! //na mo gu ru mu ni indrA ya/ rgyal ba'i zhabs sen gur gum 
me tog gis/ /skal bzang byin pa'i padmo'i ge sar gang/ /dregs 
ldan kun gyi spyi bor ngal gso ba'i/ /dge legs 'byung gnas de 
la'ang bdag phyag 'tshal/ /srid zhi

kun gyi bla na rtag bzhugs kyang/ /thugs rjes dman pa kun
gyi'ang bran mdzad pa'i/ /zla med ston pa shAkya'i gtso bo des/
/re ba'i dpag bsam 'bras bus brjid par mdzod/ /grangs med gsum
du brtson pa'i srub shing

@039a @#/ /gis; ;tshogs gnyis rgya mtsho bsgrubs pa las thon pa'i/
/sku gsum dkyil 'khor rdzogs pa'i 'od stong can/ /thub dbang
smra ba'i nyi mas dge legs stsol/ /gser sbyangs lhun por brtsegs
pa'i

sa 'dzin rtser/ /zla zhal gsung snyan bdud rtsi 'dzag pa 'dis/
/yid srubs gnyen bcas bzhin pad zum pa dang/ /skal bzang ku mud
bzhad pa cig car bsgrubs/ /'jig rten rnam 'dren thub pa'i dbang
po'i sku/ /mdzes

pa ji ltar sa 'dzin dbang po ste/ /rin chen rang bzhin lhun po'i
dbang po ltar/ /blta bas mi ngoms thub sku mngon par mdzes/
/gang bar mdzad do srid gsum dga' ba'i tshal/ /dpal rkang 'phrin
las yongs 'du'i

ljon pa las/ /'ongs pa'i phan bde gser dngul bai DUrya/ /padma
rA ga'i me tog bgrang yas kyis/ /ston pa'i zhabs skyes dran
pa'i nyi 'od kyis/ /nyon mongs dug gsum mun pa'i smag rum sangs/
/bslab gsum

sbrang rtsi'i zil mngar bcud chags pa'i/ /mdo sngags bshad sgrub
'dab stong ge sar rgyas/ /sdig pa'i 'bras bus mnar ba'i 'gro ba
'di'i/ /rnam par smin pa bcos su med pa brdzun/ /bden na 'dren
pa mchog

de dran tsam gyis/ /gdung ba ma lus sel bar byed 'di ci/ /nyam
thag 'khor ba ngan song sdug bsngal gyi/ /mda' char drag tu bab
kyang g.yo ba med/ /shAkya'i rgyal po'i mtshan snyan rnar song
ba'i/ /sra btsan rdo rje'i go cha

@039b shin tu brtan/ /sna tshogs gzhu can dbang po'i gzhus klubs
pa'i/ /nyin byed bye bas byugs pa'i gser gyi ri/ /ji bzhin lha
mi'i bla ma mngon mdzes kyang/ /da dung mtshan dpe'i dpal gyis
thub dbang lhag /ma phyis dri ma kun

bral rgyal ba'i sku/ /ma bris par yang mtshan dpe'i ri mo bkra/
/ma bcol 'gro la legs pa kun mdzad pa'i/ /yon tan phung po 'di
'dra bdag gi skyabs/ /dri zhim ldan pa'i chu skyes grangs mang
yang/ /bde 'byung gtsug rgyan

yid 'ong ku mu da/ /skal bzang 'gro ba'i rnam 'dren grangs mang
yang/ /rtsod dus 'gro ba'i re gnas khyod kho na/ /yid 'ong ngur
smrig mdangs chags chos gos kyi/ /lhab lhub mngon par g.yo ba'i
thub dbang sku/ /dmar ser

mtshams sprin gzhon nus 'khyud pa yi/ /rta dmar can dang 'dres te
dbyer ma mchis/ /sgyu 'phrul las 'khrungs shes bya kun mkhyen
de'i/ /skyon bral yon tan tshogs 'di shong min zhes/ /'chi med
lam bzang rang gi

lus spangs te/ /kun khyab stong pa'i dbyings su zhugs sam snyam/
/bcom ldan zhal dkyil mdzes pa'i zla shel las/ /'dzum dkar bdud
rtsi 'dzag pa'i spu long 'dis/ /bdag cag srid mtshor bying ba'i
'gro kun gyi/ /

'khor ba'i tsha gdung ming gi lhag mar mdzad/ /zhi ba'i bsam gtan
mal du rtag gzigs kyang/ /thugs rjes kun gyi bran bzhin rnam
rgyu zhes/ /don 'di mtshon slad bsil zer stong 'gyed pas/ /mdzes
ldan padmo'i

@040a @#/ /lte bar skyil krung bzhugs/ /thams cad mkhyen pa zas
gtsang sras po de/ /dran pa yis kyang mig mtshor mchi ma 'khrug
/'on kyang ma la ya yi dri bzhon gyis/ /li shi'i rdul phran
'dren byed reg pa

nyid/ /ston pa'i mdzes sku gsung snyan zab pa'i thugs/ /mtshan
dpe'i dpal 'bar dus 'doms ches zab pa/ /rin chen lhun po tshangs
dbyangs ston dus kyi/ /rgyu skar bkra ba'i dgung sngon khengs pa
'phrog /bu ram shing

pa'i rgyal rigs 'khrungs pa de'i/ /rnam thar 'ol spyi ci smos
phra mo'i shes/ /dran pas yid mtshor dga' bde'i rlabs 'phyur ba/
/bsam gtan dang po'i dga' bas mtshon nus min/ /nyes bral yon tan
phung po'i chu

'dzin de/ /mthong ba'i rab dgas myos pa'i mdongs ldan zhig /tshe
rabs gzhan du'ang sgrib bral dbyar skyes phreng/ /gdung sel
mchog tu bsten pa'i 'dod pa 'phel/ /lus med bdag po rtsa lag
dang bcas pa/ /

thub pa'i stobs kyis 'joms ces sgrag mi dgos/ /byams brtse'i
sdong bu shes rab sgron 'bar ba/ /bzung na srid zhi gang la'ang
'jigs mi dgos/ /dus gsum bde gshegs kun las ches lhag pa'i/
/thub dbang

thugs rje'i kyo ba rnon po yis/ /'gro 'di gcig kyang ma lus
zungs shig dang/ /nyam chung bdag lta yal bar dor kyang sla/
/las nyon rlabs 'khrug sdug bsngal chu srin gyis/ /yongs gang
'khor ba'i rgya mtsho che

@040b brgal te/ /rnam mkhyen rin chen gling du bgrod 'dod bdag
/rdzings kyi 'dren pa skyob pa nyid gzigs bsten/ /grangs mang
gdul dka' yid can ma lus pa/ /nyid kyis gshegs pa'i lam du ma
bkris par/ /ngo mtshar

dpag yas bya dka'i rnam 'gyur gyis/ /zhi ba'i dbyings su mi
gzims e ma mtshar/ /rgyal ba'i gsung snyan rna ba'i bdud rtsi
'di/ /rna ba'i bdud rtsi ma lags nyon mongs kyi/ /'khri shing ma
lus gcod pa'i ral gri

dang; ;blang dor gnas kun ston pa'i sgron me lags/ /dkyil 'khor
yongs rdzogs gser gyi gzi 'od 'bar/ /mthon po'i rtser gnas kun
la snyoms par 'bab/ /'dren pa mnyam med bdag gi mgon po dang/ /

padmo'i gnyen 'dis 'gro ba'i mun pa sel/ /thub pa'i 'dzum dkar
bdud rtsi'i rgya mtsho 'di/ /brlan zhing gsher dang ro 'dzin yul
min kyang/ /'thungs pa tsam gyis rgud pa kun sel zhing/ /mngon
dga'i bcud kyis myos

pa ci yang stsol/ /rin chen bum pa bzang po dpag bsam shing/
/yid bzhin nor bu bdud rtsi'i sA ga ra/ /phun tshogs 'dod dgu
sbyin pa'i rdzogs ldan sprin/ /don kun grub pa khyed rnams kun
gyi gnyen/ /lus med

bdag po'i 'dod pa'i zhags pa yis/ /'byung po'i tshogs rnams ma
lus dam du 'ching/ /gnyis med gsung ba'i mkhyen brtse'i ral gri
yis/ /'gro 'di'i 'ching ba mtha' dag dum bur gcod/ /blta bar
'dod kyang

@041a @#/ /'dzum zhal mi ston pa'i/ /rgyal dbang mchod bstod
ngal bas mi dub par/ /'bras bzang gis 'tsho 'dab ma'i lding
khang du/ /bag phebs rgyu ba'i ne'u tso 'di dag bde/ /'jig
rten tshangs dbang

bde 'byung sprin phreng las/ /zhi rgyas dbang drag gru char
brgya 'bebs na/ /gau tam yon tan mchog mnga'i sprin phun gis/
/'dod dgu'i char 'bebs mdzad la mtshar ci yod/ /zas gtsang sras
po'i zhabs zung bkra

shis rdul/ /spyi bos reg pas dge mtshan rab rgyas ces/ /nam
mkha'i thig le'i nu zhos bskyangs pa yi/ /utpal gzhon nu
bzhad pas ji bzhin bsten/ /mtshan dpe'i 'od zer 'gyed pa'i sku
mchog dang/ /

lhun po'i dbang po mi g.yo cig car brtan/ /mkhyen brtse'i
gting dpag dka' ba'i rgya mtsho dang/ /gdengs ka 'dzin pa'i
khyim 'di lhan cig zab/ /gser gyi sa 'dzin la brten 'dab ldan
kyang/ /btso ma'i

gser gyi mdangs bzang 'dzin pa bzhin/ /shAkya'i gtso bo la
brten 'gro rnams kyang/ /thams cad mkhyen pa ji bzhin skal
bzang ldan/ /srid dang zhi ba'i yon tan ji snyed pa/ /ma lus
bsdus te mgon pos

bdag mdzad nas/ /nyid kyi snyan grags nor bu'i lan tshar dag
/lus can kun gyi rna ba'i rgyan du bstsal/ /kha che skyes dang
de yi dri bzang bzhin/ /'dren mchog khyed dang nam yang mi
'bral bar/ /zag med sku dang

@041b ye shes nam mkha'i mdzod/ /'dod dgur spyod pa'i shis pa
bdag la stsol/ /tshul 'di blo bzang chos kyi rgyal mtshan gyis/
/bkra shis rtags kyis mdzes pa'i lha rdzas ngos/ /rnam mang
rgyal ba'i sku gzugs legs

bsgrubs par/ /bstod pa'i rim pa phreng bar phyogs gcig spel/
/dge ba 'di yis tshe rabs kun tu bdag /theg mchog 'khor lo bzhi
dang mi 'bral zhing/ /thub dbang brtul zhugs bla na med bzung
ste/ /rgyal ba'i dam

chos ma lus 'dzin gyur cig / /