@#/ /na mo gu ru manydzu g+ho ShA

@288b ya; gang gi zhabs sen nor bu'i 'od/ /dran pa yis kyang
mchog stsol ba'i/ /bla ma rnams dang mchog gsum gyi/ /zhabs la
gus pas phyag byas te/ /kai la sha yi sa 'dzin yang/ /zla shel
zer gyis ches dkar ba//

ji bzhin dge ba'i thugs mnga' ba/ /gsal bar bya phyir tshig 'di
gsol/ /'byor ldan mthon po'i rigs 'khrungs shing/ /dam pa'i mgon
ldan sangs rgyas kyi/ /skyon med bstan dang mjal ba 'di/ /yang
yang ma

yin da res tsam/ /de'i phyir tshul 'di'i don dgongs la/ /'di dang
phyi ma gzhan dag gi /don rnams rgyal bas gsungs pa bzhin/ /rtag
tu gus pas sten par mdzod/ /chos dang mthun pa'i srid bskyangs
na//

mtho ris thar pa'i lam chen yin/ /sngon byon chos kyis sa skyong
ba/ /rnams kyi rnam par thar pa bzhin/ /'bangs rnams rang gi
sras bzhin du/ /byams pa'i sgo nas bskyangs lags na/ /de dag gis
kyang bdag

nyid ni/ /pha bzhin gus pas bsnyen bkur bgyid/ /phun tshogs 'bras
bu 'byung ba yi/ /ljon shing gces par bsrung ba ltar/ /dus su
dpya dang khral 'bul ba'i/ /'bangs rnams byams pa'i thugs kyis

skyongs/ /rang la bltos pa'i 'khor g.yog la/ /nye ring che
zhing phyi thag thung/ /gsar 'grogs che zhing 'gyur ldog mang/
/khro gtum che zhing tshig mi btsun/ /ngan sems g.yo sgyu la
sogs pa/ /sde dpon ngan

@289a @#/ /pa'i spyod pa rnams/ /gtsang ma'i rigs su 'khrungs
khyod kyis/ /dug can zas bzhin spang bar mdzod/ /mi ni a mra'i
'bras 'dra bar/ /gsungs phyir mkhyen pa'i spyan bkram ste/ /dman

'bring mchog gi rim pa yis/ /zhabs 'bring ngag tu 'god pa'i
rigs/ /sgo gsum bya ba ci 'dra la'ang/ /brtag cing dpyad pa'i
blang dor 'tshal/ /gya tsom 'jug pa'i blun po la/ /nyes pa byung
ba shin tu mang/ /  

legs nyes bya ba mtha' dag kyang/ /blo ldan tshogs nas gros kyis
bsgrub/ /grub na legs shing ma grub na'ang/ /mdzes ces bstan
bcos dag las 'byung/ /mi dge'i bshes dang sdig grogs la/ /brten
cing

mtshan mo rgyu ba dang/ /le lo ngan zhen chang 'thung sogs/ /dam
pas smad pa'i las rnams spang/ /bya dang nya dang ri dwags sogs/
/rtswa chu tsam gyis 'tsho ba yi/ /mgon med snying rje'i gnas
rnams kyi/ /tsher ma

byed rnams yang dag sdoms/ /brku 'phrog 'thab rtsod gsod byed
pa'i/ /ma rung ngan pa yal bor na/ /log dpyod dbyar gyi chu ltar
'phel/ /de'i phyir de dag bsdigs pas gzhom/ /dge dang sdig pa'i
las rnams

ni; ;chung la'ang brnyas par mi bya ste/ /'jig rten pha rol gyur
pa na/ /'bras bu shin tu che ba 'byung/ /tshe 'di'i snang ba
'brid mkhas shing/ /gtso bo'i bya ba rgya che bas/ /don chen yal
bar 'tshor srid kyi/ /thugs dam

@289b bcad rgya nyid du mdzod/ /nya stong tshes brgyad la sogs
par/ /rgyal bas khyim pa'i phyogs dag la/ /bsngags pa'i bsnyen
gnas yan lag brgyad/ /bsten pas sku tshe don ldan 'gyur/ /'jigs
rung 'khor ba'i 'brog

dgon 'dir/ /grogs med gcig pur rgyu ba'i tshe/ /mchog gsum bla ma
las lhag pa'i/ /gnyen dang skyabs gzhan yod min pas/ /dang por
tho rangs mnal sad tshe/ /skyabs 'gro sems bskyed ci mang dang/
/bzang

spyod las byung bdun rnam dag /ltung bshags dang bcas mchog tu
dge /tshe lha ci yang rung ba'i gzungs/ /bzlas brjod sku tshe spel
phyir mdzod/ /tsha gong sman bla'i mdo chog dang/ /grub na su rU
pa yang 'tshal/ /dkon

mchog gsum gyi zhabs drung du/ /bkod pas khyad par 'phags pa yi/
/mchod pa gsar pa gsar pa dag /nyin re bzhin du dbul bar mdzod/
/gdugs mtshan dal ba'i skabs kun tu/ /'khyer so gsum dang

ldan pa'i ngang/ /yi ge drug pa la sogs pa'i/ /gzungs sngags zab
mo'i bzlas brjod dang/ /rgyal ba'i gsung gi snying po mchog /yon
tan rin chen sdud pa ni/ /gdon zhing gtor ma brgya rtsa dang/
/sku gzugs

mchod rten bzheng ba sogs/ /'chag med phyag mtshan ltar bzhes
shing/ /byams dang snying rje byang chub sems/ /bden stong sgyu
ma'i rnal 'byor dang/ /zung du 'brel ba'i rgya yis thob/ /'jig
rten dregs pa'i lha 'dre

@290a @#/ /la; ;'phral gyi rkyen sel ma gtogs pa/ /mthar thug
skyabs su mi bya ste/ /ngan song gnas su 'dren phyir ro/ /gang
la brten na byang chub bar/ /g.yel med mgon dang grogs mdzad
pa'i//

ye shes chos skyong bsrung tshogs la/ /mchod gtor ma chag re
bltos gces/ /mjug tu dus gsum bsags pa yi/ /dge tshogs bzang po
spyod pa'am/ /thog mtha' bar du dge ba yi/ /smon lam bzang

pos kha lo bsgyur/ /mdor na mang du gsol ci 'tshal/ /rang rigs
chos dang srid kyi tshul/ /yab mes gong ma'i rgyun bzhin du/ /ma
nyams 'phel zhing rgyas par mdzod/ /dbang stobs dregs pas myos
rnams

la; ;phal cher gcam bu ngo bstod byed/ /nyes pa mthong yang
brjod mi nus/ /mig bzhin rang skyon mthong dka' bas/ /rang gzhan
bya ba thams cad la/ /'phral phugs skyon dang yon tan gnyis/ /ji
bzhin

'byed pa'i blo gros kyis/ /legs par phye ba'i blang dor gces/
/phan par smra ba ches dkon zhing/ /smras kyang blun rnams khro
ba mang/ /de lta mod kyi sa skyong ba/ /khyod nyid mnyes par bya
phyir brtsams/ /de las

'ongs pa'i dge ba'i tshogs/ /dung ltar dkar ba ci mchis pa/ /'gro
rnams srid pa'i rgya mtsho las/ /sgrol ba'i ded dpon mchog tu
bsngo/ /tshul 'di rigs rus dad stobs ldan/ /rnam dpyod yangs pa'i
sa

@290b skyong ba/ /sde pa mgon po bkra shis kyis/ /bskul phyir
phyogs med rgyal khams pa/ /dge slong chos kyi rgyal mtshan gyis/
/thon gyi gzhis ka'i ngo mtshar du/ /sbyar ba'i yi ge zur khang
pa/ /blo bzang dar rgyas ces byas

bris; ;'di nyid dam pa'i rjes 'gro ba'i/ /rnam dpyod ldan pa
gzhan la yang/ /blang dor bya ba'i rang bzhin rnams/ /gsal byed
gser gyi sgron me yin/ zhes pa 'di yang chos smra ba'i btsun pa
blo bzang chos kyi rgyal

mtshan gyis sbyar ba'o// //