@#/ /na mo gu ru/ bkra shis bstan pa'i nyi ma phan bde'i

dpal/ /lung rtogs yid bzhin rin chen 'byung ba'i gnas/ /skal
bzang thar par 'khrid pa'i ded dpon mchog /rje btsun bla ma'i
zhabs la gsol ba 'debs/ /nges 'byung rnam dag padmo'i dga' tshal
du/ /bslab gsum

sbrang rtsi'i btung bas rab myos shing/ /legs bshad mgrin pa'i
rgyud mang stong phrag gis/ /'gro la skal bzang stsol la gsol ba
'debs/ /thub dbang gsung gi gces mdzod gsang ba'i gnas/ /dpal
ldan 'dus

pa'i lam bzang ston pa la/ /blo bzang dge ba'i bshes dang mgon
po khyod/ /dbyer med mkhyen pa'i gter la gsol ba 'debs/ /tshe
gcig sangs rgyas bsgrub pa'i thabs mkhas mchog /mdo rgyud zab
mo'i lam gyi

gnad bsdus te/ /rtag tu bsgrub pa'i rgyal mtshan legs bzung bas/
/zung 'jug go 'phang brnyes la gsol ba 'debs/ /zhing 'di'i gdul
bya 'dul ba'i don mdzad nas/ /drang srong 'od dpag med pa'i
zhabs drung

du; ;theg mchog chos kyi dpal la longs spyod pa'i/ /sras kyi thu
bor gyur la gsol ba 'debs/ /de ltar bstod pas skye ba thams cad
du/ /dal 'byor rten thob dam pa'i mgon dang ldan/ /rim gnyis lam
gyi

@006b rtogs pa mthar phyin nas/ /thams cad gzigs pa'i go 'phang
myur thob shog /ces mkhas grub dam pa bkra shis rin chen gyi
zhal snga nas la bstod pa 'di ni/ mkhan chen gzhon nu la sogs
pas bskul zhing/ khyad par

bdag nyid dad pas kun nas bslangs te rje btsun dam pa de'i zhabs
rdul la reg pa blo bzang chos kyi rgyal mtshan gyis dben dgon du
sbyar ba'o// //