@#/ /rje btsun bla ma thams cad mkhyen pa d+ha rma b+ha dra dpal
bzang po la rnam thar gyi sgo nas gsol ba 'debs tshul dngos grub
gru char g.yo ba'i sprin phung zhes bya ba bzhugs//

@#/ /na mo gu ru badzra pA Na ye/ rgyal kun gsang ba'i dbang
phyug rdo rje 'dzin/ /dus 'dir chos kyi rgyal po tsong kha pa'i/
/bstan pa'i lugs bzang

spel phyir legs byon pa/ /rje btsun bla ma'i zhabs la gsol ba
'debs/ /mgon khyod spang rtogs yon tan mthar phyin kyang/ /nyam
thag snyigs dus 'gro la

rjes brtse bas/ /bsam bzhin mi yi srid pa legs par bzung/ /rje
btsun thugs rje can la X/ gzhon nu'i dus kyang tha mal spyod pa
las/ /'das pa'i dam

pa'i brtul zhugs bdag gir mdzad/ /yi ge'i 'dri klog ma bslabs
thugs su chud/ /sngon sbyangs skyes bu mchog la X/ rgyal ba'i
bstan la rnam dag rab tu

@02a @#/ /byang/ /mkhas grub bla mas mnyes bzhin rjes su bzungs/
/brda sprod gtsug lag rang blo'i stobs kyis mkhyen/ /rmad byung
mkhyen pa'i gter

la X/ 'khor ba'i gnas 'di nyam nga'i me 'obs ltar/ /sdug bsngal
'ba' zhig bskyed pa'i rgyur gzigs nas/ /dben pa'i gnas su rtse
gcig sgrub la gshegs

dam pa'i skyes bu khyod la X/ rnam dag nges 'byung bsam pas yid
drangs te/ /mtshan nyid kun tshang mkhan slob spyan snga ru/
/bslab gzhi yongs su rdzogs pa'i

sdom pa nod/ /thub pa'i rgyal tshab gyur la X/ bshes gnyen yid
bzhin nor bu bsam sbyor gyis/ /gang sku'i rgyal mtshan rtse mor
mchod pa las/ /dbang lung

man ngag 'dod rgu'i char gyis tshims/ /zab rgyas gdams pa'i gter
la X/ khyad par 'jam dbyangs bla ma'i thugs mtsho las/ /byung
ba'i snyan rgyud yid bzhin

@02b nor bu yis/ /thugs kyi bang mdzod ma lus yongs su gtams/
/dge ldan bstan pa'i bdag por X/ skyes dang sbyangs pa'i rnam
dpyod gru chen gyis/ /rig gnas rgya mtsho'i pha rol legs son te/
/sngon

med legs bshad rin chen char du 'bab/ /rje btsun thams cad
mkhyen la X/ sdom gsum bcas mtshams ma la ya yi ljon/ /nyes ltung
gdug pa'i sprul gyis ma gtses par/ /rnam dag tshul khrims gtsang

ma'i dri bsung 'phro/ /yongs rdzogs bstan pa'i bdag por X/ 'di
snang 'khri ba chod pa'i brtson 'grus kyis/ /ma nor lam bzang
sgrub pa lhur mdzad pas/ /rtogs pa'i yon tan bla na med pa
brnyes/ /grub

dbang bla ma'i zhabs la X/ ring nas bsten pa'i yi dam mkha'
spyod ma'i/ /smin grol gdams pa'i rgyun bzang spel dgos par/ /na
ro ta pas lung bstan byin gyis brlabs/ /zla med bla ma mchog la
X/

rdo rje chos dngos dga' ldan dar rgyas la/ /bcu drug nyams ldan
dmar ser mig g.yo mas/ /rang gi gdams pa ster ba'i bskul ma
mdzad/ /snyan rgyud bstan pa'i bdag por X/ 'jam dpal zhi khro'i
bsnyen

par gzhol ba'i tshe/ /dmar ser d+hiH yi char chen mgrin mtshor
babs/ /'chad rtsod rtsom pa'i rlabs 'phreng mkha' la phyur/
/'jam dbyangs bla ma'i zhabs la X/ 'khor lo chen po'i bsnyen
sgrub mdzad pa'i

@03a @#/ /tshe/ /klu rigs brgyad kyi ngo bo'i sbrul rgyan gyis/
/rang nyid brgyan te mkha' la gar du rtse/ /gsang bdag bla ma'i
zhabs la X/ rgyal ba gnyis pa'i bka' srung chos kyi rgyal/
/bsnyen pa'i

tshe na rang gzugs gsal bar bstan/ /sku tshe'i bar gcod thams cad
mngon sum bsal/ /srung ma bran du 'khol la X/ zab mo'i don ? la
'jigs med gdengs thob tshe/ /mkhas pa'i bya ba gsum gyis rgyal

ba'i bstan/ /dus mtha' 'dir yang nyin mo lta bur mdzad/ /bstan
pa'i sgron ma mchog la X/ de phyir gzur gnas mkhas pa thams cad
kyi/ /gtsug rgyan nor bus bteg pa'i zhabs skyes rdul/ /'gro ba

kun gyi mchod pa'i rten du gyur/ /phul byung zhing gi mchog la
X/ zhing 'di'i gdul bya'i skye bo rdzogs pa na/ /brgyad cur
mdzad pa'i tha ma ston no zhes/ /ring po'i dus nas 'byung 'gyur
gsal bar bstan/ /

ma 'ongs mngon sum gzigs la X/ 'od gsal chos sku mngon du mdzad
pa'i tshe/ /sku yi nyin byed gzi brjid lham mer 'bar/ /dkar dmar
byang sems bdud rtsi'i rgyun bzang babs/ /sku gsum mngon

du mdzad la X/ de tshe chos 'byung la sogs kha dog dang/ /dbyibs
kyi khyad par du ma'i 'ja' tshon gyis/ /bdun phrag bdun du nam
mkha'i khams kun gang/ /ngo mtshar gter chen khyod la X/ /dgongs

@03b pa rdzogs phyir sgo mang mchod rten la/ /nyams gso phul tshe
sprin med mkha' dbyings nas/ /sen rgya tsam gyi me tog char chen
phab/ /byin rlabs bslu ba med la gsol ba 'debs// ! de ltar mgon
po khyod

kyi rnam thar la/ /snying nas dad cing gus par byed pa bdag
/gdung ba'i yid kyis lhang lhang gsol 'debs na/ /gar bzhugs
zhing nas bdag la dgongs su gsol/ /thugs rje'i gter chen rje
btsun bla ma

yis/ /yal bar dor na mgon skyabs su la re/ /de phyir sdug pa'i
bu la ma bzhin du/ /brtse chen thugs rjes myur du bskyab tu
gsol/ /dam pa'i mgon dang bral ba bdag cag rnams/ /rmad byung
rgyal ba

dgyes pa'i lam bzang la/ /'jug par 'dod kyang ma rig mun pas
bsgribs/ /mkhyen brtse'i 'od kyis lam bzang bstan du gsol/
/rnyed par dka' zhing rnyed na don che ba'i/ /dal 'byor mi yi
lus rten thob dus

'dir/ /yid brtan mi rung sdug bsngal 'ba' zhig rgyu/ /tshe 'di'i
snang shas ldog par byin gyis rlobs/ /bzlog med 'chi bdag gshin
rje'i bsu ma de/ /nam yong nges pa med pa'i tshul rtogs nas/
/phan dang bde

ba'i 'byung gnas dam chos la/ /sgrub pa snying por byed par X/
dge sdig las las 'bras bu bde sdug gnyis/ /slu med 'byung ba'i
tshul la nges rnyed nas/ /dkar nag las kyi blang dor phra mo
la'ang/ /brtson
@04a @#/ /'grus drag pos slob parX/ thog med dus nas 'jigs rung
'khor ba 'dir/ /mi 'dod sdug bsngal kho nas mnar ba'i tshul/
/legs par rtogs nas skyo shas drag po yis/ /des

'byung rnam dag skye barX/ grangs med skye bar drin gyis
bskyangs pa yi/ /ma rgan 'gro rnams sdug bsngal gsum gyi mes/
/bsreg tshul mthong nas bcos min snying rje dang/ /byang chub
sems mchog 'byongs

parX/ chos kun gdod nas spros dang bral ba la/ /nges pa rnyed
pa'i yang dag lta ba dang/ /sbyin sogs rgyal ba'i sras kyi spyod
pa gnyis/ /zung 'brel nyams su len parX/ rgyal ba gnyis pa'i
snyan

rgyud man ngag gis/ /brgyan pa'i gsang chen rim gnyis zab mo'i
lam/ /thun bzhir bsgoms pas zung 'jug rdo rje 'chang/ /myur ba
nyid du thob parX/ bdag nyid chen po gzhan gyis ma thul ba'i/
/dam

rgod 'dul dka'i snyigs dus 'gro ba rnams/ /gang 'dul sprul pas
'bral med rjes bzungs te/ /pha rjes bu yis zin parX/ bdag gi blo
sna chos la phyogs pa dang/ /chos min bsam sbyor ngan pa zhi

ba dang/ /chos dang mthun pa'i 'dod don ma lus pa/ /'bad med
lhun gyis 'grub parX/ mdor na deng nas tshe rabs thams cad dang/
/'di phyi bar do'i gnas skabs thams cad du/ /re sa'i skyabs gnas

@04b bla ma khyed las med/ /thugs rje'i spyan gyis bdag la gzigs
su gsol/ /mgon skyabs bral ba'i nyam thag bdag cag la/ /rje
btsun bla ma'i thugs rjes rab dgongs nas/ /sku dang gsung gi
snang ba 'bral

med du/ /nyams su myong ba'i skal bzang thob par shog /'dis
mtshon dge bas tshe rabs kun tu bdag /thams cad mkhyen pa d+harma
b+ha dra yis/ /dgyes bzhin 'bral med rjes su 'dzin pa dang/ /bka'
bzhin sgrub

pa'i mchod pas mnyes byed shog /skye zhing skye ba dag ni thams
cad du/ /rigs bzang blo gsal nga rgyal med pa dang/ /snying rje
che zhing bla ma la gus pas/ /dpal ldan bla ma'i dam tshig la
gnas shog /skye ba

kun tu yang dag bla ma dang/ /'bral med chos kyi dpal la longs
spyod cing/ /sa dang lam gyi yon tan rab rdzogs nas/ /rdo rje
'chang gi go 'phang myur thob shog /ces rje btsun bla ma thams
cad mkhyen pa d+harma b+ha dra

dpal bzang po la rnam thar gyi sgo nas gsol ba 'debs tshul dngos
grub gru cher g.yo ba'i sprin phung zhes bya ba 'di yang/ bzhad
padma chos sdings rab byung ma tshogs spyi/ pha rnam khrims gling
rab byung ma chos ldan dbang mo/

dad pa dang gtong ba sogs khyim pa'i yon tan gyis phyug pa dbang
'dus tshe ring lags bcas nas rim par nan gyis bskul ba ltar/ rje
btsun bla ma de nyid kyi sku'i dbon por gyur cing chung ngu'i
dus nas thugs rje chen pos spyan gyi 'bras

@05a @#/ /bu bzhin du bskyangs pa'i skal pas ma thob dbyangs can
grub pa'i rdo rjes yongs 'dzin zhes pa chu byi lo'i khrums stong
zla ba'i dmar phyogs bzang po gsum pa'i nyin bzhad dngul chu ri
khrod dga' ldan rtse'i gzim phug

dad gus chen pos bris pa 'dis kyang rje btsun bla ma de nyid
kyis mnyes bzhin rjes su 'dzin par gyur cig /mangga la shri ya
wa dznyantu// //(sde dge'i par rkos tshe ring phun tshogs dang
bstan pa dar rgyas gnyis kyis lhag bsam rnam par dag pas par du
bsgrubs pa dge'o/ zhal gro