@#/ /na mo gu ru manydzu g+ho ShA ya/ skyon bral legs
byas rin chen kun gyi gter/ /mchog gsum ngo bo drin can bla ma
yi/ /

zhabs pad gus mchod dad ldan slob ma dag /mngon mtho nges legs
phun tshogs sgrub pa'i thabs/ /mdo rgyud man ngag snying por dril
te bshad/ /tshe 'di long med rtswa rtse'i zil pa dang/ /srid
'byor rmi lam dga' ston

ltar mthong nas/ /rang gzhan gtan gyi phan bde bsgrub 'dod pa'i/
/blo ldan de yis 'di ltar nyams su blang/ /grogs med gcig pur
'khor ba'i nags tshal du/ /mi bzad sdug bsngal bye bas mnar ba
la/ /dkon

mchog gsum las lhag pa'i grogs med pas/ /nyin mtshan kun tu
skyabs 'gro tshul bzhin bsten/ /thog med dus nas bskyangs pa'i
pha ma rnams/ /nyam thag sdug bsngal gsum gyis gtses pa la/
/bcos min

@282a @#/ /byams dang snying rje'i rtsa ba can/ /byang chub sems
gnyis yang yang bskyed par bya/ /rang gzhan 'khor 'das chos
rnams ma lus pa/ /sems kyis btags pa tsam zhig ma gtogs pa/ /don
la

grub pa rdul tsam ma mchis pa'i/ /rang bzhin stong pa'i ngang du
mnyam par zhog /tshe gcig sangs rgyas bsgrub pa'i nye lam mchog
/sbyang gzhi sbyong byed gnad rnams tshang ba yi/ /'jam dpal dpa'
bo'i rim pa dang po'i

lam; ;zab gsal gnyis med rnal 'byor la gnas nas/ /gsang sngags
zab mo'i bzlas brjod rgyun du bya/ /rang lhar gsal ba'i rtsa
gsum 'khor lo bzhi'i/ /chos 'khor dbus su ting 'dzin sems dpa'

la; ;rtse gcig dmigs nas bsgoms pas sgyu ma dang/ /'od gsal zung
'jug go 'phang mngon du 'gyur/ /spyod lam kun tu snang stong
sgyu ma dang/ /zab gsal gnyis med rnal 'byor la gnas nas/ /bzlas
brjod

mchod gtor bsngo ba smon lam sogs/ /bsten pas dal 'byor don dang
ldan par 'gyur/ zhes pa 'di yang brag ti chos rje'i thugs dam
spel phyir/ dge slong blo bzang chos kyi rgyal mtshan gyis bkod
pa dge legs

'phel// //