@#//swasti/ bskal bzang 'dren pa bde gshegs brgya phrag bcu'i/
/rnam thar mthing shog ngos la gser sbyangs kyis/ /bskrun pa'i

dge ba mar gyur 'gro ba kun/ /sku gsum gzhal med khang du 'jug
phyir bsngo// //@#/ /'dul ba lung gi ka par/ bde gshegs bstan pa'i rtsa 
ba 'dul ba'i mdo/ /legs par bzhengs la

mthun rkyen bsgrubs pa kun/ /rtag tu dal 'byor tshang ba'i rten
thob nas/ /ngur smrig 'dzin pa'i mchog tu 'gyur bar shog /kha;
sde bzhi'i lung sogs bka' 'gyur yongs rdzogs pa/ /bzhengs pa'i
dge bas bdag

@291b dang 'gro ba kun/ /mi 'khrugs dge slong mchog gi rnam thar
bzhin/ /rtag tu so thar sdom pa mchog ldan shog /ga; kha ba'i ri
ngogs 'gyur ba'i bde gshegs gsung/ /bris pa'i dge bas chos kyi
rgyal mtshan ni/ /

mthong thos dran reg dad par byed rnams kyang/ /myur du byang
chub dam pa thob gyur cig /nga; bstan pa'i rtsa ba 'dul ba'i sde
snod la/ /bkur sti bgyis pas tshe rabs kun tu bdag /rgyal bstan
rtsa ba 'dul ba 'dzin pa dang/ /

sems can ma lus 'dren pa'i mchog gyur cig /ca; thub pa'i nang
mdzod 'dul ba 'bum sde'i gzhung/ /ri mor bris pas mar gyur 'gro
ba kun/ /mi khom gnas bral dal 'byor rten thob nas/ /ngur smrig
'dzin pa'i

mchog tu 'gyur bar shog /cha; 'dul ba 'bum sde la sogs ston pa'i
bka'/ /ci 'gyur yi ger 'bri la brtson pas mtshon/ /'gro rnams
dga' ldan bde ba can skyes nas/ /ma pham 'od dpag med sogs

dgyes byed shog /ja; bstan pa'i snying po so sor thar pa yi/
/mdo rnams bzhengs pas tshe rabs kun tu bdag /ma rnams don du
'dul ba'i sde snod kun/ /'dzin cing ngur smrig 'dzin pa'i mchog
gyur cig /nya; blo

bzang chos kyi rgyal mtshan mos pa'i blos/ /rgyal ba'i nang mdzod
'bum phrag 'dul ba'i gzhung/ /bsgrubs pas ston mchog de yi bzhed
pa'i don/ /ma lus ji bzhin bdag gis bsgrub gyur cig /ta; 'bum
phrag

@292a @#/ /'dul ba'i gzhung sogs rgyal ba'i bka'/ /legs par
bsgrubs pa'i bsod nams ci mchis pa/ /byams mgon sras kyi thu bor
bdag gyur nas/ /byang chub lung bstan thob pa'i rgyu ru bsngo/ /

tha; 'dul lung la sogs gangs khrod 'gyur ba'i bka'/ /ma lus 'bri
sogs bsti stang ba gyis pa'i mthus/ /thub pa'i bstan pa lung
rtogs dam pa'i chos/ /rgyal ba'i dgongs pa ji bzhin 'dzin gyur
cig /

da; sde bzhi'i lung sogs 'gyur ro cog gi bka'/ /legs bsgrubs dge
bas lus can phan bde'i gzhi/ /thub bstan snying po yun ring
rgyas pa dang/ /'gro rnams rtag tu bde skyid ldan par shog /na;
'dul

gzhung 'bum sde 'bri la mthun pa'i rkyen/ /bsgrubs rnams sdug
bsngal kun las rnam grol te/ /dge ba'i bshes kyis 'bral med rjes
bzung nas/ /thams cad mkhyen pa'i go 'phang myur thob shog /yum

gyi ka; ston pa'i gces mdzod sher phyin mdo bzhengs pa'i/ /dge
bas bdag cag skye ba thams cad du/ /lus srog lan brgyar dor yang
thub pa'i bka'/ /ma lus 'dzin la zhum pa med gyur cig /kha; bod

khams mun sel sgron me rgyal ba'i bka'/ /mtha' dag bzhengs la
phan pa bsgrub pas mtshon/ /'gro rnams sdug bsngal rgud pa kun
bral zhing/ /zag med bde bas rtag tu 'tsho bar shog /ga; gangs
khrod

@292b bsod nams zhing bzhugs ston pa'i bka'/ /bla mar bgyis pa'i
dge ba ci mchis pa/ /ma rnams gnas skabs kun tu bde ba dang/
/mthar thug myur du kun mkhyen thob phyir bsngo// nga; phyogs
'di'i mdzes byed  

gsung rab ma lus pa/ /rab dkar sems kyis bris pa'i bsod nams
tshogs/ /'gro rnams thams cad mkhyen grong drang ba'i phyir/
/ston de'i mdzad pa ji bzhin bsgrub phyir bsngo// ca; deng 'dir
bka' la sri zhu

bgyis pa'i mthus/ /bdag cag deng nas byang chub snying po'i bar/
/rang don yal bar dor nas thabs mkhas kyis/ /gzhan don bsgrub la
zhum pa med gyur cig /cha; rgyal yum stong phrag brgya pa glegs
bam du/ /

'god la sgo gsum zang zing ci rigs pas/ /phan par byed pa'i lus
can thams cad kyang/ /dga' ldan skyes nas byams mgon mnyes byed
shog /ja; shes rab pha rol phyin gzhung stong phrag brgya/ /yi
ger

bris pa'i dge bas thub dbang gi /lung rtogs bstan pa rgyas par
byed pa la/ /srid mtha'i bar du g.yel med brtson par shog /nya;
dus gsum rgyal ba kun lam stong phrag brgyas/ /mtshon pa phyogs
'dir 'gyur

ba'i thub pa'i gzhung/ /bkod pa'i dge bas mgon dang skyabs med
pa'i/ /'gro rnams 'dren pa'i mchog tu bdag gyur cig /ta; bde
gshegs kun yum rgyas pa la sogs pa'i/ /gsung rab 'bri la phan
byed

@293a @#/ /mtha' dag dang/ /ma rnams gnas skabs bde skyid phun
tshogs shing/ /mthar thug rdzogs pa'i sangs rgyas myur thob shog
/tha; shes rab pha rol phyin gzhung brgya pa 'di/ /bzhengs pa'i

dge bas mgon med srid mtsho cher/ /'khyams pa'i 'gro rnams bdag
nyid gcig pu yis/ /sgrol la thogs med mthu dang ldan gyur cig
/da; rgyal yum khri phrag bcu sogs 'gyur 'tshal bka'/ /ri mor

byed la mthun pa bsgrub rnams dang/ /'gro kun shes rab pha rol
phyin gzhung gi /thos bsam bsgom pa'i nyams len mthar phyin shog
/na; dus gsum bde gshegs bskyed yum bskrun pa la/ /phan par

bgyid pa'i lus can mtha' dag kyang/ /nor bzang rtag tu ngu bzhin
bla ma dang/ /chos phyir lus dang srog kyang 'dor nus shog /pa;
ston dang bstan la dad pa'i lhag bsam gyis/ /yi ge 'dri mchod
bgyis pa'i legs

spyad mthus/ /thub pa'i bstan pa yun ring rgyas pa dang/ /'gro
kun byang chub sems kyis rgyud phyug shog /pha; lha bcas ston pa
mchog de'i gsung rab tshogs/ /phreng bar spel bas bdag la sems
dang cing/ /

mthong thos dran reg 'gro ba thams cad kyang/ /sras bcas rgyal
bas 'bral med rjes 'dzin shog /ba; zas gtsang sras kyi gsung rab
glegs bam gyi/ /me tog phreng mdzes brgyus pa'i legs spyad
rnams/ /mgon

@293b med skyob phyir rgyal ba'i dam chos kun/ /rgyal ba'i
dgongs pa ji bzhin 'dzin phyir bsngo// ma; dus gsum rgyal yum
stong phrag brgya pa 'di/ /bsgrubs pa'i dge bas skye dgu'i phan
bde'i gzhi/ /thub bstan dar

rgyas srid mthar gnas pa dang/ /'gro kun bdud bzhi'i dgra las
rgyal gyur cig /nyi khri'i ka/ ston dang bstan la dad pa'i dge
slong gis/ /gzhung mchog sher phyin bris pa'i dge ba yang/ /mgon
med nyam thag ma

rgan 'gro ba rnams/ /zhing mchog bde ba can du skye phyir
bsngo// kha; rgyal yum 'bring po glegs bur bgyid pa la/ /mthun
rkyen bsgrub par byed pa'i skye bo kun/ /shAkya'i rgyal pos
'bral med rjes bzung ste/ /'gro kun don

du sangs rgyas myur thob shog /ga; rgyal yum 'bring sogs gangs
khrod byon pa'i bka'/ /legs par bzhengs pas mar gyur 'gro ba
kun/ /'khor lo chen po bzhi dang rtag ldan zhing/ /stobs bcu
mnga' ba'i go 'phang

myur thob shog /nga; stong phrag nyi shu lnga pa'i glegs bu 'di/
/bsgrub phyir brtson pa bsten pa thams cad kyang/ /rtag tu bde
'gro lha mi'i rten brgyud nas/ /bla med byang chub dam pa myur
thob shog /khri brgyad stong pa'i

ka; byang phyogs skye dgu'i nyer 'tsho sher phyin sogs/ /bka'
rnams chos spyod rnam bcus mchod byas pas/ /'gro kun dga' ldan
skyes nas ma pham pa'i/ /gsung gi bdud rtsis rtag tu 'tsho bar
shog /kha; byang

@294a @#/ /phyogs rgya mtsho'i gos can rgyan gcig pu/ /dpal stug
bka' yig rin chen phreng spel ba'i/ /bsod nams ci mchis 'khor ba
sdug bsngal gyi/ /rgya mtsho chen po skem pa'i rgyu ru bsngo//
ga;

sher phyin mdo sogs bka' 'gyur yongs rdzogs ni/ /yi ger 'bri
sogs 'bad pa bsten rnams kyang/ /rtag tu yon tan bdun ldan dal
'byor rten/ /thob nas sgrib gnyis g.yul las rgyal gyur cig
/khri

pa'i ka/ gsung rab mthar thug shes rab pha rol phyin/ /bzhengs
pa'i dge bas bdag la mos pa dang/ /reg dran ming tsam thos pa
thams cad kyang/ /bla med byang chub dam pa myur thob shog
/kha; ma lus rgyal

ba'i yum gcig sher phyin mdo/ /bzhengs pa'i dge ba zla ltar dkar
ba de/ /'gro kun sdug bsngal bdag la 'bab pa dang/ /bdag dge
'gro rnams bde ba'i rgyu ru bsngo// brgyad stong par/ dus gsum
rgyal ba

bskyed mdzad brgyad stong pa/ /'di ltar glegs bur bgyis pa'i
bsod nams kyis/ /sdug bsngal gsum gyis mnar ba'i 'gro ba rnams/
/'dren pa'i ded dpon bzang por bdag gyur cig /khri sna tshogs
par/ kA;

sher phyin mdo sogs bka' 'gyur yongs rdzogs pa/ /bsgrubs pa'i
dge tshogs bdag gis ci bsags pa/ /'dren mchog shAkya'i tog la
'bul lags na/ /mgon de'i bzhed kun bdag gis bsgrub gyur cig /

@294b phal chen gyi ka/ dang ba'i sems kyis chos kyi rgyal mtshan
gyis/ /phal chen la sogs bsgrubs la 'dun rnams kyang/ /rtag tu
dus gsum rgyal sras spyod pa kun/ /ma zhum snying stobs chen pos
spyod gyur cig /kha;

'dren pa'i bka' 'gyur bzhengs la mthun pa'i rkyen/ /sbyor dang
mgon med lus can ma lus pa/ /bshes gnyen dam pas 'bral med rjes
bzung ste/ /thams cad mkhyen pa'i go 'phang myur thob shog /ga;
zas

gtsang sras kyi gsung rab bod yul du/ /ji snyed 'gyur la rim gro
bgyis pa'i mthus/ /skye ba kun tu rgyal ba'i dam chos kun/
/rgyal ba'i dgongs pa ji bzhin 'dzin gyur cig /nga; 'dir 'bad
dge bas blo bzang chos

rgyan la/ /bltos pa'i mar gyur 'gro ba ma lus pa/ /mi khom gnas
su nam yang mi skye zhing/ /bshes gnyen dam pas 'bral med rjes
'dzin shog /ca; sa gsum rin chen gcig pu rgyal ba'i bka'/ /legs
bsgrubs

bsod nams bdag gis ci bsags pa/ /des ni nyam thag 'gro ba ma lus
pa/ /bde ba can du thogs med skye bar shog /cha; 'di ltar brtson
la mthun pa bgyid rnams dang/ /bdag dang bdag la brten pa'i 'gro
ba kun/ /

deng nas ngan song ngan 'gro'i gnas spangs te/ /'khor lo chen po
bzhi dang ldan gyur cig /dkon brtsegs kyi ka/ phan bde'i 'byung
gnas shAkya'i rgyal po'i bka'/ /byang phyogs 'gyur ro cog rnams
bris pa yi/ /

@295a @#/ /bsod nams ci mchis mkha' mnyam 'gro ba la/ /phan bde
ma lus 'byung ba'i rgyu ru bsngo// kha; gangs can bsod nams
zhing phebs rgyal ba'i gsung/ /yongs rdzogs 'bri la sgo gsum re

res kyang/ /mthun rkyen bsgrub rnams log par mi ltung bar/ /rnam
dag zhing nas dag pa'i zhing bgrod shog /ga; ma lus 'jig rten
kun gyi rin chen gcig /ston pa'i bka' 'gyur yongs rdzogs bzhengs
pa'i

mthus/ /bstan dang 'gro la 'dod dgu stsol ba la/ /kun bzang 'jam
pa'i dbyangs dang mtshungs par shog /nga; rgyal ba'i bka' la sri
zhu bgyis pa yi/ /dge tshogs mtha' dag mgon med sdug bsngal ba'i/ /

'gro ba ma lus 'dren cing bskyab pa'i phyir/ /bla med rdzogs
pa'i byang chub thob phyir bsngo// ca; chos kyi rgyal mtshan ston
dang bstan pa la/ /dad pas tshul 'dir 'bad pa'i dge ba'i mthus/
/long ba mgon med

'gro ba ma lus pa/ /'dren pa'i ded dpon mchog tu bdag gyur cig
/cha; 'jig rten rin chen gcig pu thub pa'i bka'/ /'gyur 'tshal
bris pas bdag dang 'gro ba kun/ /rtag tu byams mgon zhabs pad
mnyes

byed cing/ /byams pa'i bstan la bya ba byed par shog /myang 'das
kyi ka/ shAkya'i rgyal po'i gsung rab 'gyur ro 'tshal/ /dang
ba'i sems kyis rim gro bgyis pa la/ /sgo gsum sgo nas mthun pa
sbyor rnams kyang/ /

@295b thub pa'i brtul zhugs bzang dang 'bral med shog /kha; bod
yul 'gyur ba'i bka' la 'di lta bu'i/ /bkur sti bgyis pas bdag la
bltos bcas pa'i/ /'gro kun ngan 'gro'i gdung ba rgyun bcad de/
/thams cad

gzigs pa'i go 'phang myur thob shog /mdo sde'i ka/ bskal bzang
rgyal ba'i rnam thar/ /bzhengs pas 'gro ba ma lus/ /bzhis dman
bde gshegs stong gi/ dam chos 'dzin par gyur cig /kha; rgya cher
rol

pa la sogs rgyal ba'i bka'/ /yi ger 'dri la mthun pa sbyor rnams
kyang/ /sras bcas rgyal bas 'bral med rjes bzung ste/ /thub pa'i
rnam thar tshul bzhin spyod par shog /ga; kha ba can ljongs skye
dgu'i bsod

nams gzhir/ /bde gshegs gsung rab 'gyur ro 'tshal bris pa'i/ /dge
tshogs skye rga na 'chis gzir ba yi/ /'gro rnams bsgral phyir kun
mkhyen rgyu ru bsngo// nga; bde gshegs bka' 'gyur glegs bam
phreng

bar ni/ /spel ba'i dge bas mgon dang skyabs med pa'i/ /'gro ba
ma lus sgrol bar byed pa la/ /sras bcas rgyal ba'i mdzad pa
bsgrub gyur cig /ca; bod yul bsod nams zhing du 'gyur ba'i bka'/
/ma lus

bzhengs la phan pa byed pa kun/ /ngan song 'khor ba'i 'jigs las
rnam grol te/ /sku gsum ye shes lnga ldan myur thob shog /cha;
'dir 'bad pa'i/ /dge ba'i mthus/ /'gro rnams kun/ /rgyal gyur
cig /ja; ston

@296a @#/ /la dad pa'i chos kyi rgyal mtshan gyis/ /byang phyogs
nor 'dzin rgyan du gshegs pa'i bka'/ /ma lus ri mor bris pa'i
dge ba yang/ /mar gyur 'gro ba'i sdug bsngal sel ba'i phyir/
/thub dbang bstan

pa rgyas par bya phyir bsngo/ nya; bod yul ji snyed mchis pa'i
mdo rgyud rnams/ /'di ltar 'god la mthun rkyen bsgrub pa rnams/
/ngan song 'khor ba'i skyon gyis ma gos par/ /thabs shes nyams
len sa bcu mthar phyin

shog; ta; dge slong blo bzang chos kyi rgyal mtshan gyis/ /bstan
la rab dga'i sems kyis 'dir 'bad pa'i/ /dge bas rgyal ba'i lung
rtogs dam chos kun/ /thub pa'i dgongs pa ji bzhin 'dzin gyur cig
/tha; 'di nyid

phyir du sgo gsum ci rigs pas/ /mthun rkyen bsgrub pa'i lus can
thams cad kyang/ /rtag tu 'khor lo bzhi ldan rten thob nas/
/thams cad gzigs pa'i go 'phang myur thob shog /da; 'di yi dge
bas bdag dang bdag

nyid la/ /brten pa'i ma rgan 'gro ba ma lus pa/ /thub pa'i dbang
pos 'bral med rjes bzung ste/ /rlabs chen spyod pa rgya mtsho'i
mthar phyin shog /na; thub pa'i gsung gi gces mdzod glegs bam
'di/ /bzhengs

pa'i dge bas 'gro ba ma lus pa/ /skye rga na 'chi'i gdung ba las
grol te/ /sku gsum nor bu'i gling du phyin gyur cig /pa; rgyal
ba'i thugs bcud glegs bur bgyis pa 'di/ /bsgrub phyir 'bad pa
bsten pa thams

@296b cad kyang/ /rtag tu thub pa'i rnam thar bzang nos te/
/'gro kun don du sangs rgyas myur thob shog /pha; phyogs 'dir
'gyur ro cog gi ston pa'i gsung/ /bsgrubs pa'i dge bas bdag
gzhan 'gro ba kun/ /dga' ldan

bde ba can sogs zhing skyes nas/ /rlabs chen rgyal sras spyod pa
mthar phyin shog /ba; lhag bsam dag pas 'di lta'i gsung rab la/
/sgo gsum sgo nas mthun rkyen gang bgyis pa/ /kun kyang srid
zhi'i rgud pa las

rgyal te/ /bla med rdzogs pa'i byang chub myur thob shog /ma;
dge slong blo bzang chos kyi rgyal mtshan gyis/ /dang ba'i sems
kyis ston mchog de yi bka'/ /bris pa'i dge des mgon dang skyabs
med pa'i/ /'gro kun

bskyab phyir sangs rgyas myur thob shog /tsa; rab dkar shog bu'i
zla shel me long ngos/ /gsung rab sgeg mo'i mdzes sdug snang
brnyan ni/ /bskrun pa'i dge bas yid can ma lus pa/ /thams cad
gzigs pa'i go

'phang myur thob shog /tsha; chos spyod rnam bcu'i thog mas gsung
rab la/ /ri mor bgyis pa'i dge ba kunda ltar/ /ji snyed bsags pa
de yang phan bde'i gzhi/ /thub pa'i chos kun 'dzin pa'i rgyur
gyur cig /dza; phyogs

'di'i mun pa bsal phyir rgyal ba'i bka'/ /ji snyed mchis kun
bris pa'i dge ba'i mthus/ /nyams thag srid mtshor bying ba'i 'gro
ba rnams/ /sgrol ba'i ded dpon mchog tu bdag gyur cig /wa; 'di
ltar bde gshegs

@297a @#/ /gsung rab 'gyur ro 'tshal/ /ri mor bris dges skye ba
kun tu bdag /bstan dang 'gro ba'i don chen bsgrub pa la/ /thub
chen dpa' bo de dang mtshungs par shog /zha; 'di ltar zla med
ston pa

mchog de yi/ /gsung rab glegs bur bgyid la mthun pa'i rkyen/ /ji
snyed bsgrub pa'i yid can ma lus pa/ /myur du 'gro kun 'dren
pa'i dpal gyur cig /za; kha ba can ljongs phebs pa'i thub pa'i
bka'/ /

mtha' dag yi ger bkod pa'i rnam dkar tshogs/ /deng nas lus dang
srog la mi blta bar/ /rgyal ba'i chos kun 'dzin pa'i rgyu ru
bsngo// 'a; dang ba'i sems kyis dpag bsam ljon pa'i rtser/ /zab
don

ze'u 'bru dgod pa'i glegs bam gyi/ /'dab stong ge sar bskrun
pa'i legs spyad tshogs/ /'gro rnams srid mtsho che las bsgral
phyir bsngo// ya; kha ba can ljongs skye dgu'i bsod nams gzhir/
/bde

gshegs gsung rab 'gyur ro 'tshal bris pa'i/ /dge tshogs skye rga
na 'chis gzir ba yi/ /'gro rnams bsgral phyir kun mkhyen thob
phyir bsngo// ra; bde gshegs gsung gi gces mdzod dam pa 'di/ /

legs par bsgrub la sgo gsum ci rigs dang/ /dngos pos mthun pa
bsgrub pa thams cad kyang/ /bde ba can du thogs med skye bar
shog /la; 'dir 'bad dge bas rgyal ba sras bcas kyi/ /mdzad spyod
'khor

@297b dang zhing khams smon lam sogs/ /ma lus bsdoms nas bdag
gis spyod pa las/ /skad cig tsam yang g.yel bar ma gyur cig
/sha; kun mkhyen thugs bcud yi ge'i gzugs shar ba/ /bkod pa'i
dge bas

long ba mgon med pa/ /kun gyi mgon dang skyabs dang dpung
gnyen phyir/ /dga' ldan bde ba can gyi zhing bgrod shog /sa; bu 
ram shing pa'i bka' yi glegs bam gyi/ /rim par bsgrigs pa'i rnam
dkar mgon po

de'i; ;dgongs pa ji bzhin bstan dang 'gro ba la/ /phyogs dus kun
tu phan bde'i rgyu ru bsngo// ha; bde legs 'byung gnas skyob pa
nyid gzigs bka'/ /dang ba'i sems kyis bris pa'i dge ba'i mthus/
/bdag kyang

lus dang srog la mi blta bar/ /rgyal ba'i dam chos ma lus 'dzin
gyur cig /a; lha mi'i 'dren mchog de yi gsung rab las/ /gangs
khrod 'gyur ro cog rnams bkod pa'i mthus/ /phan bde'i 'byung
gnas

rgyal ba'i dam chos kun/ /rgyas par byed la rtag tu mthu ldan
shog /ki; gangs can 'dzin ma'i rgyan mchog ston pa'i gsung/ /'di
ltar bris pas bdag dang ma rnams kun/ /rtag tu bde 'gro lha mi'i
rten brgyud

nas; ;'khrul med thabs shes lam bzang mthar phyin shog /khi; bde
gshegs bka' 'gyur 'dzam gling rgyan bkod pa'i/ /dge bas bdag
gzhan 'gro ba ma lus pa'i/ /dam chos bsgrub pa'i 'gal rkyen kun
zhi zhing/ /mthun

@298a @#/ /rkyen ma lus yid bzhin 'grub par shog /gi; gangs can
bzhugs so 'tshal gyi thub pa'i bka'/ /ri mor bris pas skye ba kun
tu bdag /lus srog khri phrag dor yang lung rtogs kyi/ /dam chos
ma

lus 'dzin pa'i rgyu ru bsngo// di; shAkya'i btsun pa blo bzang
chos rgyan gyis/ /'di ltar bsgrubs pa'i dge ba ci mchis pa/ /lan
dang rnam par smin la mi re bar/ /mkha' mnyam 'gro la bde skyid
'byung phyir bsngo/ /

ci; stobs bcu mnga' ba'i rin chen bka' yi sgrom/ /tshar du dngar
ba'i dge bas sangs rgyas kyi/ /ring lugs phyogs dus kun tu rgyas
pa dang/ /'gro kun srid zhi'i 'jigs las grol gyur cig /chi; gdul

bya'i don du kha ba can ljongs su/ /phebs pa'i bka' la bsnyen
bkur bskrun pa'i mthus/ /'gro kun byams dang snying rjes rgyud
gang zhing/ /lhun grub bde ba che la spyod gyur cig /ji; phyogs
'di'i nor 'dzin rgyan

gyur ston pa'i bka'/ /mtha' dag chos kyi rgyal mtshan lhag bsam
gyis/ /bskrun la mthun pa bsgrub pa'i skye bo kun/ /thub pa'i
dbang pos 'bral med rjes 'dzin shog /ces pa rnams mdo phyogs kyi
tshigs

su bcad pa'o// ka; dam pa dang po'i sangs rgyas rgyud rgyal
sogs/ /bzhengs pa'i dge bas 'gro rnams bsgral ba'i phyir/ /mkha'
spyod dga' ldan bde ba can 'grod nas/ /rim gnyis lam gyi yon tan

@298b mthar phyin shog /kha; rgyal ba'i gsung gi gces mdzod
gsang ba'i rgyud/ /bzhengs pa'i dge bas tshe rabs kun tu bdag
/dpa' bo rnal 'byor ma yis rjes bzungs nas/ /zung 'jug bde ba
che la spyod gyur cig /

ga; bla med rgyud sde'i snying po 'di/ /blo bzang chos kyi rgyal
mtshan gyis/ /bsgrubs la mthun pa sbyor rnams kyang/ /sgrib bral
bde ba mchog thob shog /nga; rgyud sde'i rgya mtsho 'di/ /bris
pa'i dge ba'i tshogs/ /

'gro rnams bsgral ba'i phyir/ /kun mkhyen thob phyir bsngo// ca;
rgyal ba'i gsung gi snying po rgyud sde'i tshogs/ /legs bsgrubs
rnam dkar dge bas 'gro kun gyis/ /thub pa'i bka' yi gsang ba kun
bzung ste/ /

thams cad gzigs pa'i go 'phang myur thob shog /cha; kha ba can
ljongs skye dgu'i bsod nams gzhir/ /bde gshegs gsung rab 'gyur
ro 'tshal bris pa'i/ /dge tshogs skye rga na 'chis gzir ba yi/ /'gro

rnams bsgral phyir kun mkhyen rgyu ru bsngo// ja; rgyal ba'i
bka' 'gyur 'di ltar bsgrubs pa la/ /sgo gsum ci rigs mthun rkyen
byed rnams kyang/ /phyi nang bdud bzhi'i g.yul las rnam rgyal
te/ /

thams cad gzigs pa'i go 'phang myur thob shog /nya; 'di yi dge
bas bdag dang bdag nyid la/ /brten pa'i ma rgan 'gro ba ma lus
pa/ /thub pa'i dbang pos 'bral med rjes bzung ste/ /rlabs chen

@299a @#/ /spyod pa rgya mtsho'i mthar phyin shog /ta; lhag bsam
dag pas thub pa'i gsung rab la/ /rim gro bgyis pas tshe rabs kun
tu bdag /ston pa mchog de'i bzhed pa bsgrub pa la/ /gegs

bral mthun rkyen yid bzhin 'grub par shog /tha; dang bas ston pa
mchog de'i gsung rab la/ /bsti stang bgyis pas mar gyur 'gro ba
kun/ /dal ba'i rten thob dam pas rjes bzung ste/ /thams cad

gzigs pa'i go 'phang myur thob shog /da; thub pa'i gsung gi
snying po rgyud sde'i tshogs/ /ri mor bgyis pas tshe rabs kun tu
bdag /'jam mgon bla mas 'bral med rjes bzung ste/ /mdo rgyud

rim gnyis rgya mtsho'i mthar son shog /na; sna tshogs mdo dang
rgyud sde 'dir 'gyur ba/ /legs par 'bri la mthun rkyen byed pa
kun/ /dus gsum rgyal ba kun gyi smon lam dang/ /mdzad spyod

'phrin las ma lus bsgrub gyur cig /pa; legs bshad mthar thug
rgyud sde rgya mtsho'i tshogs/ /ri mor 'dri la mthun rkyen sbyor
rnams kyang/ /mngon dga' bde ba can sogs dag zhing du/ /

skyes nas 'gro kun 'dren pa'i mchog gyur cig /pha; dge slong blo
bzang chos rgyan lhag bsam gyis/ /byang phyogs rgyud sde 'gyur
ro cog bris pa'i/ /dge tshogs mkha' mnyam 'gro ba ma lus pa/
/'dren

@299b phyir thams cad mkhyen pa'i rgyu ru bsngo// ba; lhag bsam
dag pas bod yul 'gyur ba'i bka'/ /chos spyod rnam bcu'i thag mas
bsgrubs pa'i mthus/ /tshe rabs kun tu rgyal ba ma lus pa'i/ /dam

chos mtha' dag 'dzin pa'i rgyur gyur cig ma; byang phyogs mun
sel sgron me ston pa'i bka'/ /ma lus glegs bur bgyis pas bstan
pa dang/ /ma rnams kun gyi 'dod don bsgrub pa la/ /khyab bdag

rdo rje 'chang bar bdag gyur cig /tsa; gangs ris bskor ba'i
zhing 'dir gsang chen rgyud/ /ci 'gyur 'dri sogs bkur sti bgyis
pa'i mthus/ /mgon med srid mtshor 'khyams pa'i yid can rnams/
/skye

rga na 'chi'i dgra las rgyal gyur cig /tsha; 'di ltar mdo rgyud
gsung rab rgya mtsho'i tshogs/ /bris pa'i dge bas byang chub bar
du bdag /bstan dang 'gro ba'i don chen bsgrub pa la/ /ji ltar
bsams pa

yid bzhin 'grub gyur cig /'di dag ni rgyud 'bum gyi tshigs su
bcad pa'o// //