@#/
/swasti/ bla ma

yi dam dkon mchog gsum/ /bslu med gtan gyi skyabs yin pas/
/snying khong rus pa'i gting nas kyang/ /gsol ba thob la skyabs
su song/ /dal 'byor mi lus rin chen 'di/ /yang yang rnyed par
dka' bas na/ /  

lan cig tsam zhig rnyed pa 'di/ /don med ma byed dge la 'bungs/
/skyes pa'i mtha' ma 'chi 'gyur zhing/ /nam 'chi nges pa mi 'dug
pas/ /da lta 'chi 'am mi shes kyi/ /brtson pa ma zhan 'chi grabs
mdzod/ /tshe 'di

slong mos 'tsho yang bla/ /phyi ma 'phrad ring 'jigs pa che/
/'dod yon ro la ma zhen par/ /thar pa'i btsan sa legs par zungs/
/skyes pa kun gyi mtha' 'chi zhing/ /'dus pa'i tha ma nges par
'bral/ /mthon po'i tha ma

rgud pa 'di/ /dus las mi 'da' thog tu 'bab/ /ser snas zas nor
bsags bsags kyang/ /rang la spyod pa'i dbang med par/ /sbrang
ma'i rtsi bzhin gzhan gyis spyod/ /dngos 'dzin gsog rum byed pa
'khrul/ /tshangs
@286a @#/ /dbang 'khor los bsgyur rgyal sogs/ /srid pa'i bde ba'i
rtser son yang/ /mnar med 'bar ba'i mes bsreg pas/ /'dod pa'i
bde la zhen pas phung/ /kha drag bu rta dpung 'dzom zhing/
/gzhon

pa'i lang tshos rgyags pa yang/ /dga' rtsed ngang nas blo bur du/
/mya ngam thang la dgras bcom 'dra/ /des na 'jig rten bya ba la/
/yid brtan snying po med pas na/ /rnam g.yeng dbang du ma gtong
bar/ /rtse gcig dge la

brtson par gyis/ /ces pa 'di yang don gnyer can 'ga' zhig dge la
bskul phyir/ dge slong blo bzang chos kyi rgyal mtshan gyis smras
pa'o// //