@#/ /mai tri na ma/ gang la brten na srid pa'i 'jigs pa kun/ 
/'dab brgya'i gnyen gyis reg pa'i ba mo bzhin/ /ma lus drungs 
nas 'byin pa skyabs kyi phul/ /rgyal

tshab dam pa brtse ba'i spyan gyis gzigs/ /thog med dus nas 'khor
ba'i gnas 'di ru/ /skye 'chi'i 'khor lo rgyun mi 'chad du bskor/
/nyon mongs sdug bsngal brgya phrag zhags pas bcings/ /kye ma
kyi hud

'di 'dra'i gnas skabs gyur/ /da res sdug bsngal ngal 'tsho'i rten
thob kyang/ /las kyi dbang gis snyigs ma'i dus 'dir skyes/ /nag
phyogs spyod pa'i phyogs ni stobs ldan zhing/ /dam pa'i rjes
'gro nyin mo'i skar

ma 'dra/ /dam pa rnams kyis dka' bas bsgrubs pa yi/ /legs bshad
bdud rtsi'i mgron du gnyer na yang/ /'jig rten rjes mthun blun
po'i tshogs rnams kyis/ /kha zas tsam gyi ched du spong ba
mthong/ /zhi

@272b bar gdams na ji snyam med par gnas/ /bsdigs shing smras na
zhe sdang khong khro ldang/ /kha rog 'dug na yal bar 'dor zhes
smra/ /kye ma nga ni bdag gis ci zhig bya/ /dam chos ma bshad
dpe mkhyud skyon can zer/ /legs

par bshad na de don nyams mi len/ /'chad nyan gzugs brnyan tsam
gyis ci zhig bya/ /de'i phyir bdag rgyud mya ngan gdung ba
'phel/ /'di nang 'khri ba chod pa'i brtson 'grus kyis/ /chos
bzhin bsgrubs na skye bo kun dang

'gal/ /rnyed bkur don gnyer tshogs dang lhan cig tu/ /mthun par
spyad na gtan gyi 'dun ma 'jig /ji ltar byas kyang chos dang
chos min dag /'gal ba med par bsgrub pa ma shes pas/ /kye ma
bdag snying mya ngan

gzer bus thebs/ /bstan pa'i gzugs brnyan tsam la skyabs bcas
nas/ /brgya phrag dbang bskur 'bul ba'i brje tshong sogs/ /ji
tsam byas kyang ngan 'gro'i sgrub thabs su/ /legs par gsungs
bzhin go bas gting

nas skyo/ /'dod chags rgya mtsho'i rlabs bzhin kun tu 'khrug /zhe
sdang bskal pa'i me bzhin rab tu 'bar/ /mi shes rmongs pa'i gti
mug mun ltar 'thibs/ /phrag dog rlung dmar 'tshubs pas phyogs kun
khyab/ /

nga rgyal brnyas pa'i sems kyis shes rgyud rengs/ /sngon du ngo
bstod gcam bu kha gsag can/ /lkog tu mi snyan nyes pa du ma
gleng/ /rdzun dang g.yo sgyu'i spyod tshul lhur len pa'i/
/snyigs dus skye bo'i nang du skyes

@273a @#/ /pas 'gyod/ /'gyod kyang sngon gyi las ngan 'bras bur
zad/ /de'i phyir rang gi sngon byas las rnams la/ /yid chad mya
ngan drag pos snying la zin/ /gang gi sgra yang skal par rnyed
dka' ba'i//

chos mthun gtam gyis snyan par smras na yang/ /tshe 'di don gnyer
skye bo'i tshogs rnams ni/ /'di yis gtam gzhan gleng ba'i skabs
phrogs ces/ /bzhin bsdus ci yang mi smra'i brtul zhugs 'dzin/
/rang

dang rjes mthun blun po'i tshogs nang du/ /bag med ci dgar spyod
la bag phebs shing/ /dug gsum gtam gyi sbyor ba mang po la/
/blun po lce bde log pa'i shes rab rgyas/ /dge ba'i bshes dang
dam pa'i grogs

rnams la/ /ngo tshas 'byol zhing dug bzhin 'gal bar 'dzin/ /mi
dge'i lam bkag yang dag lam bzang la/ /blo ldan 'god pa dge ba'i
grogs po nyid/ /de'i phyir brtse bas yang yang ma gdams na/
/phyin ci

log gi spyod tshul 'gog pa dka'/ /'on kyang ding sang phal cher
skye bo 'di/ /yang yang smras na gting nas yid sun te/ /tha mar
mi bzad dgra bo bzhin du blta/ /lag len mi byed mkhas pa'i go
rgya yang/ /chus khyer

'ga' zhig skom nas shi ba bzhin/ /chos rgyus mkhan yang ngan
'gror skyes nyen gda'o/ /tshul 'di blo bzang chos kyi rgyal mtshan
gyis/ /bdag dang gzhan gyi spyod pa ngan pa'i gzugs/ /chos kyi
me long nang du

@273b shar ba na/ /yid la gdung ba skyes te tshig 'di smras/
/rang bzhin snang tshul ston pa'i glu chung 'di/ /rang gi sems la
phog na e ma ho/ /gzhan gyi thugs la phog na bzod par gsol/
/dge bas thogs med dga'

ldan 'jug gyur cig /ces pa 'di yang chos smra ba'i btsun pa blo
bzang chos kyi rgyal mtshan gyis smras pa skye bo mtha' dag la
phan pa rgya chen por gyur cig / //