@#/ /na mo gu ru manydzu g+ho ShA ya/ dregs ldan kun gyi nga
rgyal dpyis 'byin cing/ /nyam thag dman pa rnams la ches brtse
ba/ /bslu med bden pa gsung ba nyi ma'i gnyen/ /thams cad mkhyen
pa'i zhabs la snying

nas 'dud/ /las nyon chu srin mang pos yongs gang zhing/ /mi bzad
sdug bsngal mang po'i rba klong can/ /gting dang mtha' med srid
pa'i rgya mtsho che/ /mkhas pa su zhig 'di la yid mi 'byung/
/'dod pa'i rgyu yis sngon

chad yang dang yang/ /bcings shing brdegs dang gshags shing
gtubs pa dang/ /bsad cing mnar med 'bar ba'i mes bsregs pa'i/
/ngang tshul soms la dgra yi gtso bor ltos/ /tshangs dbang 'khor
los bsgyur

ba'i dpal 'byor la/ /lan brgyar spyad kyang ngoms pa'i mtha' med
cing/ /yang srid mi bzad sdug bsngal kun 'dren na/ /mkhas pa su
zhig 'dod pa don du gnyer/ /'dod pas bsgribs pas ngo tsha khrel
bor te/ /rje dpon

snying grogs pha bu'ang rtsod byed cing/ /mtha' med sdug bsngal
rgya mtshor 'jug pa'i sgo/ /mi dge bcu dang mtshams med lnga yang
spyod/ /yul la mngon par chags pa'i skye bo la/ /thar pa dam
pa'i go 'phang smos ci

@280a @#/ /dgos/ /mngon mtho'i bde ba tsam yang rnyed dka' zhes/
/bu ram shing pas gsung dbyangs mthon pos bsgrags/ /snying nas
dam chos tshul bzhin bsgrub pa la/ /tshe 'di'i bde ba don gnyer
las

lhag pa'i/ /bar gcod bdud kyi gnod pa gzhan med pas/ /skyid 'dod
'byung po'i mgo bo rdog pas rdzis/ /bde skyid lha dang bla ma'i
drin shes shing/ /sdug bsngal gyur tshe sngon gyi las bsams nas/
/gang byung tsam

gyi 'tsho bas chog pa yi/ /drang srong chen po'i rnam thar rjes
su skyongs/ /mdor na tshe 'di blo yis ma thongs na/ /chos brgyad
'ching las grol bar mi 'gyur zhing/ /chos brgyad 'dres pa'i dge
ba ci byas kyang/ /rnon po'i

dug ldan ro brgya'i kha zas bzhin/ /skyid kyang mi mtshengs sdug
kyang mi phung ba'i/ /tshe thung 'di ni ci ltar byas kyang bla/
/shi nas byang chub dam pa rnyed dka' bas/ /rtag tu sgo gsum bag
yod legs par bsten/ zhes ri

khrod 'dzin pa'i dge slong dka' bcu rab 'byams gnyis kyis bskul
ba'i ngor/ spong ba pa shAkya'i btsun pa blo bzang chos kyi
rgyal mtshan gyis sbyar ba'o// //