@#/ /na mo gu ru manydzu g+ho ShA ya/

'dren mchog shAkya'i rgyal po dang/ /mar me mdzad dpal thams
cad mkhyen/ /blo bzang rgyal ba gnyis pa sogs/ /rtsa brgyud bla
ma la btud nas/ /thub pa'i gsung rab kun gyi phul/ /klu sgrub
thogs med bzhed

pa'i sral/ /byang chub lam gyi rim pa yi/ /snying po'i yang
snying bshad par bya/ /dam chos thos pa'i phan yon rnams/ /bsams
te snod kyi skyon gsum spang/ /rnam dag 'du shes drug ldan pas/
/gzhung bzhin

'chad nyan sngon du btang/ /mtshan nyid ldan pa'i dge ba'i bshes/
/sangs rgyas blta ba'i dad pa dang/ /bka' drin dran pa'i gus pa
yis/ /sbyor ba sgo gsum gus pas bsten/ /dal brgyad 'byor bcu'i
rten

bzang 'di/ /don che gegs mang rgyu 'bras dang/ /dpe sogs sgo nas
rnyed dka' ba/ /bsams te snying po len 'dod bskyed/ /don chen
rnyed dka'i rten 'di yang/ /rtsa ba gsum dang rgyu mtshan dgu/
/thag bcad gsum

gyis myur 'chi bar/ /yang yang bsams nas 'chi grabs bya/ /shi
nas gar skye'i gdeng med cing/ /dmyal ba yi dwags dud 'gro ni/
/gang du skyes kyang tsha grang dang/ /bkres skom bkol spyad sdug
bsngal

@232a @#/ /tshogs/ /bzod par dka' ba'i tshul bsams te/ /bslu med
dkon mchog gsum po yi/ /skyon bral yon tan tshogs shes pas/
/snying nas skyabs 'gro yang yang bya/ /dkar gnag las

dang 'bras bu'i tshul/ /so sor nges shing ma byas dang/ /mi phrad
chud mi za 'phel che'i/ /don bsams blang dor tshul la 'bad/
/skyes bu chung ngu'i skabs so/ ! /sdig spangs dge ba bcu
bsgrubs pas/ /bde

'gro'i rten bzang 'thob mod kyang/ /slar yang mnar med me nang
du/ /bsreg phyir yid brtan cung zad med/ /gting dang mtha' med
srid pa'i mtsho/ /skye rga na 'chi'i sdug bsngal gyi/ /mi bzad
rba klong rab tu 'khrug /

nyon mongs chu srin mang pos gtses/ /de'i phyir ngan song gsum
dang ni/ /lha dang mi yi sdug bsngal dang/ /sdug bsngal brgyad
drug gsum sogs kyi/ /ngang tshul dran pas thar 'dod bskyed/
/'khor ba'i mtsho las

sgrol ba'i thabs/ /tshul khrims ting 'dzin shes rab kyi/ /rnam
dag gru gzings legs bcas te/ /thar pa'i gling du bgrod par bya/
/skyes bu 'bring gi skabs so/ ! /rang nyid 'khor ba'i sdug

bsngal gyis/ /mnar ba ci 'drar 'gro rnams kyang/ /sdug bsngal
gsum gyis gdungs bsams nas/ /rgyu 'bras man ngag bdun dag dang/
/bdag gzhan mnyam brje'i sgo nas ni/ /'khor 'das kun gyi phan

@232b bde'i gzhi/ /rin chen byang chub sems mchog bskyed/ /de
nas 'di phyir sems de nyid/ /mi nyams 'phel ba'i bslab bya dang/
/'jug pa'i sdom pa legs bzung nas/ /sdom pa'i mi mthun phyogs
kun

spang/ /dus gsum rgyal ba sras bcas kyi/ /bgrod pa'i lam bzang
mthar thug pa/ /rang gzhan smin byed phyin drug dang/ /bsdu
bzhi'i lam du brtson pa bsten/ /khyad par zhi gnas lhag mthong
gnyis/ /zung

du 'brel ba'i rnal 'byor gyis/ /mnyam gzhag nam mkha' lta bu
dang/ /sgyu ma lta bu'i ting 'dzin bsgom/ /thun mong lam gyis
rgyud sbyangs nas/ /brtan zhing dul ba la sogs pa'i/ /mtshan ldan
rdo rje slob

dpon las/ /sku bzhi'i sa bon thebs nges pa'i/ /dbang bzhi blangs
la dam tshig bsrung/ /thun bzhi'i rim pas tha mal gyi/ /skye shi
bar do sbyong byed cing/ /lam dang 'bras bu'i sku gsum gyi/
/smin byed bskyed pa'i

rim pa bsgom/ /thal mal snang zhen zil gnon pa'i/ /zab gsal rnal
'byor la gnas pas/ /bsnyen sogs dag pas rgyud sbyangs te/ /phra
rags rnal 'byor mthar phyin bya/ /rdo rje'i lus la gnad bsnun
pas/ /

dpe don 'od gsal sgyu ma'i sku/ /rnam gnyis rim bzhin bskyed
byas te/ /zung 'jug go 'phang bsgrub par bya/ /skyes bu chen
po'i skabs so/ ! /de ltar gdul bya rin chen lta bu ni/ /snyigs
dus tshe thung gcig

@233a @#/ /la sangs rgyas kyi/ /go 'phang sgrub byed tshang la ma
nor ba'i/ /lam bzang 'di 'dra sangs rgyas las kyang dkon/ /de
las 'ongs pa'i rnam dkar dge ba'i tshogs/ /ji snyed bsags pa de
yang phan bde'i

gzhi/ /bstan pa rin chen phyogs bcur rgyas pa dang/ /'gro rnams
sku gsum go 'phang thob phyir bsngo/ /de skad smra ba mang thos
spong ba pa/ /blo bzang chos kyi rgyal mtshan zhes bya la/ /dge
ba'i bshes mnyen gsang sngags

rab 'byams pas/ /bskul tshe thogs med ri bo dge ldan dang/ /'dab
chags dge mtshan bcu ldan skyid shod mthil/ /bkra shis ljongs su
sbyar ba'i yi ge pa/ /dge slong blo bzang phun tshogs ces bya
yin// //