@#/ /byang chub lam gyi rim pa shin tu bsdus pa bzhugs//

@01a @#/ /na mo gu ru manydzu g+ho ShA ya/ 'dir lam rim mdor bsdus
nyams su len tshul ni/ gnas gtsang mar rten mchod bshams la legs
par 'khod de/ ga re bdag gis dal 'byor lan

cig thob pa'i skabs 'dir 'khor ba'i gnas la ma chags par ma rgan sems
can thams cad 'khor ba'i gnas na sdug bsngal gsum gyis nyam thag
pa 'di rnams myur du 'khor ba'i btson ra 'di

las bsgral ba'i phyir rdzogs pa'i sangs rgyas kyi go 'phang rin po che
ci nas kyang thob par bya'o/ /snyam pa'i dge sems kyi dang nas/ mdun
gyi nam mkhar ston pa thub pa'i dbang po la/ rtsa brgyud kyi bla

ma yi dam sangs rgyas byang sems nyan rang dpa' bo mkha' 'gro
chos skyong srung ma rnams kyis bskor nas bzhugs par gyur/ (ces
skyabs yul dang)/ rang dang rang gi mtha' skor na gnas pa'i pha ma
sems

@02a @#/ /can thams cad 'khor ba dang ngan song gi sdug bsngal la
'jigs shing skrag nas/ re sa dkod mchog gsum las gzhan na med pas/
dus 'di nas byang chub ma thob kyi bar du skyid  

rung sdug rung dus dang gnas skabs cir gyur kyang dkon mchog
rin po che rnam pa gsum mkhyen no/ /(zhes rgyu gsal btab ste/) rtsa
brgyud bla ma yi dam lha tshogs dang/ /rdzogs sangs rgyas dang dam
chos

dge 'dun tshogs/ /dkon mchog gsum la snying nas skyabs su mchi/
/bdag rgyud smin cing grol bar byin gyis rlobs/ /(zhes lan gang mang
gi mthar/) dkon mchog gsum las bdud rtsi'i rgyun babs

rang gzhan sems can thams cad la thims pas las ngan sdig sgrib
thams cad sbyangs/ dkon mchog gi byin rlabs sems la zhugs nas/ tshe
dang bsod nams lung rtogs kyi yon tan thams cad

@02b rgyas par gyur/ ces skyabs 'gro dang/ sdug bsngal rgya mtshor
bying ba'i 'gro ba rnams/ /bsgral phyir byang chub mchog tu sems
bskyed nas/ /dus gsum bde gshegs sras kyi spyod pa la/ /zhum med
bsam pa thag

pas bslab par bgyi/ /zhes sems bskyed/ skyabs yul rnams smin mtshams
su thim par gyur par bsam mo/ de nas/ mdun gyi nam mkhar seng khri
pad zla nyi ma'i dkyil 'khor gyi gdan la ngo bo rang gi drin can
rtsa ba'i bla ma yin

pa la/ rnam pa rgyal ba shAkya thub pa sku mdog gser bco ma lta bu/
dbu gtsug tor dang ldan pa/ zhal gcig phyag gnyis kyi g.yas sa
gnon dang/ g.yon mnyam bzhag gi steng na bdud rtsis gang ba'i
lhung bzed

bsnams pa/ sku la chos gos ngur smrig gi mdog can gsum mdzes par
gsol ba/ mtshan dpes brgyan pa'i dwangs gsal 'od kyi rang bzhin can/
/sku las skyes pa'i 'od kyi phung po'i dkyil na zhabs gnyis rdo rje skyil

krung gis bzhugs pa/ de nyid kyi mtha' skor du rtsa brgyud kyi bla
ma yi dam sangs rgyas byang sems nyan rang dpa' bo mkha' 'gro
chos skyong srung ma rnams kyis bskor nas bzhugs pa'i spyi bor oM
dkar po/ mgrin par AH

dmar po/ thugs kar hUM sngon po/ lte bar swA ser po/ gsang bar hA
ljang gu 'od zer lnga 'phro ba/ bla ma thub pa'i dbang po'i thugs ka'i
hUM las 'od zer phyogs bcur 'phros pa'i/ rang bzhin gyi gnas nas
bsgoms pa dang 'dra

@03a @#/ /pa'i ye shes pa spyan drangs/ dam tshig pa so so la thims pas
skyabs gnas kun 'dus pa'i bdag nyid du gyur/ (ces tshogs zhing gsal
btab nas)/ ji snyed su dag  /(ces pa nas)/ byang chub phyir bsngo'o//

(zhes pa'i bar gyis yan lag bdun pa dang/ de nas maNDal rgyas bsdus
gang rigs phul te)/ dpal ldan rtsa ba'i bla ma rin po che/ (zhes sogs
tshigs bcad gcig dang)/ rang dang rang gi mtha' skor na gnas pa'i ma
sems can thams cad

kyis mgrin gcig tu gsol ba 'debs par gyur/ sku bzhi'i bdag nyid bla ma
lhag pa'i lha/ (zhes pa nas)/ thub dbang rdo rje 'chang la gsol ba
'debs/ bdag dang ma sems can thams cad 'khor bar skyes nas

yun ring la shugs drag pa'i sdug bsngal sna tshogs pa zhig myong ba
'di/ byang chub lam gyi rim pa'i rtogs pa khyad par can rgyud la ma
skyes pas lan par 'dug pas/ de bdag dang ma sems can thams cad

kyi rgyud la byang chub lam gyi rim pa'i rtogs pa khyad par can skye
bar bla ma lhas byin gyis brlab tu gsol/ zhes gsol ba btab pas spyi bo'i
bla ma lha'i sku'i cha las bdud rtsi sna lnga 'od zer dang bcas pa'i
rgyun

babs/ rang gzhan sems can thams cad kyi lus sems la zhugs pas/ thog
med nas bsags pa'i sdig sgrib thams cad dang/ khyad par byang chub
lam gyi rim pa'i rtogs pa khyad par can rgyud la skye ba la

@03b gegs byed kyi sdig sgrib nad gdon dang bcas pa thams cad
sbyangs/ lus dwangs gsal 'od kyi rang bzhin can du gyur/ tshe dang
bsod nams la sogs pa'i yon tan thams cad 'phel zhing rgyas/ khyad
par byang

chub lam gyi rim pa'i rtogs pa khyad par can rang gzhan gyi rgyud
la skyes par gyur par bsam mo/ /de nas yon tan gzhir gyur ma'i sgo
nas dngos gzhi'i dmigs pa bskyangs rjes/ bla ma rgyal ba shAkya thub
pa la phyag 'tshal

lo mchod do skyabs su mchi'o/ tshar gsum/ zhes gsol ba btab pas spyi
bo'i bla ma lha'i sku'i cha las rang 'dra gnyis par chad nas rang
gzhan sems can thams cad la thim pas thub pa'i dbang po'i skur lam
gyis

gyur pa'i thugs kar zla ba'i dkyil 'khor gyi steng du a dkar po hUM
ser pos mtshan pa'i mthar sngags 'phreng gis bskor bar gyur/ oM mu
ni mu ni ma hA mu na ye swAhA/ (zhes lan mang du bzlas nas)/ dge
ba 'di yis tshe

rabs thams cad du/ /ma nor lam ston theg mchog bshes gnyen gyis/
/'bral ba med par rjes su 'dzin pa dang/ /gsung gi bdud rtsi ngoms med
'thung bar shog /de yi mthu las nges 'byung byang chub sems/

yang dag lta dang phyin drug rim pa gnyis/ /'khor dang bcas pa'i
nyams len mthar phyin te/ /stobs bcu mnga' ba'i go 'phang myur thob
shog /gang tshe theg pa mchog la chos spyod bcus/ /tshul bzhin sgrub
la brtson

@04a @#/ /pa de yi tshe/ /mthu ldan rnams kyis rtag tu grogs byed cing/
/bkra shis rgya mtshos phyogs kun khyab gyur cig /ces brjod par bya'o/
/(zhes pa 'di yang dad dang tshig gtsang ma'i

rgyan ldan mkhar khang lcam dung lags kyi nyams bzhes su)/ dge
slong d+harma b+ha dras bris pas than thogs par gyur cig / sarba
mangga laM// //