@#/ /na mo gu ru manydzu g+ho ShA ya/ rab 'byams rgyal ba'i 'khor 
lo kun gyi dngos/ /bcom ldan 'jam dbyangs gzhon nu'i dkyil 
'khor ba/ /mchod bstod bsgom pa sogs la rab brtson pa'i/ /rnam 
dkar gyis mtshon

dus gsum dge ba'i mthus/ /bshes gnyen dam pa tshul bzhin bsten pa
sogs/ /thun mong lam sbyangs rnam dag dbang thob cing/ /dam tshig
sdom pa tshul bzhin bsrungs pa las/ /rim gnyis

@305b zab mo skye ba'i rgyud smin shog /dpal ldan 'jam pa'i rdo
rje'i lha yi tshogs/ /'chi med lam kun khyab pa'i zhing gi mchog
/rnam dag mchod bstod bsgrub pas mnyes byas pas/ /bsod nams rgya

mtsho yongs su rdzogs par shog /rang bzhin spros dang bral ba'i
chos kyi dbyings/ /lhan skyes bde ba che dang ro gcig par/ /mos
pas tha mal 'chi ba kun sbyangs te/ /sgrib bral chos sku mngon
du

'gyur bar shog /'od gsal ngang las ri bong 'dzin pa'i steng/
/dmar ser hoH yig gnyis kyi dbus son pa'i/ /'bru gsum bsgoms pas
bar do'i sgrib spangs nas/ /rgyal ba'i longs sku myur du

'grub par shog /srung byed mi gzhig 'bar ba'i rang bzhin can/
/bsgoms pas nag po'i rtsa lag drungs 'byin cing/ /ye shes rang
bzhin gzhal med khang bsams pas/ /ngo mtshar rgyal

ba'i zhing mchog 'grub par shog /rgyu yi rdo rje 'dzin pa yab
yum ni/ /snyoms par zhugs pa dang 'dres yi ge gsum/ /yongs gyur
'bras bu rdo rje 'dzin bsgoms pas/ /nying mtshams

sbyor bral sprul ba'i sku thob shog /rang rig phyag rgya dang
sbyar byang sems las/ /'khrungs pa'i rten dang brten pa'i rnam
'gyur gyis/ /ma dag spyod byed dkyil 'khor rgyal mchog dang/
/rab 'byams

@306a @#/ /las kyi mchog rnams 'grub par shog /'jam pa'i dbyangs
kyi thugs kyi bcud phyung ba/ /zab lam thig le bzhi yi rnal
'byor gyis/ /mthong ba'i chos la rdo rje 'chang gyur te/ /

'gro kun 'dren pa'i dpal du 'gyur bar shog /'khor lo bzhi yi chu
skyes dbus son pa'i/ /phyag mtshan sa bon bzhi bsgoms de nyid
las/ /byung ba'i 'od kyis snod bcud kun bsdus pas/ /lhan cig
skyes dga'i

ye shes 'dren par shog /nor bu'i dbus su thig le phra mo'i nang/
/rten dang brten pa'i dkyil 'khor legs dmigs shing/ /sems dpa'
gsum gyi rjes gzhig sdud rim gyis/ /spros pa'i dri ma ma lus
'khrud

par shog /sprul pa'i 'khor lo'i dbus su mi shigs pa'i/ /thig le
mchog las 'jug gnas ldang ba'i gdangs/ /ma bcos rdo rje gsum du
rab bsgrags pas/ /ma rig sgo nga'i sbubs kun 'byed par shog /

snying ga'i lta bar sems dpa' gsum bsgoms te/ /sprul pas snod
bcud yongs sbyangs rjes gzhig gi /sdud rim mchog bsgoms dpe yi
'od gsal dang/ /sgyu ma'i ting 'dzin yongs su rdzogs par shog /

slar yang phyi nang rdo rje'i rnal 'byor gyis/ /nyon mongs sgrib
bral zung 'jug mngon du gyur/ /rnam dag rdo rje lta bu'i ting
'dzin gyis/ /sku gsum grong khyer mchog tu 'jug par shog /ces
dpal gsang

@306b ba 'dus pa ye shes zhabs lugs kyi rim pa gnyis las brtsams
pa'i smon pa'i tshigs su bcad pa 'di ni/ dge slong ri khrod pa
bsod nams rgyal mtshan dang/ gzhan yang ra sgreng gi che bgres
'ga'

zhig gis gsol ba btab pa la brten nas/ chos smra ba'i btsun pa
blo bzang chos kyi rgyal mtshan gyis byang ra sgreng rgyal ba'i
dben gnas brag seng ge'i lha zhol du sbyar ba las/ slar shar 'ol
dga' stag

rtse'i pho brang du grub par bgyis pa'o// //