@#/ /na mo radna tra yA ya/ bla ma'i rnal 'byor bsgom par 'dod 
pas/ skyabs 'gro sems bskyed sngon du btang/ sems

can thams cad kyi don du rdzogs pa'i sangs rgyas kyi go 'phang
thob par bya/ de'i phyir du/ zab lam bla ma'i rnal 'byor bsgom
snyam du bsam/ de nas rang gi mdun du rin po che'i khri'i steng
du padma dang zla ba'i gdan la/ ngo bo

dkon mchog gsum 'dus kyi bdag nyid yin pa la/ rnam pa rang gi
rtsa ba'i bla ma zhal mjal dus kyi rnam pa can/ dgyes pa'i 'dzum
zhal dang ldan zhing/ phyag g.yas chos 'chad dang/ g.yon nor
bu'i phreng bas mdzes

pa'i mnyam gzhag mdzad pa/ dbu zhwa gser gyi mdog can gsol
zhing/ li khri'i mdangs dang ldan pa'i chos gos gsum gyis dkris
pa/ bkra shis pa'i rtags kyi ri mo bkra ba'i ber zlam bzang po
klubs pa/ zhabs gnyis

skyil krung gis bzhugs pa'i thugs kar sna tshogs pad zla'i gdan
la/ bdag cag gi ston pa shAkya'i rgyal po gser gyi mdangs ldan
mtshan dpe'i dpal 'bar ba/ sa gnon mnyam gzhag gi phyag rgya can/
rdo rje'i skyil krung

gis bzhugs pa'o/ /de ltar gsal btab nas ye shes pa bstim/ yan
lag bdun pa rgyas bsdus ci rigs phul/ gsol ba rtse gcig tu gdab/
'dod gsol smon lam bkra shis sogs bya'o/ /zhes pa 'di ni dad

@147a @#/ /stobs dang ldan pa'i rgyal mo u pa san cha'i thugs
dam du/ rgyal khams kyi bya bral ba dge slong blo bzang chos kyi
rgyal mtshan gyis sbyar ba'o// //