@#/ /na mo lo ke shwa rA ya/ thugs rje chen po 'phags mchog spyan 
ras gzigs/ /lnga brgya'i gtsug rgyan jo bo yab sras dang/ /bka' 
drin mnyam med rtsa ba'i bla ma yi/ /zhabs kyi padmor gus pas 
phyag byas te/ /

@137b mi 'dod sdug bsngal sel ba'i sman gcig pu/ /rgyal sras
dpa' bo rnams kyi thugs dam mthil/ /dus gsum rgyal ba ma lus
gshegs pa'i bshul/ /blo sbyong yang snying brgya byin spyi nor
bri/ /dal 'byo

rnyed dka' myur du 'jig 'gyur zhing/ /shi nas ngan song sdug
bsngal mi bzod pas/ /bslu med dkon mchog gsum la skyabs 'gro
zhing/ /sdig spong dge ba bsgrub la brtson pa gces/ /sdug bsngal
gsum

gyi mda' char drag 'bab cing/ /las nyon lcags sgrog 'ching bas
dam bcings nas/ /mtha' med 'khor ba'i btson rar tshud pa las/
/thar 'dod nges 'byung shugs drag yang yang bskyed/ /bden 'dzin

chang gis myos pa'i snang ba kun/ /bden stong mnyam gzhag nam
mkha'i rnal 'byor dang/ /de las langs tshe gang shar snang ba
rnams/ /sgyu ma rmi lam chu zla lta bur bsgom/ /mkha' mnyam mar
gyur 'gro

ba ma lus pa/ /bde ba 'dod kyang thabs la mi mkhas pas/ /sdug
bsngal brgya yis gtses pa'i tshul mthong nas/ /bdag gzhan mnyam
pa nyid du blta bar bya/ /bdag nyid gces 'dzin sdug bsngal

kun gyi sgo/ /gzhan rnams gces 'dzin yon tan 'byung gnas su/
/mthong nas bdag gzhan brje ba'i nyams len la/ /brtson pa lhur
len byed pa gdams pa'i phul/ /mar gyur 'gro ba'i sdig dang

@138a @#/ /sdug bsngal kun/ rlung dang lhan cig rang gi snying
nang sdud/ /bdag gi bde dge rlung dang lhan cig tu/ /mar gyur
'gro ba rnams la yang yang gtong/ /ma rnams bde dang 'phrad 'dod

byams pa dang/ /sdug bsngal dag dang bral 'dod snying rje dang/
/bdag gis khur du 'khyer ba'i lhag bsam gyis/ /drangs pa'i byang
chub sems mchog rgyun du bsgoms/ /snod bcud sdig pa'i 'bras bus
yongs

gang ste/ /mi 'dod sdug bsngal char ltar babs gyur kyang/ /ltas
ngan g.yang du len pa'i man ngag gis/ /rkyen ngan byang chub
lam du bsgyur bar bya/ /bsag sbyangs lta dang gdan la mchod pa
yis/ /

'phral la gang thug bsgom la sbyor ba dang/ chos kun snying po
stobs lnga'i nyams len gyis/ /dal 'byor thob pa don dang ldan
par bya/ /tshul 'dir goms pas yid bde dang ldan zhing/ /skyon
rnams spong

sogs blo sbyong dam tshig dang/ /bslab bya'i rim pa rnams la legs
bslabs nas/ /snyigs ma lnga bdo byang chub lam du bsgyur/ /de
ltar bsgoms pas tshe 'di'i chag sdang dang/ /rang bde 'dod pa'i
rnam

rtog rgyun bcad de/ /sgo gsum dam pa'i lam dang mi 'bral bar/
/bla med rdzogs pa'i byang chub myur thob shog /ces blo sbyong
don bdun ma'i snying po brgya byin spyi bo'i nor bu zhes bya ba
'di yang/ snye

@138b mo nas rje btsun zhi ba bzang mos nan cher bskul ba la
brten nas/ shAkya'i dge slong blo bzang chos kyi rgyal mtshan
gyis bkod pa'o// //