@#/ /na mo gu ru mu ni indrA ya/ kun gzigs rab 'byams gzhan 
gyi phyag mtshan las/ /rnam grol snyigs ma'i zhags pa ring po 
yis/ /dbang bsgyur

mtha' dag dge legs mgron gnyer ba'i/ /thub dbang lha yi lha la
gus phyag 'tshal/ /khyod sngon gsal mchog gyur tshe nags tshal
gyi/ /dpa' bo'i dga' ma bru ba tsha bas nyen/ /rang skyes bcar
rtsom thugs rje'i khyogs

bzang pos/ /srog dang bcas pa'i nyid sku yongs su btang/ /shi
ba'i mgon gyur byams brtse'i chu 'dzin las/ /'dod dgu'i char
gyis phongs ba rgyun bcad cing/ /utpal 'dab ma rgyas 'dra'i
'dren byed zung/ /long ba'i mig

gdang mdzes pa'i rgyan du stsal/ /gsal rgyal yul gyi bdag
mdzad sngon gyi tshe/ /tshwa bral dron zan phyin pa'i myu gu
yis/ /brgya byin phun tshogs la 'khu'i 'bras gzigs nas/ /dge
legs gser gyi mchod sdang 'bum phrag

@042a @#/ /spel; ;sbyin la dpa' ba de las ldog pa'i phyir/
/bdud kyis 'jigs rung dmyal ba'i gnas sprul kyang/ /ldog par
ma nus bsod nams las 'khrungs pa'i/ /'dam skyes la brten sangs

rgyas 'bring po mchod/ /ser snas zil gyis mi non tshong dpon
de/ /'byor pa'i sprin dengs shin tu dbul gyur kyang/ /gser
zhun mrgad mdangs ldan rtswa tsam zhig /bsgyur nas phongs
rnams tshim par mdzad pa

lags/ /zla shel mtshan ma'i phyi mo'i lus ldan tshe/ /bshul gol
bgres pas nyen pa'i brA hma/ /skyob phyir 'bar ba'i nor las
rgyal ba'i dbus/ /rang lus bsregs pa'i mgron gyis kun dgar
mdzad/ /dka'

thub nags su shing lo rnying pa dag /btsos nas 'tsho ba'i nyer
bsngogs gang bskrun pa/ /nyin gsum bar du slong ba la byin
yang/ /cung zad mi g.yo lhun po'i dbang po bzhin/ /lus can
byams pa'i stobs kyis skyed

mdzad pas/ /bden bral bdag po skyengs byed gnod sbyin lnga/
/tsandan dmar po sbangs pa lta bu yi/ /nyid sku'i sha dang
khrag gis tshim par mdzad/ /'gro kun thams cad sgrol ba'i khur
bsnams nas/ /gangs ri'i dum bu

'khrigs 'dra'i glang chen dang/ /gces pa'i bu dang bu mo chung
ma sogs/ /slong ba rnams kyi 'dod 'jo'i dpag bsam shing/ /chos
bzhin nor 'dzin skyong ba'i sdig pa las/ /ldog phyir mi stong
mchod sbyin thabs

@042b mkhas kyi/ /nor bu'i 'bab stegs la brten dge legs kyi/
/yid bzhin rgya mtsho'i 'jing du ma lus drangs/ /bde sogs bdag
por 'khrungs tshe dbang po'i dgra'i/ /stobs kyi gom pa sum rtse
na 'god phyogs kyang/ /nyid

kyi sku btang thugs rje'i mchil pa yis/ /lam 'dzags 'dab bzang
phrug gu bde bar drangs/ /gnyis skyes gnas skabs mkhan pos
slob ma'i tshogs/ /rang bzhin rtag phyir bka' yi bA sha yis/
/rigs min drangs

kyang sems dpa' chen po de/ /legs spyad rgyal sa nam yang 'god
ma gyur/ /mgon po sa yi brgya byin gyur pa na/ /kun gyi yid
srubs myos byed ma mthong nas/ /rab myos gdung bas bsregs
kyang 'dzin bcas ces/ /lam ngan

ma zhugs bsran gyi ka ba btsugs/ /legs par phun tshogs pha rol
phyin gyur pas/ /don mthun 'bras bu'i gang bu gru bo che/
/gshin rje'i dang 'dra rgya mtsho'i glong 'khar gyis/ /ril mid
byed pa bden pa'i tshig gis

bskyabs/ /nyal 'gro'i gar mkhan rgyal por gyur pa na/ /snying
rje bden pas bskul ba'i chu 'dzin gyi/ /gnam ru dang sbyar
sprin bcud nyag phran stong/ /spros pas tsha gdung dgra sde'i
g.yul ngo bcom/ /'dab ldan sras

po lus phrar gyur pa na/ /chu yi skye gnas can gyi srin po
khros/ /nags tshal 'byung po za bar mngon phyogs tshe/ /bden
tshig rdo rje'i ra bas yongs su bsrungs/ /rgya chen mkhyen
brtse'i 'dren byed stong ldan zhing/ /'byor

@043a @#/ /pas ma myos gzhan gyi don la brtson/ /khyad par
thams cad mdza' bor grags pa ni/ /sder bcas nyes brgya'i
'byung gnas che las ldog /rgyal rigs rmugs 'dzin 'byor pa la
'khu ba'i/ /

dpal dang ldan pa'i khyim gyi rang bzhin dag /dug can rgyang
ring gnas pa'i tshang tshing ltar/ /gzigs nas ma chags 'phags
pa'i rigs bzhi bsten/ /rkang pas 'thung ba sA la che 'dra
ba'i/ /bram ze'i rig 'khrungs

bcud drug grogs bran bcas/ /khyim nas nges 'byung dka' thub
nags song ste/ /'dod pa rnams la dgrar gzigs 'phyas su mdzad/
/skyon gtong yon tan sdud pa'i tshong pa'i dpon/ /rab tu byung
zhes gzhan gyis

bsgrags thos nas/ /re ba'i 'bras bu ma smin phyugs mtshungs
ces/ /'gegs pa'i gnyen bshes yongs bor rab tu byung/ /'od
srungs rab byung phyi bzhin bgrod bya ni/ /rjes 'gro ldog
kyang de ni de rjes 'brangs/ /

chags ldan rgyal pos brnyas shing rab gtses kyang/ /phro ba'i
sa rdul bzod pa'i char gyis bcil/ /bdag nyid chen po ngang
pa'i rgyal po yis/ /rigs mthun mi bdag mngag gzhug bcas pa la/
/thub pa rnams

kyis bya rgod phung por bzhin/ /zab rgyas chos kyi gaNDi'i
sgra dbyangs bsgrags/ /legs lam kun tu rgyu ba'i byang chub
che/ /rdzu 'phrul rigs pa'i mche sder mi bzad pas/ /log lta'i
gnyis 'thung stong gi klad

@043b 'gems shing/ /mi bdag bsil ba'i ri bo'i bkra shis gnyen/
/mkhas pa spre'u'i gzugs kyis nyi ma'i bu'i/ /mu kha'i nang
'drar chud pa'i mi drangs nges/ /khrel spangs gsod par brtsams
kyang thugs brtse bas/

bzod cing nges pas 'jigs pa'i nags las bsgral/ /rgyal sras sha
ra b+ha yi gar mdzad pas/ /bdag nyid gsod pa'i rgyal po mgyogs
'gro yis/ /'jigs rung g.yang sar 'phangs pa snying brtse bas/
/slar drangs

phan dang bde ba'i bka' drin stsal/ /ru rur rnam par rol pa'i
sems dpa' ches/ /shugs drag dal 'gro'i rgyun gyis dbang byas
pas/ /lnga par phyogs pa'i 'gro la srog byin cing/ /gnod lan
phan mdzad sa skyong yongs/ /

su bzung/ /bdag nyid chen po spre'u tshogs mgon gyur pas/ /dgra
yis bskor ba'i bdag gi 'bangs rnams kyi/ /sdug bsngal ma bzod
rang lus zam par bkod/ /gces pa'i srog gis 'khor bskyangs dgra
yang dgyes

bzod pa smra ba'i grags pa don bcas pa/ /ma brtags rgyal po
khros pas mtshon rnon pos/ /mthar gyis sku yi ljon shing rab
gtubs kyang/ /bzod pa'i rang bzhin gser ltar 'gyur mi mnga'/
/bsam gtan goms

pas tshangs pa'i gnas 'khrungs kyang/ /snying rje'i dbang gis
'dod pa'i khams kun myul/ /chang lta'i 'don gyis zin pa'i yan
lag byin/ /lta ngan las bsgral yang dag lam la bkod/ /lag ldan
sgyu mas rnam par

@044a @#/ /rol pa'i tshe/ /mya ngam thang 'khyams phongs pa
brgya phrag bdun/ /brtse bas ma bzod sha yi lam brgyags dang/
/rgyu mas chu snod kyis gsungs sku srog btang/ /rgyal sras zla
ba'i thugs rje'i

'od dkar gyis/ /rkang khra'i zhe sdang mun pa kun bsal te/
/btson du bzung ba'i gzhon nu bsil 'od gnyen/ /brgya phrag
dbugs dbyung ngo mtshar rgod pa bzhin/ /lcags khyim ge sar la
gnas snying rje'i gter/ /

srid pa'i phun tshogs kunda'i dga' ston la/ /nam yang ma chags
nges 'byung skyed tshal du/ /thar pa dam pa'i sbrang rtsi'i
dpal la spyod/ /rgyal sras kun gyi thugs rje ma lus pa/ /rab
bzang khyu mchog gzugs su

shar ba de/ /mi bsrun spre'u'i gnod pa brgyas gtses kyang/
/bzod pa'i chab kyis 'khrug pa'i sreg za bcil/ /byams brtse'i
'dab gshog g.yo ldan shing rta mo/ /thabs shes rno bas 'phrog
byed nad bsal kyang/ /drin

lan mi gzo ser snas 'khrugs pa la/ /g.yo med nges pa'i tshul
gyis rjes brtser mdzad/ /rgyal sras gzhan gyi thugs la 'jigs
ster ba/ /rlabs chen brtson pas snyigs ma'i dgun dus 'dir/
/sku gsum 'dab brgya

bzhad pa nyi ma'i gnyen/ /dran pas gdung sel de la snying nas
'dud/ /mgon khyod zhing 'dir zhi ba'i dbyings bzhugs kyang/
/bdag cag thugs rjes bskyangs pa'i 'phro mchis pas/ /zhing
khams gang du rgyal ba'i

@044b mdzad pa yis/ /rol der yid gtad gsol 'debs brtse bas
gzigs/ /de ltar 'dren mchog shAkya'i rgyal po yi/ /sku tshe
sngon ma'i mdzad pa'i cha shas tsam/ /brjod pa'i dge bas 'gro
ba ma lus pa/ /ston pa mchog

des 'bral med rjes 'dzin shog /ces skyes rabs so bzhi ba'i
yang snying/ mkhas mchog dbang po'i mgul rgyan zhes bya ba 'di
yang/ rab 'byams smra ba'i dge slong ri khrod pa blo bzang
dpal 'byor zhes bya bas/ bla

gos gsar pa'i rten dang bcas bskul zhing/ khyad par bdag nyid
ston pa bla na med pa de nyid la lhag par dad pas kun nas
bslangs te/ mdo rgyud man ngag 'dzin pa shAkya'i dge slong
blo bzang chos kyi rgyal mtshan

gyis chos grwa chen po bkra shis lhun po'i gtsug lag khang du
cho 'phrul zla ba'i dus nyi ma me bzhi'i 'grub sbyor thog
sbyar ba'i yi ge pa ni chos rje dka' bcu pa snying stobs rgya
mtsho'o// //