@#/ /swasti/ dal 'byor rten 'di yid bzhin nor bu ltar/ /don chen shin tu rnyed dka'i tshul bsams nas/ /'bras med tshe 'di'i bya bas mi g.yeng bar/ /nyin mtshan kun tu snying po blangs na legs/ /tshe 'di mi rtag rtswa rtse'i zil pa ltar/ /nam 'chi nges med 'chi ba'i dus kyi tshe/ /chos las gzhan gyis phan pa cang med pas/ /tshe 'di'i bya bas 'da' ba smyon pa dngos/ /'jigs rung skye rga na 'chi'i sdug bsngal gyi/ /me dpung 'bar ba'i btson khang ra ba las/ /'bros pa'i them skas byang chub sems mchog dang/ /'brel ba'i 'phags pa'i nor bdun bsten pa gces/ ces pa 'di yang/ dge slong dpon chen gyi 'dod pa ltar/ rje drung rnam gnyis kyis yang yang nan gyis bskul ba la brten nas/ bya bral ba blo bzang chos kyi rgyal mtshan gyis smras pa'o// //@#/ /swasti/ 'di phyi'i 'gal rkyen @283a @#/ /bar gcod kun sel zhing/ /chos ldan legs tshogs ma lus 'grub pa'i sgo/ /'jam dpal dpa' bo'i bzlas brjod rim gnyis kyi/ /rnal 'byor zab mo rgyun tu nyams len dang/ /nges 'byung byang chub sems dang yang dag lta/ /'khrul med dam pa'i lam la rab goms pas/ /rang gzhan don gnyis lhun gyis grub 'gyur bas/ /nyin mtshan kun tu g.yel med sten par 'tshal/ /zhes pa byang rtse rab 'byams pa chos rin chen la gnang ba'o// //