@#/ /na mo gu ru mu ni indrA ya/ ma lus nyes pa'i tshogs bcom
zhing/ /mtha' yas yon tan kun gyi gter/ /thugs rje che ldan
rgyal ba de/ /dran pas dad pa'i spu long g.yo/ /lha brgya'i
gtsug rgyan 'od

@316a @#/ /zer dang/ /rab 'dres zhabs sen nor bu'i 'od/ /dran pa
yis kyang srid pa yi/ /'jigs 'phrog e ma shin tu rmad/ /dman pa
rnams la lhag par brtse/ /kun gyi 'dris pa med pa'i bshes/ /

rtag tu 'gro ba'i don mdzad pa/ /khyod la snying nas skyabs su
mchi/ /ma bcol bar yang sdug bsngal kun/ /sel zhing phan bde'i
mchog stsol ba'i/ /bka' drin kun gyis srid mtha'i bar/ /srog
phul bas

kyang bsab par dka'/ /de phyir bsod nams mi ldan zhing/ /bsam
sbyor dman pa bdag 'dra ba'i/ /mchod tshogs padmo'i skud pa yis/
/dgyes par rlom pa ga zha'i gnas/ /'on kyang khyod nyid dman
gyur

tshe; ;rgyal ba shAkya thub chen la/ /phra ba'i dbul ba phul nas
kyang/ /byang chub mchog tu thugs bskyed pa/ /de bzhin bdag
kyang sems dang bas/ /bcom ldan thugs rje'i bdag nyid can/
/mchod pa'i sprin

gyis mngon mchod nas/ /byang chub sems mchog bskyed par bgyi/
/rang bzhin stong pa'i me long la/ /kun tog sna tshogs pir gyi
rtses/ /bzang ngan ri mo ji snyed pa/ /bris pa de bzhin 'di na
snang/ /de'i slad

'jig rten 'jig rten las/ /'das pa'i kun bzang mchod pa'i tshogs/
/lha lam khyab pa blos sprul te/ /gus pas 'bul gyi brtse bas
bzhes/ /de ring shAkya'i gtso bo de'i/ /yon tan phun sum tshogs
pa dang//

@316b bka' drin chen po rjes dran pas/ /spro dang skyo ba lhan
cig 'phel/ /thub pa'i nyi ma bcu gnyis kyi/ /mdzad pa'i 'od
stong 'gyed pa yi/ /dga' ston phun sum tshogs pa yang/ /ma mthong
sems kyi gcod

du gyur/ /gdul bya'i rang rang mos pa bzhin/ /cho 'phrul gsum
gyis 'jig rten 'di/ /dge legs 'od brgyas 'gengs pa'i dus/ /sdig
can bdag gis gang du bsdad/ /'jam dpal byams mgon mchog

zung sogs/ /'phags chen rnams dang lhan cig tu/ /'bel ba'i bka'
mchid bgyid pa yang/ /skal med bdag gis mthong ma gyur/ /thams
cad mkhyen pa shAkya'i gtso/ /deng sang thos pa'i lam du

gshegs/ /de yi bstan pa'ang nag phyogs kyi/ /zla ltar 'grib dus
las kyis skyes/ /snod rnams skya bo zhag med cing/ /'bras med
ljon shing gos dang bral/ /dus min rlung dang than pas gtses/
/ma rungs skye bo sdig

la rdams/ /dge spyod phal cher khrims dang bral/ /nyam thag sdug
bsngal brgyas gzir ba/ phyogs kun bslad pa'i 'gron po'am/ /ri
dwags rgyar chud lta bu yi/ /skyabs med mgon med bdag cag la//

mkhyen brtse ldan pas mi dgongs na/ /khyod las lhag pa'i thugs
rje can/ /skyabs gzhan gang la brten pa gsungs/ /'on kyang khyu
mchog rlabs po ches/ /da ni mgon med khyed rnams kyi/ /skyabs su

@317a @#/ /gyur pa nyid yin zhes/ /bden pa'i gsung 'dis ngal gso
thob/ /de'i phyir las kyis mnar ba bdag /shAkya'i rgyal rigs
'khrungs khyod la/ /rkang gi khong nas byang chub bar/ /skyabs
su lhag par

mchi bar bgyi/ /'jigs rung mi bzad skyi g.ya' ba/ /'khor ba
ngan song mtha' dag gi /'jigs skrag sdug bsngal ma lus pa/ /rgyu
dang bcas las thugs rjes skyobs/ /nam zhig bar do'i 'khrul snang

gis; ;dngangs skrag sdug bsngal mun 'thoms tshe/ /'khrul med lam
bzang ston pa yi/ /ye shes sgron me khyod nyid mkhyen/ /de bzhin
nying mtshams sbyor ba'i tshe/ /las nyon rlung shugs drag po yis/
/ngan

'gro'i g.yang sar mngon phyogs na/ /sgo gtan dam po'ang khyod
la re/ /mgon po mkhyen brtse nus ldan zhing/ /thugs rje bslu ba
mi mnga' yang/ /skye dgu rang gi las spyod pas/ /brgya la dman
pa'i gnas skyes

na'ang/ /snying rjes rigs mthun 'gro rnams kyi/ /sdig sdug bdag
gis len byed cing/ /bdag gi bde dges lus can rnams/ /kun mkhyen
lam du bkri nus shog /khyod kyi bstan pa'i rjes zhugs kyang/
/'bras

bu ma thob bdag cag rnams/ /bcom ldan zhing 'dir mya ngan las/
/bzla tshul bstan kyang zhing gzhan du/ /rgyal ba'i mdzad pa
brgyas rol bas/ /slar yang byang chub tshul bstan pa'i/ /thog
ma'i 'khor gyi gdul

@317b byar ni/ /nges par thugs rje'i lcags kyus drongs/ /srid
lam kun tu rgyu ba na/ /dmyal mes lan stong bsregs kyang bla/
/srid zhi'i mtha' gnyis 'gog pa'i lam/ /rmi lam du yang 'bral ma
gyur/ /dus gsum

sras bcas rgyal rnams kyi/ /spyod dang smon lam gcig bsdoms pa/
/bye ba 'bum bsgyur bsdoms pa yi/ /spyod tshogs smon lam bdag gis
spyod/ /de bzhin dus gsum bde gshegs kun/ /yongs

bsdoms sku tshe mdzad pa rnams/ /yang bsdoms bye ba khrir bsgyur
ba/ /thabs mkhas bdag gis bsgrub par bgyi/ /dam bca'i don 'di
las nyon gyis/ /tshe rabs gzhan du bskyud pa na/ /phan mdzad
thugs rje

ldan rgyal gyis/ /yang yang dran pa'i gsos 'debs mdzod/ /nga yi
bstan pa'i tha ma la/ /chos dang chos min spyod pa yi/ /rab
byung de dag mngon sum gyis/ /thams cad mkhyen pa ngas mkhyen
gsungs/ /de bas bdag

gi bsam pa'i rgyun/ /ma gsol yang ni khyod kyis mkhyen/ /'on
kyang snying gi tsher ma 'di/ /sel phyir tshig 'di gsol ba lags/
/lnga par phyogs pa'i skye bo yi/ /kha chems mdza' bshes khrel
ldan gyis/ /bsgrub

pa 'jig rten 'di na snang/ /bdag cag mgon med rnams kyi mgon/
/thub dbang stobs bcu mnga' ba la/ /kha chems tshul du gsol lags
na/ /bdag gi gnas skabs ci 'dra na'ang/ /mgon po bsnyel ba med

@318a @#/ /par mdzod/ ces pa 'di yang/ jo bo rin po che shAkya'i
rgyal po'i zhabs drung du mchod pa'i rnam grangs 'ga' zhig phul
ba'i kha byang du sgron me'i 'od la 'phral du/ dge slong blo
bzang

chos kyi rgyal mtshan gyis ra sa ra mo che'i gtsug lag khang du
bris pa'o/ /'di yang sangs rgyas kyi bstan pa rin po che dar
zhing rgyas la yun ring du gnas pa'i rgyur gyur cig / //@#/ /na
mo

gu ru manydzu g+ho ShA ya/ bslu med dkon mchog gsum gyi gtsug
lag khang/ /mdzes byed dbang po'i gzhu ltar rab bkra ba/ /lha
rdzas las grub 'phan gyi phreng ba ni/ /rgyal dang rgyal sras
paNDi ta rnams kyi/ /snang

brnyan rgyan gyis spras pa'i byed po gang/ /blo bzang chos kyi
rgyal mtshan lhag bsam gyi/ /rgya mtsho mngon dags bskyod pa'i
rlabs phreng ngo/ /de las 'ongs pa'i dge ba'i 'od stong gis/
/bdag sogs 'gro blo'i

mun pa drungs phyung ste/ /tshogs gnyis padmo'i ge sar rgod pa'i
rtser/ /sku gsum ze'u 'bru'i dpal gyis mdzes par shog /bdag
kyang deng nas skye ba thams cad du/ /rin chen byang chub sems
dang mi 'bral zhing/ /

lus srog yal bar dor nas dam chos kun/ /rgyal ba'i dgongs pa ji
bzhin 'dzin par shog /khyad par tshe 'di'i spros pa kun dor nas/
/rgyal bas bsngags pa'i lam bzang bsgrub pa la/ /bar du gcod
pa'i ming

@318b yang mi 'byung zhing/ /mthun rkyen bsam pa ji bzhin 'grub
par shog /'di snang 'gags tshe yid dga' chos 'dzin du/ /padmo las
skyes ma pham zhal mthong zhing/ /theg mchog gsung gi dpal la
longs spyad nas/ /rgyal

sras spyod pa ma lus mthar phyin shog / //@#/ /na mo gu ru indra
mu na ye/ mkhyen brtse'i lus stobs rab rgyas shing/ /stobs bcu'i
gdong lnga mi bzad 'bar/ /mi 'jigs seng ge'i 

sgra sgrog pa'i/ /ston pa de la bdag cag dang/ /shangs mngo ri
bo dge 'phel gyi/ /gtsug lag khang chen mdzes pa'i rgyan/ /bkra
shis rtags mtshan lha rdzas ngos/ /rgyal ba'i sku yi bkod pa ni/
/rnam mang

byin chags gzi 'bar ba'i/ /byed po dkon mchog gsum gyi 'bangs/
/blo bzang chos kyi rgyal mtshan gyis/ /lhag bsam dag pas mngon
par bsgrubs/ /'dis mtshon rnam dkar dge ba'i mthus/ /tshe 'di'i

snang ba 'gags ma thag /rgyal bas bsngags pa'i zhing mchog der/
/thogs med padmo las skyes te/ /bde gshegs sras kyi thu bor
gyur/ /de'i tshe skyes thob rnam dpyod dang/ /dad dang nges
'byung gzungs spobs

sogs/ /lung rtogs yon tan rgya mtshor gyur/ /dus gsum rgyal ba
sras bcas kyi/ /smon lam rlabs chen spyod pa dang/ /mdzad pa ma
lus yongs bsdoms pa/ /thams cad bdag gis spyad par bgyi/ /de

@319a @#/ /bzhin nam mkha'i mthas gtugs pa'i/ /sems can re re'i
mdun du yang/ /bdag lus bkod pas khyab byas te/ /sna tshogs thabs
kyis gdul gyur cig /bdag la mngon par

dad pa dang/ /mthong thos dran reg gyur rnams kyang/ /sdug
bsngal kun las rnam grol te/ /phun sum tshogs kun 'byor gyur cig
/deng nas tshe rabs thams cad du/ /rang bde 'dod pa dug bzhin
spangs//

ma rnams don du mnar med pa'i/ /me nang 'jug la'ang spro bar
bgyi/ /ji srid bzod pa ma thob par/ /dbang med mi khom gnas
rnams su/ /skad cig tsam yang mi skye zhing/ /rtag tu 'khor lo
bzhi ldan

gyur; ;sems can so so'i bsam pa dang/ /mthun pa'i thabs mkhas
sna tshogs pas/ /kun la 'dod dgu'i mchog stsol ba/ /nam mkha'i
mdzod bzhin bdag gyur cig /dus gsum mgon po thams

cad kyi/ /gsung gi gsang ba kun 'dzin cing/ /snying stobs chen
pos lus srog kyang/ /dor nas bstan pa gces 'dzin shog /gang du
rgyal ba'i nyi ma dang/ /bral ba'i mun nag gling rnams su/ /bdag

gis thub pa'i nyi ma bzhin/ /phan bde'i sgron me gsal byed shog
/bdag gi bsod nams stobs dag gis/ /sdug bsngal mda' char mi bzad
pa/ /'bab pa'i skye dgu thams cad kyi/ /go cha bzang

@319b por bdag gyur cig /mgon med phongs shing nyam thag pa/ /de
des bdag ni dran pas kyang/ /sdug bsngal rgud pa las grol te/
/bde dge 'gran bzhin rgyas gyur cig /bdag ni 'gro ba ma lus pa/
/ngan song

'gog pa'i sgo gtan dang/ /mtho ris 'dren pa'i lcags kyu dang/
/mgon med rnams kyi mgon gyur cig /gnyen bral rnams kyi mdza'
bshes dang/ /nad pa rnams kyi sman pa dang/ /dbul po rnams la ci
'dod

pa'i; ;yid bzhin nor bur bdag gyur cig /bdag ni dmyal mes bsregs
kyang bla/ /snying gi gdung sel thub dbang de'i/ /ring lugs
bzang po 'dzin pa dang/ /skad cig tsam yang 'bral ma gyur// //

@#/ /oM bde legs su gyur cig /bkra shis rtags mtshan lha rdzas
la/ /rgyal ba'i sku brnyan legs bris pa'i/ /'phan gyi rim pa yid
'ong phreng/ /gangs can chos 'phel gtsug lag khang/ /mdzes

byed rgyan gyi dam pa 'di/ /blo bzang chos kyi rgyal mtshan gyis/
/phul ba'i dge bas 'gro ba kun/ /sku gsum go 'phang myur thob
shog /bdag kyang tshe rabs thams cad du/ /dam chos bsgrub la dal
ba dang//

bcu phrag 'byor pas rnam brgyan cing/ /rnam dpyod blo dang ldan
gyur cig /rtag tu mtshan nyid ldan pa yi/ /bshes gnyen dam pas
rjes 'dzin cing/ /lus srog longs spyod kun gyis kyang/ /mnyes pa
kho na bsgrub

@320a @#/ /gyur cig /tshangs dbang 'khor los bsgyur rgyal gyi/
/bde 'byor srid pa'i phun tshogs kun/ /srog 'phrog 'bar ba'i
mtshon bzhin du/ /rmi lam du yang 'dod ma gyur/ /deng nas byang

chub snying po'i bar/ /rtag tu rab tu 'byung ba dang/ /thub pa'i
brtul zhugs ma smad pa/ /srog las gces par 'dzin gyur cig /lus
dang srog la mi blta bar/ /dus gsum rgyal ba thams cad kyi/ /

lung rtogs dam chos ma lus pa/ /rgyal ba'i dgongs pa ji bzhin
'dzin/ /thog ma med nas drin bskyangs pa'i/ /mar gyur 'gro ba'i
don gyi phyir/ /rin chen byang chub sems bskyed nas/ /rlabs chen
spyod

pa mtha' dag bsgrub/ /dus gsum rgyal ba sras bcas kyi/ /mdzad pa
rnam thar ma lus pa/ /gcig tu bsdus nas bdag nyid kyis/ /'gro
gnas bar du spyod gyur cig /'gro kun snying gi bu gcig ltar/
/mthong

nas de dag sgrol ba'i phyir/ /bskal par mnar med me nang du/
/'jug la'ang skyo ba med gyur cig /mar gyur 'gro ba mtha' dag gi
/sdig dang sdug bsngal rgud pa kun/ /thams cad bdag gis len

nus shing/ /cig car bdag la smin gyur cig /bdag gi dus gsum bde
dge rnams/ /mar gyur sems can thams cad la/ /da lta nyid du smin
gyur nas/ /phan bde'i dpal gyis 'byor gyur cig /

@320b bdag las dam chos thos pa dang/ /dad cing mos pa thams cad
la/ /byang chub snying por mchis kyi bar/ /yid bzhin nor ltar
'dod pa bsgrub/ /bdag ni mthong dang thos pa dang/ /dran reg
gyur pa thams cad

kyang; ;ngan 'gror nam yang mi ltung zhing/ /rtag tu dam chos
spyod gyur cig /'di ltar bskrun pa'i dge ba'i tshogs/ /zla ltar
dkar ba bsags pa des/ /ston mchog shAkya'i gtso bo des/ /bdag
cag

'bral med 'dzin gyur cig /dpal ldan 'dod khams dbang phyug mar/
/lha rdzas na bza' 'di phul bas/ /deng nas byang chub chen po'i
bar/ /g.yel med mgon dang skyabs mdzod cig /'dod khams dbang

bsgyur dpa' mo che'i/ /thugs rje bsil ba'i chu rgyun gyis/ /bdag
cag deng 'dir mngon 'dod pa'i/ /gser gyi rdzing bu gang bar
mdzod// //@#/ /na mo gu ru manydzu g+ho ShA ya//

rgyal ba'i yab gcig rje btsun mkhyen pa'i gter/ /ngur smrig gar
gyis rnam rol tsong kha pa/ /bslu med skyabs gsum 'dus pa'i bdag
nyid du/ /gsol ba 'debs so brtse pa'i lcags kyus zungs/ /sa

yi dpal mo khyod la bdag gis ni/ /thub pa'i dbang po'i gsung rab
las byung ba'i/ /sdebs legs tshig gi me tog phreng mdzes pa/
/cung zad spel 'di mgul ba'i rgyan du 'bul/ /sngon chad rnam
dkar

@321a @#/ /dag pa'i las bsags pas/ /da lta rigs mtho yid 'ong
gzugs mdzes ldan/ /phun tshogs 'byor pa nam mkha'i mdzod brnyes
shing/ /kun gyis bkur ba'i gnas su gyur pa

lags/ /da yang spu gri'i sor chags sbrang rtsi ltar/ /mnog chung
nyes pa kun gyi gzhir gyur pa'i/ /tshe 'di'i bde la ches cher ma
zhen par/ /phyi ma'i don du sgo gsum dge la 'bungs/ /las kyi
dbang

gis 'khor bar 'khyams pa'i tshe/ /dkon mchog gsum las lhag pa'i
skyabs med pas/ /glo snying brang gsum gtad pa'i skyabs 'gro
dang/ /mchod sprin rgya mtshos rgyun tu mchod par mdzod/ /chos

kyi snying po gzhan gyi don byed par/ /bde gshegs sras dang bcas
pas legs par bsngags/ /de'i phyir chags sdang spangs nas skye
dgu kun/ /dpal dang ldan pa khyod kyis bu bzhin skyong/ /longs

spyod g.yo ba sbrang ma'i sbrang rtsi bzhin/ /ser snas bsags
kyang nges pa 'ga' ma mchis/ /rang dbang yod dus sbyin pa cher
bstsal na/ /rang gi phyi ma'i nor skal gsog pa yin/ /lang tsho'i
dpal yang ston

ka'i me tog ltar/ /ring por mi thogs yud kyis rnyings 'gyur
zhing/ /'chi bdag bdud de nyi rgas grib so bzhin/ /skad cig re
yang mi sdod tshur tshur 'ong/ /de'i phyir lus dang longs spyod
kun bor nas/ /dbang

@321b med 'jig rten pha rol 'gro ba'i tshe/ /chos las gzhan gyis
phan pa cad med na/ /da lta nyid nas tshul bzhin bsgrubs na legs/
/nya stong tshes brgyad chos 'phrul zla ba sogs/ /dus bzang rnams
la gso

sbyong yan lag brgyad/ /bzhes par mdzod cig lha mi'i rten bzang
po/ /brgyud nas rim gyis mya ngan 'das pa 'thob/ /lha dang bla
ma thong bzhin bsten pa dang/ /'bangs rnams byams pa'i thugs
kyis skyong

ba dang/ /chos kyi rgyal srid skyong ba'i bya ba gsum/ /phan
tshun 'gran pa bzhin du khyod kyis sgrubs/ /'byor ba'i tshe na
dregs par mi bya zhing/ /rgud na'ang ha cang zhum par mi bya
ste/ /'khor ba'i gnas 'dir yid

brtan ma mchis pas/ /las 'bras tshul la rtag tu sems par mdzod/
/mdor na bdag gis mang du gsol ci 'tshal/ /phan pa'i gdams ngag
gtso bo 'di yin te/ /nyid kyi sras bzhin skye dgu ma

lus pa/ /byams pa'i thugs kyis kun tu skyong bar mdzod/ /'dod
chags zhe sdang gti mug rnam pa gsum/ /sdug bsngal kun gyi rtsa
bar rgyal bas gsungs/ /de'i phyir 'di dag dpal mo khyod nyid
kyis/ /

yid kyi dgu la'ang sems pa spang bar bgyi/ /de ltar ji skad
gdams pa'i don rnams kun/ /nyid kyis tshul bzhin nyams su bzhes
lags na/ /'khor ba'i sdug bsngal ma lus drungs phyung nas/ /skye

@322a @#/ /rga na 'chi spangs pa'i sku 'thob 'gyur/ /tshul 'di dge
slong chos kyi rgyal mtshan gyis/ /skye dgu'i bdag mo kun 'dzin
rgyal mo yi/ /rnam dkar legs spyad bzhed pa bsgrub pa'i phyir/
/dam

pa'i gsung bzhin dge ba'i dbyangs su bsdebs// //@#/ /legs spyad
rnam par rgyal ba'i gzhal med dbus/ /phun tshogs 'byor pa'i sa
srung bu yi steng/ /mkhyen pa'i

spyan stong ldan pa'i dpa' bo khyod/ /dge mtshan ri mo bkra bas
shis gyur cig /gang gi rnam dpyod grwa gcig na/ /shes bya'i
tshogs rnams ngal 'tsho ba'i/ /bang mdzod las thon snyan tshig gi
/nor bu'i do shal

gser dngul rten/ /skyon bral 'byor pas bdag yid tshim/ /slar yang
rgyal ba gnyis pa yi/ /bstan la 'gyur med dad pa'i gzhir/
/'phags nor bdun gyi dpag bsam dbang/ /bskyed pas 'di phyi don

ldan 'tshal/ /nyi ma'i gnyen gyi bstan bsrung sogs/ /srid zhi'i
mgron rnams mnyes byed pa'i/ /bsangs mchod chos skyong spyi
bskang yang/ /nyung ngur bsdus pa'i shog gril phul/ /dge sbyor
skyabs 'og

dag la yang/ /brtson par byed ces rten 'dus kyi/ /ril bu nyer
gcig sngags mdud bcas/ /sa ga'i dkar phyogs dge bar phul/ zhes
pa khams bzhad tsha sde pa la stsal ba'o// //

@322b @#/ /na mo gu ru manydzu g+ho ShA ya/ rab 'byams rgyal ba'i
dkyil 'khor dbus/ /rtsod dus gdul dka'i 'gro ba kun/ /'dul ba
dpe med thugs rje'i gter/ /shAkya'i rgyal po'i zhabs la 'dud/
/rigs

gzugs 'khor dang longs spyod sogs/ /mngon mtho'i phun tshogs thob
pa yang/ /rgyu med mi mthun rgyu las min/ /sngon goms legs par
spyad las 'ongs/ /de'i phyir 'dir yang sgo gsum gyis/ /rnam dkar

dge ba'i tshogs bskrun pas/ /'bras bu 'jig rten pha rol tu/ /yid
'ong kun dga'i dpal la spyod/ /mi dge'i las bcu re re yang/ /che
'bring chung ngu spyad pa yi/ /rnam smin 'bras bu dmyal ba dang/
/yi

dwags dud 'gror skye bar gsungs/ /gal te ngan song las thar te/
/bde 'gror skyes kyang rgyu mthun 'bras/ /tshe thung gsod la dga'
ba sogs/ /gnyis gnyis bdag 'bras yul ngan dang/ /bza' btung

mthu chung la sogs te/ /'di dag ldog pa dge bcu'i 'bras/ /mi dge
bgyis pa 'phral nyid du/ /mtshon rnon gyis bzhin mi gcod kyang/
/'di snang 'gags par gyur ma thag /mngon sum 'gyur ba gdon

mi za/ /de'i phyir bdag la phan 'dod pas/ /mi dge'i bsam sbyor
rgyang bsrings te/ /dge ba bcu yi las lam la/ /brten pas bde nas
bde bar 'gro/ /zhes pa las dang 'bras bu'i rnam gzhag ston pa'i
tshigs

@323a @#/ /bcad do// //swasti/ srid pa'i bdag po bde 'byung pad
dkar lte/ /rdo rje can sogs dregs ldan mtha' dag gi /ral par
thig le 'god mkhas zhabs sen

gyis/ /rnam mdzes 'dab brgya rgod pa de'i drung du/ /'od dkar
gzhon nus rol pa'i ku mu da'i/ /lba ba ji bzhin lag pa'i pad mo
zung/ /snying gar 'dzum ldan gus pa'i sor mo yis/ /zhu 'phrin
nor

bu'i phreng ba spel te 'bul/ /rab 'byams rgyal ba kun gyi gu Na
yi/ /'bum phrag chu klung 'dus pa'i rgya mtsho che/ /'gro tshogs
klu dbang mtha' dag tshim byed pa'i/ /'dod dgu'i yid bzhin rin
chen

'byung gnas gang/ /phyogs 'di'i bstan dang 'gro ba'i phan bde'i
phyir/ /bkra shis 'khor los mtshan pa'i zhabs skyes kyi/ /ngo
mtshar ri mo gsal bar 'god do zhes/ /mkha' spyod grub pa'i gtam
snyan

rjes 'gro ba'i/ /dbyar skyes rgyud mang dal gyis bsgrengs pa na/
/gang gi thugs rje'i char zim la re ba'i/ /rma bya gzhon nu zlos
gar ci yang byed/ /'gro la spyan ras stong gis gzigs pa can/
/'gro 'di'i

bsod nams myu gu spel ba yi/ /dge 'dun zhing du grub pa'i 'phrin
las kyi/ /'dab brgya mngon par bzhad pa'i padmo'i mtsho/ /rab
rgyas slad du rgyas pa'i nyi ma de/ /bkra shis bang rim rnam
bkra lhun po'i

@323b spor/ /nam zhig 'char snyam bdag cag bsam pa ni/ /ji bzhin
gzigs phyir 'bras bu'i mchog stsol zhig /bdag kyang deng nas tshe
rabs thams cad du/ /khyod kyi thugs rje'i lcags kyu'i dbang gyur
te/ /nyid kyi

rnam dkar mdzad pa spel ba la/ /phyogs las rnam par rgyal ba
nyid gyur cig /de skad zhu yig utpal phon po'i ngogs/ /spyan
ras bung ba'i 'phur lding 'jug pa'i slad/ /rgyal ba kun gyi
'phrin las lha mo'i gzugs//

'phags yul las 'ongs byin rlabs gzi 'bar ba/ /dge legs stsol
phyir dang ba'i sems kyis 'bul/ /lha yi sman pa'i zla ba'i dkar
phyogs kyi/ /lha las babs pa'i bzang po'i dus tshes la/ /rgyal
mtshan

mthon po'i ba gam rtse nas phul/ /zhes pa rje thams cad mkhyen
pa yon tan rgya mtsho la phul ba'o// //@#/ /ngag gi dbang phyug
smra ba'i zla ba mchog /blo bzang bstan pa'i rgya

mtsho'i dpal gyur cing/ /rmad byung 'phrin las 'od dkar dra ba
can/ /skal bzang kunda'i gnyen gyi zhabs sen gang/ /rab chags
'dab brgya rgod pa'i dga' tshal der/ /thal sbyar dang ba'i sems
kyis 'di skad

gsol/ /deng sang thub bstan nyin mor byed pa la/ /snang ba zla
bral rgyal sras dpa' bo de/ /snying stobs go mtshon rdzogs pa'i
dgra thabs kyis/ /phyogs las rnam par rgyal ba'i dpal thob ste/
/phan bde'i

@324a @#/ /lang tsho rdzogs pa'i mdzes ma la/ /mngon par rtse ba'i
zlos gar mkhan de rmad/ /snyan grags mA la ya yi dri bzhon
gyis/ /phyogs kyi 'khor lo 'gengs pa'i dus ston la/ /bos pa ji
bzhin

mtha' dag skye bo kun/ /nyid kyi snyan grags brjod pa'i bzlas
pas brel/ /bdag kyang mdo rgyud lam gyi them skas las/ /sku gsum
gzhal med khang du 'jug 'dod kyang/ /chos brgyad srad bu dam
po'i

dbang song bas/ /gyi na'i bya bas nyin mtshan 'da' zhing mchis/
/slar yang khyod mdzad rab bsil gang gA'i rgyun/ /bstan dang
'gro ba'i phan bde'i rdzing bu yi/ /gsos gyur de'i phyir srid
mtha'i bar du yang/ /rgyun

mi 'chad du 'jug pa'i bka' drin stsol/ /rnam dag legs bshad mdo
sngags gru char gyis/ /skal bzang phan bde'i log tog spel ba
dang/ /rlabs chen rgyal sras spyod pa'i brtul zhugs kyis/ /dge
legs

chen pos kun tu gang bar mdzod/ ces pa 'di sems dpa' chen po la
phul ba'o// //@#/ /shAkya'i bstan srog ngur smrig 'dzin pa'i
dpal/ /snyan par grags pa'i ye shes sgyu

'phrul las/ /blo bzang bstan pa'i rgyal mtshan 'dzin pa'i gtso/
/mchog gi sprul sku'i zhabs pad brtan gyur cig /ces shis pa
brjod nas gsol ba ni/ tshogs gnyis brgya phrag du mas bsgrubs pa

@324b yi/ /gang sku gser gyi mchod sdong rab brtan zhing/ /rnam
dkar mdzad pa'i 'od zer stong 'bar bas/ /skye dgu'i gdung mun
kun sel dge legs kyi/ /snang bas phyogs kun 'gengs pa'i ngang
nyid nas/ /zab

yangs mkhyen pa'i bang mdzod las 'ongs pa'i/ /tshig don rmad
byung bka' stsal nor gyi bu'i/ /phreng mdzes skyes kyi lang
tsho'i dpal ldan pa/ /bdag cag sor mo'i 'dab rtser lding zhing
chags/ /de'i tshe yid

mkha' spro ba'i chu 'dzin gyis/ /kun khyab rab dga'i sa la 'gran
pa bzhin/ /'dir yang bde bar rnam g.yeng ngang du mchis/ /slar
yang 'dir mang brjod kyang ci zhig dgos/ /mdor bsdus snying por
dril nas

gsol ba ni/ /sku gsung thugs kyi mdzad pa ji snyed pa/ /dam pas
bsten cing bsngags pa'i rgya dag las/ /nam yang 'da' ba med pa'i
'phrin las mdzod/ /de'i slad nyid kyi bzhed don mtha' dag pa/ /

'bras bus mdzes phyir lha dang bla ma la/ /g.yel med rgyun du
gsol ba 'debs pa lags/ ces pa gzims khang gong nas sprul pa'i
sku la gnang ba'o// //rab 'byams rgyal

ba'i thugs rje'i pir gyi rtses/ /legs bris grags pa'i rgyal
mtshan mngon mtho zhing/ /'phrin las bzang po'i 'od zer stong
'phro ba/ /lha bcas 'gro ba'i 'dren pa de'i drung du/ /gang gi
rnam dpyod

@325a @#/ /yangs pa'i dga' tshal las/ /don dang tshig 'bru bzang
po'i dbyangs sgrog cing/ /bzang mang skyes kyi gshog sgro rab
rgyas pa'i/ /bka' yig ko li gzhon nu lding bzhin du/ /bdag cag

sor mo'i pad mtshor mngon par chags/ /de'i tshe yid mkha' dga'
bde'i chu 'dzin gyis/ /logs khebs rab dga'i sa la 'gran pa
bzhin/ /slar yang bstan dang yid can phan bde'i gnyen/ /nyid sku
yun ring

'tsho zhing gzhes pa'i thabs/ /gnyis med gsung bas gsungs bzhin
legs bsten cing/ /sngon dus dam pa'i phreng mdzes brgyud pa yi/
/rnam thar gong nas gong du spel ba la/ /nam yang g.yel

ba med pa'i bka' drin stsol/ /de lta'i bzhed pa'i chu gter gyen
'phyur phyir/ /'dir yang lha dang bla ma'i chu 'dzin la/ /gsol
nas byin rlabs bdud rtsi'i char rgyun 'bebs/ ces pa yang gzims
khang

gong nas sprul pa'i sku la gnang ba'o// //lha bcas 'gro ba kun
gyi gtsug gi rgyan/ /rnam dkar grags pa'i 'od zer stong ldan
zhing/ /thub bstan rgyal mtshan 'dzin pa kun

gyi mchog /mtha' yas gdul bya'i dpal du zhabs brtan shog /sras
bcas rgyal ba'i mkhyen brtse gcig bsdus nas/ /ngur smig 'dzin
pa'i gar gyis rnam rol gyi/ /grags pa'i dpal mnga' rgyal

@325b ba gnyis pa yi/ /bstan pa'i rgyal mtshan 'dzin pa de'i
drung du/ /dge slong rgan ps dang bas 'di ltar gsol/ /rnam mang
gdul bya padmo'i dga' tshal dbus/ /gang sku dpag bsam ljon pa rab
brtan zhing//

rmad byung mdzad pa'i lo 'bras me tog gis/ /kun dga' bskyed pa'i
ngang nas dpal rkang gi /bka' la 'khu ba'i bka' yig bzang po'i
skyes/ /'dus pa'i tshogs la mang 'gyed dang bcas pa/ /ma nyams

'byor tshe khyod sku'i snang brnyan ni/ /yid kyi me long ngos la
ma bris bzhin/ /yang yang shar nas rab dga'i sa la 'gran/ /de'i
phyir nyid kyi gnas skabs mthar thug gi /bzhed don dbang gi
rgyal pos

phyag sor gyi/ /yal 'dab brgyan phyir 'dir yang brtson par bgyi/
/bdag cag nye ring gnas skabs ci 'dra yang/ /bsil 'od bdag po ku
mu da ka bzhin/ /deng nas ji srid byang chub snying po'i bar/ /

'bral med dam chos mdza' bas 'ching bar smon/ zhes pa'ang sprul
pa'i sku grags pa rgyal mtshan la gnang ba'o// //brtson 'grus
snying stobs mchog gi ded dpon gyis/ /

mdo rgyud rgya mtsho chen po'i dbus gnas pa'i/ /bslab gsum rim
gnyis bsam 'phel dbang gi rgyal/ /bsgrub pa'i rgyal mtshan rtser
mchod sdom brtson zung/ /gang gi rnam dpyod yangs pa'i pad mtsho

@326a @#/ /las/ /tshig don lang tsho dar ba'i ngang mo dkar/ /skyes
bcas bdag cag yid mtshor son pas tshim/ /snyigs ma'i ngang tshul
rgyas pa'i lam nag gis/ /phyi nang skye bo'i bud shing

cher 'bar bas/ /rigs min spyod tshul chu 'dzin ltar 'khrigs
shing/ /sgro skur gnam lcags ster ba'i sgra brgya pa/ /ji bzhin
sgrog kyang 'dam khrod padma dang/ /thub chen rnam thar k+Shanti
smra ba yi/ /rjes su

spyod pa'i phyi bshul zla bral zhes/ /bde bar gnyid log bzang
po'i lan ldon snyam/ /bdag lta'i dge slong rgan po gyi na pa/
/da lta shi'am gson yang khyad par ci/ /nor 'dzin grags pa'i ba
dan dkar ba

yi; ;dam pa mang po'i rin chen 'dzin phyir ro/ /da ni lang tsho'i
nyin byed rga bas 'gribs/ /rang nus ji bzhin ston dang bstan pa
la/ /bgyi 'os bgyis pas shi yang 'gyod pa med/ /'on kyang sdom
brtson

dam pa khyed cag sogs/ /dad ldan rnams kyi re ba'i dpag bsam
shing/ /re zhig 'bras bu bskrun phyir bdag nyid kyang/ /bslu med
lha dang bla mar gsol ba 'debs/ /ces pa 'di 'khor ba'i ngang
tshul rmi

lam gyi dga' ston ltar mthong nas/ rtse gcig tu sgrub pa snying
por byed pa'i ston sgom mnga' ris dka' bcu pa brtson 'grus rgyal
mtshan dang snying stobs rgya mtsho la gdams pa'o// //

@326b @#/ /rgyal ba kun gyi mkhyen brtse gcig bsdus pa/ /don
gnyis lhun grub rgyal ba gnyis pa yi/ /bstan pa'i rgyal mtshan
'dzin pa'i dge ba'i bshes/ /gang de'i springs yig kha btags gos
yug

gi ;rten ldan nyams med 'byor pas spro ba thob/ /slar yang bde
bar 'tsho ba'i thabs mchog dang/ /sgo gsum dam pa'i rnam thar la
brten nas/ /bstan dang 'gro la phan pa'i 'phrin las mdzod/ /'dir
yang

nyid kyi 'di phyi'i don rnams kun/ /'grub phyir dge ba'i sbyor
bar brtson par byed/ /rten du skye bdun ril bu brgya phrag dang/
/sngags mdud sngags gul rnams la rgyas btab ste/ /bkra shis lhun
po'i chos grwa che

las phul/ zhes pa sku 'bum khri pa rab 'byams pa don grub rgya
mtsho la gnang ba'o// //dge legs dal 'gro'i phung po bsrubs pa
las/ /lung rtogs bdud rtsis gang ba'i ka la sha/

skal bzang legs bris yongs kyi dga' ston du/ /lhun grub ngur
smrig 'dzin pa gang de rgyal/ /nyid kyi rnam dpyod yangs pa'i
chu gter las/ /tshig don skyes kyi lang tsho mngon mdzes pa/ /yi
ge'i dang mo snga

phyir lding bzhin du/ /bdag cag sor mo'i 'dab phreng rtse la
chags/ /nyid kyi rnam dpyod yi ge'i gzugs dag gi /zol la brten
pa mthong bas mig dang yid/ /sbrang rtsi gsar pa'i bsang gtor
gyis ngoms

@327a @#/ /pa'i; ;dga' ston lhan skyes bde bas dpag bya nyid/
/bdag kyang glog gi gar mtshungs srog gi lhag /zin med 'jig rten
bya bas mi g.yeng bar/ /mdo rgyud zab mo'i lam gyis 'tsho

ba la; ;yid smon ngang las gyi nar 'da' zhing mchis/ /deng sang
nyid kyi lang tsho'i me tog ni/ /bde ba'i mi mthun phyogs kyi ba
mo dang/ /rnam bral rig sngags 'chang sde'i gzhal yas su/ /lha
bcas

dgyes pa bskyed phyir 'khod pa legs/ /dal 'byor rnyed dka' shin
tu 'jig sla zhing/ /las nyon skye 'chi'i phrang ba skyi g.ya'
na/ /blo bur mgo la me shor ji bzhin du/ /thar pa dam pa'i lam
de bsgrub

pa'i rigs/ /sangs rgyas las kyang dkon pa'i gdams pa'i don/ /don
gnyis 'dod dgu'i 'byung gnas bsam 'phel dbang/ /rang gi lag
rtser gnas pa 'di 'dra ba/ /nyid 'khrul min na rung snyam bsam

pa'i rigs/ /deng dus skye dgu'i tshe la long med cing/ /'khor
ba'i phun tshogs rmi lam dang mtshungs na/ /mnog chung nyes pa du
ma'i 'byung gnas la/ /yid rab rton par ma byed grogs po dag /ces
nang so dge

legs lhun grub la gdams pa'o// //gser sbyangs las grub dge tshogs
dkyil 'khor rgyas/ /lhun grub lung rigs 'od stong bye bas mdzes/
/thub dbang bstan pa sbrang rtsi 'dzin

@327b pa'i gnyen/ /chos kyi nyin mor byed pa de'i drung du/
/deng sang blo bzang bstan pa'i skyed tshal du/ /lung rigs lang
tsho rgyas pa'i gzhon nu khyod/ /lung rtogs dam chos dga' ma'i
mdzes sdug la/ /mngon par chags pa'i  

'jo sgeg rol pa can/ /rnam dpyod sor mo'i lcug phran byed po
dang/ /mngon par 'grogs pa'i legs bshad rgyud mang sgras/ /mkhas
rnams rna ba'i bdud rtsi'i dga' ston la/ /mgron du gnyer zhes
sgra brgya dal

gyis bkod/ /de'i tshe mig 'bor mtho ba'i gtsug phud can/ /rab
dga' rgyas pa'i gar gyis rnam rol zhing/ /nyid kyi snang brnyan
yid kyi me long la/ /ma bris par yang bris pa ji bzhin shar/
/slar yang mdo sngags

'dab brgya'i dga' tshal du/ /bshad sgrub sbrang rtsi'i ro yis
mngon dgyes pas/ /bslab gsum rim gnyis lus stobs rdzogs byas te/
/sku gsum lang ling g.yo ba'i gar byos shig /de skad smras de
chos

kyi rgyal mtshan gyis/ /spro ba'i mgrin pa cung zad gzengs bstod
nas/ /ring nas chos kyis mdza' ba'i grogs po la/ /chos kyi rtsed
mor phul ba dge gyur cig /ces pa 'di nang so dge legs lhun grub
la'o// //

'bum phrag dge 'dun rgya mtsho'i dbus gnas shing/ /dpal ldan rin
chen tshogs gnyis khams las grub/ /rnam dag lung rtogs bang rim
mngon mdzes pa'i/ /bshes gnyen sa 'dzin dbang po zhabs brtan

@328a @#/ /shog ;gang de'i rnam dpyod yangs pa'i dpag bsam las/
/bka' stsal sdeb legs me tog gsar pa'i phreng/ /skyes kyi ze'u
'bru dkar po rgod bzhin du/ /bdag cag mig dang yid la

dga' ston gyur/ /khyad par 'dun ldan rgya mtsho'i tshogs rnams la/
/ro bcud phun tshogs lo ma'i mchod yon dang/ /rnam dag smon pa
bsgrub pa'i rten bzang pos/ /phyogs 'di'i yid mtshor dga' ba'i

rlabs phreng g.yos/ /de'i tshe nyid kyi gnas skabs mthar thug gi
/bzhed pa'i rkang 'thung dbang po 'bras ldan du/ /bgyi slad lhag
bsam pad tshal las 'ongs pa'i/ /bden tshig puNDa rI ka mngon par

gtor/ /slar yang khyod la cung zad gsol ba ni/ /phyogs de'i
rgyal ba gnyis pa'i lugs bzang po/ /dpa' bo khyod kyi thod du
bsten ces thos/ /de'i phyir slar yang yar ngo'i zla ba bzhin/
/lugs 'di

mngon par rgyas pa'i 'phrin las mdzod/ /snyigs dus skye bo'i tshe
la long med cing/ /bstan pa'i nyi ma'ang nub ri'i rtser son pas/
/sgo gsum legs par bsdams pa'i bag yod dang/ /yun ring

'tsho zhing bzhes pa'i thabs kyang 'tshal/ /da lam yi ge gzigs
pa'i rten mtshon pa/ /dri bral kha btags dkar por rgya ldan 'bul/
/dpa' bo khra yi zla ba yi/ /phyogs gnyis dga' ba dang po la/
/phul ba'i zhu

@328b yig phyogs kun tu/ /dge zhing bkra shis 'phel gyur cig
/ces pa 'di chos rje dge 'dun dpal grub la gdams pa'o// //swa
sti/ legs spyad rin chen bzhi yi khams las grub/ /phyogs

las rnam rgyal bang rim mngon par mdzes/ /skye dgu gling bzhi'i
dbus na mngon mtho ba'i/ /lha btsun lhun po'i dbang po rgyal
gyur cig /ces shis pa brjod pa'i ngag sngon du btang nas/ /skabs
kyi don gsol ba  

ni/ bslu med dkon mchog gsum gyi thugs rje'i mthus/ /lha khyod
phebs la mnyes pas ma gos par/ /rang gi chos kyi srid la bder
'khod de/ /skye dgu'i bsod nams dpal du bzhugs pa'i ngang/ /bka'

stsal sbur len spo re bzhi dag gi /rten bcas nyams pa med par
pho nya bas/ /bdag cag gam du legs par 'byor gyur pas/ /rab
dga'i sa la gnas lta'i dga' spro thob/ /slar yang yab mes chos

rgyal de dag gi /chos kyi dka' srol nyams med skyong ba dang/
/bsod nams brgya phrag gis bskrun nyid kyi sku/ /bde bar 'tsho
ba'i thabs la'ang brtson par mdzod/ /bdag kyang phyogs 'dir
rgyal ba gnyis pa

yi; ;bstan pa rin chen khur de spyir bzung nas/ /nyid kyi bzhed
don ma lus 'grub pa'i thabs/ /dge ba'i sbyor ba mchog la brtson
par mchis/ /bdag cag rnam mang bya ba'i rgyar chud cing/ /sa lam
bshul

@329a @#/ /thag ring pos bar chod pas/ /phyogs der myur du bgrod
pa dka' mod kyi/ /'on kyang lha dang bla ma'i thugs rje la/
/brten nas nyid kyi bzhed pa bskang phyir dang/ /blo bzang rgyal
ba'i 'phrin

las 'od stong ni/ /mtha' khob mun pa'i gling der gsal ba'i
phyir/ /nyin mo'i dbang phyug bdag kyang 'jug par smon/ /da lam
zhu yig rten mtshon par/ /sngags mdud zhig la rgya ldan bcas/
/dkar po'i

phyogs kyi tshes la phul/ /gnas skabs kun tu dge gyur cig /ces pa
'di mar yul rgyal po lha btsun la gdams pa'o// //legs tshogs rgya
mtsho'i dpal las legs

'khrungs shing/ /lhun grub lung rtogs bang rim mngon par mtho/
/skal bzang gling bzhi'i dbus na mngon mdzes pa'i/ /bshes gnyen
lhun po'i dbang po rgyal gyur cig /mtshan bzang me tog dkar po'i
phreng

'dzin pa'i/ /gang sku yongs 'du'i dbang po de'i drung du/ /rab
dkar yid kyi skyed tshal las 'ongs pa'i/ /snyan tshig mgrin pa'i
rgyud mang sgrogs pa can/ /zhu yig bung ba gzhon nu 'phur te
song/ /sngon chad gang gi kA ya

kunda'i gnyen/ /rnam 'tshe chu 'dzin phra mo'i dra ba yis/ /cung
zad bzung mod slar yang sgra gcan las/ /grol ba su rya'i maNDal
ji bzhin du/ /gyur ces sgra dbyangs thos pa'i dga' ston ni/
/mkha' spyod grub pa'i

@329b gtam snyan ji bzhin gyur/ /'on kyang 'dod pa khams pa'i
rang bzhin ni/ /kham zas gnyid kyis 'tsho zhes chos mngon las/
/gsungs pa ji ltar de bzhin 'dir snang na/ /bde bar mnal ba cung
zad g.yel gyur par//

bdud rtsi lta bur 'gyur ba'i thabs kyi mchog /'tsho ba'i cho ga
ji bzhin bsten 'tshal zhing/ /de yi mu nas tshe yi rig 'dzin dang/
/nad med pa la dbang ba'i rim pas kyang/ /cung zad phan snyam
rgyas par gsol

ba ni; ;pho nya'i ngag gi lam du mtshon par 'bul/ /da lam zhu yig
gzigs pa'i rten/ /sna tshogs las rab mtshon byed pa'i/ /lha rdzas
kha gru yangs par bcas/ /phyogs dkar bzang po dang por phul/

zhes pa 'di rje dbon rin po che legs tshogs lhun grub la gdams
pa'o// //blo bzang gsung rab 'o ma'i rgya mtsho che/ /legs bsrubs
gdams pa bdud rtsi'i snying po yi/ /dpal

la 'dod dgur spyod pa'i dge ba'i bshes/ /ngur smrig gar gyis
mdzes pa de'i drung du/ /rab dkar dang ba'i yid kyis 'di skad
zhu/ /bkra shis ri mos mtshan pa'i zhabs zung dag /'khod pa'i lam
der

bser bu'i rdul 'jam zhing/ /bzhed pa'i gtso bo sman gyi bcud
chags pa'i/ /nyal 'gro'i reg pa bdud rtsi ltar gyur cing/ /slar
yang sa gsum mig gi rab dga' kun/ /gcig tu bgyis 'dra bde gshegs

@330a @#/ /sku brnyan ni/ /ci yang bskrun phyir chos kyi grwa
nyid du/ /rnam dkar bsod nams zhing du byon pa legs/ /'di na'ang
dpal ldan 'khor lo sdom pa yi/ /bshad sgrub re ba'i 'bras bu

grub gyur nas/ /lho phyogs skye bo'i tshogs la lam bzang dag
/mtshon phyir sgo gsum brtson pa'i lugs su lags/ /slar yang gang
sku 'tshe ba'i dri bral zhing/ /'bral med chos dang srid kyi dpal
ldan pas//

bkra shis rgya mtshos mtha' gru kun khyab nas/ /phun tshogs dpal
la rol pa'i smon pa bgyi/ /rten mtshon lha rdzas dri bral phul ba
dge /zhes pa 'di sku mdun blo bzang pa la gdams pa'o// //blo

bzang dam pa'i chos kyi rgya mtsho che/ /dge slong gzugs kyis
rnam rol bstan pa'i dpal/ /rnam dag dge ba'i bshes gnyen de'i
drung du/ /ring nas dang ba'i sems kyis 'di skad zhu/ /deng dus
bsod nams

stobs las 'khrungs pa yi/ /gang sku'i nyin byed rgyas pa'i dkyil
'khor de/ /nag phyogs 'tshe ba'i sprin gyis mi sgrib par/ /phan
bde'i dpal du sngon bzhin bzhugs lags sam/ /bdag kyang 'dus pa'i

sde dang lhan cig tu/ /bstan pa'i sbyin bdag bstan pa 'dzin pa'i
gtso/ /yongs kyi gnas skabs mthar thug bzhed pa'i don/ /'grub
byed 'khor lo gsum la brtson par mchis/ /slar yang 'tsho zhing
bzhes

@330b pa'i thabs tshul dang/ /thugs dam zab mo'i rim pa 'phel
rgyas ngos/ /dge mtshan ri mo bkra ba'i zhabs sen ni/ /phyogs
'di'i phan bde'i slad du myur 'god zhu/ /da lam yi ge gzigs pa'i
rten/ /tha ma

'bring dang rab dbye ba'i/ /lha rdzas gsum la rgyas spras te/
/grub pa'i sa 'dzin rtse nas phul/ zhes pa 'di yang sku mdun blo
bzang pa la gnang ba'o// //bslu med dkon mchog gsum

gyi 'phrin las kyi/ /'od stong zer gyis phye ba'i 'dab brgya pa/
/lhun grub dri bsung rdzogs pa'i dga' tshal der/ /zhu yig bung
ba'i 'phur lding rol pa 'dzin/ /rab dkar zla shel spu long la/
/'khu ldan kai la

sha yi ni/ /'phreng bas mdzes par bskor na yang/ /mi shes smag
rum 'thibs pa 'dir/ /'jam pa'i dbyangs ces grags pa dkar/ /gang
gi rigs kyi thig le las/ /rnam dpyod mig yangs g.yo ba zhig /

nyin byed bzhin du 'di na snang/ /rna ba'i sgo la thos pa'i lam
byang zhing/ /mgrin pa legs par bshad pas skal bzang byas/
/drang srong mchog ltar dul ba'i mthar son pa/ /'di yis mkhas
rnams yid

dbang cis mi 'dzin/ /de'i slad sngon bsags gnam bskos brgya
phrag dag /gzugs can bzhin du gyur pa'i gang gi sku/ /sa 'dzin
dbang po lta bur rab brtan zhing/ /gzi mdangs btso ma'i gser la

@331a @#/ /'gran bzod ces/ /rna ba'i sbrang rtsis phyogs 'di skal
bzang gyur/ /bdag kyang sngon byon dam pa'i rnam thar la/ /blta
bar 'dod kyang sbyor ba'i nus pas dben/ /'on kyang 'khor lo gsum

gyi rol pa la/ /brten pa'i zol gyis gyi nar bde bar mchis/ ces
pa 'di ni chos smra ba'i btsun pa blo bzang chos kyi rgyal mtshan
gyis/ sman thang pa chos rje dkon mchog lhun grub la/ grub pa'i
gnas

mchog dben sa chos kyi pho brang nas phul ba'o// //thugs rje'i
bdag nyid bla ma yi dam lha/ /lhun grub mchog gsum rnam dkar
mdzad pa yis/ /deng nas byang chub snying po'i mthar thug

par; ;khyed la rtag tu dge legs stsol gyur cig /ces shis pa
brjod nas/ slar yang cung zad gdams pa ni/ /dal 'byor thob cing
bstan dang mjal ba dang/ /bshes gnyes dam pas zin pa don che
bas/ /

don med bya bas nam yang mi g.yeng bar/ /nyin mtshan kun tu don
dang ldan par mdzod/ /tshe 'di nam mkha'i glog ltar myur 'gro
zhing/ /pha rol ngan 'gro'i g.yang sa cher 'jigs pas/ /bslu med
dkon

mchog gsum la skyabs 'gro zhing/ /sdig spong dge ba bsgrub la
brtson pa sten/ /srid pa'i phun tshogs me 'obs ltar mthong nas/
/bslab gsum 'phags pa'i nor gyi mdzod bzung ste/ /ma rnams don

@331b du byang chub sems bskyed nas/ /rgyal sras spyod pas nyin
mtshan 'da' ba gces/ /mdor na rang gi sgo gsum bya ba kun/ /bstan
dang 'gro la phan pa'i rgyur bsgyur nas/ /'khor gsum yongs su
dag pa'i bsngo

ba yis/ /brgyan pas phun sum tshogs pa'i 'bras bu 'thob/ /nyid
kyi gnas skabs mthar thug 'dod pa yi/ /dpag bsam 'bras bus mdzes
par bya ba'i phyir/ /bslu med lha dang bla ma mchog gsum la/ /

g.yel med gsol ba 'debs pa rgyun du bgyid/ ces pa 'di yang
btsun pa blo bzang chos kyi rgyal mtshan gyis gdams pa'o// //lung
rigs chos kyi rgya mtsho/ /bslab gsum nor bus

yongs bltams/ /legs bshad rlabs phreng g.yo ba'i/ /rab 'byams
smra ba de la/ /lhag bsam padmo'i tshal las/ /snyan tshig me tog
phreng ba/ /rin chen do shal ji bzhin/ /mgul ba'i rgyan du 'bul

lo; ;deng sang dpal ldan 'bras spungs/ /chos kyi grwa bo che
der/ /mkhas pa'i bya bas 'da' zhing/ /snyan dang bral bar gnas
ces/ /snyan pa'i sgra dbyangs sgrogs mkhas/ /yi ge rten dang
bcas pa'i/ /bung ba

gzhon nu zung dag /rim bzhin sor mo'i rtser chags/ /de'i tshe
khyod sku'i snang brnyan/ /yid kyi me long ngos la/ /ma bris
bzhin du yang yang/ /chu zla bzhin du snang zhing/ /bsam gtan
dang por zhugs pa'i/ /

@332a @#/ /dge slong ji bzhin yid dbang/ /dga' bdes yongs su
khyab cing/ /dngos su mjal ba ltar gyur/ /slar yang khyod la
cung zad gsol ba ni/ /gang du gnas sam bya ba ci byed kyang/
/bslu med

lha dang bla mar blo gtad nas/ /sgo gsum dam pa'i spyod dang
mthun par mdzod/ /dal 'byor thob dang rgyal ba'i bstan pa dang/
/dge ba'i bshes dang phrad pa rnyed dka' bar/ /rgyal bas legs
par gsungs pa'i don

dgongs nas/ /gtan gyi phan bde bsgrub la brtson par mdzod/ /tshe
'di bar snang glog ltar myur 'gro zhing/ /lang tsho nam mkha'i
'ja' bzhin mi rtag na/ /sems shes ldan pa su zhig 'jig rten
'di'i/ /phun tshogs

ched du don chen yal bar 'dor/ /de'i phyir blo dang ldan pa
khyod nyid la/ /'dir mang smos pas ci 'tshal mdor bsdu na/ /chags
sdang rmongs pa'i 'ching ba kun bcad nas/ /rang gi sems ni yongs
su dul bar mdzod

dam chos bsgrub pa'i mthun rkyen rten 'di yang/ /ring du 'tsho
ba'i thabs la'ang 'bad par zhu/ /de mthun 'dir yang 'bral med
yid gcags pa'i/ /rnam dag dge ba'i sbyor ba bskrun par bgyi/
/'di

bzhin deng nas tshe rabs thams cad du/ /spyod dang smon lam
mtshungs par legs spyad de/ /sa gsum 'gro ba'i nyin mor son pa
na/ /khyod kyi rnam dpyod padmo rgyas gyur cig /ces klu 'bum rab

@332b 'byams pa chos rgya mtsho la gdams pa'o// //sdom brtson
ldan pa bzod pa rgyal po yi/ /lhag bsam sprin dkar rol pa las
byung ba'i/ /'phrin yig dbyar skyes rnga gsangs sgrogs pa 

can; ;skyes zung char zim dal gyis 'bab pa yis/ /bdag yid gzhon
nu mdongs ldan mngon dgar bsgrubs/ /dal 'byor thob dang rab tu
byung ba yi/ /dgos pa sgo gsum dge la brtson pa nyid/ /gzhan

du mi yi sha tshugs can gyi phyugs/ /'dzam gling skye bo'i tshe
'di ma nges pas/ /de ring mi 'chi sang nyin 'di bya zhes/ /rtag
'dzin ma che 'chi ba'i dgra bo de/ /nam 'ong mi shes nyin mtshan
dge la sbyor/ /bdag

cag ston pa shAkya'i gtso bo des/ /sdom brtson shi'am gson
kyang bla bar gsungs/ /de'i phyir gson nam shi ba nyid gyur
kyang/ /re dogs bral bar dkon mchog blo thugs gtod/ /de yi mthun
'gyur lha

dang bla ma la/ /gsol ba btab pa'i byed rkyen bdag gis bsgrub/
/da lam ja thum byin rlabs ril bu la/ /rgya yi lang tshos btab
ste springs pa dge /zhes dka' bcu pa bzod pa rgyal po la gdams

pa'o;; ;;dka' bcu pa blo bzang yar 'phel gyi yi ge rten ldan zhi
ba 'khod 'byor/ rang cag thog ma med pa nas dug gsum goms pa
shugs ches pas 'phral du nyams myong

@333a @#/ /skye ba ni shin tu dka'/ ji skad du/ der yang rgyun tu
sems ni rnam rmongs la/ /yun ring dus su nad gzhi sten byed pa/
/mdze can rkang pa lag pa chad pa la/ /thad 'ga' sman bstan

pa yis ci bgyir mchis/ ces gsungs pa ltar yin pas/ snyugs
bsrings nas shugs drag pa'i brtson pa chu bo'i rgyun ltar 'tshal/
lha dang bla ma la gsol ba 'debs shing rus shing dang bcas bsams

na la brgyar yang mi skye snyam pa zhig kyang 'dus byas son mi
sdod pas/ ci zhig ltar la skye ba yin gsung pa ltar lags pas
thang lhod med par rgyun skyongs/ nyan na tshig mi zin/ bsam na
don mi go /

bsgoms na rgyud la mi skye ba'i dus 'dir zhing gi mthu la brten
pa man ngag tu bshad pas/ bsag sbyang sngon du 'gro ba'i lam gyi
rim pa cha tshang la bshar bsgom ma chag pa re byas te/ re zhig
gtso bor

'chi ba mi rtag pa bsgom pa la chig dril du mdzod/ dge sbyor
skyabs 'og la yang brtson par byed/ ces rten dang bcas gdams so/
/sngon bsags bsod nams kyis bskrun pas/ /yon tan ri mo

rnam bkra ba'i/ /dge legs rgyal mtshan 'dzin pa yi/ /sdom brtson
dam pa bde gyur cig /deng sang phyogs der sgyu ma yi/ /gzugs
sku'i 'tsho ba mngon dge zhing/ /lha bcas 'gro ba'i skyabs gcig

@333b pu; ;shAkya mu ne'i zhabs 'bring la/ /kun dga' bo ni ji
bzhin du/ /sgo gsum yang dag gus gnas par/ /snyan grags nam
mkha'i rnga chen gyis/ /phyogs kyi mdzes ma'i rna lung la/ /gser
gyi rna rgyan ci

yang byin/ /bdag kyang 'di nang bya ba la/ /bstan 'gro'i don du
skyabs bcas gnas/ /da lam springs pa'i don po ni/ /mi lus rin
chen rnyed dka' zhing/ /myur du 'jig par 'gyur ba dang/ /ngan
song sdug

bsngal bzod dka' bas/ /g.yul du ral gri lhung gyur pa/ /gsod
pas 'jigs nas len pa ltar/ /sgo gsum legs par bsdams byas nas/
/bag dang ldan pa'i blang dor 'tshal/ /rang don 'khri bas ma

gos par/ /mchod yul dam pa'i zhabs tog la/ /lus ngag yid gsum
brtson byas na/ /'di dang phyi ma kun tu bde/ /rang nyid phyir
du dkon mchog gi /rdzas la bag med longs spyad nas/ /tshul bzhin

bshags bsdams mi byed pa/ /ngan 'gro'i me chen bud shing nyid/
/de'i phyir tshul de'i don dgongs la/ /bag dang ldan pa'i rnam
dpyod kyis/ /legs par spyad pa'i blang dor dang/ /zab mo'i rnal
'byor

rim pa la/ /g.yel ba med pa'i nyams len mdzod/ /mthun 'gyur lha
dang bla ma la/ /gsol ba 'debs pa 'dir yang bgyi/ /zla ba dang
po'i phyogs gnyis pa'i/ /dga' ba gnyis pa'i tshes la phul/ /

@334a @#/ /zhes pa 'di sku gnyer nang so bsod nams rgyal mtshan la
gdams pa'o// //dad ldan se chen chos rje bder 'tsho zhing/ /mtsho
sngon rnam dkar mdzad pa

gong 'phel ngos/ /kha btags gos yug dngul ltir bcas 'byor pas/
/spro ba thob cing dge tshogs byang chub bsngos/ /slar yang mchog
tu dge ba'i bya ba la/ /brtson par mdzod cig 'dir yang 'phral
rgyun

tu; ;nyid kyi gnas skabs mthar thug don rnams kun/ /'grub byed
lha dang bla mar gsol bar bgyi/ /dar gan nang sor springs dang
ta'i jing la/ /bskur ba'i yi ge rten yang 'byor pas tshim/ /rten
du sngags

mdud skye bdun ril bu brgya/ /sngags gul thum bcas bkra shis
lhun po nas/ /zla ba dang po'i dkar tshes dge bar phul// //blo
bzang bstan la dad pa'i dga' tshal du/ /dam

chos sbrang rtsi'i rgyal mtshan 'dzin pa yi/ /rnam dpyod 'dab
brgya'i ge sar rgod pa de/ /dge mtshan kun gyis rtag tu shis gyur
cig /gang blo rab yangs 'o ma'i rgya mtsho las/ /gsung 'phrin
padma rA ga'i

'phreng mdzes ni/ /rtsi bcud bde skyong 'bras bzang gis gang ba/
/bdag cag sdum par 'byor pas ci yang tshim/ /'di na'ang chu lbur
lta bu'i lus srog zung/ /lnga pas ma bcom dge la 'dun par

@334b mchis/ /mched bcas tsher ma'i reg bral dge zhing 'tsho/
/zhes 'di bdag cag sems kyi bdud rtsir gyur/ /res par 'byung
bzhed mtho ris them skas la/ /brten nas sku gsum pho brang nyams
dga' bar/ /bgrod

pa'i them skas gnyis pas dben pa lags/ /'on kyang re zhig kun
nas bkra shis pa'i/ /rtse las mi g.yo gtsang byed sngon bzhin
'tshal/ /zab bzhes tshul de'ang mkhas pas bsngags 'os pas/ /rtag
tu

skal ldan shing rta'i rgyun ltar srings/ /nyid kyi ji ltar bzhed
pa'i don rnams kun/ /'grub phyir 'dir yang dge la brtson par
bgyid/ /rten du sngags mdud rten 'dus brgya phrag gcig /rgya yis
btab ste bzang po'i tshes

la phul/ /gang gi rnam dpyod yangs pa'i pad mtsho las/ /tshig don
lang tsho rgyas pa'i ngang mo dkar/ /skyes kyi mgrin pa'i rdza
rnga sgrogs bzhin du/ /bdag cag gam du bde bar son pas tshim/
/phebs don snyigs

ma'i byin za cher 'bar bas/ /bde bar gnas pa'i tshang tshing rab
gtses kyang/ /dad ldan bzhed pa'i dpag bsam 'bras bzang pos/
/mdzes phyir bden tshig smon pa ci yang bgyid/ /srid pa'i phun
tshogs dug

gi lo ma dang/ /kim 'bras spu gri'i sor chags sbrang rtsi ltar/
/dgongs nas rgyal bas bsngags pa'i lam bzang las/ /g.yel med
rtag tu brtson pa sten par mdzod/ ces pa 'di gnyis bkra shis
rtse nas

@335a @#/ /chos mdzad ma dge tshul blo bzang chos 'dzin la gdams
pa'o// //oM; 'dod dgu'i char 'bebs dbang gi mdung dmar can/
/sna tshogs gang 'dul sprul

pa'i zlos gar gyis/ /bstan dang bstan 'dzin skyong ba'i mthu
rtsal can/ /lha chen zla ba'i thod mdzes rgyal gyur cig /gang gi
rnam dpyod yid bzhin rgya mtsho las/ /gsung phrin skyes bcas
ngang mo snyan pa'i dbyangs/ /

sgrog cing bdag cag dga' tshal mdun babs pas/ /yid mtsho rab dga'i
rlabs phreng srid rtser 'gran/ /bdag kyang snyigs ma'i ngang
tshul me 'bar bas/ /gson pas skyo zhing 'chi bas 'jigs gnas
kyang/ /

srog gi lhag ma thub pa'i rnam thar la/ /brten pas 'gro la cung
zad phan snyam rlom/ /khyod ni rtsa brgyud bla ma'i bka' bsgrub
cing/ /dregs pa sde brgyad kun gyi gtso bo ste/ /de'i phyir phan
bde'i 'byung gnas bstan

pa dang/ /bstan 'dzin mchog rnams kun gyi stong grogs mdzod/
/khyad par blo bzang rgyal ba gnyis pa yi/ /bstan dang bstan
'dzin ji snyed mchis pa rnams/ /mthu ldan dgra lha chen por
gnyer gtad pas/ /

rtag tu bsrung skyob g.yel ba med par mdzod/ /da lam g.yas
g.yon snyan shal mdzes byed pa'i/ /bkra shis lha rdzas dar dang
bcas te phul/ zhes pa gtso mo tshal chos skyong la gnang ba'o//
//

@335b mtsho skyes rdo rje dpal ldan mar me mdzad/ /blo bzang
rgyal ba gnyis pa'i 'phrin las pa/ /sna tshogs rnam 'gyur sprul
pa'i zlos gar mkhan/ /chos skyong chen po de la bstod par bgyi/
/nyid kyi springs yig

lha rdzas dge bskul bcas/ /legs par 'phrod pa'i bdud rtsis tshim
par gyur/ /slar yang phyi nang gsang ba'i lung bstan 'tshal/ /da
lam bstan pa rgyas pa'i rten 'brel du/ /g.yas g.yon snyan

shal mdzes pa'i rgyan 'di 'bul/ zhes pa'ang gtso mo tshal chos
skyong la gnang ba'o// //rnam mang thos pa'i sras po mdung dmar
can/ /nag phyogs gdul dka' 'dul la thogs

med cing/ /bstan dang bstan 'dzin skyong ba'i mthu stobs can/
/rnal 'byor dgra lha chen po rgyal gyur cig /gang de'i phyag
ngam rten ldan bka' ngag bcas/ /'byor pas spro dang dga' ba ci
yang rgyas/ /bdag

kyang snyigs ma'i ngang tshul bzod dka' bas/ /rnam dag zhing du
bgrod pa lhag par spro/ /'on kyang chos skyong chen po khyod
nyid kyi/ /bzhed don 'grub par shog ces smon pa bgyid/ /da lam
bstan pa dar rgyas

gnas pa'i phyir/ /snyan shal mdzes par byed pa'i rgyan zung
?phul/ /ces pa'ang gdams so// //dad stobs yid bzhin nor bus
yongs gang zhing/ /rnam dpyod rlabs kyi phren

@336a @#/ /ba chal chil g.yo/ /dge legs mtsho chen mi yi gzugs
'dzin pa/ /er sde ni zhes grags pa'i hong tha'i ji'i/ /sdeb
legs srad bu la brgyus yi ge yi/ /me tog do shal

skyes kyi dri bsung can/ /'ongs pas yid mkhar dga' ba'i sprin
phung 'khrigs/ /slar yang gtan gyi 'dun ma bsgrub pa'i phyir/
/sngon bzhin rnam dkar lam la 'grus par 'tshal/ /nyid kyi 'dod

don 'grub phyir bla ma ltar/ /rtse gcig gsol ba 'debs la brtson
par bgyi/ /rten du sngags mdud rten 'dus ril bur bcas/ /bkra
shis lhun po'i rtse nas dge bar bris/ ces pa khal

kha'i rgyal po er sde ni hong tha'i jil gdams pa'o// //lha bcas
'gro ba yongs kyi gtsug gi rgyan/ /rab 'byams rgyal ba'i 'khor
lo kun gyi gtso/ /dran pas tshe dang

ye shes mchog stsol ba/ /tshe dpag med mgon de yis mchog stsol
zhig /ces shis pa brjod pa'i ngag sngon du btang nas/ skabs kyi
don zhu ba ni 'di ltar/ dad dang gtong ba'i yal ga khyon yangs

shing; ;ya rabs spyod tshul mdzes pa'i me tog rgyas/ /sngon bsags
bsod nams 'dab brgya dgod pa can/ /mi dbang de yi lhag bsam
skyed tshal las/ /bka' stsal utpala phreng ba spel legs

@336b gang; ;gcig lhag ro yi grangs ldan skyes bzang ni/ /lang
tsho mngon par rgyas pa'i 'od ris can/ /skyon med bdag cag sor
mo'i rtse la reg /de'i tshe yid kyi me long ngos dag la/ /khyod
sku'i snang brnyan gsal

bar yongs shar te/ /yid mtshor dga' ba'i rlabs phreng g.yos pa
na/ /lhan cig skyes dga'i rol mtsho bzhin du gyur/ /bdag kyang
sgyu ma'i phung po snyoms ldan ngos/ /rnam g.yengs na bun tshe
'di'i

bya ba la/ /bstan dang 'gro ba'i don du ming btags nas/ /ngal
gso med par kun tu 'khyam zhing mchis/ /slar yang bsod nams kyis
bskrun nyid kyi sku/ /yun ring 'tsho zhing bzhes pa'i thabs tshul

dang; ;'di dang phyi ma kun du dge 'gyur ba'i/ /rnam dkar mdzad
pa kun kyang spel bar zhu/ /de yi mthun 'gyur lha dang bla ma
la/ /g.yel med gsol ba 'debs pa rgyun du bgyi/ /da lam zhu yig
padmo'i ngos

dag la/ /spyan zur bung ba gzhon nu reg pa'i rten/ /bkra shis
rtags kyis mdzes pa'i lha rdzas la/ /rgya yi lang tsho gzhon nus
mngon 'khyud de/ /dkar po'i phyogs kyi rgyal ba gnyis pa yi/
/bzang po'i

tshes la phul ba dge legs 'phel/ /zhes pa ni sde pa byang pa la
gdams pa'o// //gser sbyangs las byas rin chen rtsibs stong can/
/gang gi mthu yis gling bzhir dbang bsgyur

@337a @#/ /ba'i; ;sngon gyi sa skyong dam pa'i rjes 'gro ba/ /sa
yi brgya byin gnyis pa de'i drung du/ /rab dkar sems kyi gangs
ri las 'ongs pa'i/ /zhu phrin lhung lhung sgrogs pa'i dag byed

rgyun; ;lha khyod dgyes pa bskyed pa'i bsang gtor du/ /rnam
dpyod ku sha'i phyon pos ci yang 'thor/ /deng dus sngon bsags
gnam bskos brgya phrag gi /rin chen rdul mang brtsegs pa gang gi
sku/

mnga' ris 'chi med phan bde'i dpal nyid du/ /g.yo med rdo rje
lta bur rab brtan zhing/ /sgrib gnyis 'ching ba kun bral ye shes
la/ /'khu ldan mkhyen pa'i snang byed zung dag gi /ngo mtshar
sgyu 'phrul

bye ba'i rol rtsed kyis/ /shes bya'i khyon kun cig car 'gengs se
zhes/ /dbyar skyes rgyud mang phyogs kyi mthar sgrogs pas/ /bkra
shis bang rim rnam bkra lhun po'i rtser/ /thub dbang rjes su
slob

pa'i mdongs can zhig /mngon dga' rgyas pa'i zlos gar ci yang
byed/ /rab dkar gangs ri'i phreng bas yongs bskor yang/ /mi shes
smag rum 'thibs pa'i byang phyogs 'dir/ /deng dus sa

bdag phal cher blo gros kyi/ /mig bral gzu lums spyod pas srid
skyong yang/ /blang dor gnas kun gsal ba'i mig stong ldan/ /thub
pas bsngags pa'i rin chen rgyan mdzes shing/ /nag phyogs

@337b lha min 'joms pa'i rdo rje can/ /gang de sngon med lha yi
dbang po nyid/ /ces pa 'di sde pa snar thang pa la gdams pa'o//
//mthon po'i rigs kyi skyed tshal las 'khrungs shing/ /yon

tan bdun gyi yal ga'i khyon yangs la/ /rnam dpyod me tog phon
po'i mgul rgyan can/ /mi dbang dpag bsam ljon pa de'i drung du/
/deng sang gang sku'i rin chen sa 'dzin ni/ /mnga' ris gling
bzhi'i dbus na rab

brtan zhing/ /rnam dkar mdzad pa'i 'od zer 'bum phrag gis/
/phyogs kyi 'khor lo 'gengs dang bka' yig gi /pad dkar phreng ba
de nang gsal ba yi/ /sku rim chos kyi sbrang rtsi'i bcud chags
pa/ /mu

drA'i mdzes mas 'khyud bzhin phyogs 'dir 'ongs/ /de'i tshe nyid
kyi mdzad pa'i pir bzang pos/ /yid la spro dga'i ri mo ci yang
bkod/ /rnam mang tshogs mchog rgya mtsho dang bcas te/ /bzhed pa'i
don kun

'grub pa'i bden tshig gis/ /'og min gtsang ma'i gnas kyang ca cor
gyur/ /slar yang 'di phyi'i legs tshogs dal 'gro'i 'jang/ /dbyar
dus zla bas 'phel bzhin rgyas par mdzod/ /zhu yig glegs

bu'i ngos dag la/ /spyan ras g.yo phyir lha rdzas ni/ /tshom bus
btab ste gro bzhin gyi/ /phyogs gnyis rgyal ba gsum la phul/
zhes pa 'di yang sde pa thon nas la gdams pa'o// //

@338a @#/ /don gnyis 'dod dgu'i 'byung gnas gser gyi gzhir/ /lhun
grub rab brtan dad pa'i sa 'dzin rtser/ /legs spyad dpal mo'i
reg pas mngon dgyes pas/ /sa yi brgya byin

gnyis pa dge gyur cig /gang gi rnam dpyod 'o ma'i chu gter las/
/sdebs legs snyan tshig bka' stsal dang mo'i tshogs/ /mi dbang dge
ba'i snyan pa sgrogs bzhin du/ /bdag cag sor mo'i

'dab phreng dngar bar byas/ /bka' stsal ji bzhin 'dus pa'i tshogs
dag kyang/ /lha yi bdud rtsis dper 'os ma yin pa'i/ /rkang
'thung bcud kyis tshim byas khyad par du/ /bkra shis ri mo bkra
ba'i

lha rdzas sogs/ /'phags pa'i nor mchog bdun gyi grangs ldan
pa'i/ /skyes bzang nyams med mu drAs mdzes bzhin du/ /'byor tshe
yid kyi zla shel me long ngos/ /ma bris par yang khyod sku mngon
sum snang/ /

de'i tshe 'dod ldan lus phra mthong ba bzhin/ /mngon dga' rgyas
pa'i 'jo sgeg rol pa 'dzin/ /gnas skabs mthar thug bzhed pa'i
dpag bsam dbang/ /'bras bus mdzes slad smon pa ci yang bskrun/ /

slar yang cung zad gsol ba ni 'di ltar/ /rigs gzugs 'khor dang
longs spyod phun tshogs shing/ /yangs pa'i nor 'dzin 'dod dgur
dbang bsgyur ba/ /mi dbang go 'phang sku tshe gzhan dag nas/ /

@338b bsnams te ma byon dge ba'i mthu las yin/ /de bzhin 'dir
yang lha dang bla ma dag /gus pas bsnyen bkur phongs pa'i skye
bo kun/ /byams brtses skyong zhing khyad par khyim pa la/ /bde
bar gshegs

pas legs par bsngags gyur pa'i/ /gso sbyong yan lag brgyad pa
ston par mdzod/ /de las mtho ris them skas rim 'dzegs te/ /sku
gsum ri mo bkra ba'i gzhal yas su/ /'jug par 'gyur bar

nyi ma'i gnyen gyis gsungs/ /'dir yang lha dang bla ma'i
baiDUrya/ /mos pa'i rgyal mtshan rtse mor mchod pa las/ /nyid
kyi gnas skabs mthar thug bzhed pa'i don/ /'grub slad 'dod dgu'i
gru char 'bebs

par bgyi/ /dpa' bo khra yi zla ba yi/ /phyogs gnyis rgyal ba
gsum tshes la/ /phul ba'i zhu yig rten mtshon du/ /mangga la yi
lha rdzas 'bul/ /zhes pa 'di lcang ra nas sde pa don grub rab
brtan pa la

gdams pa'o// //rnam dkar rin chen rdul brtsegs las grub pa'i/
/gang sku lhun po'i dbang po rab brtan zhing/ /lugs gnyis mdzad
pa'i nyi zla zung dag gis/ /phan bde'i 'od

stong phyogs brgyar 'gyed pa'i ngang/ /bka' yig utpala gsar
pa'i phreng mdzes pa/ /gser ri'i grangs ldan skyes kyi bcud
chags shing/ /rtags kyi bung bas rnam par rtsen bzhin du/ /bdag
cag sor mo'i

@339a @#/ /rtse mor lding zhing chags/ /de'i tshe yid mtshor dga'
ba'i rlabs phreng ni/ /dbyar gyi chu mtsho ji bzhin cher 'phel
zhing/ /nyid kyi mdzad par re ba'i 'bras bus phyug /slar yang
blo

bzang rgyal ba gnyis pa yi/ /bstan pa bstan 'dzin tshul bzhin
mchod pa ni/ /khyod kyi mdzad pa lags mod bskul ci 'tshal/ /mnga'
ris kun la'ang byams brtses khyab par mdzod/ /gnas skabs

mthar thug bzhed pa'i dpag bsam dbang/ /'bras bus mdzes slad
'dus pa'i sde dang bcas/ /bden tshig smon pa ci yang bgyid par
mchis/ /da lam zhu yig spyan ras 'jug pa'i phyir/ /lha rdzas

rtags kyi lang tshos mngon mdzes pa/ /bkra shis bang rim rnam
bkra lhun po nas/ /bsod nams rin chen brtsegs pa'i rtse mor
phul/ zhes pa 'di sde pa rin chen rtse pa la gdams pa'o// //

oM swasti/ gnas kyis bskal yang bka' drin gsum ldan gyi/ /bla
ma skyabs gsum 'dus pa'i bdag nyid du/ /mos nas rtse gcig gsol
ba btab pa na/ /byin rlabs 'jug la nye ring ma mchis  

so; ;kun la byams dang snying rje byang chub sems/ /ji bzhin
bsgom pa'i dmigs rnam ma phyed kyang/ /'bangs 'khor mthong thos
'gro ba de dang de/ /nyid kyi sras bzhin rtag tu sgom par mdzod/
/khro dang

@339b 'khrug dang tshig rtsub 'byung nye na/ /le lan thams cad
bdag 'dzin 'gong po la/ /'das nas tshig rtsub mde rtse mi ston
par/ /pha rol nyes pa rmi lam lta bur gzigs/ /gtong la 'jug
skabs ser sna'i

dgra byung na/ /sa bon nyungs du ston dus 'bru mang po/ /sdud la
blun po rnams kyang gus byed na/ /gtan gyi brgyags phye bsgrub
la su mi brtson/ /snyigs ma'i dus 'dir tshe yi tshad thung zhing/
/rgan gzhon nges med

'di ltar 'chi mthong na/ /le lo'i skabs ci 'jig rten ya rabs
kyi/ /tshul la brten nas sgo gsum dge la 'bungs/ /'dir yang sku
rim rgyun mi 'chad par bgyi/ /rten du bkra shis rtags mtshan lha

rdzas la/ /rgyas btab dkar phyogs dga' ba gsum pa yi/ /bzang
po'i tshes la phul ba dge legs 'phel/ ces pa bkra shis rtse nas
dpon sa bsam grub bu khrid la gdams pa'o// //

na maH shrI gu ru kA la tsakrA ya/ gsal sgron gyi lo gsum gyi
dbye bas rnal 'byor ma'i rgyud kyi nges pa shes pa zhes pa'i
skabs su rtogs dka'i don bshad pa la/ dpal ldan rgyu skar gyi
dkyil 'khor gyi nang

tshan ma rgyud kyi lha grangs dang/ dbu ma'i zhag gi lo gsum gyi
zhag grangs stong brgyad du mtshungs par bshad pa'i ma rgyud kyi
dkyil 'khor la dus 'khor yongs rdzogs dang/ 'khor lo sdom chen
gnyis yod

@340a @#/ /pa'i lha grangs yin la/ sbyor tshul zhib tu bshad na/
sku dkyil gyi lha sum brgya drug cu'i nang nas/ gtso bo bcu
gnyis padma'i gdan can gyi lhar 'dren pas bzhag /de'i tshab tu
sgeg sogs lha

mo bcu gnyis bsnan pa'i sum brgya drug cu po thabs shes gnyis
gnyis su phye bas bdun brgya dang nyi shu/ de'i steng du gsung
dkyil gyi rnal 'byor ma don gnyis kyi gtso mo brgyad padma'i
gdan can sngar ltar bzhag /

re bzhi po thabs shes gnyis gnyis su phye bas brgyad brgya dang
zhe brgyad/ de'i steng du rgyas 'debs kyi rigs bdag drug po
thabs shes gnyis su bsdus pa bsnan pas brgyad brgya dang lnga
bcu/ de'i steng du padma'i

gdan can gyi lha brgya dang nga drug po bsnan pas stong dang
drug /de'i steng du sdom tshan gyi lha gtso bo yab yum so sor
bgrangs pa'i don gnyis dang/ de'i rigs bdag thabs shes gnyis su
phye ba gnyis su bsdus

nas bsnan pas brgyad cu rnams sbyor ba lags/ 'dis mtshon dpal
ldan rgyu skar gyi pha rgyud dkyil 'khor dgu'i lha grangs dang
phyogs gsum gyi zhag grangs sbyor ba gsungs pa'i sbyor tshul yang
shes dgos so/ /

tshul 'di bstan pa'i rtsa lag dge ba'i bshes/ /ngag dbang chos
kyi grags pa'i bkas bskul nas/ /phyogs med myul ba'i bya bral
rgyal khams pa/ /blo bzang chos kyi rgyal mtshan zhes bya yis/
/shAkya'i

@340b rgyal po'i mdun sar 'phral du bkod/ /dge bas 'gro kun dpal
ldan rgyu skar gyi/ /rgyud sde rgya mtsho'i pha rol son gyur nas/
/sku gsum 'dod dgu 'byung ba'i pho brang du/ /'thong ba'i chos
la gegs med 'jug

par shog /ces pa 'di yang dge slong blo bzang chos kyi rgyal
mtshan gyis lha ldan du smras pa'o// //na mo gu ru manydzu g+ho
ShA ya/ smra ba zla med shAkya'i gtso/ /thams cad mkhyen pa'i
zhabs btud

de; ;rnam dpyod ldan pas bris pa yi/ /lan rnams ji ltar bzod
bzhin brjod/ /'dus pa'i bsti gnas rnam pa gnyis/ /bzang mnyam
gnas gzhi bag tsam bzang/ /bslab pa phul nas slar blangs

pa; ;de nas bzung ste bslab gral sogs/ /rang bzhin gnas pa bzhin
bya yi/ /bslab byin lta bu'i chad las gzhan/ /bya ba lung las
gsungs pa med/ /dge slong sdom pa thob pa'i mtshams/ /bya brjod
rdzogs

mtshams byed pa'i mgor/ /gsungs pa gzhan du 'gyur ba med/ /dus
der sdom pa thob zin kyang/ /bzod dang mi bzod ces bya ba/
/brjod pa gsum pa'i 'jug gcod pa/ /rigs pa min phyir dkyus bzhin

brjod/ /dri bar pham pa dang po'i mtshams/ /bcug bde rdzogs dang
ma rdzogs la/ /byas ces dris mod de lta min/ /bcug reg bde ba
myong tsam gyis/ /mnyams par 'gyur te mdo rtsa bar/ /bcug reg
nyams su myong na'o/

@341a @#/ /zhes gsungs de bzhin so dang ni/ /lngags rim nang du
bcug tsam gyis/ /pham pa'i 'khrul gzhi yod na yang/ /ma yin de
dag nang bcug nas/ /myur du bcug reg myong la dgongs/ /gzhan

du gnyis kyis gnyis sprad nas/ /reg pa'i bde ba myong ba yis/
/pham par 'gyur ba mi srid de/ /lpags nor tshud tsam pham phyir
dang/ /lung du dge slong 'ga' zhig la/ /dga' ba bdag gir byas
sam

zhes; ;lan grangs du ma gsungs phyir ro/ /gnyis pa'i tshad ni
gzhung rnams su/ /ma sha ka sogs dbye ba yis/ /gsungs kyang yul
dus rin thang gis/ /'gyur bas gcig tu nges ma mchis/ /paN

chen dge 'dun grub pa yis/ /tshong 'dus mgur mo'i bre tshad kyi/
/khal gcig yan gsungs de bzhin 'dod/ /sdom rgyun mkhan po rin po
che/ /dam chos yar 'phel zhal snga nas/ /dang por paN chen rgyud

bsnyen te/ /phyis nas mchog tu dad pa dang/ /gong 'phel tshul du
thams cad mkhyen/ /bsod nams rgya mtshor bsnyen rdzogs pas/ /ji
ltar 'dod pa sbyar bas chog /bde ba mchog gi phyi nang gi /dkyil
'khor

bre nang bre dang ni/ /bre gzhibs 'bo nang bum pa'i tshul/ /mi
'dod de bzhin lus dkyil gyi/ /rtsibs la mu khyud byed pa'ang
min/ /zhib par rgyal ba gnyis pa yi/ /'dod pa 'jo dang mkhas
grub rje'i//

@341b 'dus pa'i bskyed rim rnam bshad la/ /gzigs pas the tshom
chod par 'gyur/ /spyi bo la sogs 'khor lo'i rtsibs/ /nyer bzhi'i
gnas dang der gnas pa'i/ /rtsa khams dpa' bo rnal 'byor ma/
/mdor

na phra rags lus 'di nyid/ /tha mal snang zhen legs sbyangs te/
/bde stong dbyer med ye shes kyi/ /gzung rnam rten dang brten pa
yi/ /rnam par shar ba'i gsal snang dang/ /nga rgyal bsgom pa
mchog tu bsngags/

ye shes mgon po phyag drug pa'i/ /bsgrub tshul mkhas grub chen po
yi/ /bsnyen bsgrub las gsum las lhag pa/ /yod min de yi lugs
bzhin mdzod/ /be'u bum mang po'i lhad bsal nas/ /skyon med

bka' rnams bsdus pa la/ /bcu gsum byung gi rgyu mtshan gzhan/ /ma
mchis rten rdzangs bcu gsum du/ /mdzad pa phyogs bcu dus gsum
gyi/ /bsdus pa mtshon phyir bcu gsum mdzad/ /rnam sras chos

kyi rgyal po yi/ /rjes gnang lugs gnyis ci rigs pa/ /mdzad pas
skyon du 'gyur ba med/ /rnam mang bya bas g.yeng ba'i phyir/
/gzhan rnams 'god pa'i skabs ma mchis/ /'di ltar bkod pa'i rnam
dkar

tshogs/ /sdug bsngal gsum gyis mnar ba yi/ /mkha' mnyam 'gro ba
ma lus pa/ /thams cad gzigs pa thob phyir bsngo// //swasti/
'jigs pa thams cad 'jigs byed pa'i//

@342a @#/ /dpa' bo chen por phyag byas te/ /de yi sgrub thabs las
brtsams pa'i/ /dri lan gsal bar brjod par bya/ /'jigs byed bcu
gsum ma'i bdag 'jug len pa'i tshe/ bdag mdun

'jug pa gcig dang/ tha dad ji ltar yin zhes pa/ rje thams cad
mkhyen pa blo bzang grags pa'i dpal gyis/ bcu gsum ma gsum gyi
dkyil chog tu/ bod kyi bla ma rnams 'jug pa tha dad du 'dod
kyang/ grub

chen gyis 'jug pa gcig tu bzhed ces/ 'jug pa tha mi dad kyi lugs
sor bzhag tu mdzad 'dug pa ltar bya rigs te/ rje thams cad
mkhyen pa'i bka' bsregs bcad brdar ba'i gser bzhin gzhan

du 'gyur ba med pa'i phyir ro/ /'jug pa gcig pa'i tshe/ bum
bskyed gang du byed ces pa/ rdo rje sems dpa'i bsgom bzlas grub
mtshams/ tshogs zhing gi sngon der byed pa yin/ cho ga khrigs
chags su bya ba'i

chings cig dgos ces pa/ ras bris dang rdul tshon gyi dkyil 'khor
ci rigs bsgrub pa'i tshe/ sbyor ba tshogs gsog tshad med bzhi bsgom
pa sngon du btang nas/ rang nyid bris pa'i dkyil 'khor gyi dbus

su 'dug par mos te/ khaDg-id+hra ka gis bsangs/ 'chi ba chos sku
lam byed shUn+ya tA nas bzung/ grwa bzhi dang sgo bzhir sna
tshogs padma dang zla ba'i gdan zung re re zhes pa'i bar dkyus
bzhin gdan dbus

@342b ma'i steng du a yig dang po las byung ba'i zla ba'i dkyil
'khor de'i dbus su chu las chu sbur gyi tshul du d+hIH ser po
zhes sogs nas/ dkyil 'khor rgyal mchog gi gtso bo spro bsdu'i
bar dang/ gcig tu

'dus/ shar gyi mtshan ma dang ngo bo dbyer med du gyur/ ces sogs
khyad par sbyor/ bris pa'i dkyil 'khor bsgrub skabs ma gtogs
gzhan sgrub thabs la sbyar mi dgos/ dbang gi skabs/ rang nyid
gtso bo

las bye nas len pa yin/ mdor na rje thams cad mkhyen pa rang
nyid kyis bcu gsum ma gsum gyi dbang chog tu 'di ltar gsungs yod
pas de la zhib tu gzigs mdzod/ 'di ltar bskrun pa'i dge tshogs
kun//

mkha' mnyam mar gyur 'gro ba rnams/ /phyi nang gsang ba'i gshin
rje las/ /rnam rgyal sku gsum thob phyir bsngo/ zhes pa 'di yang
mdo rgyud man ngag 'dzin pa chos kyi rgyal mtshan gyis/ bkra shis
lhun po nas

bsrings pa'i yi ge pa ni/ rnam dpyod dang ldan pa blo bzang
dbang rgyal lo// //drung ram pa'i dogs gcod kyi yi ge rten dang
bcas pa 'byor/ lus can rnams kyi las rnams ni/ /kalpa

brgyar yang chud mi za/ /tshogs shing dus la babs pa na/ /'bras
bu nyid du smin par 'gyur/ zhes gsungs pa ltar/ bdag cag gi ston
pa bzhugs pa'i dus kyang/ /las bdag gir gyis shig /ces gsungs

@343a @#/ /pa ltar dang/ gzhan yang sdug bsngal yon tan ni/ /skyo
bas dregs pa sel bar byed/ /'khor ba pa la snying rje skye/
/sdig la 'dzem zhing dge la dga'/ zhes gsungs pa ltar/ sdug

bsngal dang len dang/ 'khor ba pa la snying rje dang/ bsam pa
des kun nas bslangs pa'i tshogs gsog sgrib sbyong gi gtong len la
'bad par mdzod/ gnas skabs der yang dal ba sogs mi 'ong ba bla
ma

dkon mchog gi thugs rje yin pas/ sngar gyi dge sbyor mdzad khyer
de gshin tu legs 'dug pas/ da dung yang de las ma g.yos pa
'tshal zhing/ rlung rdub pas dran med du 'gro ba de cung shed
ches pas

lan pa yin/ da cha lte ba'i rtsa 'khor gyi dbus su gtum mo'i a
thung la dmigs pa gtad nas rlung thams cad de la thim par mos te
dal bus 'dzin par mdzod/ dkyil chog gi don de/ chags pa

snang ba dang/ chags bral nyer thob dang/ dbu ma de gnyis kyi
bar mched pa ma yin/ lhan cig skyes pa'i ye shes yin pas/ de la
mnyam par zhog cig /ces pa'i don yin/ nyams len la brtson par

byas kyang/ byams snying rje byang chub kyi sems lta ba rnam dag
sogs la blo skyed ches cher ma thon pa ni/ /slob dpon tsandra go
mis/ der yang rgyun tu sems ni rnam rmongs la/ /yun ring dus su
nad gzhi sten

@343b byed cing/ /mdze can rkang pa lag pa chad pa la/ /thad
'ga' sman bsten pas ni ci bgyir mchi/ zhes gsungs pa ltar yin
pas/ da dung sngar bzhin nyams len la chu bo'i rgyun ltar brtson
pa ma chad par mdzod//

chos rgyal gyi pho brang la brjod tshul gnyis byung yang/ lcags
mkhar sgo med zer ba yin gyi sgo mang zhes pa ma dag /hUM drug
gi skabs spyan 'dren pa ma yin/ hUM dang po'i skabs/ rang dang
mgon po'i thugs

ka'i 'od zer gyis bar gcod kyi mtshan ma sogs chos bsgrub pa'i
'gal rkyen ci yin pa de bkug nas/ gtor snod kyi steng du 'dar
hed hed 'dug par bsam/ gnyis pa'i tshe/ gtor ma dang ro gcig tu
'dres/

sha khrag gi phung por song/ gsum pa'i tshe/ rnam pa sha khrag la
ngo bo zag med kyi bdud rtsir gyur/ lhag ma gsum gyi tshe/ mgon
po'i ljags 'od zer gyi sbu gu can gyis drangs shing gsol bar
bsam pa yin/

smra lce bder song ba dang/ nyam thag pa'i snang ba skad cig
kyang mi 'ong ba de ga thugs dam la brtson par byas pa'i phan
yon yin pas/ da cha'ang dben pa'i ri khrong du 'dug mtshams bcad
nas 'dug pa dang shes na

khyad par med cing/ rkyen ngan grogs shar zer ba'ang thog tu bab
pas/ rtse gcig tu dge sbyor la brtson par mdzod/ ces pa bang rim
rab 'byams pa la gnang ba'o// //na mo gu ru manydzu g+ho ShA ya/

@344a @#/ /dag pa'i mkha' la 'ja' tshon ri mo bzhin/ /rnam par
bcas kyang rnam med phyag rgya yi/ /mdzes sdug la chags 'gyur
med bde ba cher/ /rnam rol dang po'i sangs rgyas la phyag
'tshal//

blo gros yangs pa'i yid bzhin rgya mtsho'i ngogs/ /rnam mang dri
ba'i pad tshal rab rgyas pas/ /mgron du bos pa'i dris lan ngang
pa'i khyu/ /legs bshad mgrin pa'i rdza rnga ci yang brdung/
/thog mar dri ba'i tshig

'god pa/ /dpal ldan 'bras spungs mchod rten du/ /dus 'khor rtsa
rgyud gsung ba po/ /chos longs sprul sku ci zhes pa/ /dpal ldan
'bras spungs mchod rten cher/ /dus 'khor rtsa rgyud gsung ba po/
/bdag cag

rnams kyi ston pa mchog /zas gtsang sras po nyid yin te/ /dri
med 'od du sgyu 'phrul che'i/ /lhums bltams shAkya thub pa
dang/ /mngal skyes zla ba bzang po gnyis/ /ston pa po dang zhu
ba por/ /mi rung rtsod spong

mdzad phyir dang/ /rtsa ba'i rgyud kyi lung drangs par/ /ston pa
gau tam ston pa po/ /gnas ni dpal ldan chos kyi dbyings/ /'khor
ni byang chub sems dpa' sogs/ /mi bdag zla bzang zhu ba po/
/zhes gsungs

lung gis legs par grub/ /de rjes rgyu skar dkyil 'khor la/ /'dus
pa drug dang sgyu dra gsum/ /dus 'khor yongs rdzogs dkyil 'khor
dang/ /'khor lo sdom chen sdom chung dang/ padma gdan can dkyil
'khor

@344b te; ;bcu gsum dag tu bzhed lags sam/ /zhes pa de ltar mi
'dod de/ /padma gdan can lha zhes pa/ /dus 'khor yongs rdzogs
dkyil 'khor gyi/ /padma'i lte bar bkod pa'i lha/ /nga drug gis
lhag brgya phrag

gcig /grangs nges mdzad kyi de dag rnams/ /logs su bkod pa'i
dkyil 'khor min/ /sdom chung dkyil 'khor bya ba yang/ /rgyu skar
dkyil 'khor nang na med/ /des na dus 'khor yongs rdzogs dang/
/'khor

lo sdom chen dkyil 'khor dang/ /'dus pa drug dang sgyu dra gsum/
/bcu gcig dpal ldan rgyu skar gyi/ /dkyil 'khor dag tu 'dod pa
lags/ /'dus pa drug dang sgyu dra gsum/ /dkyil 'khor ngos 'dzin

dgos ces pa/ /dgu dang bcu gsum bcu dgu dang/ /nyer lnga so
gnyis so bzhi yi/ /grangs ldan 'dus pa'i dkyil 'khor drug /zhe
gsum zhe lnga zhe dgu yi/ /grangs ldan dra ba'i dkyil 'khor
gsum/ /

thabs rgyud dkyil 'khor dgu po 'di'i/ /lha rnams zhal gsum phyag
drug pa/ /skyil krung bzhugs pa kho nar gsungs/ /de nas dri ba'i
yi ge las/ /gsang 'dus 'jam rdor mi bskyod gsum/ /gtso bo'i sgo

nas 'jog byed dam/ /'jam rdor spyan ras gzigs dbang gi /dkyil
'khor gnyis la de 'dra'i mtshan/ /'dogs pa'i rgyu mtshan ci zhes
pa/ /spyir gyis 'jam rdor pad 'dzin gyi/ /dkyil 'khor rnam
grangs mang

@345a @#/ /du mchis/ /skabs don 'dus pa las phye ba'i/ /rnam gsum
gtso bo'i sgo nas 'jog /'dus pa'i rtsa rgyud dgongs pa'i don/
/'jam pa'i dbyangs kyis bkral ba bzhin/ /slob dpon sangs

rgyas ye shes kyis/ /'jam pa'i rdo rjes gtso mdzad pa'i/ /bcu
dgu'i bdag nyid dkyil 'khor sogs/ /bskyed rdzogs rim pa mdzad pa
la/ /gsang 'dus 'jam pa'i rdo rje'am/ /'dus pa ye shes zhabs
lugs

zer; ;dpal ldan mar me mdzad dpal la/ lha btsun bla ma byang 'od
kyis/ /bdag cag rgyud ni gsang 'dus dang/ /yi dam 'jig rten
dbang phyug la/ /dad pas de dang mthun pa yi/ /gdams pa stsol

zhes zhus pa'i ngor/ /dpal ldan 'dus pa'i rtsa rgyud kyi/ /gtso
bo 'pho ba'i man ngag gis/ /'jig rten dbang phyug gtsor mdzad
pa'i/ /sgrub thabs gdams pa gsungs pa la/ /gsang 'dus 'jig rten
dbang

phyug ces/ /grags shing deng sang bar du dar/ /de rjes 'grel
chen nang drangs tshig /gshin rje'i gshed sogs khro bo bcu/ /de
bar byang chub sems dpa' gzhan/ /zhes pa'i khro bo byang sems
rnams/ /rigs

ldan nyi shu rtsa lnga dang/ /sbyor tshul ji ltar yin zhes pa/
/zla bzang nas bzung pad dkar bar/ /rtsa rgyud lung gis shin tu
gsal/ /bzang po nas bung drag po'i bar/ /khro dang zhi ba sbyor
ba'i tshul/ /dpal ldan bla

@345b ma bsod rgyal ni/ /gzhan du bzhed kyang de min pa'i/ /lugs
'dir mkhas pa'i dam pa rnams/ /mthun par rigs ldan gsum pa nas/
/nyi shu rtsa gsum drag po'i bar/ /gshin rje'i gshed sogs khro
bcu dang//

sngar gsungs byang sems zhi ba drug /lan gnyis bgrangs pa spel
ba'i mthar/ /'jam dpal 'khor lo can dang sbyor/ /de nas rtsa
rgyud 'grel chen du/ /'jam dpal drag por gsungs pa dang/ /sdom
pa

gsum gyi rab dbye las/ /phyag rdor sprul par bstan pa la/ /'gal
ba yod dam med ces pa/ /bdag nyid chen po'i gsung rab la/ /'gal
ba yod par mi sems te/ /bshad cing 'jug pa yangs pa'i tshe/ /

ston pa rdo rje 'chang nyid la/ /dpal ldan 'dus pa'i rtsa rgyud
du/ /phyag na rdo rje zhes byar gsungs/ /de bzhin 'dus pa 'jam
rdor gyi/ /snying po mtshan sngags nyid la yang/ /badzra d+hr-ika
ces bya ba yod/ /de'i phyir phyag na

rdo rje 'am/ /rdo rje 'dzin pa zhes bya ba/ /'jam dpal yin gyi
rigs gsum gyi/ /mgon po'i nang gi phyag rdor min/ /de rjes zla
bzang lo gcig las/ /lhag par dam chos ma gsungs dang/ /bzang po
dang ni rnam rgyal

gnyis/ /brgya las lhag par chos gsungs par/ /'grel bar gsungs
shing sa paN gyis/ /lo grangs brgya brgyar chos gsung zhes/
/gsungs la 'gal ba yod dam med/ /ces pa yi ge 'bri ba po/ /shas
cher nor ba

@346a @#/ /yin pa 'dra/ /rigs ldan rgya mtsho rnam rgyal dang/
/rgyal dka' gnyis po'i sku tshe'i tshad/ /gya gnyis kyis lhag
brgya phrag dang/ /brgya dang nyer gcig rim bzhin du/ /dri med
'od du gsungs pa

lags; ;'on kyang chos rje paNDi tas/ /spyir btang dbang mdzad de
ltar gsungs/ /khyab mtha' bzung ba'i tshul gyis min/ /de'i phyir
'gal dang 'khrul pa med/ /rtsis gzhi rigs ldan gang gi dus/
/byed grub

khyad par ci zhes pa/ /rgyal dka' gang gis nyung ngu yi/ /byed
pa sbyong bar byed dus ces/ /rgyal dka'i dus su dar bar bshad/
/rtsa rgyud rgyas pa las gsungs pa'i/ /rtsis la grub pa'i rtsis
ces grags/ /

mu stegs byed pa dang 'dres pa'i/ /rtsis la byed pa'i rtsis ces
brjod/ /dus zhabs chen pos rigs ldan ni/ /gang la dus 'khor gsan
zhes pa/ /'phags yul dus 'khor gdan 'dren pa/ /rwa 'bro gnyis
kyang

zhal mi mthun/ /rwa pa dang por tsi lu pa/ /de nas paNTe A
tsarya/ /de sras dus zhabs chen por bzhed/ /'bro lugs thog ma
dus zhabs che/ /de yang kha cig dpal skyong dus/ /dus zhabs chen
po byung zhes dang/ /'ga'

zhig seng ge la la ni/ /rigs ldan nyi ma'i skabs ces 'chad/
/mkhas rnams zhal mthun khungs 'brel ba/ /ma mthong rtog bzo
byed ma spobs/ /'on kyang 'gos lo 'di skad du/ /rgya bod gnyis
kar 'di skor

@346b gyi; ;lo rgyus mi mthun grangs mang yang/ /rwa lugs
manydzu kirti dang/ /'bro lugs zla ba mgon po gnyis/ /dus zhabs
chung ba'i dngos slob tu/ /mtshungs pas yid bder bya'o zhes/
/bshad pa ji bzhin bdag kyang 'dod//

dpal ldan dus 'khor grub mtha' dang/ /lta ba gang la bzhed ces
pa/ /mdo rgyud spyi dang mi 'dra bas/ /phyi nang gzhan gsum dbye
ba yis/ /sbyang gzhi snod bcud rnam gzhag dang/ /snod rung dbang
gi grangs nges dang//

smin grol bskyed rdzogs thabs shes kyi/ /sbyor tshul mi 'dra'i
grub mtha' rnams/ /grags pa pad dkar lugs bzhin 'dod/ /lta ba'i
gnad kyang chos kyi rjes/ /sdom gsum gsungs bzhin chos kyi
dbyings/ /

spros dang bral ba'i de bzhin nyid/ /ji bzhin rtogs pa nyid yin
te/ /'on kyang rtogs byed thabs kyi mchog /mchog tu mi 'gyur bde
chen dang/ /yul dang yul can dbyer med du/ /sbyar ba sems 'grel
skor

gsum lam/ /gsungs pa lta ba'i rgyal por 'dod/ /bla med rgyud la
gnyis med kyis/ /khyab par gsungs pa'i gnyis med ci/ /zhes pa
thun mong ma yin pa'i/ /lhan skyes bde ba chen po dang/ /stong
nyid ro gcig sbyar

ba yi; ;bde stong dbyer med ye shes te/ /'dir bstan gnyis med
don de yin/ /de nyid brjod byar byed pa'i rgyud/ /dngos sam de
yi sder gtogs pa'i/ /rgyud de bla med rgyud du 'jog /de'i phyir
gnyis med rgyud ces bya/ /

@347a @#/ /rnal 'byor bla med rgyud ces pa'i/ /rnal 'byor zhes
pa'ang 'di nyid de/ /'dus pa phyi ma'i rgyud las kyang/ /thabs
dang shes rab snyoms 'jug pa/ /rnal 'byor zhes ni brjod pa yin/
/zhes dang

brtag pa gnyis par yang/ /he yig gis ni snying rje che/ /badzra
shes rab brjod par bya/ /thabs dang shes rab bdag nyid rgyud/
/de ni nga yis bshad kyi nyon/ /zhes gsungs de bzhin dus 'khor
las/ /thabs kyi lus

kyis rnal 'byor min/ /shes rab gcig pus 'gyur ma yin/ /thabs
dang shes rab snyoms 'jug pa/ /de bzhin gshegs pas rnal 'byor
gsungs/ /ces sogs lung na 'di dag gis/ /thabs dang snying

rje lhan skyes kyi/ /bde ba che rnams don gcig bstan/ /de lta
mod kyi pha ma'i rgyud/ /gnyis su phye ba'i thabs shes dang/
/ming mtshungs don la khyad par yod/ /yang smras pa/ gang gi rnam
dpyod gting mtha' rab yangs

pa; ;yon tan nor bus gang ba'i rgya mtsho cher/ /dri ba'i baiDUr
dkar po'i phreng spel ba'i/ /dris lan rdo rje rin chen ke ke ru/
/'dzam bu chu bo'i gser dang anda rnyil/ /margad padma rA ga
la sogs pa'i/ /mdzes byed

rgyan gyis spras pa'i do shal mchog /mkhas rnams dgyes byed
mgrin pa'i rgyan du 'bul/ /'on kyang zab mo'i gnad rnams rtogs
dka' zhing/ /bdag cag thos nyung sbyangs pa'i stobs zhan pas/
/ma nges

@347b log par bshad pa'i cha mchis na/ /dbang gyur dam pa rnams
la bzod par gsol/ /'dir 'bad dge tshogs skal ldan shing rta'i
rgyun/ /'gro kun legs spyad dal 'gro'i phung po dang/ /lhan cig
kun mkhyen ye

shes rgya mtsho cher/ /gegs med mthong ba'i chos la 'jug gyur cig
/ces dpal dus kyi 'khor lo'i dka' gnas las brtsams pa'i dris lan
ngang pa'i rgyal po'i mgrin dbyangs ces bya ba 'di yang/ bslab

pa gsum gyis rgyud gang zhing sde snod gsum gyi sgra dbyangs
sgrogs pa'i rab 'byams smra ba thos bsam pas yang yang nan cher
bskul ba la brten nas/ /ris med pa'i bstan pa dang 'gro ba la
phan par 'dod pa/

shAkya'i dge slong blo bzang chos kyi rgyal mtshan gyis/ chos
grwa chen po bkra shis lhun po'i gtsug lag khang du sug bris su
byas pa'o/ /'dis kyang thub pa'i bstan pa nyi 'od ltar gsal bar
gyur cig / //

na mo gu ru manydzu g+ho ShA ya/ rab 'byams rgyal ba'i 'khor lo
kun gyi gtso/ /khyab bdag rdo rje sems dpa'i zhabs pad la/ /btud
nas rab 'byams smra ba gang de yis/ /dris pa'i lan rnams rim
bzhin brjod par bya/ /

de yang thog mar dri ba 'god pa ni/ mkhas mang 'dus pa'i chos
grwa chen po 'dir/ /rdo rje phreng ba'i dbang gi brgyud pa dang
dkyil 'khor gyi zhal grangs mkhas pa rnams la zhus che grangs
kyi rnam gzhag cher gsung mkhan

@348a @#/ /ma byung lags/ rgya gar dang bod du lugs srol ji ltar
yod ces pa/ grangs la dkyil 'khor dang/ lha'i grangs gnyis las/
dkyil 'khor gyi grangs ni lotstsha ba khe gad 'khor lo grags 

kyis rdo rje phreng ba'i 'gyur dang por mdzad cing de rjes khams
pa lotstsha ba shes rab dpal gyis kyang bsgyur/ lo tstsha ba 'di
gnyis slob dpon chen po a b+ha yA ka ra'i dngos slob yin kyang
phreng ba'i dbang gsan pa'i

gtam dang/ de gnyis las brgyud pa'i rim pa yang ma mchis/ de
rjes chag lo chos rje dpal gyis paNDi ta ratna rak+Shi ta sogs la
brten nas 'gyur bcos mdzad cing dbang rdzogs par gsan/ rtsa ba'i

dkyil 'khor nyi shu rtsa brgyad du bsdus/ de'i dbang thob pas de
rnams las phye ba'i dkyil 'khor thams cad kyi dbang thob par
bzhed/ nyer brgyad po de rnams kyi lha'i grangs kyang 'dus pa
'jam rdor lha bcu

dgu'i dkyil 'khor/ 'dus pa 'phags lugs lha so gnyis/ kha sbyor
nas 'byung ba'i rdor sems lha so bdun/ gdan gzhi yum bka' 'am ye
shes mkha' 'gro lha bcu gsum/ kyai rdor mtshon cha can

lha bcu bdun/ bdag med lha mo bco lnga ma dang nyer gsum ma/ ku
ru ku lle lha bco lnga/ ma hA ma ya lha lnga/ rdo rje bdud rtsi
lha nyer gcig /dgyes pa rdo rje lha dgu /rdo rje hUM mdzed khro
bo bcus bskor ba/ bde mchog

@348b lha drug cu rtsa gnyis/ phag mo lha so bdun/ sangs rgyas
thod pa lha nyer lnga ma dang lha dgu ma/ rdo rje gdan bzhi lha
nga brgyad/ sambu Ta nas 'byung ba'i rdo rje sgrol ma lha bcu
gcig /'od zer can lah nyer lnga/ grwa lnga lha bcu gsum/

rdo rje dbyings rtsa ba'i lha zhe gsum/ sgyu 'phrul dra ba'i
'jam rdor lha zhe gsum/ chos dbyings gsung dbang lha nyis brgya
nyer gcig /gtsug dgu rtsa ba'i lha so bdun/ 'byung 'dul lha so
bzhi/ gur rigs bsdus

sam mkha' 'gro lnga'i dkyil 'khor lha nga gsum/ 'khor los bsgyur
drug lha don gnyis/ dus 'khor yongs rdzogs te nyi shu rtsa
brgyad do/ /yang de las phye ba rtsa ba'i dkyil 'khor zhe gnyis
su byed na kha sbyor

las 'byung ba'i bde mchog rdor sems kyi dkyil 'khor gnyis su
phye/ kyai rdor lha bcu bdun ma dang lha dgu ma gnyis la bzhi
bzhir phye/ bde mchog yab bka' dang yum bka' gnyis la gsum gsum
du phye/

rdo rje bdud rtsi'i dkyil 'khor bzhir phye bas bzhi bcu rtsa
gnyis su byed pa dang/ yang de'i steng hUM mdzad kyi dkyil
'khor yang bzhir phye bas zhe lngar yang mdzad pa 'dug /de gnyis
ka'i steng gzhan nas 'byung ba'i

gza' yum/ nor rgyun ma/ rnam rgyal gyi dkyil 'khor gsum la bde
legs su byed pa'i dkyil 'khor gsum zhes bsnan nas/ phreng ba'i
dkyil 'khor zhe lnga dang zhe brgyad kyi rnam gzhag dang/ yang
zhe lnga'i steng du/

@349a @#/ /dus 'khor thugs dkyil/ rdor dbyings sngar dang cung
zad khyad yod pa zhig /grwa lnga dang/ gur rigs bsdus mkha' 'gro
lnga dang/ 'khor los bsgyur drug rnams re rer byas

pa'i dkyil 'khor rnams bsnan pa'i drug cu dang/ bde legs su byed
pa'i dkyil 'khor gsum dang bcas drug cu re gsum du byed pa sogs
dkyil 'khor gyi grangs mi mthun pa'i phyag len so sor 

mdzad pa 'dug kyang/ phreng ba'i lha dang dkyil 'khor gyi dbye
bsdu'i rnam dbye shes pa'i rdo rje slob dpon gyis rtsa ba'i
dkyil 'khor rgyas bsdus ci 'dra zhig mdzad kyang 'gal ba med
snyam sems/ 'on

kyang bzhi bcu zhe gnyis su phye ba nyid dar so che zhing rgyas
bsdus kyang 'tsham par rtogs/ yang mkhas pa 'jam dbyangs ral gri
ni phreng ba las phye ba'i dkyil 'khor drug stong lnga brgya nyi
shu rtsa lnga yod

par bzhed de/ rtsa ba'i dkyil 'khor nyer brgyad kyi dbang thob
pas de dag thams cad kyi dbang 'thob ces gsungs/ dus phyis
phreng ba skor gsum gyi bdag por byed pa chab mdo chos rje
sngags ram pa yang

rtsa ba'i dbang nyer brgyad dam zhe gnyis kyi dbang thob pas de
las phye ba'i dkyil 'khor nyis stong drug brgya bdun cu'i dbang
'thob par 'gyur gsung ba 'dug pas brtag par bya zhing lha'i
grangs kyang gong du

@349b brjod pas shes par 'gyur ro/ /rgya bod gnyis su lugs srol
ji ltar byung ba'i brgyud rim ni/ rgyal ba rdo rje 'chang/ rje
btsun rdo rje rnal 'byor ma/ des bskul zhing byin gyis brlabs pa
slob dpon chen po a

b+ha ya ka ra/ slob dpon 'di jo bo chen po lha gcig dang dus
mtshungs shing/ bgres gzhon yang mtshungs pas/ /de las snga ba
rgyan drug mchog gnyis dang/ nA ro mai tri sogs kyis phreng ba
khrigs chags su gsan

par mi 'dug /grub chen nA ya ka /paN chen da sha ba la shrI/
bi khyA ta de pa/ paNDi ta dge ba'i 'byung gnas/ legs spyod
'byung gnas sbas pa/ paNDi ta swA ti A ka ra gupta/ shAkya
rak+Shi ta rnams mkhas grub a b+ha yA

ka ra la phreng ba dngos su gsan pa'i rgya gar ba sha stag yin
zhing/ 'di rnams ci rigs las brgyud pa bod du'ang dar pas slob
dpon 'di rnams las rgya gar du rgyas par gyur la che/ rgyu mtshan
zhib pa ma

nges; 'on kyang paN chen bi khyA ta de ba'am rnam bshad lhas/
slob dpon gyi dngos slob nA ya ka dang/ da sha ba la shrI'am
stobs bcu'i dpal gnyis ka la'ang gsan/ de la paN chen shAkya
shrIs

gsan/ paN chen gyis bod du rtsa ba'i dkyil 'khor nyer brgyad kyi
sgo nas dbang bskur lan gsum mdzad pa'i dang po gnyis bla med
kho na'i lugs dang/ phyi ma bod rnams rtog pa che bas rgyud sde
so sor ma phye

@350a @#/ /na dbang mi 'thob pa 'dra gsungs rgyud sde phye nas
mdzad ces grags shing de las brgyud pa mang du 'phel/ yang ratna
rak+Shi ta la zhang lo tstsha ba grub pa dpal gyis zhus shing de
las brgyud

pa yang ma chad pa mchis/ yang phyis paN chen nags rin gyis
kyang sne'u gdong du phreng ba'i dkyil 'khor zhe lngar phye ba'i
dbang lan gnyis bla med lugs su mdzad/ rgyud sde so sor phye na
zhus pas phye na

legs po 'ong gsungs/ 'o na ma phye ba ji ltar lags zhus pas/
ngas a b+ha yA ka ra'i lugs su byas pa yin/ a b+ha yas ni rgyud
sde so sor ma phye gsungs/ de dus dbang gsan pa la/ dpal

yid bzang rtse pa/ chag lo/ kun mkhyen rong ston/ snar thang
mkhan chen bsod nams mchog grub/ thams cad mkhyen pa byams pa
gling pa/ 'bras spungs chos rje legs pa chos 'byor/ lo chen

bsod nams rgya mtsho sogs dam pa mang po 'dug pas so sos dar
rgyas mdzad par sems/ de'i brgyud pa yang/ bi khyA ta de ba
nas/ shrI b+ha dra/ lA li ta badzra/ d+harma gupta/ ratna ka ra/
padma badzra/ ratna

kirti; sangs rgyas dbyangs/ paN chen nags rin/ yang yar lung lo
tstsha ba grags pa rgyal mtshan gyis kyang paNTi ta b+hU mi shrI
la phreng ba rdzogs par zhus shing phreng ba skor gsum gyi bdag
por byed pas de las

@350b brgyud pa yang rab tu dar ro/ /de bas na gangs ri'i ljongs
kyi dge ba'i bshes gnyen gsan rgya yangs pa phal cher gyi thugs
kyi bum bzang lha'i bdud rtsi 'di nyid kyis gang bas brgyud tshul
mtha' dag brjod

par ga la nus/ rje ngor chen gyis kyang phreng ba rgyas par
mdzad pa'i rgyun yang chad pa med pa mchis pas 'dir brjod ga la
dgos/ kho bo cag rang gis thob pa'i brgyud pa ni/ brgyud rim gyi
gsol 'debs cig

sngon du bkod zin pas 'dir ma spros lags/ de'i rjes su dri bar/
gsang 'dus nas gsungs pa'i dkyil 'khor du/ dgyes rdor nas gsungs
pa'i dkyil 'khor du/ bde mchog nas gsungs pa'i dkyil

'khor du/ dus 'khor nas gsungs pa'i dkyil 'khor du/ gzhan bla
med nas gsungs pa'i dkyil 'khor yod dam med/ bya rgyud nas
gsungs pa'i dkyil 'khor du/ spyod rgyud nas gsungs pa'i dkyil

'khor du/ rnal 'byor rgyud nas gsungs pa'i dkyil 'khor du/ 'dir
mkhas pa rnams la ngoms chog pa'i phebs gsal zhu zhu/ zhes pa'i
lan ni/ 'dus pa 'jam rdor lha bcu dgu ma dang 'dus pa

mi bskyod pa lha so gnyis kyi dkyil 'khor gnyis 'dus pa'i rgyud
las gsungs/ kyai rdor zhal brgyad phyag bcu drug pa/ zhal gsum
phyag drug pa/ zhal gcig phyag bzhi pa/ zhal gcig phyag gnyis

@351a @#/ /pas gtso bo mdzad pa/ lha dgu'i dkyil 'khor bzhi brtag
gnyis dang/ sambu Ti bde dgyes thun mong ba'i bshad rgyud yin
pas/ rdor sems kyi dkyil 'khor dang ye

shes mkha' 'gro'i dkyil 'khor dang/ dgyes rdor phyag bcu drug pa
dang phyag drug pa/ phyag bzhi pa/ phyag gnyis pas gtso bo mdzad
pa lha bcu bdun gyi dkyil 'khor bzhi sambu Ti dang/ gur brtag

sam gsum ga nas bdag med ma'i dkyil 'khor gnyis dang/ brtag
gnyis sambu Ti gnyis ga nas ku ru kulle'i dkyil 'khor gsungs/
bde mchog yab bka' lha drug cu re gnyis pa'i dkyil 'khor

gsum/ yum bka' phag mo lha so bdun ma'i dkyil 'khor gsum rnams
bde mchog gi rgyud rnams las gsungs/ dus 'khor yongs rdzogs kyi
dkyil 'khor ni dus 'khor bsdus rgyud 'grel chen

dang bcas pa las gsungs/ gzhan bla med kyi rgyud las gsungs pa'i
dkyil 'khor shin tu yod de/ ma hA ma ya'i dkyil 'khor ni de
nyid kyi rgyud dang/ sangs rgyas thod pa'i dkyil 'khor gnyis ni
thod

pa'i rgyud dang/ rdo rje bdud rtsi'i dkyil 'khor rnams ni de
nyid kyi rgyud dang/ rdo rje hUM mdzad kyi dkyil 'khor rnams ni
rdo rje mkha' 'gro'i rgyud dang/ 'jam rdor zhe gsum ma'i dkyil
'khor ni sgyu dra dang/

@351b dgra nag lha bcu gsum ma ni de nyid kyi rgyud dang/ mkha'
'gro lnga ni gur rigs bsdus yin pas rdo rje gur dang/ 'khor lo
bsgyur drug ni a b+hi d+ha na'i rgyud las gsungs shing de thams
cad bla med kho

na lags/ rdor dbyings/ chos dbyings gsung dbang/ gtsug dgu'i
dkyil 'khor gsum ni rnal 'byor rgyud de/ thog mtha' gnyis de
nyid 'dus pa dang gtsug dgu'i rgyud las rim bzhin

gsungs/ chos dbyings gsung dbang gi dkyil 'khor ni/ spyir mtshan
brjod dus 'khor dang mthun par tshad ldan gyis bkral yang slob
dpon 'jam dpal grags pas rnal 'byor rgyud du bkral

ba ltar yin zhing/ phyag rdor 'byung 'dul spyod rgyud dang
'brel/ grwa lnga/ 'od zer can gnyis bya rgyud de/ rim bzhin
'byung 'dul gyi rgyud/ grwa lnga'i gzungs/ 'od zer can gyi rtog
pa rnams

las bstan pa'o/ /rnam dpyod rgyan gyis mngon mdzes pa'i/ /dri
ba'i dkar 'jam sor mo yis/ /bskul bas dri lan rgyud mang gi
/gdangs snyan rna ba'i dga' ston 'gyed/ /'dir 'bad dge ba

zla zer gyis/ /phye ba'i kunda ltar dkar de/ /khams gsum 'gro ba
ma lus pa/ /sgrib gnyis g.yul las rgyal phyir bsngo/ zhes rdo
rje phreng ba la brten pa'i 'bel ba'i gtam du bya ba 'di yang/
dge ba'i bshes

@352a @#/ /gnyen rab 'byams smra ba thos bsam pas bskul ba la
brten/ ris med pa'i rgyal ba'i bstan pa mtha' dag la dad pa dang
ldan pa/ shAkya'i dge slong blo bzang chos kyi rgyal mtshan

gyis; chos grwa chen po bkra shis lhun po'i gtsug lag khang du
sbyar ba'i yi ge pa ni dka' bcu tshogs gsog pa legs pa chos 'byor
ro/ /'dis kyang rgyal ba'i bstan pa mi nub pa'i rgyal mtshan

du gyur cig / //sde snod 'dzin pa drung gnas tshogs gsog pa'i/
/dka' gnas dogs pa'i dri tshig 'byor pas spro/ /don dam dpyad tshe
chos kun mi dmigs na/ /rnal 'byor

pa yis bdag med bsgom pa'i tshe/ /nga sogs gtan med bsgom pas ma
khyab ste/ /dngos po byas pa can la ma reg par/ /rang bzhin 'ba'
zhig mngon du mdzad pa'i ngor/ /bum sogs chos rnams

thams cad yod min yang/ /ji lta gzigs pa'i ye shes de nyid kyis/
/bum sogs gtan med rtogs pa ma yin bzhin/ /rnam bdun rigs pas
bdag dang shing rta sogs/ /dpyad tshe de dag

med par shin tu 'dod/ /gal te de'i tshe de dag mi rnyed la/ /yod
ces smra ba lhag par mi rigs te/ /yod na tshad mas rnyed pas
khyab phyir ro/ /slob lam dus su rtse gcig chos nyid la/ /mnyam
par

@352b bzhag tshe bdag dang phung po sogs/ /cung zad mi snang yod
par mi dmigs kyang/ /de dag gtan med bsgom pa ma yin no/ /tshul
'di lung rigs smra ba gang de yis/ /legs par dris tshe nam mkha'i

rnal 'byor pa/ /blo bzang chos kyi rgyal mtshan zhes byas smras/
/dge bas rnam dpyod yangs pa'i gus ldan de'i/ /the tshom rtsa ba
bdag 'dzin chod gyur cig /ces pa 'di yang rigs par smra ba blo
bzang

chos kyi rgyal mtshan gyis smras pa'o// //tshogs gsog dka' bcu
'dzin pa gang de yi/ /dri yig legs 'byor ring song rtsa 'grel
gyi/ /skabs 'dir nyan rang 'phags

pas chos kyi ni/ /bdag med rtogs par bsgrubs shing dman pa'i
mdor/ /chos kyi bdag med mdor bsdus bstan pa'i tshul/ /bsgrub
dgos gtso bo legs ldan 'byed yin pa/ /zla ba'i bzhed par

rgyal ba gnyis pas gsungs/ /de'i phyir slob dpon de yi mthar
thug gi/ /dgongs pa mi shes dngos zin grub pa'i mtha'/ /theg
dman mdo las chos kyi bdag med pa/ /ma bstan de'i phyir theg

dman 'phags tshogs kyis/ /chos kyi bdag med rjes dpag tsam gyis
kyang/ /rtogs ma myong zhes gsungs dbyangs mthon pos sgrog /tshul
'di dgongs la 'dus pa'i tshogs dbus su/ /

@353a @#/ /legs par bshad pa'i dga' ston spel bar mdzod/ ces
kyang chos smra ba blo bzang chos kyi rgyal mtshan gyis bgyis
pa'o// //na mo gu ru manydzu g+ho

ShA ya; lung rigs smra ba gnyis kyi yi ge 'byor/ /TI ka chen
ba so chos rje'i lta khrid don/ /don dam med pas med go mi chod
cing/ /tha snyad yod pas yod go chod pa yi/ /don yin de las
gzhan du bshad

mi bya; ;dpyad gzhi nga sogs chos can mtha' dag la/ /don dam
dpyod byed rigs pas dpyad pa'i tshe/ /nga sogs ma rnyed de'i tshe
yod pa'ang min/ /don dam dpyod byed rigs pa yang dag gis/ /

dpyad tshe'ang yod na nga de bden grub 'gyur/ /mthar thug dpyod
pa'i rigs pas phung sogs la/ /dpyad tshe phung sogs mi dmigs mi
rnyed cing/ /de ltar mi dmigs pa de phung sogs kyi/ /

gnas lugs yin zhes zas gtsang sras des gsungs/ /don dam dpyod
pa'i rigs pas legs dpyad de/ /dpyad don mnyam par bzhag pa'i
ngor dgongs nas/ /smra bsam brjod med

spros pa kun bral ba/ /rgyal yum rtsa 'jug bzhi gsum dgongs don
yin/ /de lta mod kyi ma brtags ma dpyad par/ /rgyu 'bras rten
'brel ri mo ches bkra ba/ /'gag med zung du 'brel

@353b ba'i rnal 'byor 'di/ /dus gsum rgyal ba kun gyi lam yin
zhes/ /bdag cag pha rgan rgyal ba gnyis pa'i rje/ /blo bzang
grags pa'i dpal de de ltar bzhed/ /tshul 'di sde snod 'dzin pa
rnam gnyis

kyis; ;rgyal byas dri ba 'di yi lan gyis ces/ /springs par gyur
tshe chos kyi rgyal mtshan gyis/ /thogs med bris pa'i som nyi sel
gyur cig /ces kyang btsun pa blo bzang chos kyi rgyal mtshan gyis

smras pa'o// //swasti/ rab 'byams smra ba bstan pa'i rgyal mtshan
gyi/ /zhib mo'i yi ge legs par 'byor pas tshim/ /phung por btags
pa'i gang zag la sogs

pa; ;'khor 'das chos rnams ma lus ji snyed pa/ /thag khra
bsngogs pa'i steng gi sbrul ji bzhin/ /rtog pas btags pa tsam
zhig ma gtogs pa/ /don la grub pa cung zad yod min zhes/ / 

thub dbang klu sgrub yab sras zla ba'i zhabs/ /blo bzang rgyal
ba'i dbang po'i bzhed pa'i phul/ /tshul 'di nges na rgyal bas
chos rnams kun/ /ming rkyang btags yod tsam du gsungs pa la/
/rmad

du byung ba'i yid ches rnyed par 'gyur/ /'on kyang lta ba'i zab
gnad 'di dag ni/ /phra zhing shin tu rtogs par dka' ba'i phyir/
/blo chung rnams la skrag pa skye zhes gsungs/ /de skad smra ba

@354a @#/ /mang thos dbu ma pa/ /blo bzang chos kyi rgyal mtshan
zhes bya yin/ /de bas dad ldan rnam dpyod yangs pa de/ /'jig
tshogs lta ba'i gdon las grol gyur cig /ces pa 'di yang chos

smra ba blo bzang chos kyi rgyal mtshan gyis smras pa'o// //na mo
gu ru mu ni indra ya/ dus gsum rgyal ba'i sku gsum ye shes kyi/
/nges gsang nam mkha'i mdzod la dbang

bsgyur ba/ /lha bcas 'gro ba'i ston pa bcom ldan 'das/
/shAkya'i gtso bo de yis dge legs stsol/ /dad pa'i me lces
snying mtsho khol ba yi/ /shugs ring dus mtha'i rlung ltar bzlog
dka' ba/ /

sgrib med gzigs kyang sel bar mi mdzad pa/ /bcom ldan thugs rje
can de gang du gshegs/ /bu ram shing pa'i rnam thar bdud rtsi'i
rgyun/ /tsan dan brdar ba lta bu'i bsil bas kyang/ /nya yi tog

sde can la dmyal me ltar/ /gdung ba lhag par stsol 'di rmad du
byung/ /gang gi mtshan snyan grags pa'i 'od dkar gyi/ /byug pa
yis kyang 'dod pa'i nyag phran lnga/ /'phen byed dang bcas ri
mo'i gnas

'god pa'i/ /tshul 'di bsams tshe dad pa'i mchi ma 'khrug /g.yo
med zhi ba'i mal du rtag gzims kyang/ /ji srid legs bris lam
bzang mthas klas par/ /rnam dkar phun tshogs spros pa'i 'jo sgeg

@354b gis; ;rnam rol rgyal ba'i mdzad pa snying la dran/ /phyogs
dus kun tu bde gshegs grangs mang yang/ /mi mjed zhing 'dir don
kun grub pa las/ /lhag pa'i rkang gnyis gtso bo ga la zhig
/yongs

'du'i tshal na rkang 'thung gnyis pa bzhin/ /rgyal kun mkhyen
brtse ma lus gzugs gyur te/ /thun mtshams li khri'i bla mthang
gos gyon nas/ /brgyad khri bzhi stong rgyud mang snyan sgrog na/
/yon tan

phung po khyod dang mtshungs par 'gyur/ /shes bya'i pha mtha'
brgal ba'i mkhyen pa dang/ /'gro 'di bu sdug ltar dgongs brtse
ba yis/ /rab 'byams rgyal ba gzhan gyi mkhyen brtse yang/ /yungs

'bru'i go sar bdag gi ston pas bkod/ /tshogs gnyis yongs su smin
pa'i mdzes sdug gi /lang tsho rab rgyas kun mkhyen nyi ma'i
gnyen/ /gang 'dis dus gsum rgyal ba sras bcas kyi/ /

chags bral thugs kyang zhags pa med par bzung/ /sku dang zag med
ye shes bde ba che/ /gsang chen zad med dbyings la dbang bsgyur
ba/ /tshul 'dis blo chung skrag pa'i gnas bkod cing/ /

blo mchog rnams la dga' bde mchog sbyin mdzad/ /snyigs ma'i
bsreg za 'bar bas thugs rje can/ /phal cher zhing gzhan myul
ba'i zol brten tshe/ /snying stobs yon tan rgyas pa'i sprin chen
las//

@355a @#/ /bsil ba'i dngos po sgyu 'phrul sras pos bstsal/ /gang
gi sgrib bral ye shes sngags rdzas kyis/ /ma rungs rtsod dus
rdzogs ldan du sprul na/ /shAkya'i gtso bo khyod ni dpe zla
dang/ /

bral ba sgyu ma'i mkhan po lags sam snyam/ /gang dag the tshom
tsam gyis mgon po la/ /lag pa'i ku mud snying gar 'dzum byed
na'ang/ /lha yi phun tshogs mchog la mgron gnyer na/ /

dang ba'i sems kyis 'dud la smos ci 'tshal/ /zla ltar bsil yang
rgud pa'i bud shing bsreg /me ltar 'bar yang nyon mongs dri ma
'khrug /ma bcol bar yang legs pa kun mdzad pa'i/ /ma

'dris mdza' bshes khyod ni bdag gi mgon/ /'di ltar bskrun pa'i
legs spyad 'od dkar can/ /ji snyed thob des 'gro ba'i yid kyi
mkha'/ /nyon mongs mun pas khebs pa bsal byas te/ /thub

bstan kun da bzhad pa'i dpal gyur cig // ces shangs grwa tshang
chen mor 'phan gyi phreng ba phul ba'i tshigs su bcad pa 'di yang
shAkya'i btsun pa blo bzang chos kyi rgyal mtshan gyis bkod

pa'o;; //na mo gu ru shAkya mu ni ye/ rgyal ba'i sku brnyan
gyis bkra ba'i/ /bkra shis 'phan gyi phreng ba 'di/ /blo bzang
chos kyi rgyal mtshan gyis/ /bsags pa'i dge

@355b tshogs rgya mtsho de/ /blo bzang bstan pa rgyas pa dang/ /ma
rgan 'gro ba ma lus pa/ /kun mkhyen myur du thob phyir bsngo/
/zhes pa dpal 'khor chos sde'i grwa tshang bdun so sor 'phan skor
re gnang ba'i

zhal yig go / //oM bde legs su gyur cig /rgyal ba'i sku brnyan
gyis mdzes pa'i/ /bkra shis 'phan dkar 'phreng ba 'di/ /blo
bzang chos kyi rgyal mtshan gyis/ /grwa tshang chen

mo'i gtsug lag khang/ /mdzes par byed pa'i rgyan du phul/ /dge
bas phan bde kun gyi gzhi/ /sangs rgyas bstan pa rgyas pa dang/
/'gro kun byang chub mchog thob shog /bslab gsum ldan pa'i blo
gsal

mtha' dag gis/ /gnas 'di yongs gang bshad dang bsgrub pa yi/
/thub pa'i bstan pa phyogs bcur rgyas byed cing/ /phun tshogs
dpal la rol pa'i bkra shis shog /ces shangs grwa tshang chen mor

kha btags kyi 'phan skor de bzhin gshegs pa'i sku brnyan gyis
mtshan pa phul ba'i tshigs su bcad pa 'di yang/ shAkya'i btsun pa
blo bzang chos kyi rgyal mtshan gyis smras pa'o// //

gang zhig bsten pas kun nas nyon mongs pa'i/ /mthun phyogs tsha
grang 'tshe ba kun skyob cing/ /dran shes ngo tsha khrel yod bag
ldan pa'i/ /phun tshogs skyed byed ngur smrig mdangs ldan pa/
/rgyal

@356a @#/ /bas bsngags pa'i na bza' snam sbyar 'di/ /ma pham
rgyal ba'i dbang po'i sku la gsol/ /dge bas mar gyur 'gro ba ma
lus pa/ /rgyal tshab sras kyi thu bor 'gyur bar shog /

bla med ston pa de yis legs bsngags shing/ /bgrang yas dgra bcom
bye ba'i phyag mdzes pa/ /nyon mongs sdug bsngal brag ri gsil
byed 'di/ /byams mgon 'gro ba'i bla ma'i phyag tu

'bul/ /dge bas bdag dang mar gyur 'gro ba kun/ /ma pham chos kyi
bdud rtsi'i dga' tshal du/ /'dod dgur spyod pas byams bstan rgyas
byed cing/ /mtha' yas 'gro ba 'dren pa'i mchog

gyur cig /ston pa mchog dang 'phags pa'i tshogs rnams kyi/ /phyag
gi pad mtsho mdzes pa'i bung ba bzhin/ /drang srong snod mchog
'bras bus gang ba 'di/ /rgyal tshab dam par

phul ba'i rnam dkar mthus/ /bdag dang mkha' mnyam 'gro ba thams
cad kyi/ /shes rgyud yon tan rgya mtsho'i snod gyur nas/ /mtho
ris thams cad mkhyen pa rgyu 'bras kyi/ /zag med

bdud rtsi'i dpal la longs spyod shog /'di ltar bsgrubs pa'i rnam
dkar dge ba'i mthus/ /dus mtha' 'dir yang bden pa gsung ba'i
sras/ /rnam dag rab byung bye ba phrag brgya yis/ /

@356b phyogs 'di'i nor 'dzin ma lus yongs gang ste/ /rgyal ba
gnyis pa'i bshad sgrub rgyas gyur cig /ces rgyal ba'i rgyal tshab
ma pham mgon po la/ na bza'/ gseg shang/ lhung bzed

rnams phul te smon pa'i tshigs su bcad pa 'di yang dge slong blo
bzang chos kyi rgyal mtshan gyis smras pa'o// //lha rdzas las
grub rgyal bas rab bsngags pa/ /gur gum mdog

can bla gos bzang po 'di/ /shAkya'i rgyal po'i sku la gsol ba
yis/ /sdom gsum rnam dag bag yod gos mchog gis/ /tshe rabs kun tu
mngon par mdzes gyur cig /khyad par 'gro ba kun gyi don

du bdag /thub pa'i nyi ma kun gyi bstan la bdag /ngur smrig
rgyal mtshan 'dzin pa'i mchog tu bdag /rgyal bas mchog tu bsngags
par gyur cig bdag /'gro kun rtag tu bde zhing skyid pa dang/
/blo

bzang bstan pa dar zhing rgyas gyur cig /shAkya'i rgyal po ci
'drar bdag gyur cig /dge ba 'di yis tshe rabs kun tu bdag /'khor
lo chen po bzhi dang mi 'bral zhing/ /dran shes bag yod gos kyis

legs klubs te/ /rtag tu sras bcas rgyal ba dgyes byed shog /mar
gyur 'gro bas khyab pa'i zhing kun tu/ /bdag lus bkod pas khyab
byas ma rnams kyi/ /sdug bsngal sel zhing bdag dges bde

@357a @#/ /byed shog /bdag ni srid par gnas tshe yang/ /dran shes
bag yod gos ldan shog /'di ltar bgyis pa'i bsod nams kyis/ /'gro
ba'i dpal du bdag gyur cig /bdag ni rgyal kun bstan pa la/ /

ngur smrig 'dzin pa'i gtsor gyur cig /'di yi dge bas 'gro ba
rnams/ /tsha grang gdung ba las grol shog /shAkya'i gtso la bdag
skyabs mchi/ /rtag tu thub pa'i rjes slob cing/ /dam chos ma lus
'dzin par shog /'dis mtshon

dus gsum dge ba'i mthu yis bdag /kun bzang 'jam pa'i dbyangs
dang mtshungs par shog /'di ni skye bo gzhan dag gis/ /gyon zhing
khyer na gshin rjes gsod/ /dus 'dir kauNDa n+yi bzhin/ /byams
bstan ngur smrig 'dzin

mchog shog /gal te 'di ni gzhan khyer na/ /dmag zor rgyal mos
snying khrag 'thungs/ /blo bzang chos kyi rgyal mtshan gyis/
/dang bas gtso bo 'dren mchog gi /sku la gsol bas sangs rgyas
shog /rgyal ba'i sku la bsil gdung mi

mnga' yang/ /'gro kun tsha grang 'jigs las skyob pa'i phyir/
/dang bas lha rdzas chos gos 'di phul bas/ /tsha grang 'khor ba'i
'jigs las grol gyur cig /ces pa bkra shis lhun po'i gtsang khang
dbus ma'i thub dbang gi sku

brnyan la gos bzang po'i bla gos 'bul bar mdzad pa'i ngos la rje
thams cad mkhyen pa nyid kyis phyag bris su mdzad snang ngo//
//oM thub pas bsngags pa'i gser mdog snam sbyar 'di/ /tshe dpag

@357b med mgon sku la gsol ba'i dge /bdag dang mar gyur 'gro ba
ma lus pa/ /bde ba can du thogs med 'jug phyir bsngo/ /thub pas
bsngags pa'i gser mdog snam sbyar 'di/ /sman pa'i rgyal po'i sku
la gsol ba'i dge /bdag

dang mar gyur 'gro ba ma lus pa/ /mngon dga' baiDUr zhing du
bgrod phyir bsngo// //na mo A rya mai trI ya/ phun tshogs
padma rA ga'i 'ja' tshon la/ /gser sbyangs btso ma'i rgyan gyis
spras pa lta'i/ /'dren pas bsngags

pa'i lha rdzas snam sbyar 'di/ /rgyal tshab byams pa mgon po'i
sku la gsol/ /dge bas bdag dang bdag la bltos bcas pa'i/ /'gro
rnams mgon khyod mngon par sangs rgyas pa'i/ /thog ma'i 'khor
rnams kun gyi mchog gyur

nas; ;sku gsum go 'phang dam pa myur thob shog /ces pa'ang rje
nyid kyi phyag bris dngos las blangs so/ /phun tshogs gzi 'bar
rin chen du ma yi/ /rgyan ldan yid 'ong gser gyi phreng ba 'di/
/shAkya'i rgyal po'i mgul phul

bsod nams kyis/ /gser mdog rgyal ba'i sku mchog myur thob shog
/gnas skabs kun tu bsams don yid bzhin du/ /'grub cing thub
dbang lung rtogs bstan pa dang/ /skye dgu'i phan bde rgyas pa'i
gser 'od kyis/ /

phyogs kun nyin mor byed par bdag gyur cig /dpa' bo khyod kyi
bzhed don bsgrub pa yi/ /gser gyi phreng ba bdag cag spyi gtsug
gi / /rgyan du nam yang 'bral bar mi 'byung zhing/ /gser ltar
dag po'i sku gnyis myur thob

@358a @#/ /shog /phyi nang rgol ba kun 'joms shing/ /phun tshogs
rang dbang 'dod dgur spyod/ /mchod sbyin bstan pa'i bya ba sogs/
/'gran pa bzhin du 'phel gyur cig / //na mo gu ru mu ni indrA

ya/ gser gyi lhun pos padma rA ga yi/ /dar dpyangs bcings pa ji
bzhin thub dbang gi /snyan shal lha rdzas dbang gi mdangs ldan
pas/ /brgyan pa'i rnam dkar gyis mtshon dge tshogs mthus/ /mkha'
mnyam mar gyur 'gro

rnams bsgral phyir du/ /bdag nyid dga' ldan bde ba can la sogs/
/padmo las skyes ston pa mchog de dag /dgyes byas rlabs chen
spyod pa mthar phyin shog /'di nyid 'chi bdag gshin rje la/
/gtad do sku 'dir 'bral med

zhog /bkra shis lhun po'i gtsang khang dbus ma'i thub sku'i
snyan dar zhal yig go /oM zla med ston pa mchog gi snyan shal
la/ /zla shel 'khyil 'dra'i mdzes byed 'di phul bas/ /bdag dang
bdag la bltos pa'i 'gro

ba rnams/ /deng nas bzung ste byang chub snying po'i bar/ /mi
khom gnas su nam yang mi skye bar/ /bstan dang 'gro ba'i phan
bde bsgrub pa la/ /kun bzang 'jam pa'i dbyangs dang mtshungs par
shog /bkra shis lhun po'i gtsang

khang dbus ma'i thub sku'i snyan dar zhal yig go / //'ja' tshon
ltar bkra'i lha rdzas 'di phul bas/ /mtshon pa'i rnam dkar phung
po ci mchis pa/ /bdag dang mkha' mnyam 'gro ba ma lus pa/ /dga'

@358b ldan skyes nas rje btsun mi pham mgon/ /dgyes byed sras
kyi thu bor 'gyur phyir bsngo/ /bkra shis lhun po'i byams chen
gyi snyan dar zhal yig tu gnang ba'o// //bde gshegs seng ge'i
nga ro'i

snyan shal la/ /rab dkar lha rdzas na bza' 'di phul bas/ /jo mo
rdzong nas dpon g.yog 'khor bcas kyi/ /phyi nang bar gcod ma
lus zhi ba dang/ /tshe dang longs spyod rigs brgyud 'phel zhing
rgyas/ /mi nor 'dod

dgu thams cad dbang du 'dus/ /bsam don ma lus yid bzhin 'grub pa
dang/ /nam zhig ngo mtshar bkod pa'i zhing mchog tu/ /de bzhin
gshegs de'i sras kyi thu bor shog /ces pa snyan dar la phyag
bris su snang

ngo// //swa sti/ rtsa brgyud bla ma bslu med dkon mchog gsum/
/yi dam lha tshogs mkha' 'gro chos skyong ba'i/ /mthu ldan dam
can bsrung ma'i tshogs rnams la/ /lhag bsam dag pas mchod

sprin rgya mtsho dang/ /lhan cig lha rdzas na bza' 'di phul ba'i/
/rnam dkar dus gsum dge tshogs rgya mtsho'i tshogs/ /mkha' mnyam
'gro kun kun mkhyen thob phyir bsngo/ /bdag kyang deng nas rang
don yal bor nas/ /

bstan dang 'gro ba'i don chen bsgrub pa'i phyir/ /mnar med me
nang 'jug la'ang mngon dga' bas/ /sras bcas rgyal rnams rtag tu
dgyes byed shog /ces pa mgon khang chen mor snyan dar mang po
'bul bar mdzad skabs

@359a @#/ /dar so sor 'drir bstsal to// //na mo gu ra we/ bslu
med rtsa brgyud bla ma dang/ /dpal ldan rdo rje 'jigs byed sogs/
/yi dam lha tshogs dkon mchog gsum/ /dpa' bo

mkha' 'gro chos skyong ba'i/ /bstan bsrung 'khor dang bcas rnams
la/ /dge mtshan tshon brgyas rab bkra ba'i/ /lha rdzas dam pa'i
spyan gzigs sogs/ /dngos bshams yid sprul mchod tshogs 'bul/ /'di
ltar bskrun

pa'i rnam dkar yang/ /dus gsum dge tshogs rgya mtshor bcas/ /mkha'
mnyam 'gro ba'i sdug bsngal kun/ /skyob pa'i skyabs su 'gyur
phyir bsngo/ /bdag ni tsha ba'i dmyal ba rnams/ /zhi byed bsil
ba'i char rgyun dang/ /grang

ba'i dmyal ba skyob byed pa'i/ /'od rno nyi ma gsal bar shog
/bkres skom yi dwags ma lus pa/ /tshim byed bdud rtsi'i rdzing bu
dang/ /rmongs shing gzhan dbang gyur pa rnams/ /dbugs 'byin
sgron mer bdag gyur cig /

'thab rtsod 'khrug long mtshon 'bab par/ /sra zhing brtan pa'i go
cha dang/ /'chi 'pho ltung ba'i chu 'khrugs pa/ /sgrol byed gru
rdzings bzang por shog /bdag gi ming tsam thos pas kyang/ /skye
rga na 'chis gdungs rnams

kyi/ /rga nad 'chi ba drungs 'byin pa'i/ /yid bzhin nor bur bdag
gyur cig /nyon mongs dug lnga 'bar ba'i mes/ /gzir rnams bsil
byed gang gA dang/ /sdug bsngal mtshon char 'bab rnams kyi/ /rdo
rje'i go char

@359b bdag gyur cig /rang byas nyes pas ngan song gi /'jigs rung
g.yang sar phyogs rnams kyang/ /bdag cag dran pa'i lcags kyo
yis/ /bde 'gro'i gnas su 'dren gyur cig /dkon cog gsum gyi sgra
tsam yang/ /ma grag

zhing khams bye ba brgyar/ /bdag gis thabs mkhas sna tshogs kyis/
/sangs rgyas phrin las bsgrub gyur cig /su zhig bdag la khros
gyur te/ /gshe zhing mtshang 'bru srog gcod kyang/ /bzod cing
nges pas de nyid

la/ /bshes gnyen dam par blta bar shog /gdul dkas sangs rgyas
kun gyis kyang/ /spangs pa mun bskal de dang der/ /bdag gis
rgyal ba'i nyi ma bzhin/ /phan bde'i 'od brgyas 'gengs gyur cig
/snyigs dus zla

med ston pa de'i/ /rjes 'jug rlom yang chags sdang gi /kun slong
smag rum mun 'thibs pa/ /sel ba'i sgron mer bdag gyur cig /bdag
la sdang zhing 'tshe ba dang/ /dad cing gus par byed pa sogs/
/mthong thos dran reg

gyur pa rnams/ /byang chub dam pa myur thob shog /khyad par 'di
snang nub phyogs tshe/ /gnad gcod gdung bas ma gos par/ /mkha'
'gro chos skyong bsu bar bcas/ /dag pa'i zhing du 'jug gyur cig
/dus mtha' 'dir yang

phan bde'i gzhi/ /rgyal ba gnyis pa tsong kha pa'i/ /lung rtogs
dam chos ma lus pa/ /phyogs dus kun tu rgyas gyur cig /rgyal
ba'i sras kyi rnam thar la/ /slob par 'dod pa'i dge slong zhig
/bla ma lha dang bsrung

@360a @#/ /tshogs la/ /gsol gyis smon bzhin 'grub par mdzod/ ces
pa mgon khang cher mor gos yug bzang pos gong pa byas pa'i
mthing khra'i snyan dar mang po 'bul ba mdzad pa'i skabs stsal
ba'o// //

@#/ /na mo ratna tra yA ya/ mchog gsum ngo bo rtsa ba'i bla ma
dang/ /dbyer med dpal ldan rdo rje 'jigs byed la/ /brgya byin
gzhu ltar bkra ba'i lha rdzas gos/ /phul ba'i dge bas ma gyur
'gro rnams kyis/ /thams cad gzigs

pa'i go 'phang myur thob shog /oM mchog stsol bla ma mgon po
dbyer med la/ /rab mdzes dar gyis lhab lhub 'di phul ba'i/ /dge
bas bdag dang mkha' mnyam sems can kun/ /'di phyi bar do'i 'jigs
pa kun las skyobs/ /

hUM; phyag drug yid bzhin nor bu 'khor bcas drung/ /zla shel
zhu 'dra'i lha rdzas phul ba'i mthus/ /'gro kun dbul phongs sdug
bsngal kun sel zhing/ /dam chos bsgrub pa'i mthun rkyen char
bzhin phob/ /hUM myur

mdzad dbang gi rgyal po yis/ /bdag dang sems can thams cad kyis/
/myur du zung 'jug mngon 'gyur ba'i/ /legs tshogs mtha' dag dbang
du sdus/ /mgon po 'chi med mchog stsol gyis/ /bdag dang bdag la

brten rnams kyi/ /'chi bdag bdud bzhi tshar chod la/ /'chi med
rig 'dzin thob par mdzod/ /b+hyauH 'dod khams gtso mor lha rdzas
'di 'bul gyi/ /chos grwa chen po bkra shis lhun po 'dir/ /dge
'dun bshad sgrub

@360b longs spyod dar zhing rgyas/ /bar gcod sel zhing rtag tu
bsrung skyob mdzod/ /hUM mgon po'i bka' gnyan pho nya'i gtso/
/gnod sbyin chen por 'di 'bul gyi/ /bdag dang pha mar gyur pa
kun/ /zhing mchog bgrod pa'i

grogs mdzod cig /dbang phyug dzi na mi tra la/ /spyan gzigs
mchod pa'i sprin spros pas/ /bdag dang bdag la bltos pa yi/
/'gro kun dam chos bsgrub pa'i gegs/ /sel zhing mthun rkyen ma
lus sgrubs/ /gshin rje

Takki rA dza ni/ /lha rdzas na bzas dgyes gyur te/ /bdag dang
ma rgan sems can rnams/ /dam chos bsgrub pa'i grogs mdzod cig
/lha chen trakshad 'khor bcas kyis/ /pha ma sems can thams cad
kyi/ /sdig pa'i bsam sbyor

rgyun bcad nas/ /byang chub bar du bsrung skyob mdzod/ /dzaH lha
chen gshin rje'i rgyal po 'khor bcas la/ /dbang sngon mdangs
chags lha rdzas mchog 'bul bas/ /sangs rgyas gnyis pa rje btsun
tsong kha pa'i/ /bstan

dang bstan 'dzin spel zhing bsrung skyob mdzod/ /b+hyauH rgyal
yum 'dod khams gtso mo bcom ldan ma'i/ /drung du lha rdzas mchod
pa'i sprin 'bul bas/ /bdag dang bdag la bltos pa'i 'gro rnams
kyi/ /byang chub snying po'i

bar du stong grogs mdzod/ /hUM lha chen drag po gdong bzhi yab
yum drung/ /bai DUr mdog can gos bzang phul ba'i dges/ /bdag
dang mkha' mnyam 'gro ba thams cad kyi/ /kun 'byung 'khor ba'i
sdug bsngal rgyu

@361a @#/ /bcad de/ /bde 'gro thar pa mchog gi grong du drongs/
/pai 'dod dgu'i dpal ster rnam mang thos sras drung/ /gser zhun
mdog can gos bzang mchog 'bul lo/ /dgyes shing bzhes nas bdag
dang bdag

nyid la/ /bltos pa'i 'gro la bslab gsum 'phags nor stsol/ /kyai
gnod sbyin dregs pa'i rgyal po lcam sring la/ /lha rdzas mchog
'bul bkra shis lhun po yi/ /phyi nang gnyer mdzod khrims 'chal
tshar gcod cing/ /mi

nor dgon gnas bcas pa'i mthun rkyen sgrubs/ /'dis mtshon dge bas
bdag gzhan kun/ /bla med byang chub myur thob pa'i/ /'gal rkyen
bar gcod kun sol la/ /mthun rkyen ma lus yid bzhin sgrubs/ ces
pa

rnams kyang mgon khang chen mo sogs su snyan dar rab tu mang po
'bul bar mdzad skabs re rer 'drir bstsal to// //swa sti/ 'dis
mtshon dge bas bdag dang 'gro ba kun/ /rtag tu tshul khrims

bag yod gos ldan zhing/ /bde ba can du skyes nas bcom ldan 'das/
/'od dpag med pa'i sras kyi thu bor shog /ces pa li ma rnying
pa'i rten gtso rje btsun byams pa dang gnyan sgrol la ding pon
la thod ma'i na bza' re 'bul

ba gnang ba'i nang ngos su 'drir bstsal to// swa sti/ ston pa
bla na med pa'i snyan shal drung/ /rab mdzes lha rdzas phul
mtshon legs spyad mthus/ /dga' ldan mkha' spyod bde ba can la
sogs/ /thogs

@361b med bgrod nas rgyal rnams dgyes byed shog /swa sti/ rje
btsun bla mar na bza' phul bas mtshon/ /rnam dkar rgya mtshos dga'
ldan bde ba can/ /dag pa'i zhing bzhugs rgyal ba rgya mtsho'i
tshogs/ /mnyes par byed cing

gsung gis tshim par shog /ces pa lha ldan gyi jo bo rin po che
dang/ /dge ldan dngul gdung rin po cher snyan dar na bza' 'bul
ba gnang ba'i zhal yig tu mdzad pa'o// //@#/ /na mo gu ru budd+ha
bo d+hi satwa

b+hyaH 'dis mtshon dge tshogs dung dang pad rtsa ltar/ /mchog tu
dkar ba gang zhig bsags pa'i mthus/ /kun bzang 'jam pa'i dbyangs
kyi rnam thar rnams/ /ji bzhin spyod pa'i dbang por bdag gyur
cig /bslab gsum gru

rdzings sde snod gsum gyis bsdams/ /lhag bsam dar chen brtson
bgrus rlung gis bskyod/ /'gro kun sku gsum gling mchog nyams
dga' bar/ /sgrol ba'i ded dpon bzang por bdag gyur cig /snying
rje'i rtsa ba zug pa'i

byang sems shing/ /rim gnyis ba dan dkar po 'phur lding zhing/
/mdo rgyud rgya mtsho'i pha rol legs phyin te/ /zung 'jug nor
bu'i gling du bgrod gyur cig /tshe rabs kun tu 'khor lo bzhi ldan
zhing/ /thub pa'i brtul zhugs bla

na med bzung ste/ /rgyal ba'i sku gsung thugs kyi gsang ba'i
mdzod/ /'dod dgur spyod pa'i dbang por bdag gyur cig /skye ba
kun tu mnyam med tsong kha pa'i/ /mdo sngags bstan pa'i rgyal
mtshan 'dzin pa la/ /'gal rkyen kun zhi  

@362a @#/ /mthun rkyen ma lus pa/ /'bad rtsol med par lhun gyis
grub gyur cig /blo bzang mi pham mgon dang 'od dpag med/ /tshe yi
mthar yang mngon sum mthong gyur nas/ /gnad gcod bar do ngan
'gro'i

'jigs las bsgral/ /rnam dag zhing drangs sa lam kun bgrod shog
/ma pham rdo rje'i gdan du mngon gshegs tshe/ /rnam dag 'khor gyi
thog mar bdag gyur nas/ /rgyal ba'i dam chos ma lus kun bzung
ste/ /'gro ba'i don

chen ma lus bsgrub gyur cig /gnas skabs su yang chos mthun bsam
pa yi/ /dpag bsam 'bras bu'i khur gyis mdzes par shog /dge legs
chen pos kun tu khyab gyur cig / ! /dge ba 'di yis

skye ba kun tu bdag /shAkya'i rgyal pos 'bral med rjes bzung
ste/ /bstan dang 'gro ba'i phan bde bsgrub pa la/ /kun bzang
'jam pa'i dbyangs su bdag gyur cig /mdo rgyud rgya mtsho'i dpal
la longs spyod cing/ /lung rigs shes

bya kun la mkhas par sbyangs/ /bslab gsum rim gnyis rnal 'byor
mthar son nas/ /thams cad mkhyen pa'i dbang por bdag gyur cig
/'di yi dge bas srid par spyod tshe bdag /'gyur med dad pa shugs
drag nges 'byung

dang/ /bcos min byams dang snying rje byang chub sems/ /yang dag
lta dang nam yang 'bral ma gyur/ /'dis mtshon bdag gi dge bde
bstan 'gro yi/ /phan bde bla na med pa'i rgyur 'gyur zhing/
/'gro ba'i sdug bsngal rgyal ba sras

@362b bcas kyi/ /bzhed 'grub gegs rnams bdag la smin gyur cig
/khyad par dga' ldan bde ba can la sogs/ /rnam dag zhing skyes
theg mchog rigs sad de/ /rgyal ba'i dam chos ma lus yongs bzung
nas/ /stobs bcu mnga'

ba'i go 'phang myur thob shog /ces pa 'di gnyis bkra shis lhun
po'i 'du khang gi 'phan skor chen mo'i gong bar rje thams cad
mkhyen pa rang nyid kyi phyag bris su mdzad snang ngo// //rgyal
yum 'dod

khams dbang phyug mgul rgyan du/ /dbang gi rang bzhin do shal
'di phul ba'i/ /dge bas phrin las rnam bzhi'i bdud rtsi yis/
/bdag yid re ba'i bum bzang gang bar mdzod/ /bdag gi dge ba'i
bsam sbyor don rnams kun/ /

gegs med yid la bsams pa tsam gyis kyang/ /smon pa ji bzhin myur
du 'grub pa la/ /rtag tu khyod kyis g.yel med grogs mdzod cig
/mdor na bdag cag gang dang gang song ba/ /de dang der ni lha mo
khyod nyid kyis/ /brtse

ba'i ma dang sring mo ji bzhin du/ /bar gcod kun sol mthun rkyen
ma lus sgrubs/ /phyi nang rgol ba kun 'joms shing/ /phun tshogs
rang dbang 'dod dgur spyod/ /mchod sbyin bstan pa'i bya ba sogs/
/yar ngo'i dpal la 'gran

gyur cig / //dge ba 'di yis tshe rabs kun tu bdag /mtho ris yon
tan bdun ldan rten thob cing/ /shAkya'i rgyal pos 'bral med
rjes bzung ste/ /'jam dpal dpa' bo'i spyod tshul mthar phyin shog
/dge ba

@363a @#/ /'di yis skye ba kun tu bdag /thub dbang 'jam dpal
snying po byams mgon gyi/ /'bral med zhabs bsten gsung gi bdud
rtsi 'thung/ /sa lam mthar phyin sku gsum myur thob shog /'dis

mtshon dge bas bstan dang 'gro ba la/ /'phral dang yun du phan pa
rab bsgrub cing/ /rlabs che zab gsal myur ba'i shes rab kyis/
/dam chos ma lus bdag gis 'dzin par shog /dge 'dis skye ba kun
tu bdag /thub

dbang byams mgon 'jam dbyangs kyi/ /zhabs skyes mchod dang mi
'bral zhing/ /thub dbang go 'phang myur thob shog /dge 'dis tshe
rabs kun tu bdag /phyi nang dug gsum nad spangs te/ /rgyal ba'i
dam chos kun

bzung nas/ /sman gyi rgyal po'i gnas thob shog /'di yi dge bas
byams mgon gyi/ /thugs rje'i lcags kyus dga' ldan drangs/ /sgo
gsum mchod sprin rgya mtsho yis/ /mgon de mnyes par byed gyur cig
/'di nang 'gags

tshe bde ba can/ /padmo'i lte bar legs skyes te/ /rgyal ba'i chos
tshul kun bzung nas/ /'od dpag med mgon mnyes byed shog /'dis
mtshon rnam dkar phung po'i mthus/ /'khor lo bzhi dang mi 'bral
zhing/ /thub pa'i

rnam thar kun bzung ste/ /rtag tu dam chos kun 'dzin shog /deng
nas tshe rabs kun tu bdag /rtag tu thub pa'i zhabs bsten cing/
/rgyal ba'i dgongs pa ji bzhin du/ /dam chos ma lus 'dzin gyur
cig /ces pa'ang

@363b bkra shis lhun po'i 'du khang gi 'phan skor chen mo'i kha
btags la sku brnyan yod pa 'ga' zhig gi zhabs su phyag bris su
mdzad snang ngo// //oM bde legs su gyur cig /rin chen sa le
sbram gyis

'dzin dbang/ /'bum phrag rta dmar zer gyis byugs pa bzhin/ /dge
legs 'od zer stong 'bar lham me ba/ /gzi brjid phung po de yis
mchog stsol zhig /nyes spyod dri ma 'khrud pa'i dag byed mchog
/the tshom dra ba gcod

pa'i mtshon gyi phul/ /ma lus 'gro ba'i re skong yid bzhin nor/
/gsung gi bdud rtsis 'gro 'di dbugs phyungs shig /rab 'byams
shes bya kun la thogs med cing/ /'gro la bu ltar brtse ba'i
thugs mnga' ba/ /lung rtogs

nor bus bltams pa'i rgya mtsho che/ /thub dbang thugs rje'i lcags
kyus bdag zungs shig /rin chen dbang gi rgyal po ji bzhin du/
/mi rtog bzhin du srid zhi'i phun tshogs kun/ /ma lus bskrun
mdzad rgyal ba'i phrin las kyi/ /ga

bur mchog des bdag snying tsha gdung sol/ /dkon mchog gsum gyi
dri gsung rab rgyas shing/ /dam can bsrung ma'i bung ba khyu
'khrigs la/ /'dun ldan rnam dag zil dngar bcud ldan pa/ /pad
mo'i dga' tshal rjes 'gro gtsug

lag khang/ /mdzes byed spel legs me tog phreng ba yi/ /phun
tshogs la 'khu ba dan phreng ring 'di/ /blo bzang chos kyi rgyal
mtshan lhag bsam gyi/ /sbyin las 'ongs pa rnam dkar rgya mtsho'i
dpal/ /'di yi dge bas bdag

@364a @#/ /gzhan 'gro ba rnams/ /mi khom gnas su nam yang mi skye
zhing/ /dal 'byor yon tan bdun ldan rten thob shog /khyad par
tshe 'di'i snang ba 'gags ma thag /dga' ldan gnas su skyes nas mi
pham

mgon/ /'jam dpal snying po'i zhal bzang mngon gyur nas/ /gsung
gi bdud rtsi ngoms med 'thung bar shog /de yi mthu las theg gsum
mdo sngags kyi/ /chos tshul ma lus rgyal ba'i dgongs pa bzhin/
/legs par

bzung ste kun bzang spyod pa kun/ /bsgrub la nam yang zhum pa
med par shog /nam zhig 'phags yul dbus su ma pham mgon/ /sprul
pa mchog gi gar gyis rol pa'i tshe/ /'khor gyi thog ma nyid du
bdag gyur nas/ /rtag tu

mnyes pa kho na bsgrub par shog /de'i tshe ma rnams 'khor ba'i
rgya mtsho las/ /sgrol ba'i dam bca' sngon gnas rjes dran te/
/gang 'tsham thabs la mkhas pa'i gru bo ches/ /'gro kun srid mtsho
che las sgrol bar shog /deng nas

skye dang skye ba thams cad du/ /rang dang gzhan don chu klung
bye ba brgya/ /gang du 'du ba 'khor lo bzhi ldan pa'i/ /yon tan
rgya mtsho chen por 'gyur bar shog /khyad par grangs med 'gro
ba'i bla ma de'i/ /zhabs sen gtsug gi rgyan dang

mi 'bral zhing/ /sgra 'dzin gsung dang 'dren byed zhal skyin
gyi/ /bdud rtsi'i dpal dang 'bral ba med par shog /bdag gi sgo
gsum bya ba thams cad kyang/ /bstan dang 'gro ba'i phan bde phun
tshogs kyi/ /rgyu las gzhan

@364b du ma gyur 'gro kun gyi'ang/ /zla med skyabs kyi mchog tu
bdag gyur cig /shugs drag snying rje chen pos yid bskyod nas/
/nyam thag 'gro ba'i duH kha ma lus pa/ /bdag nyid gcig pus bsal
nas dus kun tu/ /bde ba

mchog la bdag gis 'god par shog /bdag ni dman par gyur kyang
'gro kun gyi/ /sdug bsngal khur du 'khyer la mi zhum zhing/
/phongs par gyur kyang sbyin la dga' ba dang/ /srog la bab kyang
tshul khrims bsrung bar shog /

cis kyang 'khrug bral bzod pa'i go bgos te/ /skyong la med pa'i
brtson 'grus rta zhon nas/ /ting 'dzin ral gri shes rab ngar
ldan gyis/ /dug gsum dgra sde'i dpung tshogs myur 'joms shog
/rang dbang ma thob nying mtshams

sbyor ba na/ /'phags mchog nye rgyal rnam thar ji bzhin du/
/rtag tu rab byung tshul khrims rnam dag shog /bslu med dkon
mchog gsum gyi thugs rje yis/ /bdag cag dam par 'dzin pa'i skye
bos mtshon/ /mthong thos

dran reg skye bo thams cad kyang/ /thar pa dam pa'i lam dang
'bral ma gyur/ /'di yi dge bas dus gsum gshegs rnams dang/ /sar
gnas rgyal ba'i sras po thams cad kyi/ /rlabs chen spyod pa smon
lam ci mchis pa/ /

bdag nyid gcig pus yongs rdzogs spyod par shog /rang don bsam pa
dug bzhin spangs nas ni/ /phan bde'i 'byung gnas rin chen sems
mchog dang/ /rmi lam du yang skad cig 'bral ma 'gyur/ /bdag nyid
bzhin

@365a @#/ /du kun kyang de 'drar shog /zhing gang rgyal ba'i nyi
mas ma bgrod pa/ /der ni bdag gi sprul pa sna tshogs kyi/ /nyi
mas rgyal ba'i mdzad pa kun bsgrubs te/ /phan bde'i pad tshal
rgyas par byed par shog /

rgyal ba kun gyi gsang ba nam mkha'i mdzod/ /ma lus bdag gi
mngon sum yul gyur te/ /gdul bya'i khams dang bsam pa ji bzhin
du/ /ma rnams kun la dus su 'doms par shog /skye ba kun tu srid
pa'i phun tshogs

rnams/ /dug can lag 'gro gnas pa'i tshang tshing ltar/ /mthong nas
mgo la me shor bzlog lta bur/ /lam mchog bsgrub la rtag tu
brtson par shog /gang du sdig pa'i 'bras bus gtsos gyur kyang/
/srid pa'i ngang tshul

dran nas mi zhum zhing/ /shugs drag brtse bas nyam thag sdug
bsngal kun/ /ma lus bdag gi rgyud steng len par shog /'khor ba'i
phun tshogs ji tsam thob gyur kyang/ /nga rgyal mtho ba'i sems
spangs phan bde kun/ /bsam

pa thag pas 'gro la bsngo bar shog /bslu med ston pa de yi rnam
thar bzhin/ /drag shul rlabs chen spyod pa'i byed po yis/ /lam
lnga sa bcu bde blag bgrod gyur nas/ /stobs bcu mnga' ba'i go
'phang myur thob shog /nam

mkhas gar khyab bdag gi sgo gsum gyi/ /bkod pas khyab byas sna
tshogs rnam 'gyur gyis/ /rdzogs ldan sprin bzhin 'dod dgu'i gru
char gyis/ /mkha' mnyam 'gro kun bde la 'god par shog /de ltar
smon pa'i

@365b rnam dkar phung po'i mthus/ /lus can kun gyi phan bde'i
sgo gcig pu/ /blo bzang lung rtogs dam chos ma lus pa/ /srid
mthar rgyas la gegs yod ma gyur cig /khyad par bshad sgrub bstan
pa'i 'byung gnas mchog /

rnam mang mkhas pa'i skye bos bstan pa'i gnas/ /tshogs mchog 'dus
pa rgya mtsho'i dga' ba'i tshal/ /bkra shis lhun po rtag tu rgyas
gyur cig /bla ma yi dam mkha' 'gro chos skyong sogs/ /skyabs
mchog kun gyis g.yel

med grogs mdzad nas/ /bdag gi chos dang mthun pa'i bsam pa kun/
/yid la re ba ji bzhin 'grub par shog /bdag ni gang dang gang du
gnas pa der/ /mi shis mi 'byung 'jig rten las/ /'das pa'i 'dod

dgu'i 'byor pa phun tshogs kyi/ /bde legs chen pos phyogs kun
gang bar shog /gnas skabs kun tu'ang rgyal bas bsngags pa yi/
/lus dang longs spyod gnas dang grogs la sogs/ /lam mchog bsgrub
pa'i mthun rkyen

phun tshogs shog /bkra shis rgya mtshos phyogs kun gang bar shog
/dkon cog gsum gyi bkra shis deng 'dir stsol/ zhes pa bla ma
sangs rgyas byang sems kyi sku brnyan kha btags sogs la bris
pa'i 'phan skor gyi gong

pa la rje thams cad mkhyen pa nyid kyis phyag bris su mdzad
snang ngo// //@#/ /oM swa sti/ 'di phul dge bas bsam grub bu
khrid ni/ /yab yum sras bcas tshe ring longs spyod ldan/ /bde
skyi

@366a @#/ /phun tshogs mthar thug sangs rgyas kyi/ /go 'phang dam
pa myur du thob par shog /swa sti/ dpon sa bsam grub bu khrid
kyis/ /'di ltar phul ba'i dge ba'i mthus/ /gnas skabs bsams don
kun 'grub

cing/ /mthar thug sangs rgyas myur thob shog /ces pa mu tig byu
ru spos shel sogs kyi 'phan tsar phul ba'i pan mgo'i rgyab la
phyag bris su mdzad snang ngo// //@#/ /na mo gu ru mu ni indrA
ya/

gang gi mkhyen brtse'i yon tan gter/ /rab 'byams rgyal ba gzhan
kun gyi/ /yon tan phung po bsdoms pa la/ /'khu ldan shAkya'i
gtso bo de'i/ /zhabs skyes pad mo'i ge sar la/ /sgo gsum dang
bas phyag 'tshal zhing/ /

byang chub snying por skyabs su mchi/ /mgon po thugs rje'i lcags
kyus zungs/ /srid pa gsum na zla bral zhing/ /bslu ba med pa'i
skyabs kyi phul/ /dran pa tsam gyis gdung sel ba'i/ /bcom ldan
khyod la snying nas

'dud/ /bdag lus longs spyod dus gsum gyi/ /dge tshogs phung po ci
yod dang/ /dngos bshams yid kyis sprul pa las/ /byung ba'i mchod
sprin rgya mtshos mchod/ /mi shes byis pa'i spyod tshul gyis/
/phan mdzad

khyod kyi dgongs pa dang/ /'gal bgyis gnod zhing 'gyod pa yis/
/thugs rje che ldan khyed rnams kyi/ /spyan sngar bshags shing
bsdam par bgyi/ /bdag cag nyam thag 'gro ba rnams/ /bskyab phyir
nyid kyi sku dang

@366b srog /grangs med gtong sogs dpa' khyod kyi/ /mdzad pa kun
la yi rang ngo/ /khyod kyi bstan pa'i rjes slob kyang/ /thub
dbang zhi ba'i dbyings gshegs pas/ /mas spangs ri dwags bu 'dra
bdag /dbugs dbyung slad du 'dzum zhal

ston/ /chos kyi 'khor lo'i sprin chen las/ /srid pa'i nad brgya
ma lus pa/ /drung nas 'byin pa'i bdud rtsi'i char/ /'gro ba'i
bla mas rtag tu phob/ /'dis mtshon rnam dkar dge ba'i mthus/
/bdag cag ring nas gces bskyangs pa/ /

mar gyur nyam thag 'gro ba kun/ /myur du bde gshegs gnas thob
shog /bdag kyang tshe rabs thams cad du/ /bu ram shing pa'i rjes
'brang zhing/ /thub pa'i nyi ma mtha' dag gi /chos kun ji bzhin
'dzin gyur cig /ji srid bla

med byang chub bar/ /stobs bcu mnga' bas bdag cag gi /'bral med
dge ba'i bshes mdzad cing/ /khyod mnyes kho na sgrub gyur cig
/'di snang nub tshe bde ba can/ /'od dpag med pa'i zhabs drung
du/ /legs skyes gsung

gi bdud rtsi 'thung/ /yon tan rgya mtsho'i mthar phyin gyur/ /de
nas sna tshogs sprul pa yis/ /nyam thag 'gro ba ma lus pa'i/
/gdung sel gnas skabs mthar thug gi /'dod dgu ma lus sbyin gyur
cig /bdag ni mthong dang thos

pa dang/ /dran reg gus par byed pa rnams/ /log pa'i lam du mi
ltung bar/ /bde nas bde bar bgrod gyur cig /bdag la dam par
'dzin pa rnams/ /'bral med bdag gis rjes bzung ste/ /bdag nyid
mngon par sangs rgyas  

@367a @#/ /tshe/ /'khor gyi thog mar 'gyur bar bgyi/ /pha mar gyur
pa'i 'gro ba rnams/ /sgrol phyir mnar med me nang du'ang/ /'jug
la spro ba'i gdeng ldan pas/ /'gro kun bde la dgod gyur cig
/bdag gi bsod

nams 'di yi mthus/ /lus can kun gyi sdig sdug rnams/ /thams cad
bdag la smin gyur nas/ /de dag rtag tu bde gyur cig /bdag gi
ming tsam dran pas kyang/ /'jigs pa med pa'i gnas thob ste/ /dam
pa'i grogs dang mi

'bral bar/ /thams cad mkhyen grong 'jug gyur cig /bdag kyang
srid na rgyu ba'i tshe/ /sdig bral mngon mtho'i dpal ldan zhing/
/chos kyi longs spyod phun tshogs pa'i/ /mkhas pas smon pa'i gnas
gyur cig /khyad par mi pham

zhabs zung gi /gtsug rgyan mdzes dang mi 'bral zhing/ /mgon de'i
gsung gi gsang ba kun/ /'dzin cing mnyes pa bsgrub gyur cig
/gnas skabs kun tu thams cad mkhyen/ /blo bzang grags pa'i mdo
sngags kyi/ /bstan pa

spel la 'gal rkyen bral/ /mthun rkyen yid bzhin 'grub gyur cig
/ces pa cho 'phrul chen po'i dus mchod skabs dgos pa mchod lha
sogs bris pa'i gos yug gi god par 'drir bstsal to// //

swasti/ rgyal ba'i dbang po blo bzang grags pa'i dpal/ /mgon
de'i sku gzugs 'dod dgu'i char 'bebs pa/ /bsam 'phel dbang gi
rgyal po 'di bzhengs pa'i/ /dge bas mtshon pa'i rnam dkar phung
po'i tshogs/ /ma lus  

@367b gcig tu bsdoms te mgon khyod kyis/ /tshe rabs kun tu rjes
su 'dzin pa dang/ /khyod kyi mdo sngags bstan pa'i srol chen po/
/ches cher rgyas la yun ring gnas phyir bsngo/ /bdag dang bdag
lus bskyed pa'i drin can ma/ /gzhan yang

mthong thos dran cing reg pa yi/ /bdag la 'brel ba'i skye bo
thams cad dang/ /'di yi phyir du mthun rkyen gang bsgrubs pa/
/kun kyang tshe 'di'i snang ba 'gags ma thag /dga' ldan gnas su
nges par skye ba dang/ /ma pham mgon dang

'jam dpal snying po yi// //brtse ba'i phyag gis dgyes bzhin
'dzin gyur cig /deng nas bzung ste tshe rabs thams cad du/ /khyod
kyi dgongs pa'i gnad don kun rtogs te/ /bstan dang sems can don
kun bsgrub pa

la; ;rje btsun bla ma khyod dang mtshungs par shog /'khor ba'i
bde la zhen cing chags pa dang/ /rang bde 'dod pa dug bzhin gtan
spangs nas/ /'gro ba'i don du rgyal sras spyod pa'i khur/ /ma
lus 'dzin la zhum pa med par shog /

'khor ba'i rtsa ba gcod byed yang dag lta/ /gsang chen lam gyi
mthar thug rim pa gnyis/ /khyad par theg chen rtsa ba byang chub
sems/ /bdag gi snying la 'bral ba med gyur cig /gnas skabs su
yang bsams pa'i don rnams kun//

bde blag 'grub cing 'gal rkyen zhi ba dang/ /tshe dang 'byor pa
bshad sgrub 'phrin las rnams/ /yar ngo'i zla bzhin rtag tu rgyas
par shog /yul phyogs kun tu'ang nad dang 'khrug pa sogs/ /mi
mthun gnod pa thams cad zhi ba dang/ /

@368a @#/ /lo tog phun tshogs bde skyid dpal 'byor la/ /rdzogs
ldan dus bzhin kun kyang spyod par shog /rgyal dang de'i yum
rgyal sras 'phags pa'i tshogs/ /mchog tu bden pa'i mthu dang byin
rlabs

dang/ /rgyu 'bras rten 'brel nam yang mi bslu ba'i/ /bden pas ji
ltar smon bzhin 'grub par shog /ces pa 'di bkra shis lhun po'i
gtsug lag khang du rje bla ma'i dngul sku bzhengs skabs smon lam
du stsal pa'o// //

oM swasti/ gser gyi 'dzin mar nyal 'gro'i phung po ltar/ /bkra
shis lhun por spungs pa'i chos grwa che'i/ /tshogs mchog mchod
pa'i bdud rtsi bskyil ba'i gnas/ /rin cen las grub phul byung
snod yangs 'di/ /blo bzang chos

kyi rgyal mtshan dpon slob kyis/ /legs bsgrubs 'dis mtshon dge
tshogs rgya mtsho'i mthus/ /bkra shis lhun gyis grub pa'i chos
grwa che/ /srid mtha'i bar du dar zhing rgyas pa dang/ /dge 'dun
khrims gtsang thugs

mthun bshad sgrub 'phel/ /thub bstan dar rgyas yun ring gnas
gyur cig /bdag dang mkha' mnyam 'gro ba ma lus pa/ /rtag tu bla
med theg pa'i snod gyur te/ /rlabs chen rgyal sras spyod pa
mthar phyin nas/ /thams

cad gzigs pa'i go 'phang myur thob shog /'di yi byed po dpal
'byor bsam grub sogs/ /gnas skabs mthar thug 'dod don 'grub gyur
cig /tshogs khro chen mo gsar bzhengs kyi zhal yig go / //

@368b @#/ /hUM; rgyal ba kun gyi mthu stobs kun 'dus pa'i/ /bcom
ldan rdo rje 'jigs byed 'khor dang bcas/ /rten 'dir brtan par
bzhugs la chos grwa 'di/ /srid mtha'i bar du dar zhing rgyas par
mdzod/ /tiShTha badzra mangga laM/ hUM; thugs

rje chen po khros pa'i gar mdzad pa/ /myur mdzod ye shes mgon po
'khor bcas la/ /bkra shis lhun po'i mi nor dge 'dun sde/ /bcol
lo bltos so 'phrin las rnam bzhis skyongs/ /tiShTha badzra sa ma
ya/ lha chen nyi ma'i sras po 'khor

bcas la/ /chos grwa che 'di'i mi nor dge 'dun sde/ /gnyer du
gtad do rtsa brgyud bla ma yi/ /bka' las ma 'da' rtag tu bsrung
skyob mdzod/ /tiShTha badzra sa ma ya// //@#/ /bso spyi khang du
rje rang nyid kyi sku

brnyan gtso bor gyur pa'i bris 'bur gyi rten bzhugs pa'i dkar
chag smon lam gnyer gtad ni// //oM swasti/ blo bzang chos kyi
rgyal mtshan 'dzin par grags/ /sher phyin smra ba'i rgyan gyur
rab tu 'byor/ /'jam dpal

grags pas nag phyogs bdud bgegs 'joms/ /klu sgrub sras kyi thu
bo legs ldan 'byed/ /dkyil 'khor bye ba'i bdag po a b+ha ya/
/skad gnyis smra ba'i dbang po rta nag 'gos/ /'jam pa'i dbyangs
dngos sa skya paNTi ta/ /snang

srid zil gnon g.yung ston rdo rje dpal/ /mkhas grub bstan pa'i
nyi ma dge legs dpal/ /bsod nams phyogs kyi glang po bsten pa'i
gnyen/ /blo bzang don gnyis lhun gyi grub pa'i rje// //@#/ /thub
dbang

@369a @#/ /gnyis pa blo bzang grags pa'i dpal/ /'jam dbyangs sras
po 'jam dpal rgya mtsho'i zhabs/ /bka' gdams bstan pa'i bdag po
dge 'dun grub/ /dge ldan gdams pa'i mdzod 'dzin ba so rje/ /rje

btsun chos kyi rgyal mtshan bstan pa'i srog /mkhas grub sangs
rgyas ye shes skyabs kyi phul// //@#/ /rigs kun khyab bdag dpal
ldan rdo rje 'chang/ /til brdung spyod pas rnam grol te lo pa/
/nA ro

ta pa rgyud sde rgya mtsho 'byed/ /grub pa'i dbang phyug DoM bi
he ru ka/ chos kyi rdo rje zung 'jug go 'phang brnyes/ /rig
'dzin mchog brnyes dpal ldan rdo rje 'dzin// //@#/ /lha bcas 'gro
ba'i ston pa

shAkya'i gtso/ /shes rab can gyi mchog gyur sha ri'i bu/ /rdzu
'phrul can gyi mchog gyur pang nas skyes/ /byams mgon thugs rjes
dga' ldan gnas su 'dren/ /'jam pa'i dbyangs kyis rnam dpyod shes
rab stsol/ /bstan

la ston pa dang mtshungs klu sgrub zhabs/ /byams mgon sras mchog
'phags pa thogs med zhabs/ /'od dpag med mgon dpal ldan a ti
sha /tshe dpag med mgon dran pas 'chi bdag 'joms/ /rgyal ba'i
gtsug tor las

'khrungs gdugs dkar mo/ /rnam par rgyal mas 'gro la 'chi med
stsol/ /'phags ma sgrol ma 'jigs pa brgyad las skyobs/ /sgrol ma
dkar mo tshe dang ye shes stsol// //@#/ /rdo rje 'jigs byed

@369b bdud rnams kun gyi dgra/ /ye shes mgon po dgra 'joms bar
gcod sel/ /blo bzang bka' srung gtso bo chos kyi rgyal/ /dmag
zor rgyal mo bstan pa'i bya ra mdzad/ /rgyal chen rnam sras 'dod
dgu'i tshar ba 'babs/ /

beg tse lcam sring bstan dgra rtsad nas gcod/ /phying dkar dpa'
bo bkra shis lhun po skyong// //@#/ /swasti/ phan bde'i char
'bebs zhabs sen yid bzhin nor/ /spyi bor reg pas gdung sel

mchog stsol ba'i/ /bslu med bla ma yid ma mchog gsum la/ /byang
chub snying po'i bar du skyabs su mchi/ /pir 'dzin rgyal po chos
dbyings rgya mtsho yi/ /slob bu lha bzo kun dga' rgyal mtshan
gyis/ /bsam sbyor dag pas lha

dang bla ma yi/ /sku brnyan mig gi bdud rtsi spungs 'dra
bzhengs/ /dge bas deng nas tshe rabs thams cad du/ /lha dang bla
ma'i tshogs kyis rjes bzung nas/ /stobs bcu mnga' ba'i go 'phang
myur thob ste/ /mar gyur 'gro ba 'dren

pa'i dpal gyur cig /ba so dge ldan rab rgyas chos kyi sde/ /dar
zhing rgyas las byung ba'i khrims ldan gyi/ /blo gsal rgya mtshos
gnas 'di yongs gang nas/ /bshad sgrub bya bas nyin mtshan 'da'
bar shog / //

'di ltar bskrun pa'i dge tshogs rgya mtsho'i mthus/ /sku 'di'i
phyir du 'bad pa byed pa dang/ /'di nyid mthong thos dran reg
skye bo'i tshogs/ /bde ba can gyi zhing du skye bar shog /'di
rnams 'chi bdag las kyi gshin rje dang/ /

@370a @#/ /dmag zor rgyal mo chos skyong lcam sring la/ /gnyer du
gtad do log pas 'khyer byed na/ /myur du drag po'i chad pas tshar
chod mdzod// //@#/ /hUM rdo rje nag po gdong bzhi pa//

yum bzhi bshan pa'i tshogs rnams la/ /bkra shis lhun po sde dang
bcas/ /bcol lo bsrung skyobs ma g.yel cig /tiShTha badzra//
//oM shar phyogs yangs pa'i nor 'dzin lha lam la/ /dbang bsgyur
lha yi dge

bsnyen dpa' bo che/ /sde brgyad 'byung po'i 'khor dang lhan cig
tu/ /'dir byon rnal 'byor bcol ba'i 'phrin las mdzod/ /phyi nang
mchod tshogs bar snang khyon gang zhing/ /khyad par sha khrag
gtor mas sa gzhi'i tshogs/ /

yongs su bkang ste bdud rtsir byin brlabs nas/ /gnas bdag gzhi
bdag 'khor bcas mnyes phyir 'bul/ /dam rdzas mchod gtor rgya
mtsho 'di bzhes las/ /rnal 'byor bdag cag 'khor dang bcas rnams
kyi/ /'gal

rkyen bar chad thams cad zhi ba dang/ /mthun rkyen bsams don yid
bzhin 'grub par mdzod/ ces pa 'di ni dad stobs dang ldan pa khe
shig tu wang gis gsol ba btab pa la brten nas sbyar ba'o// //

@#/ /na mo ratna tra yA ya/ gser zhun brtsegs pa'i lhun po dbang
po'i gzhus/ /'khyud pa ji bzhin mtshan dpe'i dpal 'bar ba/ /srid
gsum 'gro ba'i bla ma shAkya'i tog /dran pa yis kyang snying gi
gdung ba sel//

@370b phan bde'i 'byung gnas sprul ba'i gtsug lag khang/ /'jig
rten dbang po'i pho brang mdzes pa'i rgyan/ /sa le sbram gyi tog
'bar bya 'dab bcas/ /gsos shing gsar du bskrun pa'i byed po
gang/ /ris med bstan la dad pa'i ngang

tshul can/ /blo bzang chos kyi rgyal mtshan zhes pa nyid/ /de las
'ongs pa'i rnam dkar ci mchis pa/ /ma rnams don du byang chub
mchog tu bsngo/ /tshul 'dir mthun rkyen sgrub byed ma lus kyang/
/tshe ring nad med longs spyod kyis

mdzes shing/ /bde 'gro nor bu'i them skas rim 'dzegs nas/ /sku
gsum gzhal med khang du 'jug gyur cig /dge legs 'od brgya'i
snang ba 'byung ba'i sgo/ /rgyal ba'i bstan pa nam mkha'i nor bu
yang/ /bar gcod bdud

tshogs sprin gyis mi sgrib par/ /phyogs dus kun tu gsal zhing
rgyas gyur cig /yul phyogs 'dis mtshon rgyal khams thams cad
du'ang/ /mi shes rgud pa'i ming yang mi 'byung zhing/ /rdzogs
ldan gsar du 'ongs 'dra'i

dga' ston gyi/ /chos nor 'dod dang thar pa 'phel gyur cig /khyad
par sde 'dir nad rims mu ge dang/ /lo nyes dus 'khrug dgra yi
gnod bral zhing/ /phun tshogs 'dod dgu'i 'byor pas yongs gang
bas/ /nyin mtshan kun tu

bde dges 'tsho gyur cig /bdag kyang deng nas tshe rabs thams cad
du/ /'khor lo chen po bzhi dang mi 'bral zhing/ /'jam dpal 'jig
rten dbang phyug gsang 'dzin dang/ /kun bzang mdzad pa ma lus
bsgrub gyur cig /

@371a @#/ /bdag la brten cing mngon dga'i 'gro kun kyang/ /ma
pham mdun sa bde ba can la sogs/ /rnam dag zhing du padmo las
skyes te/ /bdud bzhi'i g.yul las myur du rgyal gyur cig /ces
sngon byon

dam pa'i rnam thar la blta bar 'dod pa rnam mang gzhung brgya
smra ba shAkya'i dge slong blo bzang chos kyi rgyal mtshan gyis
tshig gi spros pa dor te g.yar khral du 'tshal ba dge'o// //

@#/ /oM bde legs su gyur cig /gangs ri'i mgon po'i zhing mchog
mdzes pa'i rgyan/ /mkhas mang bye ba phrag brgya 'byung ba'i
gnas/ /chos grwa chen po bkra shis lhun po yi/ /rnam mang thos
bsam gling gi

gdan sa pa/ /lung rigs smra ba dge 'dun yar 'phel gyis/ /lhag
bsam dag pas grwa khang rtse ba nas/ /shing rtse logs bris rtser
son legs par bsgrubs/ /ri mo mkhas pa blo bzang dpal ldan gyis/
/gtso byas rig

byed 'dzin mang sor mo yi/ /sgyu rtsal las 'ongs dus gsum bde
gshegs dang/ /rtsa brgyud bla ma rgyal dang rgyal ba'i sras/
/chos bsrung mngon sum byon 'dra'i sku brnyan ni/ /'dren byed
dga' ston spungs 'dra legs

par bskrun/ /de las byung ba'i rnam dkar dge ba'i tshogs/ /kunda
zla zer bye bas phyugs 'dra des/ /'di lta'i don du mthun pa'i
dngos po dang/ /sgo gsum ci rigs phan par byed pa rnams/ /ngan
song ngan 'gro mi khom

@371b gnas spangs te/ /rtag tu dal 'byor lha mi'i rten brgyud
nas/ /bla med byang chub dam pa myur thob shog /khyad par chos
grwa chen po 'di nyid du/ /blo gsal mkhas mang rgya mtsho'i tshogs
'du zhing/ /bshad sgrub longs spyod 'dod

dgu 'gran bzhin 'phel/ /bkra shis dge legs srid mthar rgyas gyur
cig /ces pa rje thams cad mkhyen pa'i gsung ngo// //@#/ /na mo
ratna tra yA ya/ mdzes byed dus su cho 'phrul smon lam la/
/tshogs chen

ja 'dren zangs ltir bco brgyad bskrun/ /de yi phyi lo byams chen
thub dbang skur/ /rim bzhin gos bzang lung ki'i chos gos phul/
/sna tshogs dbyig ces bya ba'i lo nang du/ /byams mgon li 'dra
dngul gyi ston pa'i sku/ /thub

dbang gtsang khang dbus ma'i steng nyid du/ /zangs khal brgya
dang gser zho lnga brgya las/ /grub pa'i gser 'bru gser gyi lhun
po ltar/ /brjid cing lhun chags bkod pas mdzes pa bzhengs/ /phur
bu'i lo la dbyen bzlums

mchod rten ni/ /bde gshegs ring bsrel snying po can du bsgrubs/
/bag yod lo nang byams chen dbu thog tu/ /gser zangs rgya phigs
gzi 'od 'bar ba bgyis/ /kun dgar gtsug lag khang chen thog khebs
pa'i/ /bzang

gos las grub bla re gsar pa dang/ /sngar gyi bla re rnying shing
'thor rnams kyang/ /gsos shing brjes te gsar pa lta bur byas/
/me khyer zhes byar dngul srang lnga brgya las/ /rgyal ba gnyis
pa'i sku 'bag de nyid kyi/ /g.yu tshems

@372a @#/ /margad mar grags mchod sdong dbus/ /g.yon g.yas rim
bzhin rje btsun bla ma dang/ /'brom ston dge 'dun grub pa'i
tshems bzhugs pa/ /dad ldan bsod nams zhing du mngon sum du/
/byin

rlabs gzi 'od stong 'bar lhang nger ni/ /tshogs mchog gsol ba
'debs pa'i rten du bskrun/ /de mtshungs sngar gyi dbyen bzlums
mchod rten de'i/ /chos 'khor yan chad gser zangs dag las
bsgrubs/ /'di dag bsgrubs

pa'i dge bas thub dbang gi /bstan pa rin chen phyogs bcur rgyas
pa dang/ /mar gyur 'gro kun rtag tu bde ldan zhing/ /thams cad
gzigs pa'i go 'phang myur thob shog /ces pa'ang dkon mchog gsum
gyi bka' 'bangs tha

chung btsun pa blo bzang chos kyi rgyal mtshan gyis smras pa dge
legs 'phel// //@#/ /don grub tshogs mchog stong tsam 'dus pa la/
/chos 'khor sngon med gsar btsugs zla gcig bar/ /phogs dang ja

tshul bzang po legs par bskrun/ /rnga chen rang byung lnga ldan
dbu thog tu/ /gser zangs rgya phigs bkod pa mdzes pas brgyan/
/rab byung slar yang gtsang khang zur zung dang/ /rgyud khang
ganyjir gsum mnyam du bkod/ /rab

myos byang phyogs bde bar gshegs pa'i bka'/ /ji snyed 'gyur
rnams yongs rdzogs glegs bam bzhengs/ /de rjes dge ldan gser gyi
thog gis brgyan/ /skyes bdag chos grwa chen po'i gtsug lag
khang/ /shing rtsi ri mo'i

@372b rgyan gyis mdzes par byas/ /dpal gdong slar yang btso ma'i
gser sbyangs las/ /rgyal ba'i bka' 'gyur ma tshang med par
bsgrubs/ /bzhugs khang ston pa'i mdzad pa'i ri mos brgyan/ /sa
skyong gser sbyangs las grub bka'

'gyur dang/ /ye shes bsrung ma'i sku brnyan mang po bsgrubs/ ces
pa 'di gnyis rje thams cad mkhyen pa rang nyid kyis phyag bris
su mdzad snang ba las blangs so// //@#/ /hUM; mahA kA la 'khor
bcas la/ /

rten gsum mchod rdzas bcas pa 'di/ /bcol lo bltos so gnyer gtad
pas/ /bsam sbyor ngan pa'i dgra byung na/ /snying khrag dron mo
hub kyis bzhes/ /bdun rgyud tshun chad tshar gcod mdzod/ /badzra
sa ma ya tiShTha/ de bzhin

chos kyi rgyal po la'ang/ /gtad do gnyer ro bya ra mdzod/ ces pa
li ma rnying pa'i lcags dra'i nang gi shel sgor bzhugs pa'i mgon
chos kyi sku brnyan gnyis kyi gsham du phyag bris su mdzad snang
ngo/ /swa sti/ rin chen sa 'dzin

rdul mnyam dpal rkang gi /ye shes mtshan dpe'i dpal 'bar byams
mgon gyi/ /bkra shis 'khor los mtshan pa'i zhabs pad zung/ /bdag
cag spyi bo'i rgyan du rtag bzhugs gsol/ /grangs med bskal par
bsod nams ye

shes kyi/ /'dab stong 'bum phrag legs par brtsegs pa'i steng/
/sku gsum 'bras bu bzang po'i dpal 'bar ba/ /nyi ma'i gnyen gyis
rang gi rgyal tshab tu/ /dbang bskur chos kyi rgyal srid skyong
ba'i gnas/ /dag zhing la 'khu

@373a @#/ /dga' ldan skyed tshal gyi/ /zhing bkod sngon med ya
mtshan ri mo 'di/ /pir thogs rgyal po chos dbyings rgya mtsho yi/
/rnam dpyod sor mo'i rtse las legs par 'khrungs/ /'di yi phyir
du mthun pa sgrub

pa dang/ /lha lam khyab pa'i mar gyur 'gro ba rnams/ /ma pham
mdun sa yid dga' chos 'dzin du/ /skyes nas sa bcu'i rim pa mthar
son te/ /sku gsum bde ba che la spyod par shog /ces pa'ang thams
cad mkhyen pa nyid kyi gsung

ngo;; ;;swasti/ gang gi ngo bo rgyal ba thams cad kyi/ /chos
sku'i rang bzhin dag dang dbyer med kyang/ /bgrang yas sgyu
'phrul dra ba'i 'jo sgeg gi /gtso bo gcig lhag phyogs kyi grangs
ldan 'di/ /nang so bsod nams

mtshan can lhag bsam gyis/ /'jam dbyangs gnyis pa dkon mchog lhun
grub pa'i/ /dgongs pa rdzogs phyir mthun pa'i rkyen sbyar nas/
/gangs can sman thang pa zhes grags pa yi/ /lugs 'dzin gtso bo
pir thogs mkhas pa'i

mchog /dge tshul chos dbyings rgya mtshos dad pas bsgrubs/ /'dis
mtshon dge tshogs zla shel 'od stong gis/ /dkon mchog lhun grub
bzhed pa kunda'i tshal/ /sku gsum ze'u 'brus mngon par mdzes pa
dang/ /bsod nams

dar rgyas mnga' thang lang tsho tshe/ /rigs rgyud 'khor dang longs
spyod snyan grags sogs/ /'dod dgu dbyar mtsho bzhin du rgyas gyur
cig /yon mchod 'khor bcas tshe rabs thams cad du/ /rje btsun bla
mas 'bral

@373b med rjes bzung ste/ /bde 'gro nor bu'i them skas la brten
nas/ /thams cad gzigs pa'i go 'phang myur thob shog /ces pa'ang
thams cad mkhyen pa nyid kyi gsung ngo// //swasti/ kun mkhyen ye
shes pir gyi rtse

mo las/ /'khrungs pa'i mdzes sdug la 'gran srid zhi yi/ /gzugs
'dzin dga' ston spungs 'dra'i byed pa po/ /sman thang pa zhes
grags pa'i lugs 'dzin gtso/ /sdom brtson mkhas pa chos dbyings
rgya mtsho yis/ /rnam dpyod dad

dang brtson pa'i stobs kyis bsgrubs/ /de las 'ongs pa'i dge
tshogs ganggA'i rgyun/ /thams cad gzigs pa'i rgya mtshor 'jug
gyur cig /tshe rabs kun tu lha mi'i 'dren pa mchog /zas gtsang
sras dang rje btsun bla ma'i tshogs//

kun gyis 'bral med rjes su bzung ba'i mthus/ /dge legs nor bu'i
them skas rim 'dzegs te/ /sku gsum gzhal med khang du bgrod par
shog / //swasti/ 'di ltar bskrun pa'i rnam dkar gser sbyangs
kyi/ /me

tog byams mgon bstan pa'i rgyan gyur te/ /ma pham bzhad pa'i
ljags yangs rgyud mang sgras/ /dbugs dbyung byang chub dam par
lung ston shog /'di dag gzims chung thang ka'i rgyab yig la
gnang ba'o/ /na mo badzra b+hai ra wA

ya; dus gsum rgyal ba kun gyi yum/ /dmag dang zor gyi las dgyes
pa/ /'dod khams dbang phyug 'khor bcas la/ /rdo rje 'chang dbang
nas bzung ste/ /rtsa brgyud bla ma'i tshogs rnams kyis/ /bka'
bsgos ji bzhin rang nyid kyis//

@374a @#/ /snyigs dus gdul dka' ma lus pa/ /'dul bar zhal bzhes
dam bcas bzhin/ /bkra shis lhun po'i chos grwa che'i/ /dpon slob
mi nor dgon gnas bcas/ /bcol lo bltos so gnyer du gtad/ /nyin

gsum bya ra mtshan gsum du/ /drung nas mel tshe ma g.yel bar/
/'gal rkyen kun sol mthun rkyen sgrubs/ /chos grwa che 'dir
'phral phugs su/ /gnod pa'i mi dang mi min tshogs/ /kun dang lkog
tu nag chang la/ /bag med

spyod pa'i sdig ldan rnams/ /phyi nang gang na gnas kyang rung/
/drag po'i chad pas tshar chod cig /dzaH lha chen chos kyi rgyal
po 'khor bcas la/ /bkra shis lhun po'i mi nor dgon gnas bcas/
/bcol lo gtad do bsrung zhing

skyob pa dang/ /bshad bsgrub dar rgyas yun ring gnas par mdzod//
hUM; gnod sbyin lcam sring bshan pa'i dmag tshogs la/ /chos grwa
che 'di'i dpon slob dge 'dun sde/ /mi nor thams cad bcol zhing
gnyer gtad pas/ /srid

mthar dar rgyas dpung gnyen bsrung skyob mdzod/ /ces pa gnyer
gtad kyi bris sku chen mo'i gsham du 'drir stsal ba'o//
//swasti/ bla ma yi dam chos skyong bsrung ma'i tshogs/ /mngon
sum byon 'dra'i rten dang brten

par bcas/ /tshul bzhin bsgrub la mthun rkyen spyod pa kun/ /skye
ba kun tu bla ma yi dam gyis/ /'bral ba med par rjes su 'dzin pa
dang/ /dus gsum rgyal ba'i lung rtogs dam chos kun/ /rgyal ba'i
dgongs pa ji bzhin

@374b legs bzung nas/ /stobs bcu mnga' ba'i go 'phang thob phyir
bsngo// //swasti/ lha bcas ston pa de yi cho 'phrul gyi/ /mdzad
pa'i rim pa gos bzang las grub pa/ /pir thogs dbang po chos
dbyings rgya mtsho

sogs/ /rig byed mkhas pa du ma'i sor rtse las/ /'ongs pa 'dren
byed dga' ston spungs 'dra 'di/ /legs par bsgrubs la dngos dang
brgyud pa yis/ /mthun rkyen tshul bzhin bskrun pa thams cad
kyang/ /thub dbang go 'phang

myur du thob par shog / //badzra sa mA dzaH lha chen ye shes
mgon po phyag drug pa/ /chos kyi rgyal po 'dod khams dbang phyug
ma/ /zhal bzhi phyag bzhi gur mgon rnam thos sras/ /chos skyong
dregs pa lcam sring la sogs

pa; ;dam can mthu ldan bsrung ma'i tshogs rnams la/ /ston pa'i
pho brang gtsug lag khang chen po/ /na bza' mchod rdzas ji snyed
mchis pa kun/ /bcol lo bltos so bsrung zhing skyob par mdzod//
//gu ru badzra d+ha rA

ya/ tshogs gnyis yongs smin mtshan dang dpe byad sogs/ /yan lag
bdun gyi 'dab stong rgyas pa yi/ /zung 'jug utpal gar gyis rnam
rol pa'i/ /dpal ldan mi skyod rdo rje la phyag 'tshal/ /de nyid
sku brnyan 'jig rten

'jig rten las/ /'das pa'i 'dren byed dga' ston spungs 'dra 'di/
/chos dbyings rgya mtshos rnam dpyod sor rtses bskrun/ /dge bas
'gro kun byang chub myur thob shog / //gu ru badzra b+hai ra wA
ya/ dus gsum rnam

@375a @#/ /'dren kun gyi mthu stobs rnams/ /gcig tu bsdus nas
khros pa'i zlos gar gyis/ /srid dang zhi ba'i 'jigs pa ma lus
pa/ /che cher 'jigs mdzad dpa' bo chen por 'dud/ /de nyid sku

brnyan dbang po'i gzhur 'gran pa/ /rnam bkra ri mo'i gzugs su
shar ba 'di/ /chos dbyings rgya mtshos bskrun pa'i rnam dkar
gyis/ /'gro rnams bdud bzhi'i g.yul las rgyal gyur cig /gu ru
badzra shrI he ru ka na ma/ dus

gsum phyogs bcur bzhugs pa'i bde gshegs kyi/ /sku gsung thugs
kyi gsang mdzod 'khor lo rnams/ lhan skyes bde ba'i mchog tu
sdom mdzad pa'i/ /he ru ka dpal yab yum la phyag 'tshal/ /de nyid
mkha'

spyod rdo rje'i pho brang nas/ /zhing 'dir byon nas mngon sum
bzhugs 'dra 'di/ /chos dbyings rgya mtshos legs bskrun dge tshogs
kyis/ /'gro kun phan bde'i dpal la spyod gyur cig /na ma shrI
kA la tsakrA ya/ stong nyid snying

rje dbyer med mkha' dbyings su/ /dbang sngon dpag bsam ljon pa'i
mdun phyogs ngos/ /gser zhun 'khri shing gzhon nus 'khyud 'dra
ba'i/ /dpal ldan dus 'khor yab yum zhabs la 'dud/ /las rlung
stong lhag nyi

khri 'gags pa dang/ /mnyam por 'ongs pa'i mtshan dpe'i phung po
la/ /'khu ldan 'ja' tshon ri mo bkra ba 'di/ /chos dbyings rgya
mtsho'i rnam dpyod 'phrul las 'ongs/ /gu ru he badzra na ma/
sgrib bral snying rje shes rab

@375b gnyis med pa'i/ /mchod sdong mtshan dpe'i 'od zer rab 'bar
zhing/ /bdud bzhi mnyam par mnan cing mthar mdzad pa'i/ /dpal
ldan dgyes pa rdo rje'i zhabs la 'dud/ /de nyid mngon sum bzhugs
'dra'i ri mo 'di/ /chos

dbyings rgya mtshos legs bsgrubs bsod nams kyis/ /mar gyur mkha'
mnyam 'gro ba thams cad kyis/ /sku gsum go 'phang myur du thob
par shog /hUM; chos dbyings bde ba chen po'i rnam rol las/ /ma
rungs 'dul phyir

drag po'i skur bstan nas/ /rnal 'byor bu bzhin skyong mdzad yid
bzhin nor/ /phyag drug ye shes mgon po'i zhabs la 'dud/ /bla ma
mgon po dbyer med thugs rje'i gter/ /rten 'dir brtan par bzhugs
nas 'jig rten

dang; ;'jig rten 'das pa'i phun tshogs rdzogs ldan gyi/ /sprin
bzhin 'dod dgu'i char gyis tshim par mdzod// dzaH 'jam dpal bka'
sdod srid gsum skye 'gro yi/ /srog la dbang bsgyur dge sdig shan
'byed mkhan/ /'chi

bdag las kyi gshin rje 'khor bcas kyis/ /dge 'dun sde 'di dar
rgyas bsrung skyob mdzod// b+hyauH dus gsum rgyal ba'i yum gcig
re ma ti/ /rtsa brgyud bla ma'i dam las ma 'da' bar/ /'gal rkyen
bar gcod ma lus

sel ba dang/ /dge 'dun sde 'di dar zhing rgyas par mdzod// hUM;
srog bdag chos skyong lcam bral 'khor bcas la/ /bkra shis lhun
por spungs ba'i dge 'dun sde/ /gtsug lag khang dang phyi nang yo
byad kun/ /gnyer du

@376a @#/ /gtad do g.yel med grogs mdzod cig /'di rnams rgyud
khang gi logs bris zhal byang du gnang ba'o// //swa sti/ bla ma
mchog dang rgyal yum dbyer med pas/ /chos dbyings

rgya mtsho byang chub snying po'i bar/ /bsrung zhing mgon skyabs
dpung gnyen grogs mdzad de/ /mchog dang mthun mong dngos grub ma
lus stsol/ zhes pa'ang ri mo mkhan rang nyid kyi 'bral spang
g.yul rgyal ma yab sras kyi

rab gnas bcu gcig ma'i rgyab yig tu stsal to// //@#/ /b+hyauH dus
gsum rgyal ba'i yum gcig drag mo'i gzugs/ /chos 'khor yongs kyi
bsrung ma mthu rtsal can/ /'dod khams dbang phyug dam can rgya

mtshor bcas/ /tshur spyon rten 'dir brtan par bzhugs su gsol/
/bstan pa bsrung phyir phyag 'tshal gus pas bstod/ /rnam mang
mchod sprin gtor tshogs rgya mtsho 'bul/ /gtsug lag khang rten
mchod rdzas bcas pa

'di/ /dgyes pa'i spyan gzigs rten du 'bul gyis bzhes/ /rdo rje
'chang sogs rtsa brgyud bla ma yis/ /snyigs dus sku gsung thugs
rten dkon cog rdzas/ /rtag tu bsrung zhing skyong la ma g.yel
zhes/ /dam tshig

gnyer gtad bka' bsgos khas blangs bzhin/ /deng 'dir dkar chag
tho nang gsal ba yi/ /lha khang 'dir bzhugs rten gsum mchod
rdzas sogs/ /ma lus bstan bsrung chen mo 'khor bcas la/ /gnyer
gtad bcol

@376b lo bltos so bdag mdzod cig /bsam sbyor ngan pas 'di yi
rten rdzas sogs/ /gzhan du khyer na de nyid gnyen bshes bcas/
/yal bar ma 'dor skad cig de ma thag /mi bzad drag po'i chad pas
tshar chod cig /rten

gsum gtsug lag khang dang dge 'dun sde/ /'di dag rdzas brku
'phrog pa'i sems ldan rnams/ /phrin las drag pos tshar gcod ma
mdzad na/ /chos kyi bsrung mar bstan pa'i dgos pa ci/ /de'i
phyir 'dir 'khod rten dang

mchod rdzas sogs/ /bzang ngan ci 'dra na yang mnyer mdzod la/
/nyin gsum bya ra mtshan gsum mel tshe'i ngos/ /bsrung zhing
skyong la bstan pa rgyas par mdzod/ ces dpal ldan lha mo sogs
chos bsrung rnams la lha khang

rten gsum mchod cha rnams bcol zhing gnyer du gtad pa 'di yang
btsun pa blo bzang chos kyi rgyal mtshan gyis bris pa dge'o//
zhes pa li ma rnying pa'i ldebs bris gnyer gtad lha mo'i sku
brnyan gyi gsham du rje nyid kyis

phyag bris mdzad snang ngo// //@#/ /hUM; lha chen dpal 'bar nag
po chen po khyod/ /rdo rje 'chang dang 'phags mchog klu sgrub
sogs/ /byin rlabs char 'bebs rtsa brgyud bla ma dang/ /dbyer med
skyabs kyi

dam par mnga' gsol lo/ /lhan skyes bde stong nam mkha'i rol pa
las/ /sna tshogs sgyu 'phrul dra ba'i zlos gar mkhan/ /rgyud sde
chen po bzhi dang yongs 'brel ba'i/ /yi dam lha tshogs ngo bor
mnga' gsol lo//

@377a @#/ /khyod ni dran pa tsam gyis mchog stsol ba/ /sangs
rgyas chos tshogs dpa' bo mkha' 'gro dang/ /mthu ldan bsrung ma
kun gyi gtso bo ste/ /rnal 'byor dgra lha chen por mnga' gsol
lo/ /deng nas

bzung ste byang chub snying po'i bar/ /rnal 'byor dpon slob mi
nor dgon gnas bcas/ /rtag tu bsrung zhing skyong la ma g.yel
bar/ /mchog dang thun mong dngos grub ma lus stsol/ zhes rdo rje
nag po chen po phyag bzhi pa'i

mnga' gsol 'di yang/ gur smon pa rnams kyi bzhed pa ltar/ btsun
pa blo bzang chos kyi rgyal mtshan gyis bgyis pa'o// //@#/ /na mo
Arya mai trI ya/ phun tshogs dga' ldan chos kyi pho brang nas/
/bslu

med skyabs kyi dam pa mi pham mgon/ /'khor bcas dang ba'i sems
kyis spyan 'dren na/ /thugs rje'i dbang gis 'dir gshegs brtan
par bzhugs/ /theg pa bde zhing 'jug pa bde ba yis/ /bgrang yas
bskal par

tshogs gnyis yongs goms pas/ /sku gsum go 'phang mthon po'i rtser
son pa/ /byams mgon thugs rje chen por gus phyag 'tshal/ /mchod
tshogs kun 'bul sdig ltung ma lus bshags/ /dge la yi rang chos

'khor bskor du gsol/ /lha rdzas las grub sku yi rten 'di la/
/srid mthar bzhugs nas phan bde'i mchog stsol mdzod/ /byams mgon
sku gzugs bsgrubs la mthun pa'i rkyen/ /bsgrub pa'i lus can ma
lus rje btsun

@377b gyi/ /zhabs drung padmo las skyes mgon po de'i/ /lung
rtogs dam chos ma lus 'dzin par shog /nam zhig klu shing drung
du mi pham mgon/ /rgyal ba'i mdzad pas rnam par rol pa'i tshe/
/'khor gyi thog ma nyid du legs gyur

nas; ;nyes brgya'i 'ching ba kun las grol bar shog /der ma son
pa'i gnas skabs kun tu yang/ /lam bzang bsgrub pa'i rten grogs
phyi nang gi /mthun rkyen ma lus rgyal bas bsngags pa bzhin/
/yid la bsams pa

ji bzhin 'grub par shog /bdag kyang deng nas tshe rabs thams cad
du/ /bstan dang 'gro ba'i phan bde bsgrub pa'i phyir/ /mnar med
me nang bskal brgyar bsregs gyur kyang/ /mi zhum snying stobs
chen pos brtson par

shog /bdag la dad dam sdang sems ldan pa dang/ /mthong thos dran
reg gyur pa'i 'gro kun kyang/ /mi khom skyon bral lha mi'i mchog
thob nas/ /thams cad gzigs pa'i go 'phang myur thob shog /bkra
shis lhun por

spungs pa'i chos gra che/ /nam mkha' ji srid gnas par dar zhing
rgyas/ /blo gsal mkhas mang bshad sgrub longs spyod 'phel/ /thub
bstan 'dzin skyong spel ba'i mchog gyur cig / //

@#/ /'di ltar bskrun pa'i dge bas mtshon/ /srid zhi'i rnam dkar
phung po'i tshogs/ /zla ltar dkar ba ci mchis pa/ /'gro kun phan
bde'i rgyu ru bsngo/ /dmyal me 'bar ba'i gdungs pa rnams/ /bsil
bar bsgrub pa'i char

@378a @#/ /rgyun dang/ /mtshon char gnod pas gtses pa rnams/
/skyob pa'i go char bdag gyur cig /de bzhin grang ba'i reg pa
yis/ /sha rus gas pa'i drin can rnams/ /bde byed 'od zer stong
ldan pa'i/ /

padmo'i gnyen du bdag gyur cig /bkres skom bzod dka'i me 'bar
bas/ /lus sems bsregs rnams gdung sel ba'i/ /bdud rtsi'i rgya
mtsho chen po sogs/ /'dod dgu'i char 'bebs sprin gyur cig /phrag
dog zhe

sdang rlung nag gis/ /rab skyod 'thab rtsod mda' mtshon gyi/ /rba
glong 'khrug pa'i ganggA'i rgyun/ /zlog byed chu lon brtan por
shog /mtho ris bde 'gro'i dga' tshal las/ /dbang med 'jigs rung
ngan song gi /g.yang

sar gzhol ba'i yid can rnams/ /'dzin byed lcags kyur bdag gyur
cig /las nyon chu bo rtag 'bab cing/ /skye rga na 'chi'i sdug
bsngal gyi/ /chu srin mang pos gtses pa rnams/ /sgrol ba'i gru
gzings mchog gyur

cig /mdor na byams brtse'i thabs mkhas kyis/ /mkha' mnyam sems
can ma lus pa/ /ci 'dod tshim par byas pa'i mthar/ /byang chub
mchog tu 'dren gyur cig /'dis mtshon dge bas 'gro kun gyis/ /ngan
song gsum

sogs mi khom gnas/ /rmi lam du yang mi mthong zhing/ /dag zhing
rgya mtshor 'jug gyur cig /'jig rten khams na skye bo gang/ /lus
sems nad dang mya ngan gyis/ /nyam thag gyur pa ma lus pa/ /sdug
bsngal kun las grol

@378b gyur cig /su dag sdig ltung spyod pa dang/ /spyod par 'dod
pa'i bsam sbyor rnams/ /rtag tu cig car log gyur nas/ /dge ba'i
lam du 'jug gyur cig /dkon mchog gsum gyi sgra tsam yang/ /grag
par ma gyur

zhing rnams su/ /thabs tshul rnam pa sna tshogs kyis/ /mchog gsum
phrin las spel gyur cig /mdor na sems can thams cad kyi/ /sdig
sdug bdag la smin pa dang/ /bdag gi dge bas 'gro ba kun/ /bla
med byang

chub myur thob shog /dus mtha' 'dir yang rdzogs ldan gyi/ /dga'
ston gsar du 'ongs pa ltar/ /'gro kun sdig dang gdung bral
zhing/ /dge legs 'dod dgus 'byor gyur cig /srid zhi'i phan bde
'byung ba'i gnas/ /thub

dbang bstan pa'i snying po mchog /blo bzang grags pa'i lung
rtogs kyi/ /bshad sgrub dar rgyas gnas gyur cig /lha bcas 'gro
ba'i bla ma de'i/ /lugs bzang so sor 'dzin rnams kyang/ /kun
slong 'khrug pa'i sems

spangs nas/ /dag snang byams sems ldan gyur cig /bdag ni mthong
reg dran pa dang/ /ming tsam thos pa'i lus can kun/ /mi khom
gnas su mi skye zhing/ /srid dang zhi ba'i dge legs kyi/ /phun
tshogs dpal 'byor

thob gyur cig /nam mkha'i mthas klas 'gro ba rnams/ /ci 'dod re
ba skong ba la/ /bum bzang 'dod 'jo'i dpag bsam shing/ /yid
bzhin nor bur bdag yur cig /yangs pa'i rgyal khams rnams su
yang/ /nad

@379a @#/ /rims dus 'khrug 'thab rtsod dang/ /sad ser than pa lo
nyes bral/ /lo phyugs legs shing char chu snyoms/ /dge legs chen
pos khyab gyur cig /mdor na sems can thams cad kyang/ /mchog

gsum spyi bo'i rgyan 'dzin cing/ /bslab gsum byang sems rim
gnyis kyi/ /bdud rtsis yid rab tshim gyur cig /bde gshegs sku
brnyan bskrun pa la/ /zla bral chos dbyings rgya mtsho sogs/ /'di
yi phyir du sgo gsum po/ /re

re'am dngos brgyud ci rigs pas/ /mthun rkyen sgrub byed thams
cad kyang/ /byams mgon thugs rje'i lcags kyu yis/ /legs bzung
bde 'gro'i rten brgyud nas/ /thams cad mkhyen grong 'jug gyur
cig / //

@#/ /rgyal ba'i mdzes sku rnam bkra'i lha rdzas las/ /legs par
bsgrubs la mthun pa'i rkyen sbyor ba/ /ma lus dga' ldan chos kyi
pho brang du/ /skyes nas rtag tu rje btsun mnyes byed shog /ma
'ongs ma pham rgyal ba'i mdzad pa yis/ /

rnam thar rol tshe dang po'i 'khor gyur te/ /bstan dang 'gro ba'i
don chen bsgrub pa la/ /zhabs 'bring rgya mtsho'i dbus na mchog
gyur cig /de'i tshe byams mgon dgyes pa'i phyag g.yas ni/ /gser
gyi ljon pa brkyangs 'dra spyi bor bzhag /

byang chub dam par lung bstan ji bzhin du/ /tshogs gnyis yongs
rdzogs sku gsum myur thob shog / //swasti/ bde gshegs brgyad kyi
sku brnyan bsgrubs pa la/ /mthun rkyen bsgrub pa'i yid can ma

@379b lus pa/ /snyigs ma'i mgon po brgyad kyis 'bral med du/
/rjes bzung byang chub dam pa myur thob shog /ces gos rnying
bzang po 'ba' zhig las rje btsun byams pa gtso bor byas pa'i
rgyal ba seng ge'i nga ro dang/ ma 'ongs bskal bzang

bde gshegs bdun pa de bzhin gshegs pa spyan legs dang/ ston pa
bde bar gshegs pa brgyad kyi sku brnyan bsgrubs pa'i dge ba
rnams bla med byang chub tu bsgyur ba'i smon lam rgyas 'bring
bsdus pa'i tshul 'di yang/ shAkya'i

dge slong blo bzang chos kyi rgyal mtshan gyis sbyar ba'o// //@#/
/oM swa sti/ gdugs dang rgyal mtshan ba dan dang/ /dri dang
phreng ba byug pa yis/ /shAkya thub la mchod nas ni/ /nga yi
bstan la lhags pa yin/ /gur

gum chu yis gdab pa dang/ /tsan dan gyi ni byug pa yis/ /shAkya
thub pa'i mchod rten la/ /mchod nas nga yi bstan la lhags/ /de'i
tshe sangs rgyas chos dang ni/ /dge 'dun la yang skyabs song
zhing/ /dge ba'i las kyang byas nas ni/ /

nga yi bstan la lhags pa yin/ /shAkya seng ge'i bstan pa la/
/bslab gzhi yang dag blangs nas su/ /ji ltar gsung bzhin bsgrubs
nas ni/ /nga yi bstan la lhags pa yin/ /dge 'dun la yang chos
gos dang/ /zhal zas dang ni btung ba

dang; ;bsnyun gsos sna tshogs sbyin pa rnams/ /phul nas nga yis
bstan la lhags/ /bcu bzhi dang ni bco lnga dang/ /de bzhin zla
gcig tshes brgyad dang/ /cho 'phrul khra yi zla ba la/ /yan lag
brgyad legs mnyam gzhag cing/ /bsnyen gnas

@380a @#/ /gso sbyong byas nas ni/ /nga yi bstan la lhags so
zhes/ /don 'di rab tu gsung bar 'gyur/ /'di dag ni mdo tshig ste/
/byams pa'i bstan pa la bya ba byed par 'dod pa rnams spro ba
bskyed phyir

bkod pa'o// //@#/ /na mo ratna tra yA ya/ phun tshogs brtan g.yo
kun gyi gdod ma'i rang bzhin dang/ /dbyer med lhun grub bde ba
chen po'i lha yi lam/ /kun khyab sgyu 'phrul dra ba'i gar gyi
chu 'dzin las/ /

phan bde'i char 'bebs mchog gsum dam pas dge legs stsol/ /grub
pa'i gnas mchog blo bzang mdun sa cher/ /tshogs mchog 'dun ldan
rgya mtsho'i gtsug lag gi /khang ngos legs bris gzhu yis byugs
'dra

ba; ;'dren pa mnyam med shAkya'i rgyal po dang/ /go 'phang
mthon por gshegs kyang thub bstan gyi/ /sgron me drug lhag bcu
phrag 'phags pa'i mchog /rtsa brgyud bla ma lhag pa'i lha tshogs
kyi/ /sku brnyan 'jig rten 'dren

byed ma lus pa'i/ /bdud rtsi spungs 'dra'i byed po pir thogs
dbang/ /chos dbyings rgya mtshos mngon byas rig byed pa/ /mkhas
'dus sor mo'i zlos gar bsgyur las 'ongs/ /'di ltar bskrun sogs
rnam dkar rgya mtsho'i

tshogs/ /lus can kun gyi phan bde 'byung ba'i gzhi/ /rgyal ba
gnyis pa'i bstan dang bstan 'dzin gyi/ /'dus tshogs 'phel zhing
srid mthar gnas pa dang/ /'gro rnams phan bdes 'byor ba'i rgyu
ru bsngo/ /'di yi phyir

@380b du sgo gsum re re dang/ /mthun rkyen ci rigs bsgrubs pa
thams cad kyang/ /dal 'byor lha mi'i rten dang mi 'bral zhing/
/thams cad gzigs pa'i go 'phang myur thob shog /blo bzang mdun
sa chos kyi pho brang cher/ /bslab

gsum rnam dag rtse gcig bsgrub la brtson/ /rnal 'byor rab byung
tshogs kyis yongs gang zhing/ /thub bstan yun du gnas pa'i bkra
shis shog / //@#/ /na mo ratna tra yA ya/ gang gi mtshan tsam
sgra 'dzin zhugs pa

yi/ /lcags kyus zhing mchog dam par 'dren mdzad pa'i/ /mchog
gsum ngo bo drin can bla ma dang/ /dbyer med 'od dpag med mgon
zhabs la 'dud/ /'dis mtshon dus gsum dang 'brel legs spyad tshogs/
/lha yi lam

mthas khyab pa'i ma rnams kun/ /bde ba can du padmo las skyes
te/ /'od dpag med mgon sras kyi mchog gyur cig /'dren byed mngon
dga' gcig tu bsdus 'dra 'di/ /pir thogs rgyal po chos dbyings
rgya mtshos bskrun// //

@#/ /yig chung gnang ba 'phrod pa'i/ zhang zhung zhes pa/ sngon
bon dar ba/ deng sang gu ge'i yul yin/ sum pa zhes pa bod kyi mi
rigs bco brgyad kyi nang tshan gcig tu 'dug cing de'i thog ma'i
yul yang/ zhang zhung gi 'og

gtsang phyogs kyi stod tsam na yod 'dug /zhang zhung btsod mar
zhes pa/ rdzas sna tshogs kyi 'phrul la brten nas/ me dum bur
chad 'gro ba'i ngan byed me'i zor dang/ de nyid ston pa bon po
rnams la/ zhang zhung btso dmar gyi rgyud

@381a @#/ /ces pa'i rgyud kyi ming btags cig kyang mchis/ sum
pa'i glang zor zhes pa/ glang dmar gyi rwa'i nang du ngan byed
kyi rdzas bcug nas zor du 'phen pa yin 'dug cing/ rnam pa gcig
tu/ glang

dmar po la/ rdzas sna tshogs dang glud gzugs la sogs pa bskyon/
rgyan gyis brgyan nas dgra phyogs su gtong ba'i/ glang chen sna
bsgyur zhes pa ci rigs su 'dug /tshe zor yungs zor ni/ tshe dang
yungs kar la drag po'i

sngags btab nas zor du 'phen pa lags/ thod zor ni/ mi mgo bya
ril gyi nang rdzas ngan gyis bkang nas zor du 'phen pa lags/
skong zor ni rdza'i skong bu'i nang du khrag sna dang/ tshil bu
sna tshogs pa'i sgron me sbar nas zor

du 'phen pa lags/ /sgong zor ni bya mo nag mo'i sgo nga'i nang
khrag sna sna tshogs kyis bkang nas zor du 'phen pa lags/ rdzi do
ba rnams kyi dgon pa'i nub phyogs dang/ phyogs dma' sa sogs su
byang chub mchod rten bzhengs

na pan 'dra ba dbyings bzhugs zhu/ rta tshag rje drung la gnang
ba'o// //@#/ /thun gsham gyi de ma yin pa'i sngon 'gro'i mchod
gtor gzhan zhig nges par bsham dgos shing/ phul grub nas mchod
ro

rnams sdud pa yin/ rol mo dang bcas skyel dgos pa'i nges pa med
pa lags/ sgrub mchod dang ma 'brel na/ maNDal ma phul yang chad
pa'i skyon med lags/ 'di'i bdud rtsi'i kha dog dkar ser 'dres
pa'i mdog can

@381b lags/ 'di gsum za ma tog dang nag 'gros snga phyi'i tshig
rigs mi mthun kyang/ /nag 'gros su dgongs pa blangs nas bkod pa
yin pas legs/ nag 'gros su sngon du mchod pa byin rlabs yod pa
ltar rung/ bdag

mdun tha mi dad la gtor ma 'bul tshe/ rang nyid gtso bo las bye
ba nag 'gros nas 'byung ba ltar mdzad pas rung/ 'jigs byed bdag
mdun tha mi dad yin yang/ gtor ma 'bul tshul/ da lta'i nag 'gros
su bshad pa

'di/ cung zad sla bcos su song ba yin pas/ rab za ma tog ji
bzhin du mdzad na legs/ des na za ma tog gi lugs ltar na/ sgrub
thabs dngos bzhi'i skabs su phyogs skyong bskyed mi dgos lags/
dus gtor lta

bu'i skabs phyogs skyong bco lnga'i gtor bsngos bzlas gtor gyi
mjug tu byed pa sgrub thabs ltar dang/ las gshin gyi gtor bsngos
chos skyong byings dang bstun pas rung/ sngar dkyil thang gi lha
dang rang dbyer med du

bsgrubs yod na/ mjug tu rang nyid gtso bo las bye nas/ gzhan ye
shes pa'i rten brten pa nyer bsdum byas par brtan bzhugs shin tu
byed pa legs/ gtor ma sogs zin nas/ da dung 'jigs byed kyi bsgom
bzlas

dang; de dang 'brel ba'i rnal 'byor gyi rgyun skyong tshe/ gsang
mchod kyi skabs dang 'dra ba shin tu byed pa legs/ nyer bsdu
byed tshe/ dkyil 'khor gyi bya ba dang las rim rdzogs pa'i rjes
su bya/ de bzhin du bskang gso dang

@382a @#/ /'brel tshe/ yi dam dang bskang gso'i rim pa thams cad
rdzogs pa'i rjes su nyer bsdu bya zhing smon lam shis brjod
kyang mjug tu byas na legs/ so so'i mjug tu byed pa'i rgyun 'dug
pa ltar byas

kyang 'gal med tsam lags/ yi dam sogs kyi gtor ma'i dbyibs/
rgyud rgya gzhung sogs nas gsal bar gsungs pa ni mi 'dug /bla ma
so so'i phyag len la 'dra min sna tshogs cig 'dug kyang/ yi dam
la rtse mo zung

gsum/ rtsa ba cung zad zlum pa snying gzugs kyi rnam pa dang/
las gshin la gru gsum gyi rnam pa/ phyogs skyong rnams la dpal
bshos zlum po/ spyir gyis lha bla ma la phrin las zhu tshe/ zhi
ba la zlum po kha dog dkar ba

sogs las so so dang bstun pa byas na rgyud sde dang mthun/ 'di
yang rgyas bsdus shes dgos pas/ rgyas pa la lha grangs dang
mnyam pa shin tu dgos/ bsdu ba la nges pa med pas ci rigs par
bya/ las gshin la yang rgyas bsdus

spyi dang 'dra'o/ /ye shes mgon po phyag drug pa'i gtor ma ji
ltar bya tshul sogs/ mkhas grub thams cad mkhyen pa'i bsnyen
sgrub las gsum/ gtor bshad chen mo rnams su gsungs pa 'khrul
pa'i dri ma dang bral ba

yin cing/ de yang gtor chen drag po yin na gru gsum dang/ 'jam
po gsum la snying po zlum po dang/ lha mo 'khor bzhi sogs kyi
gtor ma'i bzo dbyibs kyang gsal por gsungs pa las spror ma
mchis/ dgu gtor

@382b sogs kyi gtor ma'i bzo dbyibs phal cher gru gsum mdzad pa
dar bar mchis so/ /lha mo dang 'khor bzhi'i gtor ma zur du byed
mi byed rgyas bsdus yin pas/ skabs dang bstun no/ /gtor ma'i
gral rim g.yas kyi gral

mgo zhes pa/ mgon po'i gtor ma'i g.yas 'khris de yin/ gtor bral
'di ltar byed pa yang mgon po'i gtor chen sogs kyi dus su yin
gyi/ gzhan ma dus gtor la sogs pa'i dus su yi dam gtso bor byas
te bsgrig /mkha'

'gro spyi gtor dang gzhi bdag gtor ma'i bsham lugs gsung ba ltar
yin zhing/ phyogs skyong dang las gshin gyi gtor ma las gzhan
pa'i mkha' 'gro spyi gtor zhig cis kyang bsham dgos/ bsngo tshul
bde mchog gi

sngon 'gro gtor ma bzhin mdzad pa'i phyag len 'dug /byin rlabs
yi dam gang byed de'i sgo nas 'tshal/ mgon po la thun gtor gyi
tha snyad mkhas grub khyung pos ma gsungs pas/ mi dgos pa mkhas
grub thams cad mkhyen pas

gsungs pa ltar yin zhing/ bskang gtor shin tu dgos/ spyir yig
rnying la dag ma dag sna tshogs 'byung yang tshig 'di dag /sngon
gyi yig rnying byin rlabs can yin pas/ mkhas grub thams cad
mkhyen pas kyang bzo bcos ma

mdzad/ 'on kyang/ dral ba ste/ zhes pa ma dag /dral bar re/ zhes
bdud rigs 'di dag gis bdag cag dpon slob la/ gnod cing 'tshe bar
'dod cing re bar 'dug pas/ des na bcol lo bltos so/ /de dag gi
re ba 'bras bu

@383a @#/ /med par mdzod cig /ces pa'i don yin no/ /krig krig
zhabs dang brkyangs bskums gnyis gdam nga can yin/ da lta bsgyur
bkod mdzad srol mi 'dug /'on kyang brkyangs bskums kyi rnam par

bsgoms yod na/ brkyangs bskums zhabs kyis bgegs chen thal bar
rlog ces 'don pa bsgyur kyang mi 'gab pa ma mchis/ lha mo gnyis
thugs rgyud gcig pas/ bstod pa bskal me mche ba btang bas shin
tu chog /'di

zlos tshig 'dra ba zhig 'dug kyang/ sngar gyi yig rnying byin
rlabs can du byed pas bzo bcos ma mdzad pa yin/ dper na mgon
po'i spyan 'dren skabs tshig ring thung ma bde ba yod kyang/
khyung po'i gsung dngos yin pas/ bzo

bcos ma mdzad pa bzhin no/ /lo dus kyi dus gtor gyi tshe nges par
dgos/ gzhan gyi dus skabs dang bstun pa ma gtogs mtha' gcig tu
mi dgos/ spyi bstab kyi tshig yongs su grags pa/ 'dir gshegs
rgyan gyi gtor ma

'di bzhes shig /ces sogs kyi sngon du mgon po 'khor bcas kyi
mtshan bcug pa nag 'gros 'ga' zhig tu 'byung ba ltar lags/ gtor
chen dang gtor bsgrub sogs su mdzad/ dgu gtor la yang/ mjug gi
gtang rag

mchod pa/ de'i byin rlabs sogs nges par dgos shing/ sku yod na
brtan bzhugs sogs mjug chog rnams kyang mkhas grub thams cad
mkhyen pa'i gsung bzhin mdzad cing/ mchod pa yang mtha' gtad
khags so tsam

@383b nges par dgos lags/ mgon po'i sku yod na/ ye shes pa brtan
bzhugs byas pas shin tu legs shing/ rab gnas sngar byas pa'ang
gong 'phel du 'gyur/ bkra shis bka' rgya ma'i tshig sgros la dogs
pa rnam dag

'khrungs pa/ ji ltar gsung ba ltar yin zhing/ yon tan rab rgyas
sogs sho lo ka gcig po yang yig rnying na yod pa bzhin shin tu
dgos pas/ 'di dag par yig tu bris nor chad lhag brgyud par snang
ngo/ /a ra pa tsa na

bzla ba za ma tog tu mi 'byung bas/ bzlas ma bzlas ci byas kyang
chad lhag gi skyon du mi 'gyur/ 'on kyang zhi khro sbrags bsgrub
ces grags pa/ rje btsun 'jam dbyangs kyis rje bla ma la dngos su
gnang ba'i man ngag thun mong

ma yin pa yin pas byed pa byung na legs/ ces sogs thar pa chos
rjer dri lan mdor bsdus rje nyid kyi gsung 'khrul med do// //@#/
/na mo gu ru manydzu g+ho ShA ya/ rgya chen mkhyen pa'i cha shas
yongs

rdzogs shing/ /rmad byung thugs rje'i 'od dkar dra ba can/ /gdul
bya kunda'i dpal gyur thams cad mkhyen/ /khams gsum bstan pa'i
bdag po dge 'dun grub/ /mgon de'i chos kyi srid la dbang bsgyur
zhing/ /blo bzang

chos kyi rgyal mtshan 'dzin pa'i dpal/ /gang dang sngon nas legs
spyad kyis 'brel ba'i/ /pho nya'i byed pos bskyod pa'i mtshams
sbyor las/ /mkha' la rgyu skar bye ba 'khrigs 'dra ba/ /bkra
shis lhun po chos kyi grwa bo

@384a @#/ /che'i; ;me mtshams myang stod rigs pa'i 'byung gnas
kyi/ /sa yi lte ba 'dod dgu 'byung ba'i gnas/ /rgyal ba gnyis pa
blo bzang grags pa yi/ /sras kyi thu bo'i phrin las las grub pa/
/chos grwa

chen po dpal 'khor bde chen du/ /dad ldan bsod nams zhing du
'khod pa'i tshe/ /chos kyi grwa de'i lugs gnyis shing rta yi/
/kha lo bsgyur la phun tshogs stobs ldan pa/ /gser khang grwa
tshang zhes pa snyan grags kyi/ /ba

dan dkar po srid rtser g.yo ba de'i/ /chos kyi gdung 'dzin blo
bzang don grub dang/ /dad dang gtong ba 'byor pa'i lang tsho can/
/dge legs chos 'phel la sogs gtso bo rnams/ /myur mgyogs rnam
mang rta pa'i tshogs

bcas te/ /mdzes pa'i bkod pa dang bcas gnas der lhags/ /ji ltar
skar ma'i tshogs kyis zla ba dang/ /brgya byin nye dbang tshogs
kyis yongs bskor bzhin/ /phun tshogs 'khor gyi tshogs dang lhan
cig tu/ /bden

bral phyogs kyi rin chen 'dzin pa'i sa/ /dam pas byin gyis
brlabs pa'i skyed mos tshal/ /gtsang grags zhes pa'i gtsug lag
khang du son/ /dpal ldan 'dus pa'i lam gyis mchog brnyes pa'i/
/sgra bsgyur dam

pa'i rin chen bde skyong du/ /rmad byung tshogs kyi 'khor lo'i
dga' ston gyis/ /lha dang bla ma'i tshogs rnams rgyas par mchod/
/der ni bde bar gshegs pa'i mtshan snyan gyi/ /rnga gsangs rgyud
mar sgrog pa'i chos kyi

@384b dpon/ /mkhyen brtse'i mnga' bdag nor bzang rgya mtsho sogs/
/grwa tshang chen po'i lugs gnyis phrin las la/ /legs par brten
pa'i skya ser skye bo'i chogs/ /brgya phrag du ma'i dbus su seng
ge'i khrir/ /chos kyi rgyal

mtshan 'dzin pa legs 'khod de/ /ris med gdul bya'i rgyud kyi
zhing sa la/ /snga phyi kun tu dge ba'i sa bon btab/ /rnam mang
dad ldan skye bo'i tshogs rnams kyis/ /dad dang mos pa'i bang
mdzod las 'ongs pa'i/ /rnyed dang

bkur sti 'dod dgu'i char phab ste/ /rnam mang thos sras grub
pa'i dngos grub bzhin/ /de nas gangs ro zhes grags yul ljongs
su/ /yul de'i bsod nams 'dod pa'i skye bo'i tshogs/ /rnam mang
rta pa dag gis mdun

bdar te/ /sa yi khyad par nyung cho zhes byar 'khod/ /der yang
bgrang yas skye bo'i tshogs rnams la/ /dam chos 'chi med bdud
rtsi'i char phab cing/ /rnyed dang bkur sti'i mchod pa rgya chen
pos/ /rdzogs ldan sprin

bzhin kun tu tshim par byas/ /de nas nyi ma'i bu yi phyogs nyid
du/ /skyel bsu'i rin chen phreng ba ma chad par/ /gang ces bya
ba'i yul gyi phan bde'i gzhi/ /chos kyi rgyal pos sprul pa'i
gtsug lag khang/ /gnas der

chos brgyad spangs pa'i dam pas mtshon/ /'dun ldan rgya mtsho'i
tshogs kyi bsu mar bcas/ /mi 'jigs gdong lnga'i khri la legs
'khod de/ /spyi dang so so'i 'dod pa ji bzhin du/ /zab dang rgya
che'i chos kyi char pa

@385a @#/ /phab; ;rgyal ba kun gyi yum gcig lha mo ni/ /drag mo'i
gzugs su shar ba gang de yis/ /rnam dag phrin las tshul bzhin
bsgrub pa yi/ /sngon gyi dam tshig chen po rjes su bstan/ /slar
yang lho bod

mtshams kyi yul gyi ljongs/ /dpal ldan lha ri rdo rje gangs kyi
mgul/ /der ni lho bod skye bo'i tshogs rnams la/ /phan bde'i lam
bzang kun tu gsal bar byas/ /rdo rje 'chang gis rdo rje slob
dpon nyid/ /phyogs bcu'i

rgyal ba'i 'khor lo las lhag pa'i/ /bsod nams zhing gi dam par
bsngags mthong nas/ /zang zing mchod pa'i sprin gyis nam mkha'
gang/ /de dag las byung rnam dkar dge ba'i tshogs/ /gnas skabs
kun tu bde skyid

'byung ba dang/ /mthar thug bla med byang chub thob pa'i phyir/
/bden tshig me tog gsar pa kun tu gtor/ /slar yang sngon nas
byung bzhin rim brgyud de/ /grub pa'i bsti gnas ri bo bsam 'phel
ngogs/ /bstan gcig

'dzin pa'i gtso bo gang de dang/ /chos dang zang zing dga' ba
des mngon par rol/ zhes bya ba'o// //@#/ /swasti/ lho brag phyag
rdor gyis/ gsang bdag la las can gyi slob ma'i lung bstan

zhus pa las/ rtsod med grub pa thob pa bcu gsum gyi nang nas/
blo bzang grags pa 'gran gyi do zla med/ /shAkya'i rgyal po'i
drung du thugs mchog bskyed/ /zhing 'dir mdo dang sngags kyi
gzhung lugs spel/ /'di

@385b nas 'phos tshe dga' ldan gnas su 'gro/ /'jam dpal snying po
byams pa'i sras mchog de/ /myur du sangs rgyas de bzhin gshegs
par 'gyur/ zhes sogs dang/ padma thang yig las/ dge ldan zhes
bya'i dgon gnas

dam pa ru/ /mkhas pa'i mchog nyid mdo rgyud gzhung la mkhas/
/rdo rje 'chang sprul gsang sngags bka' sgo 'byed/ /'gro ba'i
ded dpon lam ston sa mkhan 'byon/ /blo dang bzang gi mtshan can
skyes bu 'ong/ /gsang mtshan

las rab rdo rje bde ba stsal/ zhes dang/ padma bka' chems las/
'jam dbyangs sprul pa gdul bya bstan pa'i dpal/ /mdo sngags
bstan 'dzin blo bzang grags pa 'byung/ /zhing 'dir 'das nas
byams pa'i drung du 'gro/

zhes sogs mang du gsungs/ gnam lcags brag nas rdo rje gling pas
bton pa'i lung bstan las kyang/ mdo sngags bstan 'dzin blo par
ston/ /zhing 'dir par ston/ /zhing 'dir

'das nas byams pa'i drung du 'gro/ zhes dang/ rang byung bskal
pa chen po la/ /dgra bcom thob par the tshom med/ ces gsungs
shing/ chos rje dgon rig pas mtsho sna zangs g.yag brag nas bton
pa'i lung bstan

las kyang/ /'jam dbyangs sprul pa blo bzang zhes/ /bstan pa
rgyas byed ngo mtshar can/ zhes dang/ lho brag mkhar chu'i gnas
bshad las/ tsong kha'i yul du sku 'khrungs nas/ /'gro don dbus
su skyong bar byed/ /mdo

@386a @#/ /sngags gnyis kyi bstan srol 'dzin/ zhes gsungs so/
/'jam dpal rtsa rgyud las/ yi ge dang po ba grags pa/ /sdom
brtson thams cad grags pa yang/ /ston pa'i bstan pa gsal byed
pa//

bstan pa de tshe sa steng du/ /rnam par nyams shing gnas med la/
/bstan pa'i gzugs brnyan yid du 'ong/ /byed par 'gyur ba the
tshom med/ /thams cad byang chub lung bstan te/ /nga yi byang
chub mchog thob 'gyur/ /de

ni 'jig rten sbyin gnas 'gyur/ /srid pa gsum gyi mthar yang
byed/ /sngags dang rgyud la mngon brtson pas/ /grags pa 'dzin
par shes par bya/ zhes dang/ mdo sde gdams ngag 'bogs pa'i rgyal
po las kyang/

bcom ldan 'das kyis kun dga' bo la bka' stsal pa/ kun dga' bo/
da lta nga la shel dkar gyi/ /phreng ba phul nas sems bskyed pa/
/ma 'ongs dus kyi snyigs ma la/ /'bri dang ldan gyi sa mtshams
su/ /dge zhes bya ba'i

dgon pa 'debs/ /blo bzang zhes bya'i mtshan can 'byung/ /'khor ni
rnam bzhi rab bsdus nas/ /ston pa'i mdo bzhin gsung sgrog pa/
/lha khang ka ba shing lo can/ /nga yi sku gzugs rnam gnyis la/
/dbu rgyan 'bul

zhing mchod pa byed/ /nga la gsol ba rab btab nas/ /bstan pa lo
stong bar du gnas/ /'di nas 'phos nas shar phyogs kyi/ /ngo
mtshar bkod mdzes 'jig rten du/ /seng ge'i nga ro zhes byar
'gyur/ /de la dad

@386b byed zhing der skye/ /zhing mchog de ni khyad par 'phags/
ces gsungs shing ma gcig labs sgron gyis mdzad pa'i ma 'ongs
lung bstan gyi le'u las kyang/ de lta bu'i rgyal khrims dang
chos khrims 'phyugs pa'i dus

su sangs rgyas kyi bstan pa mun nag tu glog 'khyug pa lta bu
zhig 'byung/ zhes gsungs la/ bsod nams rgyan la sogs pa'i bu mo
bzhis/ de lta bu'i bka' drin can de su lags ces sogs mang du
zhus pa'i mthar/

bu mo khyod kyis dris pa'i byang sems de/ /ma 'ongs bskal bzang
sangs rgyas bdun pa yin/ /da lta byang chub sems dpa' snying
stobs mchog /snyigs dus log spyod byed dus bod yul 'byung/ /dge
slong tshul 'dzin grags

pa'i mtshan thogs te/ /gang gi zhing du sangs rgyas par grags pa/
/khrims 'chal dpag yas yang dag khrims la sbyor/ /thub nyid srol
btod bstan pa'i cha rtags 'dzin/ /bstan pa gsal bar byed pa'i
dge slong mchog /

mtha' yas rgyud sde'i chogs la dbang bsgyur zhing/ /rgyud sde
rgya mtsho'i dgongs pa'i bcud phyung ste/ /gdul byar gyur pa'i
skal ldan tshim par mdzad/ ces gsal bar 'byung ngo/ /glegs bam
rin po che las kyang/ mar

me mdzad kyang gnas mchog 'dir/ /sgrol mar bcas te sprul stong
'gyed/ /spyan ras gzigs dbang bzang por sprul/ /lhag par chags
med bsod snyoms pas/ /nga yi mchod tshogs rgyas par byed/ ces
dang/

@387a @#/ /gzhan yang tshong dpon gyi bu gzhon nu nor bzang gi
skye ba rim par brgyud pa mar pa chos kyi dbang phyug nas rje
tsong kha pa yin par kun mkhyen chos skyabs bzang pos/ kun
mkhyen mtsho sna ba chen po'i

rnam thar gsol 'debs su/ nor bzang dpa' bo shar phyogs tsong kha
sogs/ /sprul skus 'gro don mdzad pa lhag par gsal/ zhes sogs
byung zhing/ der yang ma zad ston pa 'khor bcas kha cher phebs
dus/ klu'i

rgyal po ma dros pas/ dung dkar zhig phul ba re zhig chos dung
mdzad/ de nas da lta'i dge slong padma'i dad ldan 'di bod gdong
dmar can gyi yul du mdo sngags kyi bstan pa rgyas par byed pa
'ong bas de'i chos dung du kun

dga' bo la rdzu 'phrul gyis song la/ lhas nas rgyang grags 'di
tsam nas gter la sbos shig ces gsungs nas/ gter bdag tshogs bdag
la bcol/ tshogs bdag kyang spre'u'i gzugs su yod par 'dug /de'i

tshe; dge slong padma'i ngad ldan gyi slob ma dge slong 'byung
gnas 'dis kyang/ dge ba la 'dun pa rgya mtsho'i mtha' can du gyur
nas mdo sngags kyi bstan pa spel zhes lung bstan mdzad pa yin
no/ /zhes pa 'di ni lha sa rab

'byams pas bskul ba la brten nas/ chos smra ba'i btsun pa blo
bzang chos kyi rgyal mtshan gyis sbyar ba'o// ! //mgon po zhal
gyi rnam 'gyur rnam par dbye ba bzhugs/ /na mo gu ru manydzu g+ho
ShA ya/ dran pas

@387b mchog stsol rtsa ba'i bla ma dang/ /dbyer med lha chen
drag po gdong bzhi par/ /btud nas de nyid zhi rgyas dbang drag
gi /phrin las mdzad pa'i rnam 'gyur dbye ba brjod/ /bsnyen dus
mthing nag rtsa zhal nyis brtsegs nag /

g.yas g.yon ljang nag phyag bzhi dang po gnyis/ /gri thod 'og
ma ral gri thod phreng zhabs/ /g.yas bskums g.yon brkyangs yum
bzhi spyi dang mtshungs/ ! /bsgrub dus dbus brtsegs sngar bzhin
g.yas

g.yon gnyis/ /mthing nag mtshan 'gag rus phreng phyag g.yon 'og
/rtse gsum yang na 'og gnyis rtse gsum mdung/ /yang na g.yas
gnyis gri gug rtse gsum dang/ /g.yon gnyis thod pa bum pa'o
lhag ma rnams/ /spyi

dang 'dra'o bsang dus zhal khra can/ /dam pa 'ga' zhig 'phags
mchog klu sgrub lugs/ /gdong brnyan phyag drug pa yang bsad mgon
bzhed/ ! /gnad dbab bkas gdong nyis brtsegs g.yas gnyis sngo/
/g.yon

gnyis ljang gu nyis brtsegs gri thod dang/ /lhag gnyis bum pa
rus phreng 'dzin pa'o/ ! /spog chog nyi zla kha sbyar khrag
mtsho'i dbus/ /ma he'i gdan la rtsa zhal ma he'i gdong/ /g.yas
pa lha zhal dkar po glang

po'i gdong/ /g.yon pa klu zhal dmar po chu srin gdong/ /rgyab
ngos gza' zhal nag po khyung gi gdong/ /gri thod 'og gnyis ral
gri mdung 'debs tshul/ /yum chen bzhi ga nag mo gzhan ma 'dra/ !
/shis bstan

@388a @#/ /pa bkas zhal gnad dbab bam/ /yang na bsad mgon ji
bzhin gri thod dang/ /ral gri thod phreng mchan khung chang bum
mo/ ! /'phags mchog lugs bzang rtsa zhal khro bo yi/ /g.yas
dkar glang po

g.yon dmar ma he rgyab/ /seng zhal nag po'o phyag drug g.yas
gsum na/ /gri gug dbyug tho dgra sta g.yon gsum na/ /thod pa
glang lpags zhags pa'o bgrad pas bzhugs/ /gsang yum 'khril dang
ma 'khril dbye

bas gnyis/ /g.yas su gtum mo sngon mo dar nag dang/ /thod pa
'dzin pa'o g.yon du g.yung mo dmar/ /lu gu rgyud dang lcags
sgrog mdun rgyab tu/ /srin sing gnyis nag gri thod 'dzin pa yin/
! /yang gcig

seng gdong steng zhal gzhan rnams mtshungs/ /phyag bzhi gri thod
'og gnyis ral gri mdung/ /e ka dzA nI sngon mo phyag gnyis
kyis/ /gri thod 'dzin pas 'khyud pa'i g.yas g.yung sngo/
/g.yon gtum ljang gu mdun srin

dmar mo gsum/ /gri thod rgyab sring ser mo gsal shing thod/
/gtso bo g.yas bskums g.yon brkyangs rol pas bzhugs/ ! /yang
gcig gtso bo yab yum gzhan 'dra zhing/ /khyad par gtso bo zhabs
bzhi

ldan pa dang/ /g.yas su gtum mo sngon mo thod pa dang/ /dar nag
g.yon du g.yung nag lug rgyud zhags/ /mdun rgyab srin sing nag
mo lcags sgrog dril/ /gdong brnyan lugs gcig chos 'byung pad
nyi'i dbus/ /

@388b mi'u thung mthing nag rtsa zhal khro zhing rngams/ /g.yas
g.yon glang chen ma he dkar dang dmar/ /steng zhal seng gdong
sngon po'o phyag bzhi yi/ /dang pos gri thod 'phyar zhing g.yas
'og mas/ /mdung 'debs g.yon 'og bum

phreng thugs kar 'dzin/ /g.yon brkyangs kyis bzhugs mdun rgyab
g.yung mo dang/ /gtum mo sngo ljang singg+ha gling ma ser/ /srin
mo dkar po'o bzhi ga mi'u thung gcer/ /g.yas pas dbyug pa
'phyar zhing g.yon pa rnams//

snying gar sdigs 'dzub zhags pa zhabs gnyis po/ /zlum por bzhugs
shing gzhan ma spyi dang 'dra/ ! /yongs grags tshe bsgrub mgon po
la sogs pa'i/ /dkar ser dmar ljang mgon po'i rnam 'gyur bzhi/

! /nag po dug gi spu grir grags pa ni/ /'dab brgyad lte bar nyi
ma ro steng du/ /zhal bzhi phyag bzhi rtsa zhal khyung nag
steng/ /seng zhal g.yas dkar g.yon dmar 'dzum dang bzhad/
/dmar ser skra brdzes bskam rlon

thod pas brgyan/ /g.yas gnyis gri gug mi mgo'i cod pan dang/
/g.yon gnyis thod khrag rtse gsum zhabs brkyangs bskums/ /yum
bzhi thams cad ser mo gri thod 'dzin/ /skra bshig thod rlon nyer
gcig do

shal can/ /mtshams bzhir las mkhan khro mo dmar mo bzhi/ /zhal
gcig phyag gnyis g.yas pa ral gri dang/ /g.yon pa nyi ma'i
zhags pa 'dzin par bshad/ ! /khyung zhal lugs gcig rtsa zhal nag
po yi//

@389a @#/ /g.yas g.yon mthing nag rtsa zhal spyi gtsug nas/
/thon pa'i khyung zhal 'jigs rung phyag bzhi yi/ /dang pos gri
thod 'og gnyis ral gri phreng/ /stag sham skyil krung phyed pa'i
stabs

kyis bzhugs/ /g.yas su ma las yum chen nag mo dang/ /g.yon du
k+Sha las lcam mo gnod sbyin mo/ /gnyis ka gri thod zhabs gnyis
brkyangs bskums bzhugs/ ! /yang gcig gzhan 'dra yum gnyis

g.yas g.yon ldog ! /bram ze'i zhal ldan zhal bzhi'i rnam 'gyur
gsum/ /dang po rtsa zhal mthing nag steng ma sngo/ /g.yas zhal
bram ze g.yon zhal ljang nag la/ /phyag bzhi gri thod ral gri
dar nag

'phyar/ ! /yang gcig dbus brtsegs nag dang ljang gu ste/ /g.yas
pa bram ze g.yon pa khro zhal dmar/ /gri thod ral gri dar khra
'phyar ba'o/ ! /nag ljang dmar dang spyi bor bram ze'i zhal/
/gri thod ral

gri dar mdung 'phyar ba'o/ ! /bram gzugs thor cog sma ra smin ma
dkar/ /ras dkar ang rag khri gnyan gdan la 'gying/ /khri gnyan
rwa dung ku ba thod khrag g.yon/ /bram ze shugs ldan dkar po
zhes su

grags/ ! /yang gcig mdog nag bram gzugs mche ba gtsigs/ /khro
gtum mi rkang thod khrag ro yi steng/ /brkyangs bskums kyis
bzhugs rnam 'gyur gcig tu 'dod/ /ces pa 'di yang/ rje thams cad
mkhyen

@389b pas/ mgon po zhal gyi rnam 'gyur tshang ba'i zin bris cig
skur ces pa'i bka' stsal bzhin/ dge slong blo bzang chos kyi
rgyal mtshan gyis phul ba'o// //dpal ldan phyogs las rnam

rgyal ngag gi dbang/ /lung rtogs chos kyi dbang phyug bshad
sgrub kyi/ /bstan pa gsal mdzad mkhas dang grub pa'i gtso/ /yun
ring zhabs brtan 'phrin las rgyas gyur cig /swasti/ dge tshogs
kun la 'dun pa'i

rnam dpyod kyis/ /tshul khrims 'phags nor bdun gyi mdzod bzung
nas/ /bstan dang 'gro la phan bde'i mchog stsol ba/ /dpal ldan
bla ma'i zhabs pad brtan par shog /phul byung 'gro ba'i mun sel
mar me

mdzad/ /thams cad gzigs pa blo bzang grags pa'i dpal/ /mdo
sngags chos kyi rgyal mtshan 'dzin mdzad pa'i/ /rnam 'dren dam
pa'i zhabs la gsol ba 'debs/ /swasti/ rab 'byams mdo dang rgyud
sde

rgya mtsho'i tshogs/ /kun mkhyen mar me mdzad pa'i ye shes kyis/
/gdul bya'i ma rig mun pa sel mdzad pa'i/ /dpal ldan a ti sha
la gsol ba 'debs/ /rgyal ba'i mthu stobs kun 'dus rdo rje 'dzin/
/snyigs

dus 'gro la brtse bas nyer dgongs nas/ /ngur smrig 'dzin pa'i
gar gyis rnam rol pa'i/ /nam mkha' rgyal mtshan zhabs la gsol ba
'debs/ /spyan ras gzigs dbang srong btsan sgam po yi/ /thugs
rje'i

@390a @#/ /'od zer las 'khrungs bla ma mchog /snyigs dus 'gro
ba'i 'dren pa bla na med/ /skyabs mgon dam pa'i zhabs la gsol ba
'debs/ /de nyid thugs rje'i dbang gis slar yang ni/ /gdul

bya'i don du dkon mchog gsum po yi/ /bstan pa'i rgyal mtshan
phyogs bcur 'dzin pa yi/ /bshes gnyen dam pa'i zhabs la gsol ba
'debs/ ces pa 'di yang shAkya'i dge slong blo bzang chos kyi
rgyal mtshan

gyis bkra shis lhun por smras pa'o// ! //sangs rgyas kun dngos
rje btsun tsong kha pa'i/ /bshad sgrub bstan pa'i rgya mtsho spel
ba la/ /phrin las 'od dkar bye ba 'gyed mkhas pa/ /smra ba'i zla
ba mchog

la gsol ba 'debs/ /sangs rgyas bstan pa rin chen padmo'i tshal/
/dpal ldan phrin las bzang po'i gzi byin gyis/ /legs par gsal
mdzad gdul bya'i mun sel ba/ /bstan pa'i nyi ma mchog la/ /sangs

rgyas kun gyi lung rtogs dam pa'i chos/ /phrin las bzang pos
rgyas par byed pa la/ /'dren pa'i dge ba'i bshes kyi mchog gyur
pa/ /yongs 'dzin dam pa'i zhabs la/ ! /rnam dkar dge la 'dun
pa'i

rtsibs stong ldan/ /lung rigs bzang po'i lte ba'i ngos mdzes
shing/ /rmad byung mdzad pa'i mu khyud lhun chags pa/ /chos kyi
'khor los bsgyur la/ /tshogs gnyis sprin dkar bzhon pa la gnas
shing/ /

@390b dpal ldan bslab gsum rim gnyis 'byor pas mdzes/ /lung rigs
rdo rje'i mchog 'dzin chos kyi rje/ /mtha' yas gdul bya'i mgon
la/ /bsod nams ye shes rab brtan kun dga'i gzhir/ /byang chub
sems kyi rtsa

ba rab brtan zhing/ /bslab gsum rim gnyis yal ga'i khyon yangs
pa/ /dpal ldan bla ma'i zhabs la gsol ba 'debs/ /khyod zhabs
padmo gdul bya'i bsod nams gzhir/ /rtag tu mi 'gyur phrin las
rgyas pa dang/ /bdag

sogs 'gro kun sgrib gnyis las rgyal te/ /myur du sangs rgyas
thob par byin gyis rlobs/ ! /phun tshogs mkhyen brtse'i nor bus
yongs gang zhing/ /lhun grub phrin las bzang po'i rlabs phreng
can/ /thub bstan

rgya mtsho'i khyon la dbang bsgyur ba'i/ /mang thos yongs 'dzin
dam pa'i zhabs la 'dud/ ! /swasti/ mthu stobs dbang phyug bzang
po bkra shis dang/ /kun mkhyen bstan pa'i nyi ma stobs ldan rje/
/pad dkar 'dzin pa

dge 'dun rgya mtsho'i dpal/ /zla med bla ma gsum la gsol ba
'debs/ /gangs can mgon po bsod nams rgya mtsho dang/ /phyogs
bcu'i blo bzang mthu stobs rgya mtsho'i zhabs/ /rgyal ba kun
dngos lhag bsam

grub pa'i rje/ /skye dgu'i 'dren pa gsum la/ /tshul khrims stobs
'bar phrin las 'od zer gyis/ /lung rtogs bkra shis bzang po rab
'bar ba/ /phan bde'i 'byung gnas bstan pa'i sgron me zhabs/
/bshes gnyen dam pa

@391a @#/ /gsum la/ /'jam pa'i dbyangs dngos rje btsun nam mkha'i
mtshan/ /don yod bshad sgrub rgyal mtshan 'dzin pa'i mchog /lung
rigs smra ba'i seng ge grub pa'i rje/ /bstan pa'i gsal byed gsum

la/ /sangs rgyas bstan pa rin chen rgya mtsho'i dpal/ /bsod nams
ye shes brtse chen chos kyi rje/ /blo bzang chos kyi rgyal mtshan
'dzin pa'i mchog /'gro ba'i bla ma gsum la/ /blo bzang phun
tshogs nor bu'i 'od zer

gyis/ /rgyal ba'i bstan pa rin chen rgyas mdzad pa'i/ /phrin las
dbang phyug blo bzang ngag gi dbang/ /phyogs las rnam rgyal
rnams la gsol ba 'debs/ /'di yan gangs chen chos 'phel gyi bla
brgyud gsol

'debs su gnang ba'o// ! //dge 'dun bstan pa dar ba'i nam mkha'
la/ /rlabs chen 'phrin las bzang po'i dkyil 'khor rgyas/ /phyogs
las rnam par rgyal ba nyi ma'i mgon/ /yongs 'dzin rta

bdun zhabs la gsol ba 'debs/ /'di ni gangs chen byang gi bla ma
lo pa chos rje'i sku bstod du gnang ngo// ! //oM bde legs su
gyur cig /slu med bla ma yi dam dkon mchog gsum//

bden tshig grub pa'i drang srong mchog rnams dang/ /mthu ldan
chos skyong bsrung ma'i tshogs rnams kyis/ /deng 'dir smon pa
'grub pa'i dpang mdzod cig /shes rab stobs kyis zab dang rgya
che ba'i/ /phun

@391b tshogs yon tan rgya mtsho'i mchog brnyes pa/ /'gro la lam
bzang ston pa'i dge ba'i bshes/ /bgrang yas bskal pa'i bar du
zhabs brtan shog /de yi mthu las mtha' yas 'gro ba rnams/ /mi
shes gdung ba'i mun pa kun

sel ba'i/ /'phrin las nyin mor byed pa'i 'od stong gis/ /dge
legs pad tshal ma lus rgyas gyur cig /dpal 'khor chos sde'i mkhan
por gnang ba yin no// ! //nor 'dzin rgyan gyur dge legs

nor bu'i gling/ /phyogs dus kun du dar zhing rgyas pa dang/
/mthong thos dran reg 'gro ba thams cad kyang/ /bla med byang
chub dam pa thob par shog /'dun ldan rgya mtsho yar ngo'i zla
ltar 'phel/ /rnam dag khrims ldan

lung rigs 'od stong gis/ /thub bstan pad tshal bye ba'i dpal ster
gyis/ /phun tshogs 'dod dgu rgyas pa'i bkra shis shog /'di ni
gangs chen chos sde'i grwa tshang zhig gi grwa pa 'dus 'gyur gyi
zhal 'don du gnang

ngo;; ! ;;dus gsum sangs rgyas kun dang dbyer med kyang/ /gdul
bya'i dbang gis sprul pa'i skur bstan nas/ /'khor ba ma stongs
bar du 'gro 'dren pa'i/ /bka' drin mnyam med zhabs la gsol ba
'debs//

sangs rgyas kun gyi mkhyen brtse ye shes ni/ /ngur smrig gar
gyis rnam rol tsong kha pa'i/ /bstan pa'i snying po gsal mdzad
zhabs pad mchog /bzang 'gro 'di yi gtsug na mdzes gyur cig /'di
yang rje nyid kyi

@392a @#/ /gsung ngo// ! //swasti/ dus gsum rgyal bas bsngags
pa'i byams brtse'i gter/ /dran pa tsam gyis srid zhi'i gdung sel
cing/ /mchog dang thun mong dngos grub kun stsol ba'i/ /rgyal

tshab dam pa'i zhabs la gus phyag 'tshal/ /khyod kyi rmad byung
mdzad pa'i rnam thar bzhin/ /phun tshogs smon lam rgya chen
bsgrub pa sogs/ /dge tshogs rgya mtshos bdag gzhan 'gro ba kun/
/dga' ldan gnas su thogs

med 'jug gyur cig /de nas byams mgon zhabs sen me tog gi /phreng
mdzes spyi bo'i rgyan dang mi 'bral zhing/ /zab rgyas gsung gi
bdud rtsi 'bral med du/ /bsten cing rgyal sras spyod pa'i mthar
phyin shog /ma 'ongs

klu shing drung du mgon po khyod/ /byang chub snying por gshegs
tshe bdag cag rnams/ /'dus pa dang po'i 'khor gyi gtsor gyur te/
/sgo gsum sgo nas khyod mnyes grub gyur cig /de tshe mgon khyod
ji ltar bzhed pa bzhin/ /bstan

dang 'gro ba'i don chen khyer ba la/ /sa 'dzin dbus na lhun po'i
dbang po ltar/ /'khor dbus yon tan tshogs kyis mtho gyur cig
/gnas skabs kun tu'ang bsam pa'i don 'grub cing/ /kun mkhyen blo
bzang rgyal ba gnyis

pa yi; ;bshad sgrub dam chos rgyal mtshan 'dzin pa rnams/ /phyogs
bcur rgyas shing rtag tu gnas gyur cig /ces pa 'di yang chos
grwa chen po gangs chen chos 'phel gyi lung rigs smra ba'i rtsa
lag dam par gyur pa

@392b zhabs drung mkhan rin po che blo bzang phyogs las rnam par
rgyal ba sogs 'ga' zhig gis gtso mdzad 'dus pa rgya mtsho lta bus
rgyal ba byams pa'i bstan pa la bya ba byed pa'i phyir/ 'di lta
bu zhig dgos ces mgrin

gcig dbyangs gcig gis bskul ba la brten nas/ chos smra ba'i
btsun pa blo bzang chos kyi rgyal mtshan gyis ma pham rgyal ba'i
mdun sa dga' ldan gyi gtsug lag khang du sbyar ba'i yi ge pa ni
bik+Shu blo bzang phun tshogs

kyis bgyis pa'o// ! //bla ma yi dam rnams kyi byin rlabs dang/
/ma pham rgyal ba'i dbang po'i thugs rje'i mthus/ /rgyal ba
gnyis pa'i bstan pa rgyas pa dang/ /bdag la legs par brten pa'i
'gro ba

kun/ /gnas skabs tshe ring nad med bde skyid ldan/ /tshe rabs kun
tu rje btsun zhabs bsten cing/ /gsung gi bdud rtsi ngoms med
'thung ba dang/ /byams pa'i bstan la bya ba byed par shog /chos
kyi rgyal mtshan

phyogs bcur tshugs par shog /sa steng bkra shis kun gyis gang bar
shog /sdug bsngal rnams kyi ming yang med par shog /mar gyur
'gro bas rnam mkhyen myur thob shog /'di yang rje nyid kyi gsung
ngo// //

! /swasti/ tshe rabs kun tu lha mi'i 'dren pa mchog /zas gtsang
sras dang rje btsun bla ma mchog /kun gyis 'bral med rjes su
bzung ba'i mthus/ /dge legs nor bu'i them skas rims 'dzegs te/
/sku gsum

@393a @#/ /gzhal med khang du bgrod par shog /'di ltar bskrun
pa'i rnam dkar ser sbyangs kyi/ /me tog byams mgon bstan pa'i
rgyan gyur te/ /ma pham bzhad pa'i ljags yangs rgyud mangs
sgras/ /dbugs

dbyung byang chub dam par lung ston shog /nor 'dzin rgyan gyur
dge legs nor bu'i gling/ /phyogs dus kun tu dar zhing rgyas pa
dang/ /mthong thos dran reg 'gro ba thams cad kyang/ /bla med
byang chub dam pa thob par shog /

! rigs gsang chen rgyal ba rdo rje 'chang/ /zhing kun khyab
sprul pa'i rnam rol las/ /dus deng sang bdag gi dge ba'i bshes/
/rje gsum ldan rdo rje 'dzin pa'i tshul/ /khyed ring nas bsten
pa'i lha snyan dang/ /thugs ye shes

gzigs pa rnam dag pas/ /yid bka' drin dran pa'i dad pa yis/
/ngag gdung ba'i dbyangs kyis gsol 'debs na/ /mgon thugs rje'i
spyan gyis legs gzigs nas/ /bu bdag snying padmo'i ze'u 'bru la/
/dus

rtag tu 'bral med bzhugs nas kyang/ /mchog thun mong dngos grub
ma lus stsol/ /zhing rab 'byams phyogs bcu'i rgyal ba yi/ /bka'
mdo rgyud mgrin pa'i rgyud mngas sgras/ /rgyud skal ldan rdo rje
slob ma yi//

dpal phun tshogs kun gyi byed pa po/ /khyed mtshan ldan bla mar
gsung lags pas/ /da lus srog yal bar dor nas kyang/ /skyabs
gzhan na med pa'i blo ltos kyis/ /bdag byang chub snying por
skyabs su mchi//

@393b dus deng nas sangs rgyas ma thob par/ /mgon thugs rje'i
lcags kyus nyer bzung ste/ /rje khyed zhal blta dang mi 'bral
zhing/ /gsung legs bshad bdud rtsis bskyang du gsol/ /mar ngan
song gnas su lhung gyur tam/ /yar mtho

ris gnas su skyes kyang rung/ /mi bdag gi 'di phyi'i legs tshogs
kun/ /rje khyed min re ba'i skyabs gzhan med/ /pha bla ma'i byin
rlabs ma zhugs na/ /chos dka' spyad bzod stobs cher bskyed
kyang/ /nyams rtogs

pa'i yon tan mi skye bas/ /da myur du thugs rjes skyab tu gsol/
/mgon khyod kyi brtse bas rjes bzung na/ /khong blo dman skye bo
kun gyis kyang/ /chos theg mchog lam sna bgrod 'gyur na/ /pha
thugs rjes gzigs

shig bka' drin can/ /khong sangs rgyas chos dang dge 'dun yang/
/mgon khyod las gzhan du cang ma mchis/ /don de phyir tshig tsam
ma yin par/ /snying rus pa'i gting nas gsol ba 'debs/ /dpal lhun
grub

bde chen chos sku'i dbyings/ /gdangs 'gag med kun khyab longs
spyod rdzogs/ /sku cir yang sprul pa'i zlos gar mkhan/ /rje rdo
rje gsum dbyer med pa'i zhabs/ /khyed thugs rje'i mthu dang
dpung bskyed las/ /mi

bdag gi yid la re ba'i don/ /tshe 'di phyi'i phan bde ma lus
dang/ /sgos nyams rtogs rgyas par byin gyis rlobs/ ces pa 'di
rje dpon rin po che'i bka' stsal bzhin/ /rje bla ma dam pa'i
bka' 'bangs tha chung chos kyi

@394a @#/ /rgyal mtshan gyis dben sa chos kyi pho brang gi gtsug
lag khang du sbyar ba'o// ! //rje sangs rgyas kun gyi ngo bo
nyid/ /pha 'gran zla bral ba'i tsong kha pa/ /mtshan brjod par
dka' ba'i blo

bzang grags/ /mi bdag gi spyi gtsug rgyan du bzhugs/ /khyed gson
dang 'dir 'tshogs dad can kun/ /rten dal 'byor tshang ba'i mi lus
'di/ /lar rnyed par dka' zhing 'jig par sla/ /da don med ma byed
snying po

long; ;lha sa bcu'i dbang phyug 'jam pa'i dbyangs/ /bdud log
'dren 'dul phyir gshin rje'i gshed/ /dus snyigs ma'i 'gro ba
'dul ba'i phyir/ /rje rgyal ba gnyis par grags pa yin/ /mgon de
yi mdo

sngags dam pa'i chos/ /lar nyan zhing thos pa tsam gyis kyang/
/dus yun ring dge ba'i bag chags 'jog /yid dga' ba sgoms shig
skal ldan kun/ /'di dge slong chos kyi rgyal mtshan gyis/ /khyed
'gro

don yongs grags ma Ni pa/ /phyogs kun du 'gro don 'phel ba'i
phyir/ /tshig thogs pa med par dbyangs su bsgrags/ /ces pa 'di
yang ma Ni pa 'gro don yongs grags kyis bskul ba la brten nas/
dge slong blo

bzang chos kyi rgyal mtshan gyis thon gzhis kar sbyar ba'o// //@#/
/swasti/ bde chen chos kyi dbyings las ma g.yos kyang/ /ma
rungs 'dul phyir drag mo'i skur bstan nas/ /rnal 'byor bu bzhin

@394b skyong ba'i dam tshig can/ /dmag zor rgyal mo rten 'dir
legs bzhugs la/ /rgyal mtshan chos rje dge legs rgya mtsho yi/
/rtag tu g.yel med mgon dang skyabs mdzod la/ /'gal rkyen bar
chad thams cad bsrung

ba dang/ /mthun rkyen bsam pa'i don kun 'grub par mdzod/ /khyad
par tshe dang bsod nams dpal 'byor dang/ /'khor dang longs spyod
bstan pa'i bya ba dang/ /'gro don bshad sgrub 'phel zhing rgyas
par mdzod/ ces pa

'di yang rje thams cad mkhyen pa blo bzang chos kyi rgyal mtshan
dpal bzang po'i zhal snga nas kyis mdzad pa'o// ! //na mo gu ru
manydzu g+ho ShA ya/ mchog dang thun mong dngos grub kun/ /stsol
mdzad bla ma'i

zhabs btud nas/ /dpal ldan rdo rje nam gru ma'i/ /gtor chog rim
pa bri bar bya/ de yang lha mo 'di'i rten rdzas mchod gtor spyan
gzigs nang mchod sogs phyag len bzhin bshams/ yi dam gyi bdag
bskyed

sngon du 'gro bas/ nang mchod mchod gtor bskang rdzas rnams byin
gyis brlabs te/ rten bskyed pa ni/ hrIH ShTrIH sa bsangs/ swa
b+ha was stong par sbyangs/ stong pa'i ngang las khrag gi rgya
mtsho rba klong chal chil g.yo ba'i nang/

me rlung dmar nag drag tu 'khrug pa'i dbus su k+Sha smug nag las
dpal ldan rdo rje nam gru ma sku mdog smug nag zhal gcig phyag
gnyis kyi g.yas rtse gsum 'bar bas mtshan pa'i ru mtshon dmar po
dgra la

@395a @#/ /'phyar zhing/ g.yon thod pa dam nyams kyi snying dang
khrag gis gang ba bsnams nas zhal du gsol ba/ 'jigs pa'i zhal
gdangs shing rngams pa'i mche ba gtsigs pa/ dmar zhing

'khrug pa'i spyan gsum dgra bgegs la sdang mig tu blta ba/ sku
la khrag gi thig le/ zhag gi zo ris/ thal chen gyi tshom bus
brgyan cing/ dar nag gi 'jol bar lhab lhub tu gyon pa/ dbu la la
thod bdun 'phar gsol

cing; stag dong g.yas dang/ gzig shubs g.yon du 'chang ba sogs
drag po'i chas kyis brgyan pa/ shin tu rngams shing 'jigs pa'i
ngar sgras stong gsum 'gengs pa'i stag la chibs shing/ khros
pa'i seng ge dkar

mo rol du khrid pa/ nang kyi rkyal pa/ mtshon gyi gru gu /bdud
kyi khram bam/ sho rde dkar nag sogs bstan dgra rtsad nas 'byin
pa'i chas dang ldan pa/ de'i mdun du gnam phugs g.yas mthing
nag zhal gcig phyag gnyis

kyi g.yas gsod pa'i ral gri 'phyar zhing/ g.yon zhags pas dgra
bgegs 'ching ba/ mche ba bsnol mar gtsigs shing/ ral pa'i thor
chog gyen du bsgreng ba/ g.yas su gcer bu pa gcer bu me ltar
'bar ba'i

gzugs can/ zhal gcig phyag gnyis kyi g.yas srog gcod kyi gri
gug gdengs shing/ g.yon dgra snying dron mo zhal du gsol ba/
g.yon du so ka ra tsa zhal gcig phyag gnyis kyi g.yas khram
shing 'bar bas bstan dgra

@395b khram la 'debs shing/ g.yon rgyu zhags dmar po 'then pa/
lcags kyi ral pa rkud par sleb cing/ dmar por ldog pa'i spyan
gsum gyis dgra rgyud rtsad nas gcod pa/ gzhan yang ma mo bdun/
blon po bdun/ dregs pa sde brgyad

gdug pa'i 'khor tshogs rgya mtshos bskor ba'i gtso 'khor thams cad
kyi spyi bor oM/ mgrin par AH thugs kar hUM gis mtshan par
gyur/ bdag nyid kyi thugs ka'i hUM sngon po'i 'od zer lcags
kyu'i rnam pa can

gyis dur khrod kaM ka'i tshal/ 'jigs rung zangs phug khrag mtsho
khol ma nas/ dpal ldan lha mo rdo rje nam gru ma 'khor dang bcas
pa spyan drangs/ b+hyauH chos kyi dbyings kyi pho brang nas/
/'jigs rung drag mo'i skur ston pa'i//

dpal ldan rdo rje nam gru ma/ /rdo rje 'chang gi bka' bsgos
bzhin/ /rgyal ba'i bstan pa srung ba dang/ /rnal 'byor 'phrin
las sgrub pa dang/ /bstan dgra thal bar rlog pa'i phyir/ /gnas
'dir myur du gshegs su gsol//

oM mahA e ka dzA Ti sa pa ri wA ra ehya hi/ badzra sa ma
ya dzaH dzaH/ dzaH hUM baM hoH dam tshig pa dang gnyis su med
par gyur/ slar yang thugs ka'i hUM las 'od zer 'phros/ dbang gi
lha rnams spyan drangs/ khyed rnams kyis 'di

la mngon par dbang bskur du gsol/ zhes gsol ba btab pas/ de
rnams kyis ye shes kyi bdud rtsis gang ba'i bum pa thogs nas/
oM sarba ta thA ga ta a b+hi She ka ta sa ma ya shrIH hUM/
lzhes dbang bskur lus gang/ dri

@396a @#/ /ma dag /chu lhag ma spyi gtsug tu gnas pa yongs su
gyur pa las rdo rje 'jigs byed yum dang bcas pas dbu brgyan par
gyur/ de nas mchod pa/ nang mchod/ yig brgya'i bar dpal ldan
dmag zor rgyal

mo'i gtor chog bzhin thun mong du byed/ bshags pa ni/ b+hyauH rdo
rje 'chang dbang mar me mdzad dpal sogs/ /rtsa brgyud bla ma yi
dam lha tshogs dang/ /bka' srungs dpal ldan rdo rje nam gru ma/
/'khor dang bcas pa

bdag la dgongs su gsol/ /bdag cag bag med nyon mongs dbang gyur
pas/ /phyi nang gsang ba sku gsung thugs rnams kyi/ /dam tshig
las 'das nongs pa ci mchis pa/ /bsam pa thag pas 'khor dang bcas
la

bshags/ /chos kun rang bzhin gdod nas rnam dag kyang/ /rmi lam
bzhin du nongs pa ci mchis pa/ /bka' srungs chen mo 'khor dang
bcas pa la/ /so sor bshags pas sgrib kun dag gyur cig / ! //

thugs dam bskang ba ni/ b+hyauH chos dbyings bde ba chen po'i
rnam rol las/ /phyi nang gsang ba'i mchod sprin rgya mtsho'i
tshogs/ /'dod khams dbang phyug 'khor bcas spyan lam du/ /'byung
zhing rgyas la thugs dam skong

gyur cig /gdug pa'i snying khrag mchod yon mtsho ltar 'khyil/
/dgra bgegs dbang po'i me tog ri ltar spungs/ /bsur chen dud
pa'i sprin phung mkha' lam khyab/ /phyogs kun gsal ba'i zhun
chen sgron me 'dis//

@396b dpal ldan rdo rje nam gru'i thugs dam bskangs/ /'khor
tshogs dam can rgya mtsho'i thugs dam bskang/ /thugs dam bskangs
shing nyams chags sos gyur nas/ /bar chad sel zhing dngos grub
stsal du gsol/ /ga

bur dri ldan khrag zhag dri chab dang/ /dgra bgegs sha rus
spungs pa'i zhal zas dang/ /sman phud bdud rtsi gser skyems rgya
mtsho dang/ /gdangs snyan rol mo'i bye brag sna tshogs kyis/ /dpal
ldan/ /g.yang gzhi'i

bla bre rgyu rlon lda ldis brgyan/ /rdo rje'i go khrab 'jigs
pa'i ru mtshon dang/ /ri rab gling bzhi rin chen bdun la sogs/
/phyi nang gsang rten mchod sprin rgya mtsho 'dis/ /dpal ldan/
/mdzes pa'i rta nag nam mkha'i glog

bzhin 'gyu/ /g.yag rog zhol chen tshogs kyang sprin ltar stibs/
/lug nag spyi dkar dal gyis 'gro ba dang/ /stobs ldan bya nag
khyung ltar lding ba 'dis/ /dpal ldan/ /khyi nag snying dkar dom
ltar 'phyo ba dang/ /stong

gsum ngar sgras 'gengs pa'i stag chen dang/ /gdong lnga'i dbang
po dre'u rkyang ser dang/ /dmar chen gtor ma ri ltar spungs pa
'dis/ /dpal ldan/ /mdor na dngos bshams yid kyis sprul pa dang/
/'jig rten 'jig

rten 'das pa'i dge tshogs kyis/ /bskrun pa'i phun tshogs 'dod
dgu'i tshogs rnams dang/ /gtan gyi skyabs bzung bla med rten
mchog 'dis/ /dpal ldan/ /de nas bzlas pa'i tshe/ lha mo'i thugs
kar k+Sha smug nag

@397a @#/ /gi mthar/ mahA e ka dzA Ti dar ma ti/ tra ka rakmo
kha muM tra E ka dzA Ti rakmo de ke dzA Ti kha la hUM dza/
ces pas bskor bar bsam/ rang yi dam du gsal ba'i thugs ka'i hUM
las 'od zer 'phros/ lha

mo'i thugs rgyud bskul/ zhi rgyas dbang drag gi las rang dbang
med par sgrub par bsams nas bzlas pa bya'o/ /de nas gtor ma
'bul/ bstod pa dang/ mjug chog rnams rgyas bsdus ci rigs par
bya'o/ /di paM ka ra'i

bka' srungs mchog /rdo rje nam gru'i gtor chog 'di/ /blo bzang
chos kyi rgyal mtshan gyis/ /bsdebs 'dis skye dgu'i dpal gyur cig
/ces pa ni lha khang grwa tshang gi dpon slob drag rim rnams kyis
nan cher bskul

ba la brten nas/ shAkya'i dge slong blo bzang chos kyi rgyal
mtshan gyis/ /bkra shis lhun po'i gzims khang du sbyar ba'o// @#/
/na mo gu ru manydzu g+ho ShA ya/ rigs brgya'i khyab bdag dpal
ldan he ru ka/

rig 'dzin grub pa'i dbang phyug padma 'byung/ /sprul pa'i gar
mdzad blo bzang grags pa'i dpal/ /dbyer med skyabs kyi dam par
phyag 'tshal lo/ /'dir bstan srungs chen mo rdo rje rab brtan
ma'i gsol kha gtong

bar 'dod pas/ mchod gtor bsangs rdzas/ mda' dar/ 'phyar dar sogs
spyan gzigs/ gser skyems dang bcas pa tshogs par byas te/ sgrub
pa po stan bde ba la 'dug ste/ he ru ka sogs kyi nga rgyal dang

@397b ldan pas/ snying kha raM sogs lan gsum brjod nas mchod
gtor rnams bsangs/ swa b+hA was stong par sbyangs/ stong pa'i
ngang las dpal ldan rdo rje rab brtan ma 'khor dang bcas pa
mnyes par byed pa'i dam rdzas/ mchod gtor/

spyan gzigs kyis sa dang bar snang gi khyon yongs su gang bar
gyur/ oM AH hUM/ lan gsum gyis byin gyis brlabs/ spro na rol
mo dbyangs dang bcas pas 'di skad do/ b+hyauH lhun grub rang
bzhin bde ba chen po'i ngang//

dus gsum bde bar gshegs pa thams cad kyi/ /ngo mtshar chos sku'i
pho brang dam pa nas/ /rtsa brgyud bla ma'i tshogs rnams spyan
'dren no/ /chos dbyings rang bzhin spros pa kun bral yang/ /dag
pa'i mkha' la 'ja'

tshon ri mo ltar/ /dkyil 'khor 'khor lo bye ba'i rnam rol can/
/yi dam lha tshogs thams cad spyan 'dren no/ /dus gsum bde gshegs
sras dang 'phags pa'i tshogs/ /gnas gsum dpa' bo mkha' 'gro'i lha
tshogs

dang/ /bstan pa bsrung phyir rngams pa'i cha byad can/ dam can
srung ma'i tshogs rnams spyan 'dren no/ /sngon tshe he ru ka dpal
spyan snga ru/ /rgyal ba'i bstan dang bstan pa 'dzin pa rnams/
/legs par srung zhing skyong bar

zhal bzhes pa'i/ /rdo rje rab brtan 'khor bcas spyan 'dren no/
/b+hyauH slob dpon padma 'byung gnas kyis/ /ji ltar bka' bsgos
khas blangs ltar/ /dam bcas gnyan po bdag bskul gyi/ /'phrin las
bsgrub phyir

@398a @#/ /gshegs su gsol/ /bos so ma cig snyan ma sra/ /g.yabs
so ma cig spyan ma rtul/ /bsten no ma cig snying ma ring/ /bskul
lo ma cig bang ma bul/ /rbad do ma cig mthu ma chung/ /rnal

'byor bdag cag 'khor bcas rnams/ /khyod la bsten cing gnas bcas
na/ /ma g.yel ma g.yel myur du byon/ /b+hyauH rang gi mdun du
pad sdong yangs pa'i steng/ /rigs kun khyab bdag rdo rje 'chang
dbang dang/ /sngags

'chang dbang po padma 'byung gnas zhabs/ /sku gsum mngon gyur
blo bzang grags pa'i dpal/ /dbyer med zhabs sen 'od chags brtan
par bzhugs/ /'jigs rung khrag zhag rgya mtsho 'khrug pa'i dbus/
/mi

bzad dus kyi 'thor rlung 'tshub pa'i klong/ /rta ro mi ro brtsigs
pa'i gdan khri la/ /'dod khams gtso mo dmar nag srin mo'i gzugs/
/zhal gcig phyag gnyis ral gri thod khrag 'dzin/ /res 'ga' ne'u
le'i

rkyal pas dgos 'dod stsol/ /rlung ltar mgyogs pa'i dre'u rkyang
ser steng/ /rdo rje rab brtan 'khor bcas brtan par bzhugs/ /gang
la brten na mchog dang thun mong gi /dngos grub ma lus yid bzhin
stsol mdzad

pa'i/ /bla ma yi dam mkha' 'gro chos skyong dang/ /khyad par
stobs 'phrog nag mo re ma ti/ /rgyal ba'i bstan srung kun gyi
gtsor gyur pa/ /lus dang ngag yid dang bas phyag bgyi'o/ /kaM
las band+ha yangs pa'i

@398b snod yangs su/ /sha khrag gtor tshogs lhun po ltar mtho
zhing/ /lha dang mi'i bza' bca'i tshogs dang bcas/ /bdud rtsir
bsgyur te 'khor dang bcas la 'bul/ /chal chil rlabs phreng mkha'
yi lam 'phyo ba'i/ /khrag

zhag ser skyems btung ba rgya mtshor 'khyil/ intra nI la'i chu
'dzin phang phung la/ /'khu ldan bdug pa'i sprin tshogs mkha' lam
khyab/ /zhun chen sgron me tshar du dngar ba yi/ /gsal byed nyi
zla'i 'od zer ci yang bkra//

tsandan gur gum dris sbags dgra bgegs kyi/ /khrag zhag rgya mtsho
'jigs pa'i rba klong 'khrug /rkang gling dung dang rnga bo che
la sogs/ /snyan brjid sgra dbyangs dbyar skyes rnga bzhin sgrog
/mdzes pa'i ba dan lha rdzas bla

bre dang/ /mda' dar me long dung shos brgyan pa dang/ /bstan
dgra dam nyams 'byung po'i dgrar gyur pa'i/ /nad rkyal mtshon gyi
gru gu khram shing dang/ /sho rde dkar nag rab 'bar gnam lcags
kyi/ /ral gri thod khrag rdo rje

be con sogs/ /dpa' ba'i rgyan chas rnams kyang khyed la 'bul/
/rlung ltar mgyogs pa'i dre'u rkyang ser dang/ /rta nag rting
dkar bar snang glog bzhin 'gyu/ /rdo rje'i thog ltar rno ba'i
rwa ldan pa'i/ /zhol g.yag kham

khra'i tshogs rnams ngar zhing khrab/ /dar tshogs dar gyi rgyan
ldan lug nag rnams/ /be DUr ya ltar yid 'ong rwa bzhis mdzes/
/lcags kyi bya khra la sogs mkha' lding tshogs/ /rngams ? pa'i
skad sgrog dam nyams

@399a @#/ /klad la lding/ /mi bzad mche ba ldan pa'i khyi nag
tshogs/ /dgra bgegs 'byung po'i srog la dom ltar 'phyo/ /gzhan
yang rin chen bdun dang bkra shis brgyad/ /'jig rten 'jig rten
'das pa'i

mchod pa'i sprin/ /dngos bshams yid kyis sprul pa las byung
ba'i/ /dges pa bskyed phyir 'khor dang bcas la 'bul/ /legs par
bzhes nas bdag cag mi nor bcas/ /srung zhing skyob las rtag tu
ma g.yel bar//

mi mthun rkyen dang bar chad zlog pa dang/ /mthun rkyen tshe dang
longs spyod rgyas par mdzod/ /b+hyauH byang chub shing dang a ka
ru/ /tsandan dkar dmar du ru ka /ga bur gur gum dzA ti dang/
/spos dkar rgya spos si ha la/ /phye

mar zas sna'i dud sprin gyis/ /dpal ldan rdo rje rab brtan ma/
/jo mo tshe ring mched lnga dang/ /bstan skyong chen mo 'khor
dang bcas/ /yul lha gzhi bdag gnyan po bsangs/ /b+hyauH dpal ldan
rdo rje rab brtan ma/ /ming po klu

cig thod dkar dang/ /thugs kyi sprul pa yang g+ha gza'/ /'khor
bcas bdag la snyan gson cig /de ring khyed la mchod pa 'bul/ /de
ring rnal 'byor nyams chags skong/ /de ring sngar gyi gtang rag
gtong/ /de ring

phyi ma'i gsol 'debs 'bul/ /de ring sngon gyi thugs dam bskul/
/gsang bdag phyag na rdo rje yi/ /spyan sngar zhal bzhes dgongs
mdzod las/ /bstan dang dpal ldan bla ma yi/ /sku dgra sems can
yongs la

@399b 'tshe/ /rnal 'byor bdag cag 'khor bcas la/ /sdang dgra gnod
bgegs ci mchis pa/ /lo dang zhag tu ma bzhag par/ /bdud nag 'bum
gyis khram la thob/ /btsan dmar stong gis sho rde khye/ /ma mo
'bum gyis nad rkyal byo//

mtshon gyi gru gu sngo dmar khye/ /bdud dang gshin rje'i dmag
drongs la/ /'jigs rung mtshon cha'i char pa phob/ /sprul pa'i
gcan zan tshogs rnams kyis/ /sha khrag rus pa chem chem zo/
/thugs dam gnyen po de dgongs la//

ma g.yel bcol ba'i 'phrin las mdzod/ /bdag cag 'khor dang bcas
pa yi/ /tshe dang dpal 'byor bsod nams dang/ /dbang dang longs
spyod rgyas par mdzod/ /nad gdon la sogs mi 'dod rkyen/ /sngon
las 'phral rkyen

las byung gang/ /bstan srungs chen mo 'khor bcas rnams/ /dran pa
tsam gyis zhi bar mdzod/ /khams gsum mi nor zas gsum dang/ /yid
la 'dod pa'i dngos grub kun/ /khyod zhabs dran pa tsam gyis
kyang/ /dbang

du 'du ba'i 'phrin las mdzod/ /mdor na bdag cag 'khor bcas
rnams/ /lha mo khyod la gnyer gtad pas/ /ma dang sring mo ji
bzhin du/ /gzhis dang byes rnams gang du yang/ /'gro'am 'greng
ngam 'dug kyang

rung/ /rgyab dang mdun gyi rten ma dang/ /la dang 'phrang gi bsu
ma dang/ /mun pa'i nang gi sgron me mdzod/ /'pham mo nag mo 'dre
'pham mo/ /rgyal lo dkar po lha rgyal lo/ /lha yi lha mchog bcom
ldan ma/ /rab

@400a @#/ /brtan lha mo 'khor bcas rgyal/ ces bstan srungs chen
mo rdo rje rab brtan ma'i gsol kha 'di/ skye dga' nas dge 'dun
tshe dbang rnam rgyal pas gsol ba nan cher btab pa'i ngor/ rig
sngags 'chang

ba'i sde snod 'dzin pa chos kyi rgyal mtshan gyis shangs mdo rgod
tshang gi ri khrod du thogs med du smras pa'o// ! //na mo gu ru
manydzu g+ho ShA ya/ dus gsum rgyal ba'i yum gcig mkha' 'gro'i
gtso//

'dod dgu'i dngos grub mchog stsol yid bzhin nor/ /dpal ldan rdo
rje g.yu sgron 'khor dang bcas/ /rab 'byams 'phrin las bsgrub
phyir gshegs su gsol/ /mdun du chu skyes nyi zla'i gdan khri'i
steng/ /rab

dkar khro 'dzum rin chen rgyan mang mdzes/ /phyag g.yas mda'
dar me long khams gsum 'gugs/ /g.yon pa'i nor bu'i gzhod pas
dgos 'dod stsol/ /'ja' tshon ltar bkra'i dar gyi lhab lhub can/
/tshe ring

mched lnga bstan ma bcu gnyis sogs/ /gnas gsum mkha' 'gro 'khor
tshogs rgya mtsho'i dbus/ /sems dpa'i skyil krung tshul gyis dgyes
bzhin bzhugs/ /phyi nang gsang ba'i mchod sprin rgya mtsho dang/
/ri

ltar spungs pa'i sha khrag gtor ma'i tshogs/ /ting 'dzin sngags
dang phyag rgyas byin brlabs nas/ /bstan skyong chen mo 'khor
dang bcas la 'bul/ /skabs 'dir a kA ros gtor ma 'bul/ arg+haM
sogs kyis

@400b mchod/ nang mchod 'bul/ gnas gsum mkha' 'gro'i dbang phyug
bcom ldan ma/ /dran pa tsam gyis bar chad kun sel zhing/ /dngos
grub char ltar 'bebs mdzad dpal mo che/ /rdo rje g.yu sgron
'khor dang bcas la bstod//

phyi nang nyer 'tshe ma lus zhi ba dang/ /tshe dang bsod nams
bshad sgrub rgyas pa dang/ /sa gsum skye dgu ma lus dbang 'du
zhing/ /sdang dgra gdon bgegs mtha' dag tshar gcod mdzod/ /mdor
na bdag cag deng nas byang chub bar//

lha mo khyod kyis 'bral med rjes bzung nas/ /mchog dang thun
mong dngos grub ma lus pa/ /bsam pa ji bzhin 'grub pa'i stong
grogs mdzod/ ces rdo rje g.yu sgron gyi gsol kha mdor bsdus 'di
yang btsun pa chos kyi rgya

mtshan gyis sbyar ba'o// //oM rin chen mang sprul 'dod dgu'i
char 'bebs pa'i/ /rgyal chen rnam mang thos sras mdung dmar can/
/dad dang dam tshig dbang gis spyan 'dren na/ /rnal 'byor 'phrin
las sgrub

phyir gnas 'dir gshegs/ /mdun du ye shes me dpung 'bar ba'i
klong/ /mdung dmar sku gdung 'dzin 'dzad khros pas tshul/ /dbang
gi mdangs ldan dpa' bo'i 'dug stangs kyis/ /'khor tshogs rgya
mtshos

bskor ba'i dbus su bzhugs/ /dam rdzas spyan gzigs lha rdzas
mchod pa'i sprin/ /kun khyab bdud rtsi'i btung ba mtsho ltar
'khyil/ /dmar chen gtor ma ri rab ltar spungs pa/ /rgyal chen
'khor bcas dgyes pa

@401a @#/ /bskyed phyir 'bul/ ces lan gsum mam yang na/ oM mahA
rA dzA sa pa ri wA ra i daM ba liM ta kha kha khA hi khA
hi/ lan gsum mam bdun gyis gtor ma phul/ arg+haM sogs kyis
mchod/ oM AH hUM gis

nang mchod phul/ rab 'byams rgyal ba'i bstan pa bsrung ba'i
phyir/ /gshin rje ltar khros bstan dgra'i rjes gcod cing/ /rnal
'byor bu bzhin skyong ba'i dam tshig can/ /chos skyong chen po
khyod la gus pas bstod/ /

bdag cag dpon slob dgon gnas bcas pa la/ /rtag tu g.yel med
bsrung zhing skyong ba dang/ /bshad sgrub longs spyod bstan pa'i
bya ba sogs/ /yar ngo'i zla ltar 'phel zhing rgyas par mdzod/
ces rnam sras

mdung dmar can gyi mchod bstod 'di yang rje nyid kyis gnang
ba'o// //hUM srog bdag chos skyong lcam dral 'khor bcas la/
/shar gling chos sde chen po'i dge 'dun sde/ /gtsug lag khang
dang phyi nang yo

byad kun/ /gnyer du gtad do g.yel med grogs mdzod cig / !
//dbang phyug brgyad ldan rgyal ba tsong kha pa'i/ /bshad sgrub
bstan pa spyi dang khyad par du/ /dpal ldan lhun grub bde chen
chos grwa che/ /phyogs

dus kun du dar zhing rgyas gyur cig / ! //oM 'dod dgu'i char
'bebs rnam mang thos sras kyi/ /bka' nyan gtso bo rgyal sbyin
yang dag shes/ /'khor bcas dang ba'i yid kyis spyan 'dren na/
/rnal

@401b 'byor 'phrin las sgrub phyir gshegs su gsol/ /sprin dkar
g.yo 'dra'i rdzu 'phrul rta yi steng/ /dar mdung res 'ga' gser
gri 'bar ba bsnams/ /g.yon pa bdud zhags ne'u les dgos 'dod
stsol/ /rdzu

'phrul rta yi steng du brtan par bzhugs/ /dam rdzas phyi nang
mchod pa'i sprin 'khrigs shing/ /zag med gser skyems bdud rtsi
mtsho ltar 'khyil/ /sha khrag gtor mas sa gzhi'i khyon bkang ste/
/chos skyong rgyal

sbyin 'khor dang bcas la 'bul/ /bzhes nas rgyal ba gnyis pa'i
bstan pa la/ /log par sdang ba'i dgra bgegs tshar chod la/
/'phrin las rnam bzhi lhun gyis 'grub pa dang/ /bshad sgrub
bstan pa rgyas pa'i

'phrin las mdzod/ /ri gud rnam par rgyal ba'i gling chen po/
/blo gsal mkhas mang nor bus yongs gang zhing/ /bshad sgrub 'dod
dgu'i longs spyod phun tshogs kyis/ /dar rgyas srid mtha'i bar du
gnas

par mdzod/ ces rta nag ri gud chos rgyal la mchod bstod 'di ni/
thos bsam gling gi slob dpon pa dge 'dun yar 'phel gyis bskul ba
la brten nas/ chos smra ba'i btsun pa blo bzang chos kyi rgyal
mtshan gyis thogs

med du smras pa'o// ! //rje btsun snyan shal ku mud ta ka'i
tshal/ /mdzes byed lha rdzas 'od dkar gyis 'byugs pa'i/ /legs par
spyad mthus bdag cag mngon spyod kyi/ /dpag bsam 'bras

@402a @#/ /bu'i khur gyis mdzes gyur cig /ma 'ongs 'dzam gling
dbus su klu shing drung/ /mgon khyod bcu gnyis mdzad pas rol
pa'i tshe/ /bdag kyang 'khor gyi thog ma nyid gyur nas/ /mi pham
bstan

pa'i khur chen khyer bar shog /chos kyi rgyal mtshan mthong zhing
thos pa dang/ /dran reg gyur pa'i 'gro ba ma lus kun/ /mtho ris
bde 'gro'i rten bzang rims brgyud nas/ /sku gsum yid bzhin nor
bu'i dpal thob shog /

'di yang rje bla ma nyid kyi gsung ngo// ! //'dren mchog
shAkya'i rgyal po'i snyan shal drung/ /lha rdzas yid 'ong 'di
phul dge ba'i mthus/ /sdom brtson dam pa blo bzang rgya mtshos
mtshon/ /nam

mkha' mnyam pa'i 'gro ba ma lus pa/ /skye ba kun du dal 'byor
rten thob cing/ /bshes gnyen dam pas 'bral med rjes bzung nas/
/lung rtogs chos kyi bdag nyid cher gyur te/ /bla med byang chub
myur du thob

par shog /'di yang rje nyid kyi gsung ngo/ /dpal ldan stobs bcu
mnga' ba bdud bzhi las/ /ma pham rgyal ba'i dbang po'i snyan
shal drung/ /lhan skyes bde stong rol mtsho yangs pa las/ /lha
rdzas dar gyi dri

bsung rdzogs pa yi/ /mchod tshogs ge sar rgod pa'i chu skyes
phreng/ /dang bas phul ba'i rnam dkar dge tshogs kyis/ /chos
brgyad 'ching ba'i spros pa kun bcad nas/ /tshe 'dir sgo gsum
'khor lo kun gyi

@402b bdag /lhan skyes bde stong dbyings su sdom par shog /go
'phang mchog de bsgrub pa'i mthun pa'i rkyen/ /phul byung shes
rab brtson 'grus dam pa'i grogs/ /tshe dang bsod nams dag pa'i
'khor la sogs/ /legs par rnyed

nas 'di nang 'gags pa na/ /mi pham mdun sar padmo'i snying po
la/ /thogs med skyes nas mi pham dri ma med/ /'jam dpal snying
po bcas rnams mnyes byed shog /de yi mthu las theg gsum dam chos
kyi/ /bka'

drin mngon du gyur nas rdo rje'i lus/ /thob nas 'gro kun 'dren
pa'i dpal gyur cig /nam zhig rdo rje'i gdan du mgon po khyod/
/zla med chos kyi bla mar gyur pa na/ /bdag kyang 'khor gyi thog
mar skyes gyur nas/ /khyod

gsung bsgrubs las go 'phang mchog thob shog /'di yang rje bla ma
nyid kyi gsung ngo/ /'phags mchog spyan ras gzigs dbang snyan
shal la/ /mdzes byed lha rdzas 'di phul dge ba dang/ /gzhan yang
dus gsum

'brel ba'i rnam dkar mthus/ /bdag cag blo bzang rgya mtsho zhes
bgyi bas/ /thog drangs mar gyur 'gro ba ma lus pa/ /byang chub
bar du dman pa'i skye ba spangs/ /mtho ris rten thob dam pa'i
mgon ldan zhing/ /de yi

mthu las rnam dag nges 'byung dang/ /byang chub sems nyid yang
dag lta ba dang/ /rim gnyis lam gyi rtogs pa mthar phyin nas/
/'gro kun don du sangs rgyas myur thob shog /gnas skabs kun tu
chos bzhin

@403a @#/ /bsgrub pa'i rkyen/ /tshe dang nad med bde ba dam pa
dang/ /'khor dang longs spyod snyan grags dpal 'byor sogs/ /ma
lus bsam pa ji bzhin 'grub par shog /'di yang rje nyid kyi gsung
las byung ba'o// //

chos sku mkha' dbyings mdzes ma'i lang tsho la/ /gsal bar 'khyud
pa'i mdzes sdug ri mo can/ /nyin byed 'bum gyi mdangs ldan yid
'phrog pa'i/ /lha bcas 'gro ba'i 'dren pa shAkya'i gtso/ /mgon
de'i sku brnyan

'jig rten mdzes pa kun/ /gcig tu bgyis pa'i rjes 'gro 'di bskrun
pas/ /dkon mchog 'phrin las lhun grub bzhed don gyi/ /dpag bsam
'bras bu'i khur gyis mdzes par shog /deng nas tshe rabs kun tu
thub

dbang gi /zhabs sen spyi bo'i rgyan du mi 'bral zhing/ /rgyal
sras spyod pa'i them skas rim 'dzegs te/ /sku gsum gzhal med
khang du myur 'jug shog /'di yang rje nyid kyi gsung las byung
ba'o// //

oM bde legs su gyur cig /chos rnams kun gyi gdod ma'i rang
bzhin dbyer med brjod bral chos sku'i lha yi lam yangs por/
/lhan cig skyes gang nyams brgya'i gar mdzad longs spyod rdzogs
pa'i 'ja'

tshon ri mos kun khyab cing/ /sna tshogs mig 'phrul ji bzhin 'char
ba'i sprul sku'i bai DUra chu 'dzin lang long g.yo ba las/
/skal bzang 'gro la phan bde'i gru char ci yang 'bebs mkhas
shAkya seng ges

@403b mchog stsol zhig /nor 'dzin yangs pa'i byang phyogs 'dir/
/bsod nams stobs kyi dpung tshogs bzhis/ /'dod dgur bsgyur cing
ris med kyi/ /rgyal ba'i bstan dang bstan 'dzin kun/ /gus mchod

chos rgyal mya ngan bral/ /snyems pa 'gog gang chos kyi rgyal/
/phun tshogs rnam par rgyal ba yi/ /bka' bzhin sgrub pa'i mnga'
gzhug gtso/ /bon gong rdo rje'i mtshan can gyi/ /mchog dang thun
mong 'dod dgu

yi/ /yongs 'du'i rkang 'thung 'bras bzang gis/ /mngon par mdzes
par bya ba'i phyir/ /srid zhi'i legs spyad ma lus gzugs can du/
/legs par bgyis 'dra sa gsum rin chen gcig /slu med skyabs

mchog jo bo rin po che/ /dgyes byed sgron me rgyun mi 'chad pa'i
phyir/ /dbang sngon mdangs chags 'o ma'i rgyun 'dzin cing/ /ngar
'jo'i dbyangs sgrog mdzes pa'i rwa ldan tshogs/ /kun bzang mchod
pa'i sprin dang lhan cig tu//

lhag bsam dag pas kun nas bslangs te 'bul/ /de las 'ongs pa'i
rnam dkar gang ga'i rgyun/ /dus gsum legs spyad nyal 'gro'i
phung po dang/ /lhan cig sdom gang yid can kun don phyir/ /sku
gsum ye shes

rgya mtshor 'jug par shog /go 'phang mchog der ma reg ji srid du/
/mi khom brgyad dang sdug bsngal sgra tsam yang/ /rmi lam du
yang sgra 'dzin yul 'das shing/ /bde 'gro nor bu'i them skas rim
'dzeg shog /

@404a @#/ /'dzegs nas dge bcu'i khyim la rtag phyogs shog /gnas
skabs 'dir yang rgud pa kun bral zhing/ /'khor g.yog nor 'bru
longs spyod ring po'i tshe/ /rigs rgyud bsod nams stobs dang

dpal 'byor sogs/ /rnam mang thos sras grub pa'i dga' ston bzhin/
/phun tshogs lha lam mdzod la dbang 'byor shog /khyad par mi dang
mi min 'byung po yis/ /bskyed pa'i nad rims dus min 'chi ba
sogs//

phyi nang nyer 'tshe bar chad ma lus pa/ /thams cad nye bar zhi
ba'i dngos thob shog /mchog gi tshe dang rnam dpyod rigs rgyud
dang/ /mnga' thang phun tshogs lha mi'i dbang phyug rnams/
/bsdoms pa'i phun tshogs

la 'khu'i 'dod dgu rnams/ /rtag tu yar ngo'i zla ltar rgyas par
mdzod/ /sa gsum skye dgu kun dang de dag gi /legs tshogs dpal
'byor ji snyed mchis pa sogs/ /bsams pa tsam gyis dbang du 'dus
nas

kyang/ /dge bcu'i dpal la yongs su 'byor bar shog /khyad par
bsod nams 'di yis 'gro ba kun/ /gting zab sdug bsngal chu srin
'byung gnas las/ /thabs mkhas gru rdzings mchog gis sgrol ba

yi/ /zla med ded dpon bzang po myur thob shog /mdor na mchog
dang thun mong chos ldan gyi/ /bsam pa'i yongs 'du'i ljon pa ji
snyed pa/ /re ba'i 'bras bzang khur gyis brjid pa yi/ /bkra shis
nyin

@404b mtshan kun tu rgyas par shog /'di yang rje btsun thams cad
mkhyen pa blo bzang chos kyi rgyal mtshan dpal bzang po'i gsung
las byung ba'o// //mchog dga' spyan stong mnga' ba lha las rgan/
/'jig

rten skyong ba gdengs can grub pa'i gtso/ /kun gyi zur phud
mdzes pa'i nags nang du/ /zhabs sen padmo'i ge sar rgod pa can/
/lha yi bla ma rgyal tshab mi pham mgon/ /gang gi snyan shal nor
bu'i me long

ngos/ /mdzes ldan lha rdzas du gu la yi gos/ /gser sbyangs btso
ma'i ri la nyin byed bzhin/ /zhal bzang mngon par mdzes byed sa
le sbram/ /kun bzang mchod pa'i tshogs dang lhan cig tu/ /rnam
dkar sems

kyis bskrun pa'i dge ba'i mthus/ /bdag cag deng nas tshe rabs
thams cad du/ /dal 'byor sdong po bslab gsum yal gas mdzes/
/rgyal sras spyod pa'i me tog g.yur za zhing/ /rim gnyis 'bras
bus brjid pa

kun dga'i shing/ /theg mchog dpag bsam ljon pa nyid gyur cig
/'di snang 'gags tshe yid dga' chos 'dzin du/ /padmo las skyes
khyod zhal mngon sum mthong/ /gsung gi sbrang rtsi ngoms med
'thung ba dang//

lung rtogs yon tan pha mthar phyin par shog /nam zhig klu shing
drung du mgon po khyod/ /grangs med 'gro ba'i bla mar gshegs
pa'i tshe/ /'khor gyi thog ma nyid du bdag gyur nas/ /khyod mnyes
bgyid pa 'ba' zhig

@405a @#/ /lhur len shog /'di yang rje nyid kyi gsung las byung
ba'o// ! //slu med gtan gyi skyabs mchog dam pa'i drung/ /dge
slong blo bzang rgya mtsho zhes bgyi bas/ /ring nas dad pas na
bza'

yid 'ong 'di/ /phul ba'i dges mtshon dus gsum dge ba'i mthus/
/'gro la phan bde 'byung ba'i sgo gcig pu/ /blo bzang bstan pa
dar zhing rgyas pa dang/ /spyan ras gzigs dbang thams cad mkhyen
pa de'i/ /rnam

sprul phyogs 'dir myur du phebs pa dang/ /bdag cag rnams kyang
'di nas byang chub bar/ /rgud pa'i lam du nam yang mi 'gro bar/
/shAkya'i rgyal po khyod kyis 'bral med du/ /rjes su bzung nas
sangs rgyas myur

thob shog /gnas skabs su yang dam chos sgrub pa'i gegs/ /dus min
'chi dang nad sogs zhi ba dang/ /tshe dang dpal dang nad med shes
rab dang/ /'dod pa'i don kun bde blag grub gyur cig /'di yang
rje bla

ma nyid kyi gsung las byung ngo/ /skyabs gsum kun gyi ngo bo bla
ma lha/ /lhan skyes bde stong 'khor lo'i rol pa che/ /yi dam lha
dang dpal ldan mgon po'i tshogs/ /bka' sdod srung mar bcas pa'i
zhabs drung du//

lha yi btsun pa blo bzang rgya mtsho nas/ /lhag bsam dag pas phul
ba'i dge tshogs des/ /thub pa'i bstan pa dar zhing rgyas pa dang/
/khyad par chos kyi pho brang 'di nyid du/ /rnam dag khrims
gtsang dge 'dun sde

@405b 'phel zhing/ /chos dang srid kyi 'byor pa rgyas par mdzod/
/ched du blo bzang chos kyi rgya mtsho che/ /sku tshe ri dbang lta
bur brtan pa dang/ /nad med pa dang bshad sgrub longs spyod
sogs/ /bzhed pa'i don rnams ma lus 'grub

par mdzod/ /khyad par sde 'dir 'dug nas nag chang dang/ /rku
sogs lkog tu bag med spyod byed pa'i/ /dge sbyong gzugs brnyan
ji ltar yin kyang rung/ /drag po'i chad pas yal bar ma btang cig
/sa ma ya/ dam tshig chen

po dran par gyis/ 'di yang rje btsun bla ma 'di nyid kyi gsung
las byung ba'o// //oM swasti/ bcom ldan rje btsun sgrol ma'i
lha khang du/ /mkha' ngos yongs su khebs pa'i bla re dang/ /stod
g.yogs na bza'

me shel phreng ba'i rgyan/ /maNDal gsum dang rgya skong che legs
gcig /gu gu shal dang gug ting bdun cha re/ /rag ting che ba
gnyis dang hor sbug cha/ /dge slong blo bzang chos kyi rgyal
mtshan gyis/ /dang ba'i sems

kyis legs phul dge ba'i mthus/ /'gro kun 'od dpag med kyi zhabs
drung du/ /skyes nas sku gsum go 'phang myur thob shog /'di yang
rje nyid kyi gsung ngo// ! //swasti/ phan bde'i 'byung gnas
rgyal

ba'i bstan/ /de nyid snying po tsong kha pa'i/ /ring lugs dri
med nyi 'od kyis/ /gdul bya'i mkha' lam kun khyab nas/ /thub
bstan pad tshal rgyas gyur cig /sde 'dir mi dang mi min gyi/
/gnod tshe'i bsam sbyor mi

@406a @#/ /'byung zhing/ /bslab gsum rnam dag dam pa'i chos/ /kun
'dzin 'phags pa'i dge 'dun gyis/ /'dzin ma'i khyon kun gang bar
shog /dar cog ser dkar gnyis la'o// ! //oM bde

legs su gyur cig /lha ji ltar rigs pa'i rjes gnang zhu ba byung
tshe/ /slob ma mdun du 'khod pa la 'di skad brjod par bya ste/ 'o
khyed rnams tshe'i dbang zhu ba la/ bla ma lnga bcu pa las/ mdun
du dul bar 'dug pa

dang/ /gos sogs tshul ni bsdams pa dang/ /pus btsugs thal mo
sbyar byas te/ /nyan sogs 'dod pas gsol gsum gdab/ /ces gsungs
pa ltar gsol ba lan gsum 'debs pa 'di yi rjes zlos mdzod/ kun

mkhyen ye shes phung po can/ zhes sogs byed/ da khyed rang rnams
bsam pa 'di bzhin mdzod/ /'di skad du mdo las mir gyur pa yang
rnyed par dka'/ dal 'byor phun sum tshogs pa yang rnyed par dka'/
sangs rgyas

'byung ba yang rgya lam na ste/ u dum wa ra'i me tog dper brjod
pa bzhin no/ /zhes gsungs pa ltar/ shin tu dkon pa'i dal 'byor
gyi mi lus thob/ mjal dka' ba sangs rgyas kyi bstan pa dang mjal
ba'i dus

'dir/ mi lus thob pa don med du mi btang bar snying po ci lon
byed dgos la/ de da lta nyid du ma byas na/ nam 'chi la nges pa
med/ shi nas kyang gang du skye rang dbang ni med/ las dkar nag
ji ltar skye dgos/ rgya la

@406b mi dge'i stobs kyis ngan song du skyes na dmyal ba pa
rnams la tsha grang/ /yi dwags rnams la bkres skom/ dud 'gro
rnams la bkol spyad/ lha ma yin rnams la phrag dog gi sdug
bsngal bzod dka' ba yod/ gal te

bde 'gror skyes kyang lha rnams la 'chi 'pho ltung byed/ mi
rnams la skye rga na 'chi la sogs pa'i sdug bsngal bsam gyis mi
khyab pa yod/ rang kho nar ma zad/ sems can thams cad kyang
'khor bar 'khyams phyin chad

de lta bu'i ngang tshul can yin cing/ sems can thams cad kyang
drin can gyi pha ma sha stag yin pas/ des na mar gyur nam mkha'i
mtha' dang mnyam pa'i sems can thams cad kyi don du/ myur ba
myur bar yang dag par

rdzogs pa'i sangs rgyas kyi go 'phang thob par bya'o snyam pa'i
byang chub kyi sems dung dung ba bskyed par mdzod/ de'i ngang
nas gnas khang 'di yang bde ba can dngos yin snyam pa dang/ nged
lha de dang de dngos yin snyam pa

dang/ gtor ma'am tshe bum yang lha gang yin de'i mngon rtogs ltar
gsal btab ste/ slob ma la ston de nas dkon mchog gsum la skyabs
su song nas/ byang chub tu sems bskyed nas rgyal sras kyi

sdom pa 'dzin snyam pa mdzod/ 'di'i rjes zlos gyis/ dkon mchog
gsum la bdag skyabs mchi/ /zhes sogs gsum brjod de/ dngos gzhi
rjes gnang so so'i kha bsgyur bya'o/ /ces pa 'di yang bla ma

@407a @#/ /gsar pa 'ga'i don du/ btsun pa blo bzang chos kyi
rgyal mtshan gyis dge ldan du bkod pa dge legs 'phel// //@#/ /rin
chen chos legs lhag bsam gyis/ /par 'di

bsgrubs pa'i rnam dkar mthus/ /she sa bu khrid sgrib gnyis kyi/
/g.yul las myur du rgyal gyur cig /'di ltar bskrun pa'i dge
tshogs kyis/ /rtag tu dal 'byor rten thob nas/ /sa lam rtogs pa
mthar son te/ /

bla med byang chub thob par shog / //slu med mchog gsum dam par
mchod pa'i sprin/ /lha lam gang ba phul ba'i dge ba'i mthus/
/sdug bsngal gsum gyis mnar ba'i 'gro ba kun/ /bde ba can du
thogs

med 'jug gyur cig /ces bde ba can gyi zhing du thogs med 'jug
pa'i smon lam mdor bsdus pa 'di ni/ rdo rje 'chang chen po paN
chen thams cad mkhyen pa chen pos mdzad pa yin pas dge/ //skyabs

gsum kun 'dus rtsa ba'i bla ma la/ /gsol ba 'debs so tshe rabs
thams cad du/ /'bral ba med par brtse bas rjes bzung nas/ /sku
gsum go 'phang thob par byin gyis rlobs/ ces pa 'di ni dpon po
chos khur la

gdams pa'o// //thub dbang rgyal ba gnyis pa blo bzang grags/
/dbyer med drin can rtsa ba'i bla ma yis/ /skye ba kun tu 'bral
med rjes bzung nas/ /mchog dang thun mong dngos grub ma lus
stsol/ ces pa 'di ni

@407b dpon mo shes rab sgron ma la gdams pa'o// ! //na mo gu ru
lo ke shwa rA ya/ bod gangs ri'i mgon po spyan ras gzigs/ /lha
thugs rje chen por phyag 'tshal te/ /chos theg pa chen po'i gso
sbyong gi /don sdom

pa'i rnam dbye gsal bar brjod/ de yang gnas 'jog gi mdo nas
bshad pa'i bsnyen gnas yan lag brgyad pa'i sdom pa dang/ don
zhags kyi rgyud nas bshad pa'i gso sbyong yan lag brgyad pa'i
sdom pa gnyis/ spang bya

yan lag brgyad spong ba tsam du mtshungs kyang/ gzhan ma mi 'dra
ba'i khyad par shin tu che ste/ len pa'i yul mi 'dra/ rten gyi
khyad par mi 'dra/ bsam pa'i khyad par mi 'dra/ ji ltar len pa'i
cho ga mi 'dra/ blangs nas bsrung

tshul mi 'dra/ mthar 'bras bu mi 'dra ba'i khyad par du ma yod
pa'i phyir/ dang po grub ste/ so thar rigs brgyad kyi nang tshan
gyi bsnyen gnas kyi sdom pa rang las rgyud tha dad pa dge bsnyen
yan chad so thar gyi sdom ldan zhig

gi drung du len dgos/ theg chen gso sbyong gi sdom pa rang nyid
kyis rten gyi drung du blangs kyang skye ba'i phyir/ gnyis pa
grub ste/ bsnyen gnas yan lag brgyad pa'i sdom pa/ dge tshul
slong rnam dag gi rten can gyis len du

mi rung/ theg chen gso sbyong gi sdom pa/ dge slong rnam dag gis
len du rung ba'i phyir ro/ /gsum pa grub ste/ bsnyen gnas kyi
sdom pa nges 'byung tsam gyis kun nas bslangs pas skye/ theg
chen gso sbyong gi sdom pa

@408a @#/ /len pa la nges par byang chub kyi sems bcos ma tshun
chad bskyed pa sngon du 'gro dgos pa'i phyir/ bzhi pa grub ste/
bsnyen gnas kyi sdom pa skyabs 'gro rtsom byed du byas nas/ khas
len lan gsum byas

pas thob/ theg chen gso sbyong gi sdom pa sangs rgyas rnams kyis
lam dus su gso sbyong mdzad pa dper byas te/ rang nyid kyang de
lta bu'i rnam thar gyi rjes su slob pa'i khas len gsum byas pas
thob pa'i khyad par

yod pa'i phyir/ lnga pa grub ste/ bsnyen gnas pas rnam gsum dag
pa'i sha bsrung mi dgos/ theg chen gso sbyong gi sdom pa blangs
nas/ nges par sngor dkar la gnas dgos pa'i phyir/ tha ma grub
ste/ bsnyen gnas pas

theg pa gang rung du sems bskyed pa ltar 'bras bu 'grub/ cig
shos kyis theg chen sems bskyed nyams na ma gtogs/ bla med byang
chub thob pa'i phyir ro// ! //len pa'i tshul ni/ sngon du dgongs
gsol

byas/ ji ltar sngon gyi zhes pa nas/ gso sbyong nges par mdzad
pa de bzhin du/ zhes pa'i bar dper brjod de/ de yang sngon byon
zin pa'i sangs rgyas bcom ldan 'das de dag kyang/ sngon sangs
rgyas rgyas pa zhig ma

yin/ bshes spring las/ gang dag chos sngon bgyis pa de dag
kyang/ /gnam nas babs pa ma lags lo tog bzhin/ /sa rum nas thon
ma lags de dag sngon/ /nyon mongs rag las so skye kho nar bas/
zhes

@408b gsungs pa ltar yin kyang/ de rnams kyis thog mar byang
chub tu thugs bskyed/ 'di lta bu'i theg pa chen po'i gso sbyong
bzhes nas yang dag par bsrung ba sogs lam la bslabs pas sangs
rgyas pa yin/ de bzhin du rang

rang ming 'di dang 'di zhes bgyi bas kyang/ theg chen gso sbyong
gi sdom pa yang dag par blangs nas/ sang nyi ma ma shar gyi bar
du bsrung snyam pa byed/ bsam pa ji lta bus len na/ sngon gyi
rgyal ba rnams ltar sems can thams cad

kyi don du len/ don ji lta bu zhe na/ gnas skabs su phan pa phun
sum tshogs pa bsgrub pa dang/ mthar thug nyon mongs pa dang shes
bya'i sgrib pa las grol bar bya ba'i phyir du'o/ /'o na gnas
skabs su phan pa ji lta bu zhe na/

ngan song gi sdug bsngal 'jigs su rung ba dang/ lus sems gdung
bar byed pa'i nad dang/ dbul zhing 'phongs pa sogs sdug bsngal
ba'i rgyu mu ge sogs rgyun bcad de med par bya ba'i phyir dang/
mthar thug grol bar

bya ba'i thabs dran pa nye bar gzhag pa bzhi la sogs pa'i byang
chub kyi phyogs kyi chos yongs su rdzogs par bya ba dang/ de lta
bu'i sgo nas sems can thams cad kyi gnas skabs dang mthar thug
gi don mthar

phyin par byed pa la/ rang nyid kyis rdzogs pa'i sangs rgyas kyi
go 'phang thob dgos pas/ de'i phyir rang nyid bla na med pa yang
dag par rdzogs pa'i byang chub tu mngon par rdzogs par sangs
rgyas par bya ba'i phyir

@409a @#/ /du/ sdom pa len snyam du bsams te/ lan gsum rjes zlos
byas zin pa'i mthar sdom pa thob pas/ thabs legs bya'o/ /mjug
bslab pa brjod pa ni tshig bcad lhug ma gtogs bsnyen gnas ji

lta bu'o/ /bsnyen gnas yan lag brgyad pa dang/ /theg pa chen
po'i gso sbyong gi /rnam dbye la sogs bshad pa'i tshul/ /ma 'dres
so sor gsal bar bshad/ /'di ni byang rtse chos kyi rje/ /dge
'dun rnam rgyal zhes bya

ba'i/ /bstan pa'i rtsa lag gang de yis/ /bskul tshe chos kyi
rgyal mtshan gyis/ /thogs med bris ba'i dge ba'i mthus/ /'gro kun
byang chub sems ldan zhing/ /theg mchog khrims kyis rgyud bsdams
nas/ /bden 'dzin

bag chags bcas spangs te/ /thams cad mkhyen pa myur thob shog /
//dge'o// ! //thub dbang gnyis pa blo bzang grags pa yi/ /mdo
sngags chos kyi rgyal mtshan 'od 'bar bas/ /mtha' yas gdul bya'i
rmongs pa

kun sel zhing/ /phan bde 'dab brgya'i dga' tshal rgyas gyur cig
/ces pa 'di yang chos grwa chen po bkra shis lhun po'i zur
bzhi'i slob dpon rnams dang/ chos khrims pas bskul ba'i ngor/
dge slong blo bzang chos kyi

rgyal mtshan gyis sbyar ba'o// //sarba mangga laM/ ! /oM swa
sti/ rgyal kun spangs rtogs yon tan dbyer med kyang/ /rnam 'dren
gzhan gyis 'dul dka'i snyigs dus 'dir/ /thugs bskyed pad dkar
lta bur rab bsngags pa/ /

@409b sku bzhi'i dbang phyug shAkya'i rgyal por 'dud/ /thub
gsung gab dkrugs rgya yis bcings pa'i mdud/ /rnam dpyod sor mos
'grol la zla bral ba/ /'jam dpal rdo rje'i sgyu 'phrul tsong kha
pa'i/ /zhabs rdul gtsug gi rgyan du

gus pas bsten/ /gsung gi rdo rje snang ba mtha' yas kyi/ /bgrang
yas sgyu 'phrul dra ba'i rol pa las/ /deng 'dir ngur smrig zlos
gar rab bsgyur ba/ /blo bzang chos kyi rgyal mtshan phyag gi yul/
/gang gi gsung gsang chos sbyin

'dzad med phyir/ /sngon chad par du bsgrubs pa'i a darsha/
/gzhan phan khyab gdal che ba'i kha rlang gis/ /nongs pas 'dren
byed yul du gyur min tshe/ /'phrinO lasO chosO 'byor blaO nas
slar 'phelO ba'i/ /pho brangO gser sbyangs

brtsegs pa'i rgyal mtshanO can/ /srid na mngon mthoO lhun poO
ltar brjid pa'i/ /lugs gnyis srol 'dzin jaO sagO mkhanO poO yis/
/slar yang 'phrul gyi mchod sbyin ming gzhi'i gzugs/ /dbyibs
legs par du bskrun pa'i rnam

dkar mthus/ /bloO bzangO dpalO ldan bstanO pa'iO nyiO maO che/
/phyogsO lasO rnamO rgyalO bskal brgyar zhabs brtan shog /phun
tshogs kun gyi gzhir gyur rgyal bstan gyi/ /snying po 'khrul bral
zhwa ser ring lugs che/ /phyogs dus kun

tu dar zhing rgyas pa dang/ /'gro kun rdzogs ldan dpal la rtag
spyod shog /mchod sbyin 'di las 'ongs pa'i glegs bam gyis/ /dzA
ti'i me tog bkra ba'i zhing khams nas/ /dar zab thags su bskrun
pa'i yul gru'i bar/ /

@410a @#/ /khyab cing thos bsam byed pos gang gyur cig /lha klu
mnyes shing yul phyogs thams cad du/ /char chu dus

phebs rtsi bcud 'bras bu rgyas/ /'thab rtsod rgud pa'i ming yang
mi grag cing/ /'gro kun bde skyid dpal la spyod par shog /

(ces pa 'di yang rje btsun blo bzang chos kyi rgyal mtshan dpal
bzang po'i gsung 'bum chos grwa chen po bkra shis lhun po 'di
nyid du par du bzhugs pa

rnams bgres skyon gyis yi ge gsal min stabs sa 'brug lo nas dbu
brtsams te par gsar brko bgyis pa chu bya lo nang legs par grub
pa'i dge ba rdzogs

byang du bsngo ba'i smon tshig tu sbyar ba'o//) //mangga laM/ /

[bp]