@#/ /na mo gu ru mu ni indrA ya/ legs

ldan rgyal ba rgya mtsho'i yon tan tshogs/ /ma lus gcig tu bgyis
'dra zhabs sen gyis/ /dregs ldan kun gyi spyir gnon shAkya'i
gtso/ /thub dbang lha yi lha la phyag 'tshal lo/ /bdag cag nyam
thag 'gro ba ma

@314b lus la/ /ring nas thugs rje chen pos nyer dgongs te/ /sna
tshogs sgyu 'phrul dra ba'i zlos gar gyis/ /rnam rol ston pa de
la snying nas 'dud/ /gang gi zhal skyin dran pa'i zla zer gyis/
/srid pa'i tsha gdung bcil

ba'i bsil sbyin mkhan/ /dpe zla mi mnga' don kun grub pa la/
/snying nas byang chub bar du skyabs su mchi/ /bdag cag grogs
med gcig pu nyam nga bar/ /'khor ba'i nags tshal stug por rgyu ba
na/ /dman la

brtse ba'i gnyen du zhal bzhes bzhin/ /grogs gnyen mgon du re
ba'i 'bras bu stsol/ /de'i phyir 'dren mchog shAkya'i rgyal po
sogs/ /rab 'byams rgyal ba'i 'khor lo sras dang bcas/ /dgyes pa
bskyed

phyir dngos su bshams pa dang/ /yid kyis sprul pa sna tshogs
mchod pa'i sprin/ /kun tu bzang po'i mchod pa'i rjes 'gro zhing/
/kun bzang mchod pa'i dra ba stong 'phro ba/ /ma lus zhing kun
'gengs pa'i 'od zer

can; ;bdag cag bsam pa dag pas khyed la 'bul/ /de bzhin mos dang
ting 'dzin gyis sprul pa'i/ /yid 'ong mchod pa'i lha mo 'bum
phrag brgya/ /phal cher drug ldan dbang po tshim byed pa/ /sna
tshogs

mchod pa'i bye brag mtha' yas 'dzin/ /'ga' zhig ngo mtshar mdzes
pa'i gar bsgyur zhing/ /la la drug ldan snyan pa'i glu dbyangs
len/ /gzhan dag nyer spyod lnga yis nam mkha'i khyon/ /yongs
'gengs

@315a @#/ /lha mo'i tshogs kyis mngon par mchod/ /de bzhin rgyal
srid rin chen sna bdun dang/ /nye ba'i rin chen bdun dang bkra
shis brgyad/ /gzhan yang lha dang mi yi mchod sprin tshogs//

zhing kun gang ba shAkya'i gtso la 'bul/ /de las byung ba'i dge
tshogs ci mchis pa/ /dus gsum legs spyad kun dang lhan cig tu/
/bgyis pas mar gyur 'gro ba'i don gyi phyir/ /bla med byang chub
go 'phang

myur thob shog /de ma thob kyi tshe rabs kun tu bdag /mi khom
gnas su nam yang mi skye zhing/ /'khor lo chen po bzhi ldan rten
thob nas/ /rgyal ba'i dam chos ma lus 'dzin gyur cig /gal

te 'di dang tshe rabs gzhan dag tu'ang/ /las nyon dbang gis sdig
pa'i bsam sbyor gyi/ /nyal 'gro 'bab na 'phral du de yi gshed/
/'bad med chu lon brtan po 'byung gyur cig /bdag cag dmyal mes

lan brgyar bsregs kyang bla/ /srid na 'khyam tshe blo bzang grags
pa yi/ /skyon bral bstan la chos kyi rjes 'brang ba'i/ /dad dang
ldan las nam yang 'bral ma gyur/ /ji srid zab don mngon du ma
gyur bar//

dal 'byor bcu ldan yon tan bdun mdzes shing/ /skyes thob rnam
dpyod shes rab phul byung thob/ /sdig med dge ba'i blo dang
'bral med shog /bdag ni mthong dang dran reg gyur pa dang/ /ming
tsam thos

@315b pa'i yid can ma lus kyang/ /rtag tu bde 'gro brgyud nas
skal ba bzhin/ /byang chub gsum po ci rigs thob gyur cig /bdag
la legs par dad pa'i skye bo la/ /tshe rabs kun tu bdag gis thabs
mkhas

kyis; ;dge ba'i bshes kyi bya ba rab bsgrubs te/ /phan bde nam
mkha'i mdzod la 'god gyur cig /khyad par 'di yi dge bas srid lam
du/ /'khyams pa'i ngal gso ngan 'gro'i sgo gtan dang/ /mtho ris

them skas thar pa'i grong khyer du/ /'jug pa'i lam mkhan bzang
por bdag gyur cig /dmyal me bzod dka'i bsil yab grang dmyal du/
/drod 'bebs nyi ma dud 'gro'i bkol spyad kyi/ /ngal gso yi

dwags gdung 'joms 'o rgyun gyi/ /mi zad bdud rtsi'i mchog tu
bdag gyur cig /sdug dang bral ba rnams la gnyen mchog dang/
/dbul phongs bkren pa rnams la yid bzhin nor/ /nad dang gdon

gyis mnar ba'i sman sngags g.yog /nyam thag mgon med rnams kyi
mgon gyur cig /ces pa 'di yang shAkya'i dge slong blo bzang
chos kyi rgyal mtshan gyis/ smon pa'i don tshigs bcad du bsdebs
pa'o// //