@#/ /na mo gu ru manydzu g+ho ShA ya/ zab gsal gnyis su med pa'i
rnam rol las/ /mi 'khrugs rgyal po'i dkyil 'khor lha tshogs
rnams/ /bsgrub cing mchod bstod bzlas sogs la 'bad pa'i/ /rnam
dkar

gyis mtshon dus gsum dge ba'i mthus/ /bdag dang mkha' mnyam 'gro
ba ma lus pa/ /skye zhing skye ba dag ni thams cad du/ /mi khom
gnas su nam yang mi skye zhing/ /dal 'byor rten bzang rtag tu
thob par

shog ;tshe rabs kun tu legs tshogs ma lus pa'i/ /'byung gnas bshes
gnyen dam pas rjes 'dzin cing/ /srog kyang yal bar dor nas dam
pa'i mgon/ /bsam sbyor gnyis kyis tshul bzhin bsten

par shog /de yi zhal gyi padmo las 'ongs pa'i/ /skyes bu gsum
gyi gdams pa sbrang rtsi'i chus/ /yid kyi bum bzang legs par
gang byas te/ /zab mo'i lam gyi snod du 'gyur bar shog /bcom
ldan

@309b mi 'khrugs rgyal po'i dkyil 'khor du/ /zhugs nas rnam dag
dbang gis rgyud smin cing/ /bya rgyud rigs gsum spyi dang bye
brag gi /dam tshig sdom pa tshul bzhin bsrung bar shog /zhing gi
dam pa mngon

par dga' ba yi/ /'dren pa'i lha tshogs 'chi med lam gang bar/
/cho ga ji bzhin bsod nams tshogs bsags pas/ /dge tshogs rgya mtsho
mngon par 'phel bar shog /bzlas brjod yan lag bzhi yi bsam

gtan dang/ /bzlas brjod dag la ma bltos bsam gtan gyis/ /tha mal
snang zhen ma lus drungs phyung nas/ /mtshan bcas mtshan med rnal
'byor mthar phyin shog /khyad par sngags rnams kun gyi rgyal po

mchog /las sgrib rgyun gcod gzungs sngags rab bzlas pas/ /sdig
sgrib kun dag zhi sogs rab 'byams las/ /ma lus bsgrub la thogs
pa med par shog /khyad par tshe 'di'i snang ba 'gag pa'i tshe/
/gnad gcod

sdug bsngal drag po mi 'byung zhing/ /rgyal sras rgya mtshos
bskor ba'i bcom ldan 'das/ /mi 'khrugs rgyal po'i zhal bzang
mthong bar shog /srid pa bar dor 'jigs skrag las grol te/ /sras
kyi thu bos ma nor lam

drangs nas/ /mngon dga'i zhing du skyes nas ston pa mchog /mnyes
par byas te sa bcu mthar phyin shog /de nas sna tshogs sprul pa'i
thabs mkhas kyis/ /mgon med nyam thag 'gro ba ma lus pa/ /skye
rga na 'chi'i sdug

@310a @#/ /bsngal las bsgral te/ /sku gsum go 'phang mchog la
'god par shog /gnas skabs su yang srid dang zhi ba yi/ /rgud pa
kun gyi ming yang mi 'byung zhing/ /tshe dang bsod nams longs
spyod

bshad bsgrub sogs/ /yid la bsams pa ji bzhin 'grub par shog /
//@#/ /lha yi lam dang yangs pa'i nor 'dzin khyon/ /til gyi gang
bu bzhin du yongs gang ba'i/ /mi

'khrugs rgyal po'i dkyil 'khor lha yi tshogs/ /dran pa yis kyang
ngan 'gro'i gdung sel zhing/ /khyod la rtag tu mchog stsol mdzad
pa 'di/ /nges par gyis la rab dga' skyed cig dang/ /shis brjod

sgra dbyangs bdag gis bsgrag par bya/ /rab 'byams rgyal ba'i
thugs rje gcig bsdus nas/ /mtshan tsam dran pas 'khor ba'i sdug
bsngal kun/ /ma lus zhi mdzad bslu med skyabs kyi phul/ /rgyal
ba

mi 'khrugs rgyal po la phyag 'tshal/ /rigs gsum 'khor los bsgyur
ba rdo rje sems/ /lam 'di gsal mdzad slob dpon dze tA ri/ /lnga
brgya'i gtsug rgyan jo bo yab sras dang/ /rgyal ba gnyis pa

blo bzang grags pa sogs/ /dngos dang brgyud pa'i bla ma mchog
rnams la/ /legs tshogs ji snyed mchis pa'i bkra shis des/ /khyed
kyi mi mthun rgud pa kun zad cing/ /bde legs yar ngo'i zla ltar
'phel

@310b gyur nas/ /phun tshogs dpal la rol pa'i bkra shis shog /bya
rgyud dkyil 'khor sum stong lnga brgya yi/ /nang nas ngan song
yongs su sbyong ba'i mchog /lha mi'i ston pa bcom ldan mi
'khrugs pa/ /bkra shis

lha mo brgyad dang sgo skyong bzhi/ /bcu gsum bdag nyid lha yi
'khor lo la/ /legs tshogs/ /khyed kyi/ /bde legs/ /phun tshogs/
/shAkya'i rgyal po'i mgur gyi bum pa las/ /gzungs mchog ji
snyed gsungs

pa'i rab dang phul/ /gang zhig thos dang ri mor bris pa'i gzugs/
/mthong ba yis kyang ngan song 'jigs 'phrog pa/ /mi 'khrugs
rgyal po'i gzungs sogs lung rtogs kyi/ /dam pa'i chos tshul ji
snyed mchis pa la/

legs tshogs/ /khyed kyi/ /bde legs/ /phun tshogs/ /rab 'byams
zhing na gzungs sngags cho ga 'di'i/ /mchog dang thun mong
bsgrub pa'i rim pa rnams/ /rgyal ba'i gsung bzhin legs par grub
rnams

kyis; ;mtshon nas phyogs gcig yan chad 'dzin rnams la/ /legs
tshogs/ /khyed kyi/ /bde legs/ /phun tshogs dpal la rol pa'i bkra
shis shog /ces shis pa brjod cing me tog gi char dbab par
bya'o//

zhes pa 'di ni gangs ri'i khrod kyi mgon med zas sbyin gnyis pa
sde pa ngag dbang bsod nams lhun grub kyi bkas bskul ba la brten
nas/ bya ba'i rgyud kyi rigs gsum spyi dang bye brag gi de nyid
rig cing/ sde

@311a @#/ /snod 'dzin pa blo bzang chos kyi rgyal mtshan gyis
shangs mdo ri bo dge 'phel gyi gtsug lag khang du sbyar ba'o//
//