@#/ /bcom ldan 'das ngag gi dbang

phyug la phyag 'tshal lo/ /grub pas bstan pa'i ri bo'i ngos dag
tu/ /rmad byung drang srong chen po'i spyod tshul gyis/ /rnam dag
rgyal bas bsngags pa'i lam bzang mchog /g.yel med rtag tu
bsgrub la brtson rnams

rgyal/ /ka la pingka la sogs 'dab bzang tshogs/ /kha dog ma rgad
khu ba 'khyil 'dra ba'i/ /ga bur dri bzang 'phro ba'i ljon pa'i
rtser/ /nga rgyal spangs te mdzes pa'i gar bsgyur zhing/ /ca co
bung ba'i glu dbyangs 'bum

phrag gis/ /cha shas rna ba'i bcud len rgyas par byed/ /ja bzang
lo ma ltar ljang ne'u gsing/ /nya gang zla ba lta bur kun nas
mdzes/ /ta la'i ljon pa la sogs nags tshal rnams/ /tha mal chos
brgyad 'du 'dzi'i

rnam rtog kun/ /da lta bsgrib la 'ongs 'dra'i bsti gnas der/ /na
rga 'chi med go 'phang bsgrubs na legs/ /pA ra mi ta'i chos
tshul la gnas nas/ /pha rol 'khor bar 'khyams pa'i 'gro kun la/
/ba mo lta bur

@274a @#/ /dkar ba'i sems bskyed nas/ /ma lus rgyal sras spyod pa
bsgrubs na legs/ /tsA ri la sogs dben pa'i gnas bsten cing/
/tsha grang sdug bsngal ma lus khyad bsad nas/ /dza ldang ?

can gyi rnam rtog rgyang bsrings te/ /wa ler dkyil 'khor 'khor
lo bsgoms na legs/ /zhwa ltar bskyed pa'i rim pa brtan byas te/
/za byed lte ba'i sprin sgra la dmigs nas/ /'a 'ur spangs pa'i
rdor bzlas

rnal 'byor gyis/ /ya mtshan can gyi e waM drangs na legs/ /ra
gan gser du bsgyur ba'i thabs mkhas ltar/ /la 'ur 'du byed sdug
bsngal phung po 'di/ /sha rus bral ba dag pa'i sgyu ma'i skur/
/sa ra ha

bzhin tshe 'dir bsgyur nas kyang/ /ha ha'i gang rgyangs bde chen
bzhad pa'i sgras/ /a don skye med 'gro la bstan na legs/ /de
ltar skye bo blo yi nor can dag /rab dga' rgyas byed dben par
dga' ba'i gtam//

chos kyi rgyal mtshan zhes bya'i rigs smra des/ /sbyar byas de
las 'ongs pa'i rnam dkar gyis/ /dam chos re ba yid bzhin 'grub
par shog /ces pa 'di yang shAkya'i btsun pa blo bzang chos kyi
rgyal mtshan gyis

sbyar ba'o// //