@#/ /na mo gu ru manydzu g+ho ShA ya/ rje btsun 'jam pa'i dbyangs 
la bstod pa shes rab gsal byed ces bya ba/ bla ma dang rje btsun 
'jam pa'i dbyangs la phyag 'tshal lo/ /rgyal ba kun gyi mkhyen pa'i 
mkha' dbyings las/ /mtshan

dpe'i 'ja' tshon mdzes pa'i gzhon nu'i sku/ /mthong ba don ldan
mdzad pa lha yi lha/ /'jam mgon bla ma'i zhabs la gsol ba 'debs/
/'char ga'i mdangs kyis 'khyud pa'i gser gyi ri/ /rgyu skar tshom
bus

mdzes pa ji bzhin du/ /'od zer stong 'bar lha rdzas las grub
pa'i/ /rin chen rgyan phreng g.yo ba khyod la 'dud/ /ri bong
'dzin pas mtshan pa'i chu skyes steng/ /mdzes pa'i 'gying ldan
rdo rje skyil krung bzhugs/

zhal gcig phyag gnyis chos 'chad phyag rgya can/ /gzhon nu zur
phud lnga ldan khyod la 'dud/ /phyag zung nyer mdzes utpal
rgyas pa'i steng/ /me shel dra ba gcod pa'i ral gri dang/ /ye
shes snang ba stsol ba'i

glegs bam gyis/ /mchog tu mdzes pa'i gzhon nu khyod la 'dud/
/dran pa tsam gyis blo gros mchog stsol zhing/ /mtshan tsam thos
pa yis kyang mi shes pa'i/ /rmongs pa bag chags bcas pa drug
'byin pa/ /

@047b shes rab snang ba ster mdzad khyod la 'dud/ /tshad med
thugs rje chen po'i gzhan dbang gis/ 'gro kun srid pa'i mtsho las
grol ba'i phyir/ /sa bcu'i dbang phyug rgyal sras thu bo'i tshul/
/'dzin mdzad rgyal ba'i yab

gcig khyod la 'dud/ /de ltar bstod pa'i dge bas bdag gzhan
rnams/ /skye ba kun tu 'jam dbyangs bla ma yis/ /'bral med rjes
su bzung nas shes bya'i gnas/ /ma lus rtogs pa'i shes rab thob
par shog /rgyal

ba'i gsung rab rnams kyi tshig don kun/ /ji bzhin nges nas gzhan
la ston pa la/ /kun mkhyen nyin mo'i dbang phyug ltar gyur nas/
/mar gyur 'gro ba kun gyi don byed shog /che zhing gsal la myur
zhing zab pa yi/

shes rab mchog thob 'chad rtsod rtsom gsum dang/ /rig gnas bcu
sogs mkhas pa'i mthar phyin nas/ /'jam mgon bla ma'i go 'phang
myur thob shog /ces pa 'di ni tshe dang ldan pa legs pa rgyal
mtshan gyis nan

cher bskul ba la brten nas/ /blo bzang chos kyi rgyal mtshan gyis
shangs mdo rgod tshang gi ri khrod du sbyar ba'o// //