@#/ /byang chub lam gyi rim pa bde lam gyi snying po bsdus te bshar
sgom gyi tshul du nyams su len tshul bzhugs so/ /

@01a @##/ /na mo gu ru manydzu g+ho ShA ya/ 'dir byang chub lam gyi
rim pa bde lam gyi snying po bsdus te bshar sgom gyi tshul du nyams
su len tshul la gnyis/

thun dngos dang/ thun mtshams so/ /dang po la gsum/ sbyor ba/
dngos gzhi/ mjug go /dang po la drug las/ dang po ni/ gnas gtsang
mar rten dgram pa'o/ /gnyis pa

ni/ mchod pa bsham pa'o/ /gsum pa ni/ /stan la 'khod nas/ mdun gyi
nam mkhar rin po che'i khri'i steng du bla ma thub pa'i dbang po
dngos brgyud kyi bla ma yi dam

sangs rgyas byang sems nyan rang dpa' bo mkha' 'gro chos skyong
srung ma'i tshogs dang bcas pa bzhugs par gyur/ ces skyabs yul dang/
rang dang rang gi mtha' skor

@02a @#/ /na gnas pa'i pha ma sems can thams cad 'khor ba dang ngan
song gi sdug bsngal la 'jigs shing skrag nas/ re sa dkon mchog gsum
las gzhan na

med pas/ dus 'di nas byang chub ma thob kyi bar du skyid rung sdug
rung dus dang gnas skabs cir gyur kyang dkon mchog rin po che
rnam pa gsum mkhyen no/ /zhes rgyu gsal/ btab

ste/ rtsa brgyud bla ma yi dam lha tshogs dang/ /rdzogs sangs rgyas
dang dang dam chos dge 'dun tshogs/ /dkon mchog gsum la snying
nas skyabs su mchi/ /bdag rgyud smin cing grol

bar byin gyis rlobs/ zhes skyabs 'gro dang/ sdug bsngal rgya mtshor
bying ba'i 'gro ba rnams/ /bsgral phyir byang chub mchog tu sems
bskyed nas/ /dus gsum bde gshegs sras

kyi spyod pa la/ /zhum med bsam pa thag pas bslab par bgyi/ zhes sems
bskyed lan gsum re bya ba'o/ /bzhi pa ni/ mdun gyi nam mkhar 'od 'bar
nor bu'i khrir/ /sna tshogs

@02b pad zla nyi ma'i dkyil 'khor steng/ /bka' drin mnyam med rtsa
ba'i bla ma dang/ /dbyer med ston pa thub pa'i dbang po la/ /brgyud
pa gsum ldan bla ma'i tshogs rnams dang/ /yi dam sangs rgyas

byang sems nyan rang dang/ /dpa' bo mkha' 'gro bstan srung rgya
mtshos bskor/ /gnas gsum rdo rje gsum gyi 'od zer gyis/ /phyogs bcu'i
zhing nas rang rang ye shes pa/ /spyan drangs thim

pas dbyer med gcig tu bzhugs/ /zhes tshogs zhing gsal gdab pa'o/ /lnga
pa ni/ 'dren pa mnyam med ston pa bcom ldan 'das/ /lam bzang gsal
mdzad dngos brgyud bla ma dang//

slu med mchog gsum phyag 'os thams cad la/ /sgo gsum gus pa chen
pos phyag 'tshal lo/ /chu gnyis nyer spyod rol mo 'dod yon sogs/
/dngos bshams yid kyis sprul pa ci yod

dang/ /khyad par bdag lus bran du 'bul lags na/ /thugs rje che mgon
tshogs kyis bzhes su gsol/ /bdag sems dug gsum gdon gyi dbang gyur
pas/ /sgo gsum sgo nas nyes

spyod ci mchis pa/ /thugs rje che ldan rnams kyi spyan sngar bshags/
/bdag gi sdig sgrib dag par mdzad du gsol/ /rang gzhan rnam dkar
dge ba ci yod dang/ /khyad par bdag pas

@03a @#/ /gzhan gces mdzad pa yi/ /rgyal sras rnams kyi rlabs chen
mdzad pa la/ /bsam pa thag pas rjes su yi rang ngo/ /ma rig mun
'thoms srid mtsho nyam nga ru/ /'khyams

shing sdug bsngal mgon med bdag cag la/ /phan bde'i lam bzang yun
du 'doms pa'i phyir/ /'dren pa mchog rnams bskal brgyar bzhugs su
gsol/ /dus gsum rnam dkar dge

ba ci mchis pa/ /nyam thag 'gro ba 'di kun bsgral ba'i phyir/ /rgyal
sras spyod pa rgya mtshor legs bslabs te/ /bla med rdzogs byang myur
du thob phyir bsngo/ /zhes yan lag bdun pas

rgyud sbyang pa'o/ /drug pa ni/ maNDal rgyas pa'am bsdu na/ gser gzhi
lcags ris bskor ba'i snod kyi nang/ /ri gling rin chen gter bum nyi zla
sogs/ /kun bzang mchod pa'i bcud kyis nyer

bskangs te/ /bla ma lha tshogs rnams la dbul bar bgyi/ zhes phul la/
ston pa thub pa'i dbang po byams 'jam dbyangs/ /klu sgrub thogs med
rgyal sras zhi ba lha/ /a ti sha sogs

brgyud pa'i bla ma la/ /gsol ba 'debs so bdag rgyud byin gyis rlabs/
/rgyal bstan spel la rgyal ba rang nyid dang/ /mtshungs par bsngags
'os rje btsun tsong kha pa/ /yab sras brgyud

@03b par bcas pa thams cad la/ /gsol ba 'debs so bdag rgyud byin gyis
rlobs/ /rgyal dang rgyal sras kun gyis ma thul ba'i/ /dmu rgod bdag
cag theg mchog lam bzang la/ /'khrid mdzad zla med drin

can bla ma la/ /gsol ba 'debs so bdag rgyud byin gyis rlabs/ /rtsa
brgyud bla ma yi dam lha tshogs dang/ /skyabs kyi mchog gsum dpa'
bo mkha' 'gro ma/ /mthu ldan bka' srung rgya mtshor bcas pa la

gsol ba 'debs so bdag rgyud byin gyis rlabs/ /zhes gsol ba 'debs pa'o/
/gnyis pa dngos gzhi ni/ mdun du bla ma lha tshogs bsgom bzhin pa'i
ngang nas/ bde legs kun gyi rtsa ba dam pa'i mgon/

tshul bzhin bsten na phan bde kun 'byung zhing/ /gzhan du legs tshogs
rtsa ba 'chad pas na/ /bshes gnyen tshul bzhin bstan par byin gyis
rlobs/ /yongs 'dzin dge ba'i bshes rnams sangs rgyas

dngos/ /yin par shes te de la skyon rtog gi /blo rnams 'gag cing yon
tan phyogs kun dang/ /bka' drin tshad med mthong bar x / /bsam pa
dad dang gus pa drag po yis/ /sbyor ba lus srog longs spyod

thams cad dang/ /khyad par bka' bzhin bsgrub pa'i mchod pa yis/
/mnyes pa 'ba' zhig sgrub par X/ /mi khom dang bral phyi nang mthun
rkyen 'byor/ /so thar zung 'jug par rnams skye bar rung/ /phyi

@04a @#/ /nas rnyed par dka' bas rten 'di la/ /snying po rnam dag len par
X/'chi ba'i dgra ni gdon mi za bar 'ong/ /de yang de ring nyid nas 'ong
srid pas/ /tshe 'di'i mdun ma

spangs te 'chi ba'i tshe/ /phan nges dam chos sgrub par X/thog med dus
nas bsags pa'i las ngan gyis/ /shi nas rang dbang med par ngan song
du/ /skyes tshe myong 'gyur tsha grang la sogs pa'i/ /

bzod dka'i sdug bsngal dran par X 'jigs chen de las skyob pa'i skyabs
mgon gzhan/ /med pas slu med skyabs mchog rin chen gsum/ /snying
nas skyabs su bsten te phra rags kyi/ /

bslab bya rnams la slob par X dkar nag las las 'bras bu bde sdug
gnyis/ /so sor myong bas sdig spong dge la brtson/ /khyad par thog
med nas bsags sdig ltung gi /gnyen por

stobs bzhi bsten par X mngon mtho'i rgyu 'khor bde bas lan gcig
tsam/ /mtho ris go 'phang thob par gyur na yang/ /sdug bsngal rang
bzhin las ni ma 'das pas/ /'khor bar yid 'byung

skye bar; /srid par dbang med mnar bar byed pa po/ /las nyon gnyis
yin las kyang nyon mongs la/ /brten nas 'byung bas dgra bo nyon
mongs pa'i/ /gnyen po 'bad pas bsten par X

@04b las nyon dbang gis 'khor ba'i skye gnas su/ /nying mtshams sbyor
ba'i 'ching ba dam po dang/ /bral na zag med bde ba myong 'gyur bas/
/thar 'dod shugs drag skye bar X srid las grol phyir

bslab pa gsum bsten cing/ /khyad par yon tan rten du bsngags pa yi/
/rab byung tshul khrims tshe rabs thams cad du/ /mig 'bras bzhin du
srung bar X thar pa tsam zhig 'bad pas thob gyur kyang

rang gi don yang rdzogs par mi 'gyur bas/ /don gnyis phun tshogs
sgrub pa'i 'jug ngogs mchog /theg chen lam du 'jug par rang lta
dgra gnyen par ma so so ru/ /snang yang dgra gnyen so

sor ma nges pas/ /ris su bcad nas chags sdang mi byed par/ /kun la
btang snyoms skye bar X 'khor bar 'khyams la thog ma ma mchis pas/
/mngal du skyes pa la yang thog ma med/ /

de phyir sems can thams cad mar gyur pa/ /shes pa'i mar shes skye bar
X ma ru gyur pa'i tshe na tshe 'di'i mas/ /shin tu gces pas ji ltar bskyangs
pa bzhin/ /kun gyis bskyangs pas 'khor

thabs med pa yi/ /drin gyis bskyangs pa dran par X de ltar drin dang
ldan par shes bzhin du/ /yal bar dor na bdag las tha chad su/ /de bas
len du sdug bsngal las bsgral te/ /bde ba

@05a @#/ /mchog la 'god par X drin can ma rnams bde bas phongs pa la/
/bdag gis sus srog longs spyod de dag rnams/ /btang bas 'gro kun bde
ba phun tshogs dang/ /ldan par

gyur cig 'gyur bar X ma rgan 'gro rnams sdug bsngal gyis gzir ba'i/
/sdug bsngal rgyu dang 'bras bur bcas pa kun/ /bdag gis blangs pas
de dag sdug bsngal dang/ /bral bar gyur cig

'gyur bar X 'gro kun zag med bde ba phun tshogs dang/ /ldan zhing
sdug bsngal rtsad nas spangs pa zhig /bdag gis nges par bya'o de
ltar ru/ /myur ba nyid du nus par X rang gzhan don

gnyis lhun gyis grub pa ni/ /yang dag rdzogs pa'i sangs rgyas las
gzhan med/ /de bas sems can kun gyi don gyi phyir/ /de nyid myur du
thob par X bdag dang gzhan gnyis sdug bsngal

mi 'dod cing/ /bde ba 'dod par mtshungs pas bdag bde bar/ /'dod pa
bzhin du gzhan yang bde 'dod pa'i/ /bdag gzhan mnyam par 'dzin par
X bdag nyid gces 'dzin sdug

bsngal kun gyi rgyu/ /gzhan rnams gces 'dzin phun tshogs kun gyi
gzhi/ /phal dang rgyal ba'i khyad par de las 'byung/ /de bas bdag
gzhan brje bar X bdag gi bde dge rgyu 'bras thams

@05b cad dang/ /gzhan gyi sdug bsngal rgyu 'bras ma lus pa/ /rlung
la bskyon pa'i gtong len man ngag gis/ /byang chub sems mchog
'byong pa par X sems bskyed gong du 'phel zhing mi nyams phyir/ /

phan yon dran nas lan drug bskyed pa dang/ /nag chos bzhi spang
dkar chos rnam pa bzhi/ /tshul bzhin 'bad pas bsten par X de ltar
gzhan gyi don du dam bcas pa'i/ /dam bca' myur du mthar phyin

'gyur ba'i phyir/ /'jug sdom blangs te rlabs chen spyod pa la/ /brtson
pa drag pos slob par X sems can kun la lus dang longs spyod dang/
/dus gsum dge rnams rang rang ci 'dod pa'i/ /dngos

por bsgyur te gtong ba'i man ngag gis/ /gtong sems rgya cher spel
bar X so thar la sogs nyes spyod sdom pa'i khrims/ /srog la bab kyang
'dral bar mi byed cing/ /bcas rang kha na ma tho phra ba

la'ang/ /'dzem pa'i bag dang ldan par X mi dang mi min 'byung ba'i
gnod pa sogs/ /mi 'dod sdug bsngal du mas mnar ba la/ /khro dang mi
bzod spangs te las 'bras su/ /mthong nas dang du

len par X gzhan gyi don du byang chub sgrub pa la/ /dka' ba dpag
med bskal pa rgya mtsho ru/ /spyod la zhum dang ngal ba med pa yi/
/go cha chen po bgo bar X dran shes brtan pos bying rgod rnam

@06a @#/ /g.yong sogs/ /bkag ste dmigs par rtse gcig bzhag pa yis/ /shin
sbyangs drangs te lus sems dge ba la/ /mi 'dod bkol tu btub par X
chos rnams kun gyi

yin lugs tshul bzhin du/ /mthong ba'i so sor rtog pa'i shes rab kyis/
/dpyad stobs kyis drangs shin sbyangs kyis zin pa'i/ /lhag mthong zab
mo skye bar X sbyin pas sems can 'khor du

bsdus byas te/ /chos mthun snyan smras dge ba spyod la sbyor/ /rang
yang de dang mthun par sgrub pa yi/ /bsdu bzhis gzhan don sgrub
par X de ltar mthun mong lam gyis brgyud sbyangs te/ /snod du

gyur tshe mtshan ldan slob dpon las/ /gsang chen bla na med pa'i theg
mchog la/ /'jug sgo dbang gzhi nod par X de tshe mnos pa'i dam tshig
sdom pa rnams/ /bsrungs na dngos grub bde blag 'grub

pa dang/ /ma bsrungs dmyal bar sreg la nges rnyed nas/ /srog las
gces par srung bar X tha mal 'chi ba par do skye ba gsum/ /sbyangs te
lam dang 'bras bu'i dus gnyis kyi/ /chos longs sprul

gsum myur du bsgrub byed pa'i/ /rim pa dang po skye bar X las rlung
thams cad snying ga'i mi shigs par/ /bstim las sgyu lus 'od gsal zung
du 'jug /mngon du gyur pa'i rim pa gnyis pa'i

@06b lam/ /spyod dang bcas pa rdzogs par X dbang po'i gzhu ltar
dwangs pa'i rdo rje'i sku/ /sgrib bral lhan skyes bde stong dbyer med
thugs/ /gcig tu tshogs pa'i zung 'jug rdo rje 'chang/ /bde

blag nyid du thob par byin gyis rlobs/ zhes bshar bsgom bya'o/ /gsum
pa mjug ni/ /skyabs gnas kun 'dus bla ma lhag pa'i lha/ /thub dbang
rdo rje 'chang la gsol ba 'debs/ /lus ngag yid

la sku gsung thugs zhugs la/ /myur du khyed rang lta bur byed gyis
rlobs/ /zhes gsol ba btab pas/ tshogs zhing rnams thub pa'i dbang po
la thim zhing/ thub pa'i dbang po yang rang la thim

pas rang nyid thub pa'i dbang por gyur pa'i thugs kar zla gdan la
sa bon sngags phreng dang bcas pas mtshan par gyur/ oM mu ne mu
ne ma hA mu ne ye swA hA/ zhes bzlas rjes/ 'dis mtshon dge

bas tshe rabs thams cad du/ /dal 'byor rten thob dam pa'i mgon gyis
zin/ /bstan pa'i sgor zhugs rab byung tshul khrims mchog/ /mig gi 'bras
bu bzhin du srung bar shog /rig gnas spyi dang khyad

par nang don rig /gsung rab spyi dang khyad par theg chen chos/
/mdo sngags spyi dang khyad par bla med kyi/ /rgyud sde rnams la
thos bas ca ? / byed par shog /'dul ba nas bzung dpal ldan 'dus pa'i
bar/ /

@07a @#/ /thos bsam nyams len so sor mi 'byed par/ /kun kyang rdzogs
byang thob pa'i cha rkyen du/ /nyams su blang bya'i chos su go bar
shog /gsung rab gdams par shar tshe blor

'tshams pa/ /da lta nyid nas lag tu len pa dang/ /gzhan dag smon yul
byas te legs skyong ba'i/ /gnad la mkhas pas nyams su len par shog
/rang la tshul khrims kha ton thos bsam sogs

yon tan ji ltar yod kyang gzhan dag la/ /mngon mtshan chung zhing
rlom sems mi byed par/ /shin tu gsang nas lam du slong bar shog
/rang nyid mkhas dang nyams len yod pa ru/ /gzhan

gyis mthong nas bstod bkur rnyed pa 'bul/ /bsngags pa brjod sogs
bdud kyi bslu brid kyis/ /thos bsam sgom la bar chad med par shog
/mdor na blo bzang rgyal ba'i ring lugs la/ /tshul

bzhin sgrub pa snying por legs byas te/ /ma rnams don du rdzogs pa'i
sangs rgyas kyi/ /go 'phang dam pa myur du thob gyur cig /ces bsngo
smon bya'o/ /gnyis pa thun mtshams ni/ 'greng 'chag

nyal 'dug gi spyod lam thams cad du dran shes bag dang ldan pas
lam gyi rim pa brgyud la skye ba'i gegs sel bogs 'don la bslab ba'o/
/zhes byang chub lam gyi rim pa bde lam gyi

@07b snying po bsdus te bshar sgom gyi tshul du nyams su lan tshul 'di
yang/ rje ngag dbang blo bzang chos ldan dang/ yongs 'dzin ye shes
rgyal mtshan sogs kyi man ngag ji lta ba bzhin du byas te/

dge slong d+ha rma b+ha dras rang nyid kyi nyams len du sbyar ba'o/
/'dis kyang bstan pa la phan par gyur cig /dge'o/ /