@#/ /na mo gu ru shAkya mu na ye/ gang gi mkhyen brtse'i 'phrin 
las kyi/ /pha mtha' lha yi lam brgal zhing/ /skyon bral yon tan 
kun gyi gter/ /shAkya'i gtso bo de la 'dud/ /mi 'jigs bzhi

ldan dam bcas bzhin/ /srid zhi kun tu bsnyengs dang bral/ /'jigs
med seng ge'i sgra sgrog pa/ /khyod la snying nas skyabs su
mchi/ /nga ni mgon med khyod rnams kyi/ /skyabs su

gyur pa nyid yin zhes/ /dman la lhag par brtse ba'i mgon/ /e ma
ho mgon khyod mdzad pa rmad/ /'bum phrag nyi ma'i gzi spro ba'i/
/gser zhun brtsegs pa'i lhun po yis/ /tshangs

@302a @#/ /dbyangs sgrog pa'i rjes 'gro ba/ /dpe zla med pa'i
ston pa de/ /mngon sum mthong ba'i yul 'das pa/ /kye ma bdag cag
skal ba ngan/ /'on kyang khyod kyi bden pa'i bkas//

ma 'ongs lnga brgya'i tha mar yang/ /nga yi bstan pa'i rjes 'gro
ba/ /de dag nga yi nyan thos te/ /nga yis kun tu gzigs so zhes/
/gsungs 'dis yid kyi ngal gso thob/ /de'i phyir mngon sum ma
gyur pa'i/ /mchod pa 'di yis bdag yid la/ /mya ngan dang ni spro
ba dag /lhan cig 'gran pa bzhin du 'phel/ /des na ye shes gzigs
pa la/ /lkog tu gyur pa mi mnga'

bas/ /bdag gi lhag pa'i bsam pa yis/ /re ba'i gnas la yud tsam
dgongs/ /dngos bshams yid kyis sprul pa yi/ /sna tshogs mchod
sprin rgya mtsho 'dis/ /zhing gi dam

pa bcom ldan 'das/ /'khor bcas dgyes pa bskyed gyur cig /de las
'ongs pa'i dge ba'i tshogs/ /phyogs kyi 'khor lo 'gengs pa des/
/nyam thag 'gro ba sgrol ba'i phyir/ /

thub chen dpa' bor bdag gyur cig /khyad par 'di snang 'gags ma
thag /bde ba can nam dga' ldan du/ /padmo'i snying po las skyes
te/ /ston mchog de dag dgyes byas nas/ /theg

@302b mchog gsung gis tshim gyur cig /bdud rtsi'i mchog des dag
byas pa'i/ /yid kyi shel phor sa bcu yi/ /'bras bus rim bzhin
gang gyur nas/ /spyod pa rgya mtsho spyod gyur cig /

mnyam gzhag min pa'i dus kun tu/ /mang thos rgya mtsho 'tshol ba
dang/ /yid can rgya mtsho sgrol ba la/ /kun bzang spyod pa grub
gyur cig /ji srid nam mkha'i mthas khyab pa'i/ /

sems can re re'i mdun du yang/ /bdag lus bkod pas khyab byas te/
/sna tshogs thabs kyis 'dul gyur cig /sems can re re'i don gyi
phyir/ /bskal brgyar mnar med

'jug pa la'ang/ /pad mtshor ngang pa ji bzhin du/ /snying rjes
spro zhing 'jug gyur cig /gang du rgyal ba'i nyi ma yis/ /rnam
dben mun pa'i zhing rnams su/ /bdag gis phan bde'i 'od

stong gis/ /rgyal ba bzhin du spyod gyur cig /mdor na dus gsum
rgyal ba ni/ /sras dang bcas pa'i spyod pa kun/ /gcig bsdoms bye
ba 'bum bsgyur ba/ /de snyed bdag gis spyod

gyur cig /bdag ni las kyis dmyal nang du/ /skyes na'ang dmyal
ba'i sdug bsngal ni/ /ma lus bdag la smin gyur te/ /dmyal ba pa
gzhan bde gyur cig /de bzhin ngan 'gro gzhan

@303a @#/ /rnams su'ang/ /las nyon dbang gis bdag song na/ /rigs
mthun gzhan gyi sdug bsngal rnams/ /lhag pa'i bsam pas len gyur
cig /rab 'byams zhing na zhing kun

gyi; ;rdul snyed rgyal ba rgya mtsho yi/ /drung du bdag gis bgrod
byas te/ /kun bzang pU dzas mchod gyur cig /bdag ni tshe rabs
thams cad du/ /sgo gsum dge la 'jug pa las/ /mi dge'i

lam du smos ci dgos/ /lung ma bstan du'ang ma gyur cig /de bzhin
sems kyi dbang gyur tshe/ /sdig sems re ba'i 'bras med par/
/'dren pas gnang ba'i bsam pa kun/ /'bras bu bzang

pos mdzes gyur cig /ji srid nam mkha'i mthas khyab pa'i/ /sems
can ma lus ci 'dod pa/ /de dang de yi 'dod 'jo ba'i/ /yid bzhin
nor bur bdag gyur cig /nam zhig byang chub shing

drung du/ /byams mgon rgyal ba'i mdzad pa yis/ /rol tshe bdag
kyang mgon po de'i/ /'khor gyi thog ma nyid gyur cig /de tshe de
yi lugs bzang pos/ /mtha' yas 'gro ba 'dren pa la/ /

'gran zla med pa'i 'phrin las kyis/ /rje btsun dgyes pa bskyed
gyur cig /'di nas tshe rabs thams cad du/ /kun mkhyen gyis
bsngags gnas dang rten/ /longs spyod grogs dang phun

@303b tshogs 'khor/ /tshe dang 'tsho ba dge gyur cig /dus 'dir
rgyal ba gnyis pa yi/ /bshad sgrub nor 'dzin mtha' gru kun/
/khyab byed gegs bral mthun rkyen rnams/ /srid rtse'i bar du
'phyur

gyur cig /gang zhig bdag la zhe 'gras shing/ /srog gcod bar du
gnod pa gang/ /de dag la yang rjes brtse bas/ /phan pa phun
tshogs bsgrub gyur cig /de bzhin dus gsum rgyal ba

yi; ;zhing 'khor sku tshe mdzad pa kun/ /gcig bsdoms 'bum phrag
brgyar bsgyur ba/ /ma lus bdag gis 'grub gyur cig /gnas skabs
'dir yang bsams pa'i don/ /ma lus yid

bzhin 'grub pa dang/ /'gro la phan bde bsgrub pa la/ /sa yi
snying por mtshungs gyur cig /mdor na skye ba kun tu bdag /dge
ba'i bshes dang dam pa'i chos/ /tshul bzhin 'dzin phyir lus

srog kyang/ /bye ba dung phyur gtong gyur cig /bdag gi ming tsam
thos pas kyang/ /rgud pa kun las rnam grol zhing/ /mtho ris thar
pa'i dga' ston gyi/ /phun sum tshogs pas 'byor gyur

cig ;phyogs bcu'i sems can mtha' yas pa/ /nad dang mu ges mi
gtse zhing/ /dge ba bcu yi khrims dang ldan/ /byang chub sems
kyis phyug par shog /blo bzang lung rtogs dam chos rgyal

@304a @#/ /srid la/ /dbang bsgyur grub pa'i rgyal mtshan 'dzin
pa'i dpal/ /bzang po'i 'phrin las thub dbang bstan pa'i gnyen/
/phyogs las rnam par rgyal bar bdag gyur cig /'di

yang btsun pa blo bzang chos kyi rgyal mtshan gyis rang gi yid la
re ba'i don sug bris su byas pa'o// //