@#/ /oM swasti sid+haM/ skyon bral yon tan kun gyi mdzod/ /bslu 
med bla ma dkon mchog gsum/ /'bral med spyi bo'i rgyan bzhugs 
la/ /mchog dang thun mong

dngos grub stsol/ /mkhas pa khyim du gnas na yang/ /mtho ris
rnam grol them skas bgrod/ /blun po rab tu byung gyur kyang/ /mi
bzod ngan 'gro'i mthil kun myul/ /de phyir pang na dpal gnas
pa'i/ /khyim gyi bya bas

brel rnams kyang/ /rnam dkar dge ba'i bsam sbyor la/ /nyin mtshan
kun tu 'bad par rigs/ /nya stong dge ba'i dus tshigs la/ /gso
sbyong yan lag brgyad bzung ste/ /rnam dag rten rnams 'thob pa
lags/ /grogs

med srid par 'khyams pa na/ /sbyin las gzhan pa'i gnyen ma
mchis/ /de bas bzang po'i zhing rnams la/ /gus pas brgyan pa'i
sbyin pa stsol/ /'khor bar nyam thag sdug bsngal gyi/ /mda' char
drag po 'bab pa

@291a @#/ /la; ;skyob byed bla ma dkon mchog gsum/ /bslu med
skyabs kyi dam pa lags/ /mi bzad 'khor ba'i sa bon phyir/ /chags
sdang mi dge'i sems spangs te/ /byams dang snying rje'i sems
ldan

pas; ;sgo gsum dge la sbyor bar mdzod/ /snang zhing srid pa'i
chos rnams kun/ /chu zla rmi lam sgyu ma ltar/ /bden par grub pa
ma mchis pas/ /nam mkha' lta bu'i rnal 'byor sgoms/ /'di ltar
nyams su

blangs pa las/ /gnas skabs lha mi'i rten brgyud nas/ /mthar thug
rdzogs pa'i sangs rgyas kyi/ /go 'phang myur du thob pa lags/
/ces pa 'di yang dad pa dang gtong ba sogs yon tan gyis brgyan
pa/ dpon sa

bsam grub bu khrid la gdams pa dge legs su gyur cig / //