[ls]

@#/ /bi mo k+Sha sthU lA pto ho shra dd+ha sya bi dza ya na gu
rA dpar ma wa nytsa nA ma bi dzahA ra //

@#/ /rje bka' 'gyur bla ma sogs dam pa lnga'i rnam thar rags
bsdus ngo mtshar dad pa'i sa bon zhes bya ba bzhugs//

@01a @##/ /na mo gu ru b+hyaH rje bka' 'gyur bla ma blo bzang chos
'phel dpal bzang po ni/ rang byung bcu gcig pa'i nang tshan lcags
spre lor gtsang stod shabs kyi gnas zhes par sku bltams

nas gangs can chos 'phel dang/ bkra shis lhun por thugs gter
mdzad cing/ /rje btsun blo bzang ye shes dang/ bkras lhun thos
bsam gling pa dpal ldan ye shes/ phun gling slob dpon

ngag dbang rin chen sogs la thos bsam sgom gsum mthar phyin
mdzad rjes/ bdag cag gi dpal ldan bla ma dam pa rje btsun ngag
dbang rdo rje'i zhal snga nas/ paN chen pa gong ma'i yongs 'dzin

blo bzang chos 'phel/ sngags chen blo bzang dpal 'byor/ yongs
'dzin yon tan rgyal mtshan/ sngags chen bzhad pa blo bzang tshe
brtan/ gung ye shes tshe brtan sogs la mdo sngags kyi chos

@02a @#/ /mang du stsal cing/ gzhan yang zhal slob mang por bka'
'gyur rin po che'i lung sogs stsal te mthar dgung lo go drug pa
rab byung bcu gsum pa'i nang tshan shing

lug lor bzhad kyi dben gnas ri bo gru 'dzin du gzugs sku'i bkod
pa bsdus shing/ yongs 'dzin paNDi ta chen po'i gsan yig 'jog po
bla mas mdzad par dge slong blo bzang chos 'phel ba

zhes pa zhig las lung mang po gsan tshul gsal ba yang rje 'di
nyid yin par mngon no// ! bdag cag gi dpal ldan bla ma dam pa
mkhas shing grub pa'i dbang phyug rje btsun ngag

dbang rdo rje dpal bzang po ni/ rab byung bcu gnyis pa'i nang
tshan lcags byi lor bzhad ljongs chu smad gro skor bkra shis
khang gsar pa zhes pa'i grong rigs rus dang ldan pa zhig tu yab
drag po

@02b dang/ yum chog skyid gnyis kyi sras su sku bltams/ mtshan
lha btsan rdo rjer gsol zhing/ dga' ldan phun tshogs gling du rje
nyid kyi zhang po'i drung du klog yig mthar phyin dang/ dgung lo
bcu gsum par bzhad

bkra shis dge 'phel gyi grwa gras su zhugs te/ de'i slob dpon
byang pa dge 'dun yar 'phel la gtsug phud phul ba'i mtshan dge
'dun rdo rje dang/ de'i phyi lo bkras dge'i slob dpon ra lo dbon
po chos rje ngag

dbang dar po'i drung du dge bsnyen bar ma rab byung/ dge tshul
bcas kyi sdom pa zhus skabs mtshan ngag dbang rdo rjer bsgyur/
dgung lo so gcig pa lcags rta lor rje bka' 'gyur bla ma blo
bzang chos 'phel pas

mkhan slob zung 'brel mdzad nas dad pa'i dge 'dun grangs tshang
ba'i dbus su bsnyen par rdzogs/ de'i phyi lo dgung grangs so
gnyis pa nas mthar dgung lo gya bzhi'i bar du phal cher sgo gsum
rnam g.yeng las

dben pa'i sku mtshams kyi bcad rgya dang/ bar bar du rje bka'
'gyur ba/ rje btsun blo bzang dpal ldan ye shes/ rje ngag dbang
byams pa/ yongs 'dzin ye shes rgyal mtshan/ rje blo bzang bstan
pa dar rgyas sogs

la byang chub lam rim/ bla mchod bde stong dbyer med ma/ zab lam
phyag rgya chen po/ gsang 'jigs gnyis kyi dbang dang/ rim gnyis
kyi 'khrid/ nyer mkho'? rjes gnang dang lung sogs zab gnad gang
yin gnad

@03a @#/ /du smin par bsan te/ sdom gsum gyi bcas mtshams la nyes
ltung gi dri mas ma gos par mdzad cing/ gal te bcas rkyang gi
nyes pa phra mo res gos kyang rang rang gi phyir bcos kyis
'phral du

dag par mdzad pa'i ngang nas sgrub pa la rtse gcig tu 'grus par
mdzad pas/ nges 'byung/ byang chub kyi sems/ yang dag pa'i lta
ba/ zab lam rim pa gnyis bcas la rtsol med kyi myong ba phul
phyin 'khrungs

shing/ skal ldan gyi slob ma rnams la thugs kyi gdams pa myong
thog nas zab la 'gril bstsal/ lhag par thugs kyi nying khu lta
bu'i bka' rtsom glegs bam che phyogs gsum tsam bdag cag rnams
kyi pha

phogs su 'jog par mdzad nas/ mthar dgung lo gyi bzhi pa chu phag
zla 6 tshes 4 srod chen phag gi dus su ded dpon nor bu lon pa
ltar dga' spro chen po'i ngang nas nub phyogs bde ba can gyi
zhing du skar mda' 'phangs

pa ltar gshegs so// ! rje bka' 'gyur ba dga' ldan bstan 'dzin
ni/ rab byung bcu gnyis pa'i lcags bya lor gtsang stod gcung gi
lha sdings su yab dkon mchog rab brtan dang/ yum blo bzang sgrol

ma'i sras su sku bltams/ dgung lo dgu par mkhan chen ye shes dar
rgyas dang slob dpon blo bzang rgyal mtshan pa'i drung nas dge
tshul gyi sdom pa bzhes nas mdog stod bsam grub dga' ldan gyi
grwa gras su zhugs
@03b shing/ dgung lo nyer gnyis pa chu rta lor bkras lhun sngags
chen blo bzang dpal 'byor gyis mkhan po dang/ blo bzang bshes
gnyen gyis slob dpon mdzad nas bsnyen rdzogs kyi sdom pa bzhes/
grub dbang blo bzang rgyal

mtshan/ rdo rje 'dzin pa skal bzang don yod/ grub brnyes blo
bzang sbyin pa/ bka' 'gyur ba yon tan rgya mtsho/ yongs 'dzin yon
tan rgyal mtshan/ bya sdug pa ye shes 'byung gnas sogs dam pa
mang po nas mdo rgyud kyi

dbang lung man ngag du ma dang/ khyad par zha lu sku zhang pa
lce btsun bstan 'dzin 'phrin las kyi drung nas rje btsun rdo rje
rnal 'byor ma nA ro mkha' spyod kyi smin byed kyi byin rlabs/
rgyal mchog lnga pa'i mthong grol lde mig

ltar gyi bskyed rim rnal 'byor bcu gcig dang/ rdzogs rim rtsa
dbu ma sogs kyi zab khrid/ rgyab brten be'u bum gyi lung dang
bcas pa sngon byon dam pa'i phyag bzhes ma nyams par bsan te mdo
rgyud kyi gnad rnams la nyams

bzhes phul phyin mdzad cing/ dgung lo nyer drug la bsam grub
dga' ldan gyi rdo rje slob dpon gyi go sar phebs nas dbang lung
man ngag sogs kyi char phabs/ khyad par bka' 'gyur gyi ljags
lung yang lan gsum stsal/

yongs 'dzin blo bzang bstan 'dzin dpal bzang po/ rje btsun bde
chen pa ye shes sbyin pa/ nye gnas rje btsun dam pa dga' ldan
dar rgyas dpal bzang po sogs bstan 'gro'i mgon du gyur pa'i skal
ldan gyi slob ma mang po

@04a @#/ /bskrun te/ mthar dgung lo re gsum pa chu phag lor dben
gnas gsang sngags mkhar gyi shar rtser gzugs sku'i bkod pa bsdus
so// ! bdag cag gi dpal ldan bla ma dam pa dga'

ldan dar rgyas dpal bzang po ni rab byung bcu gsum pa'i sa stag
lor la stod gcung gi rgyud du sku 'khrungs nas/ gzhon nu'i dus
nas rje bka' 'gyur ba chen pos rjes su bzungs te spyan gyi 'bras
bu ltar skyong bar mdzad

cing/ rab byung/ bsnyen rdzogs/ dbang/ lung/ man ngag rnams bum
pa gang byo'i tshul du stsal zhing/ grub dbang blo bzang rgyal
mtshan dang/ rje bya sdug pa ye shes 'byung gnas sogs las rje
bka' 'gyur ba dang

mnyam du yang bka' chos mang du bsan/ rgyun par rje bka' 'gyur
ba chen po bsam sbyor gnyis kyis tshul bzhin bstan nas/ bya ba
las kyi 'khor lo/ klog pa thos bsam gyi 'khor lo/ spong ba bsam
gtan

gyi 'khor lo gsum gyis nyin mtshan 'da' bar mdzad cing/ skabs
skabs su zab pa dang rgya che ba'i chos kyi 'khor lo yang mang
du bskor nas bsam grub dga' ldan gyi rdo rje slob dpon rim byon
sogs skal ldan gyi slob

ma yang kha shas bskrun te mthar dgung lo re gsum pa lcags 'brug
zla ba drug pa'i mar ngo'i tshes bcu'i nyin dag pa mkha' spyod
kyi gnas su gshegs so// ! bdag cag gi dpal ldan bla ma dam pa
rje 'bi lung pa

@04b dge 'dun bzang po'i zhal snga nas ni/ rab byung bcu gnyis
pa'i nang tshan me rta lor byang 'brog ri 'dus su yab gzhon nu
rdo rje dang/ yum lha lha gnyis kyi sras su sku bltams/ gzhon
nu'i dus nas shangs dga' ldan chos 'khor

dang/ 'bras spungs gnyis su thugs gnyer mdzad cing/ rgyal mchog
bskal bzang rgya mtsho dang/ skyabs mgon rje gong ma/ phur lcog
byams pa rin po che/ skyid grong yongs 'dzin rin po che sogs dam
pa mang por mdo

sngags kyi gdams pa mang du bsan cing/ byang chub lam gyi rim pa
chung ba thugs 'dzin shin tu byang ba'i sgo sogs nas sgom sgrub
mthar phyin mdzad/ mda' dpon pad tshal ba nas rab yongs 'dzin rin
po che dang/ de min

zhal slob drag nges rang zhig stsol dgos gsol ba btab ngor 'bi
lung sgrub sde'i bla mar phebs dgos byung zhing 'bi lung/ mtshan
sgrog dar rgyas gling/ tshes chog gling/ chos grwa chen po bkra
shis lhun po sogs su

sdom gsum gyi bslab bya dang/ lam rim/ blo sbyong/ gsang bde
'jigs gsum gyi dbang dang man ngag sogs zab rgyas kyi chos 'khor
mang du bskor bar mdzad nas rgyal yum rin po che blo bzang bstan
'dzin chos

'dzom/ sku zhang chen mo rab brtan don grub rgya mtsho/ tshe chog
gling gi rdo rje slob dpon ye shes bstan 'dzin dang/ phyag mdzod
dge legs rgyal mtshan sogs gdams pas tshims par mdzad cing/
7skyabs mgon

@05a @#/ /chen po 'di nyid la'ang chos 'brel 'ga' zhig 'bul bar
mdzad/ mthar dgung lo don bzhi pas lug zla 12 tshes 10 nyin tshe
gling nas dga' ldan chos kyi pho brang du gshegs so/ /de ltar
bka' 'dri ji ltar

phebs pa'i bla ma 'di rnams kyi rnam thar yi ger 'khod pa sngon
chad ma byung 'dug kyang/ gus pa rang gi blor nges tshod rags rim
tsam shin tu khungs dag khul du phul ba sarba duk+Shi ?  ya ba pu
ShNantu// (zhes pa 'di ni rma ? ru mkhan po dga'

ldan the po sprul sku'i dris lan du rje btsun d+ha rma b+ha dra
dpal bzang pos stsal pa lags so// // @#/ sde dge'i par rkos shes
rab bzang pos lhag bsam rnam par dag pa'i par du bsgrubs pa
dge'o// zhal gro/ /sarba mangga laM// //