyal ba'i

skus mtshan de 'dra bas/ /phyogs kun 'gengs par mdzad la phyag
'tshal lo/ /phyi nyin u tra ya nas mchod sprin spros/ /me tog
gtor ba rin chen las grub pa'i/ /shing rta stong dang nyis brgya
lnga bcu yis/ /srid

gsum mdzes par mdzad la phyag 'tshal lo/ /bco lnga gzugs can
snying pos dge legs bskrun/ /ma lus lha yi bdud rtsis tshim mdzad
nas/ /phyag sor las thon gser sbyangs 'od zer gyis/ /mnar med
bed

@038b 'gror mdzad la phyag 'tshal lo/ /de lta'i ngo mtshar cho
'phrul bgrang yas kyis/ /nag phyogs kun bcom grangs med skye
dgu'i tshogs/ /mtho ris rnam grol rdzogs pa'i sangs rgyas kyi/
/lam du nges par mdzad la

phyag 'tshal lo/ /de ltar ston pa'i yon tan rin chen gyi/ /lhun
po'i spo las cho 'phrul mdzad pa yi/ /rdul phran tsam zhig brjod
pa'i dge ba de/ /'gro kun don du kun mkhyen rgyu ru bsngo/ /zhes
pa 'di yang bkra shis lhun

po'i dngul gdung lha khang du cho 'phrul gyi mdzad pa rin po che
bri ba'i dus/ pir thogs dbang po chos rje blo bzang chos 'phel
dpon slob dang/ dka' bcu tshogs gsog pa legs pa chos 'byor rnams
kyis bskul ba la

brten nas ston pa mchog de'i rjes su byung ba shAkya'i dge
slong blo bzang chos kyi rgyal mtshan gyis chos grwa chen po bkra
shis lhun po'i gzims khang du thogs med du sbyar ba'o/