@#/ /na mo gu ru Arya mai trI ya/ bdag gzhan dus
gsum 'brel ba'i dge ba'i

tshogs/ /mchog tu dkang ba gang zhig bsags pa des/ /skye rgu'i
phan bde'i rtsa ba rgyal ba'i bstan/ /mi nub phyogs dus kun tu
rgyas par shog /yang dag lam la legs par 'khrid pa'i mgon/ /

@300a @#/ /bstan pa'i pad tshal 'byed pa'i nyin mor byed/ /thub
dbang gdung 'tshob dam pa'i skyes bu rnams/ /srid mthar zhabs pad
'gyur ba med par shog /'khor lo gsum dang ldan pa 'dus

pa'i tshogs/ /phan tshun mthun zhing bde bar chos spyod pas/ /sa
steng ma lus yongs su gang gyur te/ /dge ldan bstan pa phyogs
bcur spel bar shog /'jig rten kun tu nad dang mu ge dang/ /lo
nyes

dgra dang dus kyi 'khrug pa sogs/ /rgud pa kun las rnam par grol
gyur te/ /chos dang mthun pa'i bde bas gang bar shog /srid par
'khyams pa'i 'gro ba thams cad kyi/ /ji ltar 'dod pa'i bsam

pa sna tshogs las/ /nag phyogs dga' ba'i re ba 'bras med par/
/'dren pas gnang ba ji bzhin 'grub par shog /bzod dka' ngan song
sdug bsngal brgya phrag gis/ /yongs su gdungs pa'i lus can thams
cad

kyang; ;lha dang mi yi skal ba mchog thob nas/ /theg pa mchog gi
lam gyis bgrod par shog /bdag gzhan srid lam 'khyams pas dub pa
rnams/ /rmi lam du yang mi dge'i sems med par/ /rtsol

med byang chub sems kyis rgyud phyug nas/ /rnam dag spyod pa'i
pha mthar phyin par shog /las nyon dbang gis nying mtshams sbyor
ba na/ /sangs rgyas rgya mtshos yongs su gang ba yi/ /zhing rnams
rgya mtshor

@300b skyes nas rgyal ba'i sras/ /rtag tu ngu dang nor bzang lta
bur shog /g.yul ngor 'jigs pas gzir ba'i sdug pa'i bu/ /sgrol
phyir dpa' ba'i pha de der brtson bzhin/ /mar gyur don du ngan
'gro'i mthil du yang/ /

'jug la rab dga'i brtan pa thob par shog /las dang nyon mongs
rgyun gyis srid mtshor khyer/ /sdug bsngal chu srin chen pos rtag
tu gtses/ /nyam thag mtha' yas 'gro ba ma lus pa'i/ /bslu med
skyabs

kyi dam par 'gyur bar shog /khyad par tshe 'di'i snang ba 'gags
ma thag /dga' ldan skyes nas rgyal ba'i gsung rab la/ /rab yangs
zab gsal myur ba'i shes rab can/ /ma pham sras kyi thu bor 'gyur
bar

shog /de nas mkha' spyod gnas su he ru ka'i/ /drin las sku
bzhi'i go 'phang mngon gyur te/ /gang 'dul ji bzhin ston pa'i
sprul pa yis/ /'gro kun bdag nyid gcig pus sgrol bar shog /bdag

ni ji srid nam mkha'i mthas khyab pa'i/ /ma lus sems can re re'i
bsam ngo bzhin/ /srid dang zhi ba'i 'dod dgu sna tshogs su/ /gyur
nas kun gyi re ba skong bar shog /las kyis mnar ba'i 'gro ba

ji snyed kyi/ /grangs snyed bdag lus bkod pas khyab gyur te/
/rgyal ba'i ngo mtshar mdzad pa sna tshogs kyis/ /srid zhi'i
'ching ba ma lus gcod par shog /kun la srid zhi'i bde ba mchog
ster ba/ /

@301a @#/ /stobs kyi 'khor los bsgyur ba'i rgyal po dang/ /grangs
med bshes gnyen dam pa'i tshul bzung nas/ /dam pa'i lam bzang kun
nas rgyas byed shog /der ma son pa'i tshe rabs kun tu

yang; ;go 'phang dam par bgrod pa'i rten rnyed nas/ /sras bcas
rgyal ba'i rnam dkar 'phrin las kyis/ /bskrun pa'i mgon dang
'bral ba med par shog /srog dang 'bral ba bzang po'i kha zas

bzhin/ /brtse ba'i zol gyis bslu ba'i phul ster ba/ /mi dge'i
bshes dang de yis bzung ba yi/ /grogs dang nam yang 'phrad pa
med par shog /gang tshe rdo rje'i gdan du ma pham mgon//

bcu gnyis rmad byung mdzad pas rol pa na/ /bdag kyang 'khor gyi
thog ma nyid gyur te/ /rtag tu mnyes pa kho na bsgrub par shog
/bdag cag srid nas srid du spyod pa dang/ /nam zhig 'gro ba'i
bla mar

gyur pa'i mtshan/ /thos pa gang gis 'chi med dpal thob nas/
/'phags pa'i rgyan gyi mdzes pas brgyan par shog /mdor na 'ching
bas bsdams pa'i lus can kun/ /thams cad gzigs

pa'i sa la ma reg bar/ /gang 'tsham thabs kyis 'gro ba sgrol ba
la/ /'jam pa'i dbyangs dang gnyis su med par shog /blo bzang
lung rtogs dam chos rgyal srid la/ /dbang bsgyur grub pa'i

@301b rgyal mtshan 'dzin pa'i dpal/ /bzang po'i 'phrin las thub
dbang bstan pa'i gnyen/ /sa gsum 'gro ba'i bla mar bdag gyur cig
/ces rang gi yid la re ba'i don smon pa'i tshigs su bcad pa lhag

bsam rnam par dkar ba'i sprin gyi sgra dbyangs ces bya ba 'di
nyid gyi nar 'dug pa'i dge slong blo bzang chos kyi rgyal mtshan
gyis dam pa du mas byin gyis brlabs pa brag skya rdo rje'i pho
brang zhes bya ba'i ri

khrod du rgyun gyi kha ton gyi phyir yi ger bkod pa'o/ /'dis
kyang theg pa mchog gi bstan pa yun ring du gnas par byed nus
par gyur cig / //