@#/ /na mo gu ru shrI tsakra samba rA ya/ 'di ltar bsgrubs pa'i 
rnam dkar dge ba'i mthus/ /rtag tu dal 'byor tshang ba'i rten 
thob cing//

bshes gnyen dam pas 'bral med rjes bzung nas/ /bsam sbyor gnyis
kyis tshul bzhin bsten par shog /srid pa'i phun tshogs me 'obs
ltar mthong nas/ /'gro kun don du byang chub sems bskyed de//

phyin drug bsdu bzhi'i lam la legs sbyangs pas/ /thun mong lam
gyi rim pa mthar phyin shog /tshe rabs kun tu bcom ldan yab yum
gyis/ /dgyes shing rjes bzung rnam dag dbang bzhi thob/ /dam
tshig sdom pa

srog ltar bsrung byed cing/ /bde mchog sbas chu'i rgya mtsho'i
don rtogs shog /rim gnyis zab mo thun bzhir bsgoms pa yis/ /tha
mal skye shi bar do'i 'khrul snang rnams/ /yid ngo tsam dang
dngos su sku gsum du/ /

@307a @#/ /bsgyur ba'i lam bzang tshe 'dir 'grub par shog /gnas
skabs 'dir yang nad rims gdon bgegs sogs/ /phyi nang nyer 'tshe
ma lus zhi ba dang/ /tshe dang bsod nams 'dod dgu'i  

longs spyod dang/ /chos ldan bsams don yid bzhin 'grub par shog
/tshe yi mthar yang dpa' bo rnal 'byor mas/ /ngo mtshar ltas bzang
mang pos legs bsus nas/ /mkha' spyod gnas su rje btsun yab yum

gyi; ;zhal mthong gsung gi bdud rtsis tshim par shog /dran pas
mchog stsol rtsa ba'i bla ma dang/ /dbang phyug brgyad ldan
rgyal ba tsong kha pa/ /rgyal tshab mkhas grub dam pa la sogs
pa'i/ /bka' brgyud bla ma

rnams kyi bkra shis shog /rigs kun khyab bdag 'khor lo sdom pa
dang/ /lhan skyes bde ba'i mchog sbyin rje btsun ma/ /gnas gsum
dpa' bo mkha' 'gro'i tshogs rnams kyis/ /g.yel med bu ltar

skyong ba'i bkra shis shog /'chi med mchog stsol yi dam lha
tshogs dang/ /bar chad kun sel chos skyong bsrung ma dang/ /'dod
dgu'i char 'bebs nor lha'i tshogs rnams kyi/ /bde legs rgyun mi

'chad pa'i bkra shis shog /ces dpal 'khor lo bde mchog dkar po'i
smon lam shis brjod mdor bsdus 'di yang/ lam 'di'i tshes bcu'i
mchod pa la brtson par byed pa'i dad ldan mang po'i ched du/

@307b yongs kyi dge ba'i bshes gnyen/ bstan pa'i gsal byed
sngags ram pa bsod nams lhun grub kyis bskul ba la brten nas/
bde ba mchog gi rnal 'byor pa blo bzang chos kyi rgyal mtshan
gyis/ 'brog ri

bo dge ldan du sbyar ba'i yi ge pa ni tshe ring chos 'phel gyis
bgyis pa'o// //