@#/ /na mo gu ru bu dd+ha bo d+hi sa twA ya/ bla ma'i rnal 'byor 
mdor bsdus bsgom par 'dod pas/ skyabs 'gro sems bskyed sngon 
du btang nas/ 'di ltar/ chos

dbyings ngang las mdun gyi nam mkhar/ /rin chen khri steng chu
skyes mdzes ma'i/ /pad gnas nyi zla rgyas pa'i steng du/ /bka'
drin gsum ldan rtsa ba'i bla ma/ /rnam pa khyab bdag rdo rje
'chang dbang/ /dbang sngon mdangs

ldan zhal gcig phyag gnyis/ /rdor dril bzung nas dbyings phyug
mar 'khyud/ /'dzum ldan mtshan dpe'i me tog rgyas shing/ /rin
chen rgyan phreng gzi 'od stong 'bar/ /'jam gnyen lha rdzas na
bza'i 'dab ma/ /lhab

lhub g.yo bas mngon par klubs shing/ /'ja' tshon sna lnga'i gur
khyim dbus su/ /mi phyed skyil krung tshul gyis bzhugs pa'i/
/gnas gsum rdo rje gsum gyis legs mtshan/ /thugs ka'i 'od zer
lcags kyu lta

@052a @#/ /bus; ;rtsa brgyud bla ma dkon mchog gsum po/ /dzaH
hUMH baM hoH dbyer med du gyur/ /dus gsum sangs rgyas kun gyi
ngo bo/ /brgyad khri bzhi stong chos kyi 'byung gnas/ /'phags
tshogs dge

'dun kun gyi 'dren pa/ /rdo rje can zhabs padmor phyag 'tshal/
/oM AH hUM gis sbyangs rtogs sbar ba'i/ /phyi nang gsang
ba'i mchod sprin kun 'bul/ /thogs med nas bsags sdig ltung ma
lus/ /gnod zhing 'gyod

pas bshags shing sdom mo/ /rang gzhan rnam dkar dge ba'i tshogs
la/ /bsam pa thag pas rjes su yi rang/ /zab dang rgya che'i chos
kyi 'khor lo/ /rgyun mi 'chad par bskor bar mdzod cig /nam mkha'
ji srid

gnas kyi bar du/ /mya ngan mi 'da' rtag par bzhugs gsol/ /'di
ltar bskrun pa'i dge tshogs rgya mtsho/ /bla med byang chub chen
por bsngo'o/ /gang gi drin gyis 'dod dgu'i dngos grub/ /skad cig
gis stsol yid

bzhin nor mchog /skyabs gsum kun 'dus dpal ldan bla ma/ /gsol ba
'debs so byin gyis rlobs shig /lan gsum brjod/ de ltar gsol bas
bla ma'i sku las/ /'od zer dkar dmar mthing gsum rim

dang; ;cig car byung nas bdag la thim pas/ /sgrib bzhi dag cing
dbang bzhi thob nas/ /sku bzhi mngon gyur slar yang bla ma/
/dgyes bzhin rang gi spyi bo nas byon/ /snying gi padmo'i ze'u
'bru'i dbus su/ /'bral ba med

@052b bzhugs tiShTha badzre/ /mjug tu de las byung ba'i dge
tshogs/ /bshes gnyen dam pas 'dzin pa'i rgyur bsngo/ /'di ltar
nyin bzhin nyams su blangs pas/ /gnas skabs mthar thug dgos pa
kun 'grub/ /tshul

'di dad dang rnam dpyod la sogs/ /yon tan gyis mdzes sa yi brgya
byin/ /lha bzang mtshan can thugs dam spel phyir/ /dge slong chos
kyi rgyal mtshan gyis bkod/ ces pa 'di yang btsun pa blo bzang
chos kyi rgyal mtshan gyis smras pa'o/ //