@#/ /swasti/ yon tan mchog brnyes rgyal ba

sras bcas rnams/ /tshad med thugs rje'i dbang gis deng 'dir
dgongs/ /'dis mtshon dge bas phan bde 'byung ba'i gnas/ /sangs
rgyas bstan pa rtag tu rgyas gyur cig /shAkya'i rgyal po la
sogs chos

@078b dbyings su/ /snyoms par zhugs rnams dgongs pa yongs rdzogs
shing/ /bstan 'dzin dam pa rnams kyi zhabs pad brtan/ /tshogs
mchog sde mthun bshad sgrub 'phel gyur cig /dmigs pa'i yul rnams

ngan song 'jigs dang bral/ /dal 'byor rten thob sku gsum mngon
du gyur/ /bltos bcas tshe ldan kun yang 'gal rkyen bral/ /tshe
ring nad med bde skyid ldan par shog /'dis mtshon rnam dkar phung
po ji snyed pa/ /ji snyed

phyogs dang dus gsum 'tsho skyong ba'i/ /bde gshegs rnams dang
kun bzang 'jam dbyangs kyi/ /mdzad pa ji bzhin bsgrub pa'i rgyur
gyur cig /'jig rten yangs pa'i rgyal khams thams cad du/ /mi
shig rgud

pa'i ming yang mi 'byung zhing/ /srid dang zhi ba'i 'dod dgus
'byor gyur nas/ /rtag tu bkra shis rgya mtshos mdzes gyur cig
/ces bsngo ba'i tshigs bcad 'di dag kyang thams cad mkhyen pa yon
tan rgya mtsho'i dpal gyi

zhal snga nas kyi bkas bskul ba la brten nas/ btsun pa blo bzang
chos kyi rgyal mtshan gyis smras pa'o// //