@#/ /oM bde legs su gyur cig /bslu med skyabs kyi dam pa 
bla ma rje/ /rgyal ba gnyis pa'i zhabs la gus btud de/ /klu yi 
rgyal mtshan zhes bya'i

gus ldan la/ /brtse ba'i sems kyis phan pa'i gdams pa bri/ /dal
'byor rten thob rgyal ba'i bstan dang mjal/ /dam pa'i mgon gyis
zin pa rnyed dka' bas/ /rtag tu rang gzhan phan bde bsgrub pa'i
phyir/ /sgo

gsum dge ba'i las la brtson par mdzod/ /tshe 'di mi rtag nam
mkha'i glog 'dra zhing/ /srid pa'i phun tshogs mnog chung nyes
mang bas/ /tshe 'di'i bde la nam yang ma zhen par/ /bslab gsum
thar pa'i lam

la brten par mdzod/ /theg mchog lam gyi sgo dang gzhung shing
ni/ /byang chub sems las gzhan pa cang med pas/ /ma rnams don du
byang chub sems skyed la/ /rgyal sras spyod pa rlabs chen goms
par mdzod/ /

@283b skal bzang 'jug ngogs rdo rje'i theg pa'i lam/ /gsang bde
'jigs gsum rta mchog rol pa yi/ /bskyed rdzogs bzlas brjod nyams
len brtson par mdzod/ /rgyal ba gnyis pa'i bstan pa spel ba la/
/sna tshogs

thabs la mkhas pas 'bad pa dang/ /gzhan phan chos kyi rtsa bar
gsungs pa'i phyir/ /gdul bya gang phan chos kyis skyong bar
mdzod/ /tshul 'di pad ma'i gnyen dang pad ma ltar/ /gnas kyis
bskal yang mdza' ba'i slob

ma la; ;bkra shis lhun po'i ngos nas legs par gdams/ /dge bas ma
rnams kun mkhyen gnas thob shog /ces kyang btsun pa blo bzang
chos kyi rgyal mtshan gyis gdams pa'o// //