@#/ /lam gyi gtso bo gsum gyi 'khrid yig skal ldan 'jug ngogs sogs
bzhugs/ /

@01b @##/ /na mo gu ru mandzu g+ho ShA ya/ lam gyi gtso bo gsum gyi
zab mo'i 'khrid/ /nyams su len pa'i skal ldan sgrub pa pos/ /gnas khang
byi dor byas la rten gsum

dgram/ /mchod pa g.yo med bkod pa mdzes par gsham/ /bde ba'i stan
la chos bdun ldan 'khod nas/ /kun slong bcos shing sems bskyed
gsal btab ste/ /mdun gyi nam

mkhar dpag bsam sdong po'i steng/ /seng khri padma nyi zla'i dkyil
'khor la/ /rtsa bla'i bla ma kun mkhyen tsong kha pa/ /thugs kar
thub dbang rdo rje 'chang chen dang/ /mtha' skor bla ma yi

dam sangs rgyas dang/ /byang sems nyan rang mkha' 'gro chos
skyong bzhugs/ /rang gzhan sems can sdug bsngal rgya mtsho las/
/bla ma dkon mchog gsum gyis bsgral du

@02a @#/ /gsol/ /bla ma yi dam dkon mchog rnam gsum la/ /byang chub
snying po'i bar du skyabs su mchi/ /'gro kun don du sangs rgyas thob
bya'i phyir/ /lam gtso gsum gyi

zab khrid bsgom par bgyi/ /sems can thams cad nye ring chags sdang
dang/ /bral nas khyad par 'phags pa'i bde ba thob/ /bzod dka'i sdug
bsngal rgya mtsho las bsgral te/ /

thar pa dam pa'i bde dang 'bral ma gyur/ /tshogs zhing sngar bzhin
gsal ba'i gnas gsum du/ /oM AH hUM gis mtshan pa'i hUM 'od kyis/ /ye
shes pa rnams spyan drangs tshogs

zhing la/ /thim pas skyabs gnas kun gyi bdag nyid gyur/ /skyabs gsum
kun 'dus 'jam mgon blo bzang grags/ /rtsa brgyud bla ma yi dam
dkon mchog gsum/ /mkha'

@02b 'gro chos skyong srung ma'i tshogs rnams la/ /bdag cag sgo
gsum gus pas phyag 'tshal lo/ /dngos bshams yid sprul mchod pa ma
lus 'bul/ /thog med nas bsags sdig ltung thams cad bshags/ /

dge la yi rang bskul zhing gsol ba 'debs/ /'dis mtshon dge ba byang
chub chen por bsngo/ /bde stong lhan cig skyes pa'i ye shes kyi/
/gzung rnams phung khams skye mched las byung ba'i/ /ri gling

rin chen gter bum nyi zlar bcas/ /skyabs mgon thugs rje'i gter la
dbul bar bgyi/ /spro na maNDal rgyas pa 'bul/ bla ma dkon mchog
gsum la gsol ba 'debs/ /phyin ci log gi

blo kun 'gag pa dang/ /yang dag lam bzang bde blag myur skye
zhing/ /gegs med mtha' ru phyin par byin gyis rlobs/ /spro na/ mkhyen
pa'i srid pa'i 'ching ba mthar mdzad cing/ /thugs rjes zhe la

dga' ba ring du dor/ /srid zhi'i mtha' la mi gnas srid zhi'i mgon/ /rgyal
ba rdo rje 'chang la gsol ba 'debs/ /rab 'byams zhing gi rdul snyed
las 'das pa'i/ /grangs med rgyal ba rnams

kyi mkhyen pa'i gter/ /mtha' yas gcig tu bsdus pa'i ye shes sku/ /mgon
po 'jam pa'i dbyangs la X/ rlabs chen smon lam ring nas btab pa'i
mthus/ /rje btsun 'jam dbyangs nyid kyis

@03a @#/ /mngon sum du/ /the tshom dra ba mtha' dag bsal gyur pa/ /dpa'
bo rdo rje'i zhabs la X/ bden gnyis gnas tshul rigs pas legs rtogs shing/
/thabs shes zung 'brel nyams su

blangs pa'i mthus/ /sku gsum mngon du gyur pa'i tsong kha pa/ /blo
bzang grags pa'i zhabs la X/ rje btsun 'jam pa'i dbyangs kyi bka' grub
pas/ /mdo rgyud rgya mtsho'i dpal la dbang bsgyur zhing/ /blo bzang
chos

kyi mdun sa mdzes pa'i rgyan/ /'jam dpal rgya mtsho'i zhabs la X/ dge
legs rab dkar tshogs gnyis goms pa'i mthus/ /dpal ldan sku bzhi'i go
'phang mchog brnyes kyang/ /bzang po'i mdzad pas

gdul bya mi 'dor ba'i/ /dpal ldan bla ma'i zhabs la X/ rab 'byams chos
kyi dgongs don 'byed pa la/ /mkhas mang dbus na rgyal mtshan tog
ltar mdzes/ dpal ldan klu sgrub gnyis pa chos kyi rje/ /bzang

po'i mtshan can zhabs la X/ rgyal ba kun gyis gsungs pa'i chos rnams
kyi/ /bcud rnams bsdus nas nyams su blangs pa'i mthus/ /tshe gcig nyid
la rdo rje'i sku brnyes pa/ /'chi med rnal 'byor mchog la X

dpal ldan bla ma bde chen dngos grub kun/ /kun la sbyin mdzad blo
bzang rdo rje 'chang/ /skyabs gsum kun 'dus rje btsun sprul pa'i sku/
/blo bzang don grub zhabs la X/ sngon tshe thugs bskyed smon lam
grub

@03b pa'i mthus/ /da lta blo bzang bstan pa'i snying po 'dzin/ /dgag
sgrub spang blangs bral ba'i rnal 'byor pa/ /sangs rgyas ye shes zhabs
la X/ dge legs yon tan ma lus 'byung ba'i gnas/ /dri med blo bzang
bstan pa'i

khang bzang cher/ /chos kyi rgyal mtshan 'dzin pa'i dpal yon can/
/dpal ldan bla ma'i zhabs la X/ dkon mchog gsum gyi mkhyen brtse
gcig bsdus pa'i/ /rgyal ba gnyis pa'i lung rtogs dam chos kyi/ /bshad
sgrub

rgyal mtshan 'dzin pa'i mchog gyur pa/ /yongs 'dzin dam pa'i zhabs la
X/ blo gros yangs pa'i skal bzang gdul bya'i tshogs/ /gtsug na bsod
nams ye shes 'bras bu yis/ /legs dung rlung gi rgyal

mtshan ltar bkra ba/ /dpal ldan bla ma'i zhabs la X/ ngag gi dbang
phyug rje btsun tsong kha pa'i/ /mdo sngags legs bshad chos kyi
rgya mtsho che/ /byams pas 'gro la spel ba'i snying stobs can/ /bka' drin
mtshungs

med zhabs la X/ blo bzang rgyal ba'i ring lugs padmo'i tshal/ /dpal
ldan ye shes 'od kyis rgyas mdzad pa'i/ /ris med 'gro ba'i 'dren pa kun
gyi gtso/ /rje btsun bla ma'i zhabs la X/ 'jam mgon sgyu 'phrul

blo bzang grags pa yi/ /mdo sngags bstan pa'i rgyal mtshan 'dzin pa la/
/mkhas mang dbus na 'gran pa'i zla bral ba/ /dpal ldan bla ma'i zhabs
la X/ skyabs gsum kun 'dus bla ma rdo rje 'chang/ /gang

@04a @#/ /la gang 'dul bshes gnyen tshul bzung nas/ /mchog dang thun
mong dngos grub stsol mdzad pa'i/ /drin can bla ma rnams la gsol
ba 'debs/ /'jig rten 'jig rten 'das pa'i dge legs

kyi/ /yon tan kun gyi rtsa ba drin can rje/ /yid la dran pa tsam gyis
dus kun tu/ /mos gus rtsol med skye bar byin gyis rlobs/ /'dod chung
chog shes zhi zhing dul bar gnas/ /snying nas thar pa don gnyer
gsong

por smra/ /bag yod la sbyor grogs mchog sten byed cing/ /dag snang
phyogs med skye bar X/ 'chi bar nges shing nam 'chi cha med pa/ /tshig
tsam min par dran nas long med dang/ /rnyed bkur chos la gting
nas

zhen log ste/ /dgos med rgyud la skye bar X/ lus can mtha' dag drin
can mar shes pas/ /nyam thag rnams kyi sdug bsngal dran gyur nas/
/rang bde 'ba' zhig bsgrub las yid log ste/ /snying rje rtsol med

skye bar X/ mthar 'dzin nad kun sel ba'i sman gcig pu/ /zab mo rten
'brel mtha' dang bral ba'i don/ /'phags mchog klu sgrub yab sras
dgongs pa dag /ji bzhin khong du chud par byin gyis rlobs/ /

dngos gzhi ni/ rje rin po che'i zhal gdams lam gtso'i don 'chad pa la
gsum/ klad kyi don/ gzhung gi don/ mjug gi don no/ /dang po la
gsum/ mchod par brjod pa/ brtsam par dam bca' ba/ mnyan

@04b par bskul ba'o/ /dang po mchod par brjod pa ni/ rje btsun bla ma
rnams la phyag 'tshal ba'o/ /zhes pa'o/ /gnyis pa brtsam par dam bca'
ba ni/ rgyal ba'i gsung rab kun gyi snying po'i don/ /rgyal sras dam
pa rnams

kyis bsngags pa'i lam/ /skal ldan thar 'dod rnams kyi 'jug ngogs de/
/ji ltar nus bzhin bdag gis bshad par bya/ /zhes pa'o/ /gsum pa mnyan
par bskul ba ni/ gang dag srid pa'i bde la ma chags

shing/ /dal 'byor don yod bya phyir brtson pa yis/ /rgyal ba dgyes pa'i
lam la yid rton pa'i/ /skal ldan de dag dang ba'i yid kyis nyon/ /zhes
pa'o/ /gnyis pa gzhung gi don la gnyis/ rgyas par bshad pa

dang/ don bsdus te gdams pa'o/ /dang po la gsum/ nges 'byung bshad
pa/ byang chub kyi sems bshad pa/ yang dag pa'i lta ba bshad pa'o/
/dang po la gsum/ nges 'byung bskyed dgos pa'i rgyu mtshan/ nges

'byung skyed pa'i thabs/ nges 'byung skyes pa'i tshad do/ /dang po nges
'byung bskyed dgos pa'i rgyu mtshan ni/ rnam dag nges 'byung med par
srid mtsho yi/ /bde 'bras don gnyer zhi ba'i thabs med la/ /srid la brkaM

pa yis kyang lus can rnams/ /kun nas 'ching phyir thog mar nges
'byung btsal/ /zhes pa'o/ /gnyis pa nges 'byung skyed pa'i thabs la
gnyis/ tshe 'di'i snang shas ldog thabs dang/ phyi ma'i snang shas ldog

@05a @#/ /thabs so/ /dang po tshe 'di'i snang shas ldog thabs ni/ dal 'byor
rnyed dka' tshe la long med pa/ /yid la goms pas tshe 'di'i snang shas
ldog /ces pa'o/ /gnyis pa phyi ma'i snang shas ldog

thabs ni/ las 'bras mi bslu 'khor ba'i sdug bsngal rnams/ /yang yang
bsams na phyi ma'i snang shas ldog /ces pa'o/ /gsum pa nges 'byung
skyes pa'i tshad ni/ de ltar goms pas 'khor ba'i phun

tshogs la/ /yid smon skad cig tsam yang mi skye zhing/ /nyin mtshan kun
tu thar pa don gnyer blo/ /byung na de tshe nges 'byung skyes pa lags/
/zhes pa'o/ /gnyis pa byang chub kyi sems bshad pa la gnyis/

byang chub kyi sems bskyed dgos pa'i rgyu mtshan dang/ byang chub
kyi sems skyed pa'i thabs so/ /dang po byang chub kyi sems bskyed
dgos pa'i rgyu mtshan ni/ nges 'byung de yang rnam dag sems bskyed
kyis/ /

zin pa med na bla med byang chub kyi/ /phun tshogs bde ba'i rgyu ru
mi 'gyur bas/ /blo ldan rnams kyis byang chub sems mchog bskyed/
/ces pa'o/ /gnyis pa byang chub kyi sems skyed pa'i thabs ni/ shugs

drag chu bo bzhi yi rgyun gyis khyer/ /bzlog dka' las kyi 'ching ba
dam pos bsdams/ /bdag 'dzin lcags kyi dra ba'i sbubs su tshud/ /ma rig
mun ba'i smag chen kun nas 'thibs/ /mu med srid par

@05b skye zhing skye ba ru/ /sdug bsngal gsum gyis rgyun chad med
par mnar/ /gnas skabs 'di 'drar gyur pa'i ma rnams kyi/ /ngang tshul
bsams nas sems mchog bskyed par mdzod/ /ces pa'o/ /gsum pa

yang dag pa'i lta ba bshad pa la lnga/ yang dag pa'i lta ba bskyed
dgos pa'i rgyu mtshan/ yang dag pa'i lta ba ngos gzung ba/ yang dag
pa'i lta ba'i gol sa bshad pa/ yang dag pa'i lta ba skyes pa'i tshad/

yang dag pa'i lta ba'i khyad chos so/ /dang po yang dag pa'i lta ba
bskyed dgos pa'i rgyu mtshan ni/ gnas lugs rtogs pa'i shes rab mi ldan
na/ /nges 'byung byang chub sems la goms byas kyang/ /srid pa'i rtsa

ba gcad par mi nus pas/ /de phyir rten 'brel rtogs pa'i thabs la 'bad/
/ces pa'o/ /gnyis pa yang dag pa'i lta ba ngos gzung ba ni/ gang zhig
'khor 'das chos rnams thams cad kyi/ /rgyu 'bras nam yang bslu ba

med mthong zhing/ /dmigs pa'i gtad so gang yin kun zhig pa/ /de ni
sangs rgyas dgyes pa'i lam la zhugs/ /zhes pa'o/ /gsum pa yang dag pa'i
lta ba'i gol sa bshad pa ni/ snang ba rten 'brel bslu

ba med pa dang/ /stong pa khas len bral ba'i go ba gnyis/ /ji srid so
sor snang ba de srid du/ /da dung thub pa'i dgongs ba rtogs pa med/
/ces pa'o/ /bzhi pa yang dag pa'i lta ba skyes pa'i tshad ni/ nam zhig

@06a @#/ /res 'jog med par cig car du/ /rten 'brel me bslur mthong ba
tsam nyid nas/ /nges shes yul gyi 'dzin stangs kun 'jig na/ /de tshe lta
ba'i dpyad pa rdzogs pa lags/ /zhes pa'o/ /

lnga pa yang dag pa'i lnga ba'i khyad chos ni/ gzhan yang snang bas
yod mtha' sel ba dang/ /stong pas ming mtha' sel zhing stong pa
nyid/ /rgyu dang 'bras bur 'char ba'i tshul shes na/ /mthar 'dzin lta bas

'phrog par mi 'gyur ro/ /zhes pa'i/ /gnyis pa don bsdus te gdams pa ni/
de ltar lam gyi gtso bo rnam gsum gyi/ /gnang rnams rang gis ji
bzhin rtogs pa'i tshe/ /dben pa bsten te brtson 'grus

stobs bskyed nas/ /gtan gyi mdun ma myur du sgrubs shog bu/ /zhes
pa'o/ /gsum pa mjug gi don ni/ zhes pa 'di ni mang du thos pa'i dge
slong blo bzang grags pa'i dpal gyis/ tsha kho dbon po

ngag dbang grags pa la gdams pa'o/ /zhes pa'o/ /mjug tu/ 'jam mgon
bla ma lha yi tshogs rnams kyis/ /de 'dra'i rtogs pa skye bar byin gyis
rlobs/ /de ltar gsol ba btab pas tshogs zhing

rnams/ /gtso bor thim zhing gtso bo'ang rang la thim/ /rang nyid rje
btsun 'jam dbyangs su gyur pa'i/ /sku las 'od 'phros snod bcud ma dag
sbyangs/ /gzhal yas khang dang 'gro kun 'jam dbyangs su//

@06b gsal ba'i thugs kar sngags 'phreng bkod de bzla'o/ /oM a ra
pa tsa na d+hiH dge 'dis mtshon nas dus gsum dang 'brel ba'i/ /bdag
gzhan dge ba'i rtsa ba ji snyed pa/ /de dag thams cad skye zhing skye
ba ru/ /byang

chub mchog gi rjes su mi mthun pa'i/ /shes kyi kha 'dod pa dang grags
pa dang/ /'khor dang longs spyod rnyed dang bkur sti'i rgyur/ /skad
cig tsam yang nam yang ma smin par/ /bla med byang chub kho na'i
rgyur gyur cig

rmad byung sras bcas rgyal ba'i byin rlabs dang/ /rten 'brel bslu ba
med pa'i bden pa dang/ /bdag gi lhag bsam dag pa'i mthu stobs kyis/
/rnams dag smon pa'i gnas 'di 'grub par shog / blo bzang rdo rje

'chang chen tsong kha pa'i/ /snyan rgyud man ngag snying po
mthar thug pa/ /zab lam bla ma lha yi rnal 'byor gyis/ /don gnyis
lhun gyis grub pa'i bkra shis shog /thun mtshams rnams su'ang lam
rim lta rtog dang/

gsag sbyang bya zhing dran shes bag yod pas/ /dbang po'i sgo sdom
zas dang nyal ba yi/ /rnal 'byor sogs la brtson pas don ldan bya'o/
/zhes pa 'di yang yongs 'dzin paNDi ta/ khri gung thang pa/ dbyangs

can sgeg pa'i blo gros sogs kyi 'khrid yig dang/ bla ma dam pa'i zhal
gyi man ngag la brten nas rd+harma b+ha dras sbyar ba'o/ / @#/ /ting nge
'dzin gyi dbang bzhi len tshul mthun mong ma yin pa ni/ bla ma lhag

@07a @#/ /pa'i lha yi thugs ka nas/ /yum bzhis rigs lnga'i rang bzhin
bdud rtsi'i chu/ /thogs te spyi bo'i gtsug nas dbang bskur bas/ /bum
pa'i dbang thob spral sku'i sa bon bzhag /bla ma yab

yum snyoms par zhugs pa'i sgras/ /sangs rgyas spyan drangs byang
sems ngo bor zhu/ /sbyor mtshams nas 'od dkar dmar byang chub sems/
myang pas gsang dbang thob cing longs sku 'grub/ /bla ma'i yum

las rang 'dra gnyis pa zhig /chad de rang gi yum la thim pa la/ /'du
shes gsum ldan snyoms 'jug rol pa las/ /sher dbang thob cing chos
sku'i sa bon bzhag /bla ma'i zhal nas zung 'jug bRda

sprang pas/ /tshig dbang thob cing sku bzhi'i sa bon bzhag /ces ces pa
ltar ro/ /a d+hamb+ha' d+harma b+hra ti na kho/ / //