@#/ na mo gu ru manydzu g+ho ShA ya/ phun tshogs yon tan kun gyi
dpal 'bar zhing/ /dran pa tsam gyis srid zhi'i gdung sel ba/
/lha mi'i ston pa shAkya'i gtso bo la/ /lus ngag yid gsum gus
pas gsol ba

@051a @#/ /'debs/ /mkhyen rab dbang phyug rje btsun 'jam pa'i
dbyangs/ /tshe dpag med mgon dpal ldan mar me mdzad/ /rgyal ba
gnyis pa blo bzang grags pa'i dpal/ /skye dgu'i 'dren pa gsum
la/ /blo

bzang lung rtogs dam chos rgyal srid la/ /dbang bsgyur grub pa'i
rgyal mtshan 'dzin pa'i mchog /bzang po'i 'phrin las thub dbang
bstan pa'i gnyen/ /rje btsun bla ma'i zhabs la/ /dus gsum bde
gshegs kun gyi

ngo bo nyid/ /brgyad khri bzhi stong chos phung 'byung ba'i
gnas/ /'phags tshogs dge 'dun kun gyi gtso bo mchog /drin can bla
ma rnams la/ /bslu med skyabs kyi dam pa khyed rnams la/ /rtse
gcig gus pas

gsol ba btab pa'i mthus/ /gnas skabs tshe ring nad med phun tshogs
shing/ /bsam don yid bzhin 'grub par byin gyis rlobs/ /deng nas
bzung ste skye ba thams cad du/ /bde 'gro lha dang mi yi rten
thob nas/ /rje

btsun bla ma rnams kyi dgyes bzhin du/ /'bral med rjes su 'dzin
par byin gyis rlobs/ /de yi mthu las thugs kyi bcud phyung ba/
/gsung gi bdud rtsi ngoms med myangs pa las/ /skye rga na 'chi'i
sdug bsngal rab

spangs te/ /sku gsum myur du thob par byin gyis rlobs/ /mdor na
rje btsun bla ma khyed rnams kyi/ /byin rlabs bdud rtsi snying
la legs zhugs nas/ /sdug bsngal kun gyi ming yang mi 'byung
zhing/ /chos dang dpal 'byor

@051b rgyas par byin gyis rlobs/ ces pa 'di yang dad pa dang
ldan pa bkra shis rtse'i dpon sa bsam grub bu khrid kyi thugs
dam du/ btsun pa blo bzang chos kyi rgyal mtshan gyis sbyar
ba'o//