@308a @#/ /na mo gu ru manydzu g+ho ShA ya/ phun tshogs phyogs kyi
'khor lo 'chi med lam/ /legs par gang ba'i sman bla'i lha yi
tshogs/ /'ga' zhig chu skyes sna tshogs char 'bebs shing/ /la la

dge legs stsol ba'i glu dbyangs len/ /gzhan dag bdud bgegs 'joms
pa'i 'phrin las mdzad/ /kun kyang khyed la skal bzang mchog ster
bar/ /yongs shes kyis la rab dga' skyed cig dang/ /shis  

brjod gdangs snyan bdag gis bsgrag par bya/ /gang gi zhabs sen
nor bu'i 'od dkar can/ /spyi bor reg pa'i skal bzang ku mu da/
/bzhad pa'i dpal ster lha mi'i ston pa mchog /thub dbang smra
ba'i

zla ba la phyag 'tshal/ /'jam pa'i dbyangs dang mkhan chen zhi ba
'tsho/ /khri srong lde'u btsan jo bo yab sras dang/ /rgyal ba
gnyis pa blo bzang grags pa sogs/ /rtsa ba brgyud pa'i bla ma
mchog rnams la/ /

legs tshogs ji snyed mchis pa'i bkra shis des/ /khyed kyi mi
mthun rgud pa kun zad cing/ /bde legs yar ngo'i zla ltar 'phel
gyur nas/ /phun tshogs dpal la rol pa'i bkra shis shog /rgyal
ba'i nyi ma

gzhan gyis ma thul ba/ /mgon med lnga brgya tha ma'i 'gro ba la/
/bden tshig smon lam rgya mtshos mchog bsgrub pa/ /snyigs ma'i
mgon po bde gshegs bdun rnams la/ /legs tshogs ji snyed mchis

@308b pa'i bkra shis des/ /khyed kyi mi mthun rgyud pa kun zad
cing/ /bde legs yar ngo'i zla ltar 'phel gyur nas/ /phun tshogs
dpal la rol pa'i bkra shis shog /thub pa'i dbang po'i ljags
yangs padmo las/ /legs

'ongs shAkya'i bstan pa'i tha mar yang/ /rmad byung bsgrubs na
'grub pa'i bdud rtsi'i bcud/ /zab dang rgya che mdo sde'i rgyal
po la/ /legs tshogs ji snyed mchis pa'i bkra shis des/ /khyed kyi
mi mthun rgud

pa kun zad cing/ /bde legs yar ngo'i zla ltar 'phel gyur nas/
/phun tshogs dpal la rol pa'i bkra shis shog /phyogs bcu'i zhing
na sman pa'i rgyal po yi/ /mtshan tsam 'dzin dang ston pa bde

gshegs kyi/ /smon lam khyad par rgyas pa'i mdo chog la/ /thugs
dam mdzad pa'i rigs kyi bu rnams la/ /legs tshogs ji snyed mchis
pa'i bkra shis des/ /khyed kyi mi mthun rgud pa kun zad cing//

bde legs yar ngo'i zla ltar 'phel gyur nas/ /phun tshogs dpal la
rol pa'i bkra shis shog /bde gshegs thugs rje gzungs mos ting
'dzin dang/ /bden tshig gis bsgrubs rin chen las

grub pa/ /khams gsum las 'das dkon mchog gsum gyi gnas/ /bde ba
can dang mtshungs pa'i zhing mchog la/ /legs tshogs ji snyed mchis
pa'i bkra shis des/ /khyed kyi mi mthun rgud pa

@309a @#/ /kun zad cing/ /bde legs yar ngo'i zla ltar 'phel gyur
nas/ /phun tshogs dpal la rol pa'i bkra shis shog /ces sman bla'i
cho ga'i mjug tu bya ba'i bkra shis kyi tshigs su bcad

pa 'di ni/ rab 'byams smra ba dge slong chos 'phel don grub kyis
bskul ba la brten nas/ btsun pa blo bzang chos kyi rgyal mtshan
gyis bkra shis lhun por sbyar ba'o// //